ماشىنا،يۇقىرى سۈرئەتلىك تاشيولى ۋە مەن

apsana-977

	ماشىنا،يۇقىرى سۈرئەتلىك تاشيولى ۋە مەن ماي تەپكىسىنى كۈچەپ باسىمەن. يۇقىرى سۈرئەتلىك تاشيولدا ئەڭ يۇقىرى سۈرئەت بىلەن كېتىۋاتقان ماشىنىنىڭ شىددەتلىك ھاياجانلىرى- مېنىڭ ھاياجىنىم! ماي تەپكىسىنى كۈچەپ باسىمەن. كۆز جىيەكلىرىم كېڭىيىپ، ۋۇجۇدۇمنى قۇرقۇنچ ۋە تەشۋىش ئىگىلەپ يۈرىكىمنىڭ دەھشەتلىك دۈپۈلدەشلىرىگە ئەگىشىپ سېنى بۇرۇنمۇ، ھازىرمۇ، كېيىنمۇ شۇنداق چوڭقۇر مۇھەببەت بىلەن مەڭگۈ ياخشى كۆرىدىغانلىقىمنى ھېس قىلىمەن. ماي تەپكىسىنى كۈچەپ باسىمەن. نۇر ۋە زۇلمەتكە تولغان بۇ رەھىمسىز دۇنيادا سانسىزلىغان ئادەملەرنى ئويلايمەن. ئۆزۈمنىڭ كىملەرنى ياخشى كۆرۈپ، يەنە كىملەردىن قانچىلىك نەپرەتلىنىۋاتقانلىقىنى ھېس قىلىمەن. ماي تەپكىسىنى كۈچەپ باسىمەن. بىردىنلا قەلبىمنى ئاخىرلىشىش تۇيغۇسى چىرمىۋالدى. بارلىق تىرىشچانلىقلىرىم بارلىق ئۇرۇنۇشلىرىمنىڭ ھەممىسى بىكاردەك، زېرىكىش، بۇرۇقتۇملۇققا تولغان بۇ تۇرمۇشىمنىڭ ھېچقانداق مەززىسى يوقتەك، ‹ئۆلۈم› دىن ئىبارەك بۇ قۇرقۇنچلۇق ھەم دەھشەتلىك تاللاشنىڭ دۇنيادىكى ئەڭ توغرا بىردىنبىر تاللاش ئىكەنلىكىنى ھېس قىلىمەن. ماي تەپكىسىنى كۈچەپ باسىمەن. ماشىنىنىڭ يۇقىرى سۈرئەتلىك تاشيولدا ماڭا ئاتا قىلغان شىددەتلىك ھاياجانلىرى شېئىر يازغاندىكى ھاياجان بىلەن نەقەدەر ئوخشاش! ئەي، خەلق! ئەي،قولىغا قەلەم ئالغۇچى! شېئىر يازساڭ شۇنداق ياز! ماي تەپكىسىنى كۈچەپ باسىمەن. ئېچىنىشلىق بىر قېتىملىق قاتتىق سوقۇلۇش يۈز بەرسە-ھە! ئۇ چاغدا... سېنى توختىماستىن ئويلايدىغان، سەن ۋە ساڭا مۇناسىۋەتلىك سانسىزلىغان ئازاپلىق  ئەسلىمىلەرگە لىق تولغان بۇ سېسىق كاللام كۇكۇم تالقان بۇلۇپ كەتسە... سېنى كۆرۈش ئۈچۈنلا يارىتىلغان، بىراق بىر قېتىممۇ سېنى قانغۇدەك كۆرۈۋېلىش شەرىپىگە مۇيەسسەر بولالمىغان بۇ بىچارە لەنىتى كۆزلىرىم قۇيۇلۇپ كەتسە... ساڭا ئاتاپ توختىماستىن خەت يازىدىغان، ساڭا ئاتاپلا شېئىر يازىدىغان بۇ گۇناھكار قوللىرىم سۇنۇپ پارە-پارە بۇلۇپ كەتسە... يەنە .. يەنە ساڭا قاراپ ماڭىدىغان ئاسىي پۇتۇم، سېنى سۆزلەۋاتقان شەرمەندە ئېغىزىم... ماي تەپكىسىنى كۈچەپ باسىمەن. ئەگەر مەن راسىتنلا ئۆلۈپ كەتسەم، قايسىدۇر بىر ئاقكۆڭۈل ساخاۋەتچى قەلەمدار مېنىڭ بۇ ۋاقىتسىز ئۆلۈمىمدىن قاتتىق ئازاپ ۋە ئېچىنىش ھېس قىلىپ مەن تور دۇنياسىدا ئەڭ ياخشى كۆرىدىغان مىسرانىم تورىدا  مېنىڭ ئۆلۈمۈم ھەققىدە خەۋەر بىرەر.   بەلكىم بۇ خەۋەرنى ئۇققان نۇرغۇنلىغان ئادەملەر چەكسىز ئېچىنىش ئىلكىدە مەن ئۈچۈن ئۇلۇغ ۋە مۇقەددەس قەسىدە، مەرسىيلەرنى پۈتۈپ مېنىڭ باقىي دۇنيادا تىنىچ، خاتىرجەم يېتىشىم ئۈچۈن دۇئاغا قول كۆتۈرىشەر. بۇ خوش-خەۋەردىن ئالەمچە شادلىققا چۆمۈپ، قېنقىنىغا پاتماي قالغان يەنە بىر قىسىم ئادەملەر بولسا نىتزى ‹ ئۆلىدىغانلار ۋاقتىدا ئۆلۈشى كېرەك› دېگەنىدى دەپ قاتتىق ۋاقىرار! ماي تەپكىسىنى كۈچەپ باسىمەن. بىر قېتىملىق دەھشەتلىك سوقۇلۇشنى خىيال قىلىۋاتىمەن.... مەنبە: ئۆزۈم

kaliptax

	ھې  ھې  ھې مەن بىر قېتىم سۇقۇشۇپ باققان موتوسىكىلىتتا كىتىپ باراتتىم ئالدىمدا ماشىنا كۈزۈمنى يۇمغان پېتى ئۈسۈپ باقسا قانداق بۇلا دەپ بىر ئۈسۈپتىمەن ماشىننىڭ ئالدى پەخىش بولدى  مىنىڭ بىر قۇلۇم پەخىش بولدى كېيىن ئىككىلىسى ساقايدى

qog

	نىمىدىگەن بولمىغۇر خىياللاربۇ،سىز ئۆلىۋالىمەن دەپ ماي تەپكىسىنى كۈچىڭىزنىڭ بارىچە دەسسەپ ۋەقەنىڭ كاتتىسىنى چىقارسىڭىزمۇ،ئاللاھ ئىگىمىز جىنىڭىزنى ئالمىسا قانداق قىلىسىز.ئۇ چاغدا ھازىرقىدىنمۇ بەتەر كۈنگە قىلىشىڭىز مۇمكىن.

nazila998

	ماي تەپكىسىنى كۈچەپ باسىمەن. بىر قېتىملىق دەھشەتلىك سوقۇلۇشنى خىيال قىلىۋاتىمەن....     رول تۇتقان ئادەممۇ مۇشۇنداق بولمىغۇر خىيالنى قىلامدۇ ؟  توۋا

kuqalih

	توۋا   نىمانداق توغرا كەلگەن..مەن ھازىر بىر دوستۇم بىلەن يىراق مۇساپىدىكى ئاغىنىمىزنىڭ ئۆيىدىن قايتىپ  كىلىپ  بۇ يازمىنى كۆرۈشۈم...باياتىن  بىرى  بىر  سائەت  ۋاقىتتا  ئىككى  چاقلىق  موتسىكلىت ئۈستىدە  مەن  ئۇنىڭ  بىلەن  بىللە ... ئۇ خۇددى  سىز ئويلىغاننى ئويلاۋاتقاندەك موتسىكلىتنى  بولشىغا ھەيدىمەكتە . يول  ياقىسىدا  تۇرغانلارنىڭ -ماۋۇلار  ساراڭمۇ  نىمە..؟؟ دىگەن گېپىنى ئاڭلىۋالدىم بەلكىم ئۇلار  يۇقرى  ئاۋازدا بىزنى  تىللىغاندۇ..ئۇنىڭ  ئۇستىگە ئۇ موتسىكلىتنىڭ نومۇر  تاختايلىرىدىن ئەسەرمۇ يوق،ئالدى  كەينى چىراق  يانمايدۇ  ئايلانما  سىگنال  چىراقنى ئويلىماڭ  بولدى. ئىشقىلىپ  بىر قولۇمدا  يۈركنى يەنە  بىر  قولۇمدا كەينى تۆمۈرنى تۇتۇپ بولدى ئۇلۇغ  روزا  رامزان كۈنلىرىدە ياتقان  يىرىم جەننەتتە  بولسۇن دەپ كۆزۈمنى يۇمۇپ ‹ئەلھەمدۇ›نى ئوقۇپ تىترەپ ئولتاغىنىمنى  بىلىمەن،ئۆينىڭ ئلدىغا قانداق كەپ قالغىنىمىزنى بىلمەيمەن جۇمۇڭلا.....شوڭا كەڭ ئۇيغۇر ياشلىرىمىزغا دەيدىغىنىم،ماتۇرلۇق قاتناش ۋاستىللىرىنى ھۆكۈمەت مالا ئۆلەپ تۈگسۇن دەپ ئەمەس بەلكى ئىشلىرى ئاسان،راۋان بولسۇن دەپ ئىشلەپچىغارغانكىن قاتناش قائىدىللرىگە رىئايە قىلىپ ئۆز ھاياتىمىزنى قەدىرلىسەك.....

amalsiz★man

	ۋاي يەنە شۇ يۇقىرى سۈرئەتلىك تاش يولنىڭ گىپىمۇ ، بىزنىڭ يۇرتقىمۇ تازا  ياساۋىتىدۇ شۇ يولنى.. ئېتىز- ئېرىق ، ئۆيلەرنى بۇزۇپ .........

naziye

	خۇدايا توۋا ..  سىز ساراڭ بۇلۇپ قالدىڭىزمۇ ؟   ئەجبا سىز ھاياتتىن شۇنچىۋالا بىزار بولدىڭىزمۇ ؟   سىزغۇ ئاشۇنداق قىلاسىز ، بىراق سىزنى بېقىپ تۇغۇپ چوڭ قىلغان بىچارە ئاتا -ئانىڭىز نىمە بۇلۇپ كىتەر ؟   ؟؟؟  ئۇلارغا ئىچىڭىز ئاغرىمامدۇ ؟  ئەجبا سىزنىڭ بۇ دۇنيادا تاتىشقۇدەك ھىچقانداق ئادىمىڭىز يوقما ؟  ھاياتىڭىزنىڭ ھەربىر كۈنى شۇنچىلىك مەنىسىز ئۆتتىما مۇشۇ كەمگىچە ؟  سىزگە گۈزەل خاتىرلەرنى قالدۇرغان خوشال ئۆتكەن كۈنلىرىڭىز يوقما ؟  نىمىشقا شۇنداق گۈزەل كۈنلەرنى ئويلىمايسىز ؟ ھايات شۇنچىلىك گۈزەلكى  ئىنسانلار ياشاپ تويمايدۇ ، ھەتتا دوختۇرخاندا ساقايماس كىسەلگە گىرىپتار بولغىنىنى بىلىپ تۇرۇپمۇ يەنە نۇرغۇن پۇل خەجلەپ بىرە كۈن بولسىمۇ ئارتۇق كۈننىڭ سېرقىنى كۈرەمەنمۇ دەپ داۋالىندۇ كىشىلەر .... ئەجىبا  سىز ؟؟؟؟؟؟؟ گەرچە بۇ بىر نەسىرگە ئوخشاش ماقالە بولسىمۇ ،لىكىن ئادەمگە قورقۇنۇچلۇق تەسىر بىردىكەن ، بەلكىم سىز بۇنداق ئويلىمىغانسىز ، تورداشلارنىڭ قانداق ئىنكاس بىلدۈرشىنى بىلىش ئۈچۈن بۇ يەرگە يېزىپ باققانسىز  .. (ھەم مەن مۇشۇنداق بۇلۇشىنى ئۈمۈت قىلىمەن ) .. بىراق بۇنىڭ ئوقۇغانلارغا بىردىغان ئىجابى تەسىردىن سەلبى تەسىرى مۇتلەق كۆپ بۇلىدۇ ، خۇددى قارا رەڭلىك يەكشەنبە دىگەن مۇزىكىغا ئوخشاش .. بەلكىم ھاياتتىن بىزار بۇلۇش تۇيغۇسىغا كىلىپ قالغان بىرەيلەن بولسا بۇنى ئۇقۇپ تېخىمۇ چۈشكۈنلىشىپ سىز يازغانلارنى سىناپ باقاي دىگەننى كاللىسىدىن لىپ قىلىپ ئۆتكۈزدىغانلارمۇ چىقىپ قالىدۇ ،، ھەممىمىز ھاياتىمىزنى قەدىرلەيلى ، چۈنكى ئۇ پەقەت بىزگە بىر قېتىملا كىلىدۇ ، ئىككىنچى قېتىم يوق .. ئۇلۇغ روزا -رامىزاننىڭ ھۆرمىتى ئۈچۈن بولسىمۇ بۇ ئاي بۇ كۈنلەردە بۇنداق بولمىغۇر خىياللارنى قىلمايلى ...  ھىچقايسىمىز  !!!

hurmet

	توۋا،مۇشۇ دۇنيانىڭ ھەممە يىرىدىكى ئاشىق-ئاۋارىيلار ئورتاق بىر تىتىقسىز مەدەنىيەتكە ئىگە ئىكەن،