دۈم - دۈم بالىلار ئويۇنىدىن تۇغۇلغان ھېسلار

margub

	ھەممىزگە مەلۇم ، ئۇيغۇر خەلقىمىز ئۇزۇن تارىخقا ئىگە ، قەدىمى مەدىنىيەتلىك خەلق. خەلقىمىز ئەزەلدىن بىشىغا كەلگەن خۇشاللىق - خاپىلىق ، قايغۇ- ھەسرەت، ئارزۇ - ئارمانلىرىنى  ناخشا -قۇشاق ، شىئىر - بىيىت....لار بىلەن ئىپادىلەپ كېيىنكىلەرگە ساۋاقلىرىنى بىلدۇرۇپ ، يولىنى كۆرسۈتۈپ بەرگەن .ۋاڭ- غوجاملارنىڭ كۆتۇرۇپ قوپقۇسىز زۇلۇمى ئاستىدا قاتتىق ئېزىلگەن ئۇيغۇر خەلقىمىز نىڭ دەرت-ئەلىمىنى ئىپادىلەش شەكلىدە يۇقارقى ئىپادىلەش شەكىللىرىدىن باشقا  بالىلار ئويۇنىمۇ خەلقىمىزنىڭ نەزىرىدىن يىراقتا قالمىغان . دۇم -دۇم بالىلار ئويۇنى ئاشۇلارنىڭ جۇملىسىدىن.قېنى  دۇم -دۇم بالىلار ئويۇنىنىڭ تېكىستىگە نەزىرىڭىزنى ئاغدۇرۇڭ . دۇم-دۇم-دۇم ، لەببەي ،  لەببەي ،  لەببەي ، ئاتا-ئاناڭ نەدە ؟ ئەسكى سامانلىقتا . نىمە ئىش قىلىۋاتىدۇ ؟ ئاش ئېتىۋاتىدۇ . مېنىڭ ئېشىم قېنى ؟ قاغا ئېپ قاچتى . ماڭ ، قاغىنى تۇتۇپ كەل . مانا قاراڭ ، بېشىنى ئېگىپ ، ئەتراپنى كۆرۈش ھوقوقىدىن مەھرۇم بولغان ، ئىتائەتمەن بىر يوۋاش قۇل ھۆكمىراننىڭ ئالدىدا ئېگىلىپ تۇرماقتا. ھۆكمىران ئۇنىڭ كۆزىنى ئېتىۋىلىپ تۇرۇپ ، ئۇنىڭ دۈمبىسىگە ئۇرىدۇ . دۇم -دۇم -دۇم . ( قانداق ئۇرۇلغاندا ئاشۇنداق ئاۋاز چىقىدۇ . يوغان دۇمبا بىلەن ئۇرۇلمىسا دۇم- دۇم دىيىلمەي بەلكى تاك - تاك دىيىلەر بولغىيدى. دىمەك ، قاتتىق ئۇردى ، يەنە كىلىپ ئارقا - ئارقىدىن  ئۈچنى ئۇردى.  ) قۇل دىدىكى: لەببەي ، لەببەي ، لەببەي . ( نىمە ئۈچۈن شۇنداق بولىدۇ ؟ قۇل نىمە ئۈچۈن ھۆكمىراننىڭ قولىنى سىلكىۋەتمەيدۇ ؟ مىنى نىمە ئۈچۈن ئۇرىسەن ؟ دىمەيدۇ؟ نىمىشقا ياندۇرۇپ ئۆزىنى قۇغداپ ھۆكمىراننى ئۇرماي، لەببەي . لەببەي دەيدۇ ؟ قۇلنىڭ كۆزى ئېتىك ، ئۇ گەپ ياندۇرۇشنى ئويلاشمىدىمۇ؟  ئۇ  زۇلۇمغا قارشى ئىسيان قىلىشنىڭ نىمىلىكىنى بىلمەمدۇ ؟ ھۆكمىران سورايدۇ : ئاتا- ئاناڭ نەدە ؟ ( ئۇ نېمە ئۈچۈن ئۇنىڭ ئاتا- ئانىسىنى سورايدۇ ؟ ئۇلارنىڭ نەدە بولىشى ھۆكمىرانغا نىمىشقا شۇنچە موھىم ؟ ھۆكمىران قۇلنىڭ ئاتا-بوۋىلىرىنىڭ تارىخىنى بىلىشىدىن قورقتى .ئۆزىنىڭ ئەسلى ئەركىن ، ھۆر ئادەم ئىكەنلىكىنى بىلىشى ھۆكمىراننىڭ ئەڭ ئەنسىرەيدىغىنى . ھۆكمىران ئۇلارنىڭ ئۆزىگە قارشى چىقىشىدىن ئەنسىرەۋاتىدۇ . )* قۇل جاۋاپ بېرىدۇ : ئەسكى سامانلىقتا . ( نىمە ئۇچۇن ئۇنىڭ ئاتا-ئانىسى ئەسكى سامانلىقتا بولىدۇ  ؟بۇ ۋاقىتتا قۇل ۋە ئۇنىڭ ئاتا- ئانىسى  ئايۋان -سارايىدىن قوغلىنىپ سامانلىقتا ، يەنە كېلىپ ئەسكى سامانلىقتا تۇرۇشقا مەجبۇر بولغان . ) ھۆكمىران سورايدۇ: نىمە ئىش قىلىۋاتىدۇ ؟ ( ئۇنىڭ نىمە ئىش بىلەن بولىۋاتقانلىقىنى ھۆكمىراننىڭ بىلگۈسى بار . ئۇ ئارتۇق بىر ئىش ئويلىسا بولمايدۇ .ئۆزىنىڭ سامانلىققا نىمە ئۈچۈن مەھكۈملۇقىنى ئويلىنىشىغا قەتئى بولمايدۇ . ) قۇل ئېيتىدۇ : ئاش ئېتىۋاتىدۇ . ( ھۆكمىران خاتىرىجەم بولدى ، ئۇلار قوساقنىڭ كويىدىلا بولسا ئۇ ھامان خاتىرىجەم بولىدۇ . ) ھۆكمىران سورايدۇ : مىنىڭ ئېشىم قېنى ؟ ( ماۋۇ سۇئالنى كۆرۇڭ.سىنىڭ ئېشىڭ قېنى ؟ سەن ئاش يىدىڭمۇ ؟ بۇ سۇئال ھۆكمىراننىڭ خىيالىغا ھەرگىز كىرمەيدۇ . سامانلىققا پالانغان قۇلنىڭ ئاتا-ئانىسى ئاش ئەتسە ھۆكمىران ئۆزىنىڭ نېسىۋىسىنى سوراۋاتىدۇ . قۇل ئېيتىدۇ : قاغا ئېپقاچتى . خەلق ئۆز نېسىۋىسىنىڭ قارا قاغا تەرىپىدىن ئېپ قىچىلغانلىقىنى ئاللىبۇرۇن بىلگەن. بارچە ئويۇن ئەھلى ئېيتىدۇ : ماڭ قاغىنى تۇتۇپ كەل . ( ماشائاللا ، قاغىنى تۇتماي تۇرۇپ ئېشىڭنى قايتۇرۇپ ئەكىلەلمەيسەن .ئاتا-بوۋىلار ئەۋلاتلىرىغا: قاغا ئاسماندا سەن يەردە، بولدى قىل دېمەپتۇ، قاغىنى تۇتقىچە ھېرىپ كېتىسەن ياكى چۆل باياۋاندا ئۆلۈشىڭ مومكىن، بولدى قىل ،دىمەپتۇ . بۇيرۇق ئەۋلاتقا چۈشتىكى : - بۇ سېنىڭ ۋە ئەۋلاتلىرىڭنىڭ نېسىۋىسىنى ئوغۇرلىغان شۇم قاغىنى تۇتۇش بۇيرۇقى .) ئەزىز قېرىندىشىم قېنى ئېيتىڭە،  ئاتا- بوۋىلىرىمىز ئەقىللىقمىكەن ؟

alamat1

	مەن ئاڭلىمىاپتىكەنمەن بۇنى

ablatjan312

	توۋا!!! كىچىك ۋاقتىمدا ئانام بىلەن ئوينايتتۇق بۇ ئويۇننى ... مەزمۇنى راست چوڭقۇر ئىكەن!!! ھەقىقەتەن ياخشى تەھلىل قىپسىز ... قارىغاندا، «قارا - قارا قۇشلارىم» دېگەندەك ئويۇنلارنىمۇ «ئوپراتسىيە» قىلىپ باقساق بولىدىغان ئوخشايدۇ !!!

بۇغداي

	سۇكۈت!!

xaxyax

	كىچىك ۋاقتىمدا دادام ئاپامنىڭ مېنى مۇشۇنداق ئويناتقىنى يادىمغا كەچتى، ئېسىل پىكىر بوپتۇ! مەرغۇب ئىسىملىك تورداشنىڭ ئالدىنقى رادىئو دوختۇرلىرى دېگەن تېمىسىمۇ شۇنداق يارىغانتى، ئىزدىنىشقىمۇ تەڭ يوللاۋاتقان چېغىۋا، نادىر تېمىلارنى كۈتەيلى. قەلەم تەۋرەتكۈچىگە خاس دىت باركەن! بارىكاللا !

qog

	تەلىلىڭىزگە قايىلمەن،تەھلىلىڭىزدىن بىر نەرسىنى كۆرىۋالغىلى بولىدىكەن

tohtihan1

	ياخشى تەھلىل بوپتۇ ! ھازىرغىمۇ چۈشۈپ قالغۇدەك !

nazila998

	مەن بۇنى تا ھازىرغىچە بىر ئويۇن دەپ بىلىدىكەنمەن  ، ئەجەپ ياخشى تەھلىل قىپسىز

nazila998

	كەچۈرۈڭلا ، ئىنكاسنى خاتا يوللاپ قويۇپتىمەن