شىنجاڭ كوماندىسىنىڭ غەلبسسى [فىلىم]

چىمبۇلاق

	10 - ئاۋغۇست شىنجاڭ تەنتەربىيە مەركىزى پۇتبۇل مەيدانىدا ئېلىپ بېرىلغان جوڭگۇ پۇتبۇلچىلار بىرلەشمىسى 2012- يىللىق ب دەرىجىلىك كوماندىلار مۇسابىقسى 16- ئايلانمىسىدا شىنجاڭ كوماندىسى ئۆز مەيدانىدا شەنشى جىيايى كوماندىسىنى كۈتىۋالدى . شىنجاڭ كوماندىسى بۇرۇن مىھمان مەيداندا شەنشى كوماندىسى بىلەن تەڭلىشىپ قالغان بولۇپ ، بۈگۈنكىدەك ھالقىلىق ۋاقىتلار يەنى شىمالىي رايۇن بويىچە ئالدىنقى 4- دەرىجىدىكى ئورۇنىنى مۇقۇملاشتۇرىدىغان موھىم مۇسابىقىدە شىنجاڭ كوماندىسى ئەزالىرى پۈتۈن كۈچىنى چىقىرىپ ئەمەلىي كۈچى تەڭ دەرىجىدىكى شەنشى جىيايى كوماندىسى بىلەن بىر مەيدان تولىمۇ شىددەتلىك ھوجۇملار ، ئېسىل كۆرۈنۈشلەر بىلەن تولغان مۇسابىقىنى تاماشىبىنلارغا سوۋغا قىلدى . تاماشىبىنلار ۋە توپ كىرگەن كۆرۈنۈش: مۇسابىقە باشلىنىپ خېلى بىر مەزگىلگىچە شىنجاڭ كوماندىسى ئۈنۈملۈك ھوجۇملارنى تەشكىللىدى ، كوماندىمىزنىڭ ماھىرلىرى قارشى تەرەپ ۋاراتارىغا بىر نەچچە ھالقىلىق توپلارنى تەپتى ، قارشى تەرەپ ئەزالىرى بوي جەھەتتە شىنجاڭ كوماندىسىدىن ئۈستۈن ئورۇندا تۇرغاچقا مۇداپىيەچى ئەزالىرى خېلى كۈچلۈك ھۇجۇملارنى تارمار قىلالىدى . ئەمما كوماندا كاپىتانى پەرھاتنىڭ 18- نۇمۇرلۇق ماھىر مەخمۇتجانغا چۈشۈرۈپ بەرگەن توپىنى ئۇلارنىڭ مۇداپىيەچىلىرى كونتىرۇل قىلالمىدى ، پۇرسەتنى چىڭ تۇتقان ، ئالدىنقى مەيدانلاردا 2 توپ ئۇرۇپ ئۆزىنى نامايەن قىلغان ئوڭ بېك مەخمۇتجان ۋاراتارنىڭ ئالدىغا بۇ توپنى چىرايلىق چۈشۈرۈپ بەردى ، كوماندىمىزنىڭ تەجىربىلىك ئەزاسى ئەسقەر ئورۇننى ياخشى تاللاپ ۋاراتارغا توپنى ئۈسسۈك كىرگۈزدى ، خېلىدىن بېرى توپ كىرگۈزمىگەن ئەسقەر تولىمۇ ھاياجانلىنىپ مەيداننى ئايلاندى .... بۇ مېنۇتلار بەك ھاياجانلىق بولدى . كېيىنكى يېرىم مەيداندا كوماندىنىڭ سېپىدە بىر ئاز قالايمىقانچىلىق يۇز بەردى ، قارشى تەرەپ بۇ ئاجىزلىقنى تۇتىۋىلىپ خېلىلا كۈچلۈك ھۇجۇملارنى تەشكىللىدى ، ئەمما مۇداپىيەچى ماھىرلىرىمىزنىڭ ماھارىتى ھەمدە ۋارتا ئىرجاتنىڭ پۈتۈن كۈچى بىلەن چىڭ تۇرىشى بىلەن نۇرغۇن خەتەرلىك توپلار توسۇپ قېلىندى . ۋاراتار ئىىرجاتنىڭ تۈنۈگۈنكى ئىپادىسى بەك قالتىس بولدى ، ناھايىتىمۇ خەتەرلىك بولغان 3 توپنى توسىۋالدى . كېيىنكى مەيداندا ھەر ئىككى تەرەپ تىرىشقان بولسىمۇ ئەمما توپ كىرگۈزەلمىدى ، شۇنداق قىلىپ شىنجاڭ كوماندىسى ئۆز مەيدانىدا شەنشى كوماندىسىنى يېڭىپ 3 نۇمۇر ئېلىپ ئومۇمى نۇمۇرى 28 نۇمۇر بولدى ، ھازىرقى دەرىجىسى يەنىلا4 - ئورۇندا . بىز شىنجاڭ كوماندىسىنىڭ بۇندىن كېيىن داۋاملىق تىرىشىپ ئەڭ ياخشى نەتىجىلەرنى قولغا كەلتۈرۈشىنى ئۈمىد قىلىمىز ! ئالدىنقى يېرىم مەيدان مۇسابىقە : كېيىنكى يىرىم مەيدان مۇسابىقە : 5- باشلانغۇچ مەكتەپ كوماندىسى (بۇ يىللىق مەملىكەتلىك چىمپىيۇن) ئەزالىرى ۋە تېرىنىر يارمۇھەممەت مۇئەللىم

Tughrul

	ئەزىمەتلىرىمىزنىڭ تىرىشچانلىقىغا تەشەككۇر ! ئەزىمەتلىرىمىزنىڭ بۇندىن كېيىنكى مۇسابىقىلىرىنىڭ ئۇتۇقلۇق ھەم غەلبىلىك بولۇپ ، مىللىتىمىزنى جۇڭگۇغا ھەم دۇنياغا تۇنۇتۇش ئۈچۈن تىرىشىشىنى ئۈمىد قىلىمەن ! سىلەردىن پەخىرلىنىمىز قېرىنداشلار .

بۇۋاي

	تېخى غەلبە ئالدىمىزدا.....پەقەت ئەزىمەتلىرىمىز مەغرۇرلىنىپ كەتمىسلا......

rinatcn

	توپ مەستانلىرىنىڭ كىيىمى بەك چىرايلىق ئىكەن ....ئەزىمەتلىرىمىز داۋاملىق تىرىشىپ ياخشى نەتىجىلەرگە ئىرىشكەي

شرئەلى118

	شىنجاڭ كۇماندىسىدا خەنزۇدىن بىرسى باكەن ھە ؟

شرئەلى118

	ھۇررا !!!!!!!!!!!!!!!!!!!!!!!!!!!!!!!!  شىنجاڭ !!!!!!!!!!

چىمبۇلاق

	شرئەلى118 يوللىغان ۋاقتى  2012-8-11 03:01 PM شىنجاڭ كۇماندىسىدا خەنزۇدىن بىرسى باكەن ھە ؟ شىنجاڭ كوماندىسىدا ئۇيغۇر ، قازاق ، خەنزۇ قاتارلىقلار بار . خەنزۇدىن ئاساسلىق ئەزالاردىن 36- نۇمۇر شۈۋەنچۈەن ، 19 - نۇمۇر جاڭيەنجۈن ، 17- نۇمۇر شۈۋەنچۈەنلەر بار ، لېكىن ئۇلارنىڭ ئوينىشى ھەقىقەتەن ياخشى . يىگىتلىرىمىز بىلەن بىرلىكتە مەشىق قىلىپ بىزنىڭ بالىلارنىڭ ئۇسلۇبىنى خېلى ئۈگىنىپ قالدى

uyghur05

	مۇسابىقە باشلىنىپ 33 مىنۇت بولغاندا تۇنجى توپنى تېپىپ كىرگۈزۈپ پۈتۈن مەيداننى جانلاندۇردى . ئەمما ئاخىرىغا بارغاندا بۇلارنىڭ ئوينىشى ھەممەيلەننى ئەنسىرتىپ قويدى.   نېمىلا دىگەن بىلەن يېڭىۋالدى . بۇنىڭ ئۆزىلا بىر چوڭ غەلبە.ئەزىمەتلىرىمىزنىڭ مۇشۇ بويىچە غەلبە سېرى ئىلگىرلىشىنى ئۈمىد قىلىمىز.