راستىنلا يانفۇن يالغان سۆزلەمدۇ ؟

nazila998

	يانفۇن يالغان سۆزلەمدۇ ياكى يانفۇننى ئىشلەتكەن بىز يالغان سۆزلەمدۇق ؟       مەن بۇ ھەقتە خىلى بۇرۇن بىر نەسە يازغۇم بار ئىدى ، بىراق ۋاقىت مەسلىسى بولۇپ قىلىپ يازالمىدىم ، بۈگۈنكى ۋاختىمدىن پايدىلىنىپ  مۇنبەرداشلار بىلەن بىللە مۇلاھىزە ئىلىپ بىرىشنى ئويلۇدۇم ،      جەمىيەت تەرەققىياتىغا ئەگىشىپ يانفۇن كىشىلەر ئارسىدا ئاساسەن ئومۇملىشىپ كەتكەن بىر ئالاقە قورالى بولۇپ قالدى ، بۇنىڭ نۇرغۇن ياخشى تەرەپلىرى بولسىمۇ ، يەنە قىسمەن سەۋەنلىكلىرىمۇ بار ئىكەن ، ئەسلى بۇنىڭ ياخشى تەرپىدىن پايدىلىنىپ يامان تەرەپلىرىنى يۇقتۇرمىساق بولاتتى ، يانفۇننى ھازىر كۆپ كىشىلەر << يالغانچىنىڭ ئانىسى >> دەيدىكەن ، زادى كىم يالغانچى ، مۇنبەرداشلارنىڭ پىكرىنى ئالغۇم كىلىپ قالدى . تۆۋەندىكىلىرى ئۆزەم كۆرۈپ ئاڭلىغان  ۋە باشقىلاردىن ئاڭلىغان راس ئىشلار .                                                              1.        رامىزاندىن ئىككى ھەپتە بۇرۇن ئىككى دوستۇم بىلەن ، بىر تىز تاماقخانىغا تاماق يىگىلى كىرگەن ئىدۇق ، يان تەرەپتىكى ئورۇندا ئولتۇرغان بىرسىنىڭ تىلىفۇنى تۇيۇقسىز سايراپ قالدى ، بۇ تىلىفۇندا << كۆۋرۈك >> دىگەن كىنونىڭ << ئاھ دوسلار خەيىر -خوش >> دىگەن مۇزىكىسى چىقىدىكەن ،  مەن بۇ ناخشىنى بەك ياقتۇرغان بولغاچ ، ئۇلار دىققىتىمنى تارتىپ قالدى ، 40 ياشلار ئەتراپىدىكى بىر ئەر بىلەن 30 ياشلار ئەتراپىدا كىلىشكەن بىر چوكان ئولتۇرۇپتۇ ، ئەر تىلىفۇنىنى ئىتتىك ئالدى :        _ ۋەي       _ ...............................       _ مەن ئىشخانىدا ئىشلاۋاتىمەن ئوغلۇم ،        _ .................................        _  بىرە سائەتكىچە قايتىمەن ،       _ ...............................       _ بولدى ، مىنى تاماققا ساقلىما ، ئاناڭ بىلەن تامىغىڭنى يەۋەرگىن       _ .....................................       _ ماقۇل ، خوش ئوغلۇم      بىز بىر - بىرىمىزگە قارشىپ قالدۇق ، يىنىمىزدا ئولتۇرغان ئوتتۇرياش ئىككى خانىم :       _ ۋاي بۇ يانفۇننى ، يالغانچىنىڭ بىشىغۇ زادى _ دەپ بىر - بىرىگە غۇدىراپ قويۇپ ئولتۇرۇشتى .                                                    2 .     ئايالى كاماندۇرۇپكىغا چىقىپ  ، قايتىدىغان مۆھلەتتىن ئىككى كۈن بۇرۇن قايتىپتۇ ، ئايال يولدىشى بىلەن باللىرىنى تۇيۇقسىز خوش قىلىۋىتىشنى ئويلاپ ئۆيگە خەۋەر بەرمەيلا يولغا چىقىپتۇ ، يولدا ماشىنا بۇزۇلۇپ قىلىپ ، بەك كەچ قاپتۇ ، ئۆيگە كىرگەن ۋاختىدا كەچ سائەت 11 بولغان ئىكەن ، قارسا ئۆيدە ھىچكىم يوق ، شۇنىڭ بىلەن يانفۇنىنى ئىلىپ ئېرىغا تىلىفۇن قىپتۇ :       _  ۋەي ، قەدىرلىكىم بۇ كىچىدە تىلىفۇن قىپ قاپسىزغۇ       _ ھە ، سىزنى نىمىش قىلىۋاتىدىكىن دەپ ، نەدە سىز ؟      _ بۇ چاغدا  نەدىمۇ  بولامەن ، ئۆيدە ،       _ قايسى ئۆيدە ؟        _ قايسى ئۆي بولاتتى ئىككىمىزنىڭ ئۆيىدە ، قىزىتىپ قالمىغانسىز ؟ ئەجەپ سوراپ كەتتىڭىز       _ باللاچۇ ؟       _ ئۇخلاپ قالدى ، ئويغىتايمۇ       _ ياق بولدى ،      ئايال تىلىفۇننى قويۇپ بەك ئۈمۈدسىزلىنىپتۇ  ھەم غەزەپلىنىپتۇ  بىردەمدىن كىيىن ئۆينىڭ مۇقىم تىلىفۇنىدىن تىلىفۇن قىلىپ :     _ ھەي ! قايسى ئۆيۈڭدە بولساڭ ماۋۇ ئۆز ئۆيۈڭگە دەرھال قايتىپ كەل ،                                               3.         يىقىن ئۆتىدىغان بىر ئەر بىلەن بىر ئايال تاماققا بىللە باماقچى بوپتۇ ، ئەر ئايالنىڭ ئالدىغا ماشىنا ئىلىپ كەپتۇ ، ئايال ماشىنىغا چىقىپ بولۇپ ئەرگە قاراپ :      _ يولدۇشۇمغا تىلىفۇن قىلىپ باقاي ، ئۇنىڭ نەدىلىكىنى بىلىپ ئاندىن ماڭاي _ دەپ يولدىشىغا تىلىفۇن قىپتۇ      _ ۋەي ، تىلىفۇن قىپ قاپسىزغۇ ، ئىش بامىتى ،      _ دوسلۇرۇم چاقىرىپتىكەن ، بىرىپ كىلەي دىگەن ، سىز نەدە ؟      _ مەن تۇرسۇننىڭ ئۆيىدە ، تۇرسۇن نەچچىمىز بىللە قەرت ئويناۋاتىمىز ، بوپتۇ ، دوسلىرىڭىز چاقاغان بولسا بىرىپ كىلىڭ ، كەچتە ئۆيدە كۆرۈشىلى ،       _ ماقۇل خوش ئەمىسە       ئايال تىلىفۇننى قويدى يىنىدىكى ئەر :      _ نەدىكەن _ دەپ سورىغانتى ، ئايال :      _ ئۇ سىزنىڭ ئۆيىگىزدە سىز بىلەن قەرت ئويناۋىتىپتۇ                                        4 .       بىر كۈنى چۈشتە بىر ئەر ئايالى بىلەن باللىرىغا كەچتە مىھمان قىلىدىغانلىغىنى ئىيتىپ ۋەدە بىرىپ چىقىپ كىتىپتۇ ، ئىشتىن چۈشىدىغان ۋاختى كەپتۇ ، ئەر كىرمەپتۇ ، ئايالى تىلىفۇن قىپتۇ ، ئەر تىلىفۇننى ئاپتۇ :       _  نەدە سىز  ئۆيگە كىرمەمسىز ؟ _ دەپ سوراپتۇ ئايال         _ مەن ئىشخانىدا ، ھازىرلا كىرمەن _ دەپتۇ ئەر     ئايال باللىرى بىلەن خىلى ئۇزۇن ساقلىغان بولسىمۇ ، ئەر كىرمەپتۇ ، ئايال يەنە تىلىفۇن قىپتۇ        _ كەچ بوپ قالدى ، كىرمەمسىز ،        _ مانا ھازىر ، مەن ئىدارىنىڭ ئالدىدا     ئايال باللىرىنى ئىلىپ ئىدارىنىڭ ئالدىغا چىقسا ئېرىنىڭ سايىسىمۇ يوق ، يەنە تىلىفۇن قىپتۇ :     _ مەن ئىدارىڭىزنىڭ ئالدىدا ، سىز زادى نەدە     _ مەن ئىشخانامدا     ئەپسۇس ، ئوغلى دادىسىنىڭ ئىشخانىسىغا چىقىپ تاپالماي چىقىپتۇ                                                   5.      بىر كۈنى بىر يىگىت يولدا كىتىۋىتىپ ، توي قىلىشقا پۈتۈشكەن قىزىنى يىراقتىن كۆرۈپ قاپتۇ ، چاقىراي دىگۈچە ئۇ قىز ياندىكى بىر قەھۋەخانىغا كىرىپ كىتىپتۇ ،  قىزنىڭ يىنىدا ياش بىر  يىگىتمۇ بار ئىكەن ، شۇنىڭ بىلەن بۇ يىگىت  قىزغا تىلىفۇن قىپتۇ :       _ ۋەي ، تىچلىقمۇ       _ تىچلىق ، نىمە قىلىۋاتىسىز _ سوراپتۇ يىگىت چاندۇرماي        _ دادام بىلەن تاماق يەۋاتقان ،      _ ھە ، قەھۋەخانىدا تاماق بامىكەن ، دادىڭىز ئەجەپ ياشىرىپ قاپتۇ - ھە      _ نىمە ؟ سىز نەدە _ ئاڭغىچە يىگىت تىلىفۇننى قويۋىتىپتۇ      دەپ كەلسەم بۇنداق مىساللار بەك كۆپ ، بەلكىم مۇنبەرداشلارنىڭمۇ بۇ توغۇرلۇق ئاڭلىغانلىرى كۆپتۇ ، زادى يانفۇن يالغانچىمۇ ياكى يانفۇن ئىلەتكەن بىز يالغانچىمۇ ؟      بۇ تىمامنى ئالدىنقى كۈنى مۇنبەردىشىمىش نازارەتچىنىڭ << يانفۇنۇم >> دىگەن شېئىرىدىن بىر كۇپلىتنى نەقىل ئىلىپ ئاخىرلاشتۇرمەن .                        ئالدىسام چانماس قەيەردە ، مەن ئەگەر چۆلدە دىسەم ،                        قاغجىراق سايدا يۈرۈپمۇ ، يايرىدىم كۆلدە دىسەم ،                        ياماشماستىن تىك چوققىغا  ، مەن قىيا - بەلدە دىسەم ،                        مەن ئۆزۈم خائىن تۇرۇپ ، ئەسيادىم ئەلدە دىسەم ،                        چىن پۈتەر ھەركىم گىپىمگە ، قىلما تۆھمەت يانفۇنۇم .                         مەنبە : nazila998

baydadam

	يانفۇندا نىمە گۇناھ ؟ ھەممە گەپ ئۈزىمىزدە تۇرسا .

Suchi

	يازماقچى بولغان ۋەقەلىكنى يۇمۇر تەرىقىسىدە يېزىپسىز،بۇمۇ بىر ياخشى ئۇسلۇپ بوپتۇ،ھەم ياخشى چىقىپتۇ.كىشىنى ھەقىقەتەن ئويغا سالىدىغان ئىشلار.بايا تېخى بىر خىزمەتدىشىمىز ئىشخانامغا كىرىپتۇ،قاپاقلىرى ئىششىپ كەتكەن،ئۇيقۇغا تويمىغان ھالدا ئەسنەپ.ئەمما بەكلا روھلۇق،نىمە بولدۇڭ دېسەم.سەت ھىجىيىپ،ئاخشام قالتىس بىر مەيدان ئولتۇرۇپتۇق،ئىچىپ،چېكىپ،ئويناپ......قاتتىق چىشلىۋاپتۇ،ئاخشامقى ئىشلار ئېسىمدە يوق!ھا....ھا....(بۇ بايقۇشنىڭ ئايالى ئېغىر ئاياق،ۋاختى كۈنى يېقىنلاپ قالدى)،بۇ ئۇلۇغ رامىزان كۈنلىردە قىلىپ يۈرگەن ئىشىنى دەپ ئويلىدىم ئىچىمدە.

yawaat0998

	يانفون نۇرغۇن قولايلىقلارنى ئېلىپ كېلىدۇ. ئەمما، گەپ ئۇنى قايسى يولغا، قانداق ئىشلىتىشتە. دىيانەت، ئىنساپ كۆتۈرۈلۈپ كەتسە، يانفون تېمىدا دىيىلگەندەك رول ئوينايدۇ. ھەممە گەپ ئىشلەتكەن ئادەمگە باغلىق. بىرەر ئەسەرنى روياپقا چىقىرىش ئۈچۈن، تۇرمۇشقا چۇڭقۇر چۆكۈش كېرەك، ئىجتىمائىي تۇرمۇش ياخشى ئەسەرلەرنىڭ مەنبىيى. رەھمت، تېمىڭىز ئۈزۈلمىسۇن.

مەلىكە

	يانفۇن ئۇ پەقەت بىر ۋاستە. ئادەمدە مەسئۇلىيەت تۇيغۇسى بولمىسا ،ھەممە گىپى يالغان بولىدۇ. يالغانچىلىق قىلىپ كۆنۈپ قالغان ئادەم راست گەپ قىلسىمۇ ھىچ ئىش بولمايدىغان ئىشلاردىمۇ يالغان سۆزلەيدۇ. باشقىلارنىڭ سەمىمىيىتىدىن گۇمانلانساق ئەڭ ياخشىسى ئالاقىنى توختاتقۇلۇق. مەيلى قىز-ئوغۇللار ئارىسىدىكى مۇھەببەت بولسۇن،  ياكى ئەر-ئاياللار ئوتتۇرىسىدىكى نىكاھ بولسۇن، ۋە ياكى خىزمەتداشلار ئوتتۇرىسىدىكى مۇناسىۋەت بولسۇن، سەمىمىيەتسىزلىكىنى بىلگەن ھامان مۇناسىۋەتنى ئۈزۈش كىرەك. سەمىمىيەتسىز ئەر-ئايالنىڭ كۆپلەپ كىتىشى ھەرقانداق ئادەمدە گۇمانخورلۇق پەيدا قىلىپ قويىدۇ، شۇنىڭ ئۈچۈن ھەر بىرىمىز سەمىمىيەتنى ئۆزىمىزدىن باشلىساقلا باشقىلارنىڭ يالغانچىلىقىدىن ئازراق بولسىمۇ قۇتۇلۇپ قالالايمىز.

asat708

	ھەجەپ ياخشى ئۈگىنىۋالدىم .   ھى ھى ھى   مەنمۇ ئۆزەممۇ بىلمەيلا يالغان گەپ قىلىپ سالىمەن .  خوشام يوق بىرى تېلفۇن قىلىپ چاقىرسا ، چوڭ ئۆيگە ھازىر كەلگەن دەپلا يوق قىلىمەن . ئەمىلىيەتتە كومپىيوتىرنىڭ ئالدىدا مىسرانىمغا چېكەتكىدەك قاراپ ئولتۇرىمەن.

kamran

	يالغانچىلىق گۇناھىنى يانفۇنغا ئارتىپ قويساق بولماس .

DIL0998

	راسچىللىق بىر پەزىلەت،سۆزلىرىڭدىن ئۈنچىلەر ئۈنسۇن،باشقىلارنىڭ ئىشەنچىسىدىن قالما،        راسىت سۆزلەشنى ئۆزۆڭگە ئادەت قىل!                                                                                 ئېسىل ياشا!!

qog

	تىلىفۇننى راس سۆزلەتسە چوقۇم راس سۆزلەيدۇ.