ئېغىز يۈگۈرۈكى باشقا

红叶子

	سۆزۈمنى  باشلاشتىن بۇرۇن كىچىك چېغىمدا ئوقىغان بىر چۆچەكنى كۆپچىلككە سۇناي بىر كۈنى بىر كىشى ئورمانلىقتا بىر كېسلگەن باشقا ئۇچراپ قاپتۇ،باش تۇيۇقىسز زۇۋانغا كېلىپ ئوۋچىدىن :«نەگە ماڭدىڭ؟»دەپ سوراپتۇ، ئۇ كىشى «ئوتۇنغا ،سەن نېمە بولۇپ بۇ يەرگە كېلىپ قالدىڭ ؟»دەپ سوراپتۇ، ئۇ باش :«كۆپ گەپ قىلىدىغانلىقىم ئۈچۈن   »دەپتۇ ،ئوۋچى ئورماندا ئىشنى تۈگىتىپ بولۇپ چىقىپ ھەممىلا كىشىگە بۇ ئىشنى سۆزلەپ يۈرۈپتۇ،بۇ ئىشتىش خەۋەردار بولغان پادىشاھ ئۇنى چاقىرتىپ كېلىپ ۋەزىرگە: «سەن ئۇنى باشلاپ شۇ باشنىڭ قېشغا بار، يالغان ئېيتقان بولسا ئۇنىڭ كاللىسنى ئال »دەپ پەرمان چۈشۈرۈپتۇ، ئوۋچى ۋەزىر بىلەن باشنى ئىزدەپ تېپىپ نۇرغۇن سۆزلىگەن بولسىمۇ باشتىن ئىنكاس چىقماپتۇ،ئاخىرى زېرىككەن ۋەزىر ئوۋچىنىڭ كاللىسنى تېنىدىن جۇدا قىلىپ يولىغا راۋان بولۇپتۇ،ۋەزىر كېتىشگە ھېلىقى كېسلگەن  باش زۇۋانغا كېلىپ ئوۋچىنىڭ بېشدىن :«بۇ يەرگە قانداق كېلىپ قالدىڭ » دەپ سوراپتۇ، ئوۋچنىڭ كاللىسى «كۆپ گەپ قىلىدىغانلىقىم  ئۈچۈن »دەپ جاۋاب قايتۇرۇپتۇ      مۇنبەر ئەخلاقى توغرىسىدا يوللانغان تېمىلار ئاز ئەمەس شۇنداقتىمۇ يېقىنىدا يۈز بەرگەن بىر قانچە ئىشتىن كېيىن يەنە بۇ ھادىسە ئۈستىدە ئازراق   توختىلىش  قارارىغا كەلدىم .ئۇيغۇر مۇنبەرلىرى باشقا ئازسانلىق مىللەتلەر مۇنبەرلىرى  ئىچىدە مەيلى سان ياكى سۈپەت جەھەتتىن بولسۇن باشچىلىق ئورۇندا تۇرۇپ كەلگەن ،مۇشۇ تۈپەيلى ئۇيغۇرچە مۇنبەرلەرنىڭ   ئۇيغۇرلارنىلا  ئەمەس  ئۇيغۇرچە يېزىق تونۇيدىغان ھەر قانداق بىرسىنى جەلب قىلىش ئېھتىماللىقى بار ،شۇ ئۈچىنچى كۆزەتكۈچى تەرەپ بولمىش  ئېشتىراكچىلارنىڭ  نەزىرىدە مۇنبەردىكى ھەر بىر ئەزا ئۇيغۇر ،ئۇنىڭ ھەربىر سۆزى ئۇيغۇرنىڭ سۆزى ،ئۇيغۇرنىڭ مەيدانى !ئۇنداقتا شۇلار نۇقتىلىق كۆزىتىۋاتقان   ئۇيغۇرچە مۇنبەردىكى ئۆزىمىز يەنى ئۇيغۇر مىللىتىگە مۇناسىۋەتلىك  مۇلاھىزىلەر قايسى مەيداندا تۇرۇپ ئېلىپ بېرىلىۋاتىدۇ؟ئومۇمىي جەھەتتىن ئېيتقاندا يەنىلا ئۇيغۇرنى مۇئەييەنلەشتۈرۈش ، ئۇيغۇرنىڭ تارىخى سۆزلەنسە  پەخىرلىك تارىخىي شەخسلىرى تىلغا ئېلىنىدىغان ،ھازىرى سۆزلەنسە ئۈلگىلىك يىگىت-قىزلىرى مىسال قىلىنىدىغان  ،جەمئىيەتتىكى كۆڭۈل سۆيىنىدىغان خەۋەلەر ئاساسى ئېقىم بولۇپ كېلىنىۋاتىدۇ،لېكىن كۆز يۇمۇشقا بولمايدىغان يەنە بىر ھالەتمۇ  مەۋجۇت،يەنى   ئۇيغۇر مەتبۇئاتچىلىقىدا بىر مەزگىل ئەۋج ئېلىپ ھازىر پەسكويغا چۈشكەن  "مىللەت-ئىللەت" دېگەندەك  تەنقىد دولقۇنىنىڭ ئۇيغۇر تورچىلىقدىكى تەسىرى تۈپەيلى مۇنبەرچىلىكىتىمۇ "تەنقىد"خۇمارلىق ھادىسسى يوق ئەمەس،لايىقىدا قىلىنغان تەنقىد ئۇ بىر" ئەينەك "،لېكىن ئاشۇرۋىتىلگەن ،كۆپتۈرۋىتىلگەن "تەنقىد" ئۇ مىللەتنىڭ تەشكىللىگۈچىلىرىنىڭ  ئۆز مىللىتىدىن سەسكىنىش،نومۇس قىلىش تۇيغۇسنىڭ پەيدا بولىنىشغا نىسبەتەن "كاتالىزاتۇر"، شۇ "تەنقىدچىلىك "  ئۇيغۇر مۇنبەرچىلىكىدە ئاساسلىقى تۆۋەندىكى بىر نەچچە شەكىلدە داۋام قىلماقتا  بىر خىلى ئۇيغۇر قىز -ئاياللىرىنى ئەيىپلەش ،ئۇلاردىن ئاغرىنىش ، باشقا مىللەت قىزلىرىدا ئومۇميۈزلۇك مەۋجۇت بولغان كىيىم جەھەتتىكى دۇنياۋىلىششنى مىللىي ئىللەت ھېسابلاش، ئەخلاق پۈچەكلەرنى ئۇيغۇر قىزلىرىنىڭ ۋەكىلى قىلىپ تەسۋىرلەش،بۇنىڭ بىلەن يەنە بىر قىسىملارنىڭ چىقىپ ئۇيغۇر يىگىتىلىرىگە ھۇجۇم قىلىشى ،بۇ ھالەت ئىككى تەرەپكە بۆلىنىۋىلىپ بىر بىرلىرىنىڭ چاۋىسىنى چىتقا يېيىش بىلەن نەتىجىلەندى ،بۇ توغرىسىدا كۆپ توختلىشنىڭ ئورنى يوق ،مۇنبەردە مىساللار كۆپ ،ئىككىنچى خىل  جەمئىيەتتىكى ياخشى ئىشلار ، ئۇيغۇرلاردىكى شۇنچىلىك ئېسل -ئەخلاق توغرىسىدىكى تېمىلارنىڭ باشقىلارنى جەلب قىلالماسلىقى،  ئەكسىچە جەمئىيەتتە ئاز كۆرىلىدىغان ئۇيغۇرلارغا زورلاپ باغلانغان بەزى ناچار قىلىقلار «پاش قىلىنغان »تېمىلارنىڭ ئومۇمىيىلىققا ئىگە  مۇنبەر يۈزىدە پەيدا بولۇپ قىزىق تېمىلارغا ئايلىنىشى  ،بۇنىڭ نەتىجىسمۇ ئىككى خىل بولدى ،بىرىنچىسى  بەزى مىللىي غورۇر، مىللىي كىملىك توغرىسىكى ئۇقۇملارنى  مۇسۇلمانچىلىققا يات دەپ قارايدىغان ئاتالمىش «..............» لارنىڭ ئۇيغۇرنىڭ باشقا مۇسۇلمان مىللەتلەرگە قارىغان بىر بالداق تۆۋەن ئورۇندا تۇرىدىغان «ناچار خەق »ئىكەنلىكىنى ئىسپاتلاشقا دەلىل بولدى، ، ئىككىنچى نەتىجىسى  تېمامدىكى ئاساسلىق ئوتتۇرىغا قويۇپ سۆزلىمەكچى بولغىنىم ،بۇ ھالەت ئۇيغۇرنىڭ باشقا مىللەت ئارىسدىكى ئابرويىغا تېخىمۇ تەسىر يەتكۈزدى ،چۈنكى ئۆز ئاغزىمىز ئارقىلىق ئۆزىمىز "ناچارلىق"لارغا ئىقرار بولغان بولدۇق، باشقا مىللەتلەر ئارىسىدىكى ئار بىر قىسىم ئۇيغۇرغا بولغان  بەزى  ناچار قاراشقا ئۇيغۇردىن دەلىل ئىزدەپ يۈرگۈچىلەرنىڭ قاراشلىرىغا ماقۇللىنىشغا،ئىسپاتلانغان بولدى ،ئەسلى بۇ ناچار ئىللەتلەرلا ھەرگىزمۇ ئۇيغۇرغىلا خاس ئەمەس ئىدى ، ئۇيغۇرنىڭ پاتنىتى ئەمەس ئىدى ، بۇ ھالەت ئۇيغۇرنى ناچار دېگۈچى ھەر قانداق بىر مىللەتتە ئارتۇقى بىلەن تېپىسا تېپلاتتى ،كەم ئەمەس ئىدى ، لېكىن بۇ "ھادسىلەر"ئۈستىدە ئېلىپ بېرىلغان ھەددىن ئارتۇق مۇنازىرىلەر، زورلاپ ئېلىغان مىساللار، مۇنبەر يۈزىدىكى داۋراڭلار ، ئۇيغۇر دېگەن نام بىلەن چېتىلغان شۇ ئىللەتلەر باشقىلارغا ئەمەس ، ئۆزىمىزگىمۇ بۇ ئىللەتلەرنى ئۇيغۇردا بۇ خىل ھادىسىلەرنىڭ كىرىزىس دەرىجىسگە كۆتۈرۈلگەنلىكىگە ئىشەندۈردى، تورچىلىقتا  بىر-ئىككى ئادەمنىڭ قارشى چىقىشى بىلەن بۇ خىل ھالەتكە خاتىمە بېرىپ بولالىشى ناتايىن ،شۇنداقتىمۇ تور مۇلاھىزىسىگە قاتناشقۇچى سىزگە تەۋسىيەرىم ئۇيغۇر مىللىتى ھەققىدە توختالماقچى بولغىنىڭىزدا ئۆز ئائىلىڭىزنىڭ شەخىسى ئىشنى سىزدىن قۇسۇر چىقىرىش خىيالى يوق دېيەلمەيدىغان ئۇششاق سۆز خوشىنىڭىزنىڭ ئالدىدا قىلىۋاتىمەن دېگەن ئىدىيە تەييارلىقى ئاستىدا سۆز باشلاڭ،ئەگەر ئۇيغۇر تورچىلىقىنىڭ ئىشتراكچىلىنىڭ ئۇنۋىرساللىقىغا ئىشەنمىگۈچىلەربولسا  ئۇيغۇرنىڭ مۇنازىرىسىگە باشقا مىللەتلەرنىڭ دىققەت قىلىپ تۇرىدىغانلىقىغا بۇ تېما دەلىل بولالايدۇ،بىر ئىنكاسنىڭ باشقا مۇنبەردە بىر تېما سۈپىتىدە ئاۋات تېمىلار قاتارىغا ئۆتىشىنىڭ بىزگە نېمىدىن دېرەك بېرىدىغانلىقىنى ھەر بىر ئىنكاس ئىگىسى ئويلىنىپ كۆرسە بولىدۇ http://www.kultegin.com/forum.php?mod=viewthread&tid=31353&extra=&page=1 ئاخىرىدا ئۇيغۇرنى مۇنبەر يۈزىدە "تەنقىد قىلىپ "ھاقارەت قىلغۇچى ياكى ھاقارەت قىلىشقا تەرەددۇت قىلغۇچى كونۇپكا تاختىسنى بېسشتىن بۇرۇن قاتتىق ئويلىنىپ كۆرۈڭ ،سىز كىمنىڭ ئەۋلادى ؟!ئاتا-ئانىڭىز كىم ؟! سىز قايىسى يېزىقتا كىمنى سۆكمەكچى بولىۋاتىسىز؟!سىز قايسى تىلدا سۆزلىشىۋاتىسز؟!سىز قايسى ئۆرپ -ئادەت ،مەدەنىيەت رامكىسىدا ياشاۋاتىسىز ؟! پۇت يۈگۈرۈكى ئاشقا ،ئېغىز يۈگۈرۈكى باشقا!!!!    مەنبەسى: قىزىل يوپۇرماق

ghojidar

	مەن چوقۇم بۇ تىمىڭىزدىن ئىبرەت ئاىمەن

سۇمەييا

	ئىرشاد يوللىغان ۋاقتى  2012-8-9 10:32 PM وسىنى مىسىرانىمعا كوشىرىپ شاپتاپ قويسا بولادى. سىز قازاق مىللىتىدىن ئەمەسسىز يەنە؟چاقچاق.

ئايچىن

	شۇڭا دەيمىزغۇ  ئويناپ سۆزلىسەڭمۇ ئويلاپ سۆزلە دەپ ، چۇنكى بىر ئېغىز سۆزىمىز ۋە ئىش ھەركىتىمىز بەزىدە بىر مىللەت ئوبرازىغا ۋەكىل بوپ قېلىشى مۇمكىن.

musilina

	كومپىيوتۇر ئالدىدا ئولتۇرىۋېلىپ،مىللەت ،ئۇيغۇردىن چۈشۈپ ،بىر قىسىم ناچار ئىللەتلەرنى پۈتۈن مىللەتكە ئارتىپ تۇرۇپ سۆكۈشلەردىن بەك بىزارمەن... پۇت يۈگۈرىكى ئاشقا،ئېغىز يۈگۈرىكى باشقا....

xirkat

	ياخشى تېما ئىكەن

nazila998

	تىتىملىق تىما ،