رادىيو دوختۇرلىرىدىن ئەنسىرەيمەن

margub

	ئۆزەمچە بەك ئەنسىرەيدىغان بوپ قالدىم ، نىمىدىن دەۋاتامسىز ؟ ياق ياق ، ئۆزەمدىن ئەمەس، خەلقىمدىن . خەلقىمگە نىمە بوپتۇ دىگىنىڭىزگە قاراڭ . يەنە نىمە بولسا بولىتى؟ يەرلىرىمىز ئوغۇتلاشتى، موھىتىمىز ئېغىر بۇلغاندى، يىمىگىمىز خاشۇ، ئوغۇت ۋە دىخانچىلىق دورىلىرى . ھەرىكەت قىلمايلا ئولتۇرۇپ يەۋىرىدىغان بولۇپ كەتتۇق . ئەمەلدارلىرىمىز ئۆزى زىيانسىزنى يىگەن بىلەن بىز پۇقرالارنى كىسەل باستى . ئەمما ياخشى يېرى دىيارىمىزدا ئاجايىپ تالانىتلىق دوختۇرلار يېتىشىپ چىقىپ ، خسلەتلىك ھەممىگە شىپا دورىلىرى بىلەن دەردىمىزگە دەرمان بولدى. تېخى كىسەل كۆرسىتىشكە پۇلمۇ كەتمەيدۇ،پەقەت رادىيو دىن بىرنى ئىپ قويساڭلا بولىدۇ ھى ھى ھى ....... قەدىمدە تىببى ئىلىمنىڭ پىىشىۋالىرىدىن ئىبىن سىنا.... قاتارلىقلار ئۆز ئىلمى بىلەن دۇنياغا تەسىر كۆرسىتىپتىكەن ،تىببى ئىلىم تېخى ئۇنىڭ ئىسمى بىلەن ئاتىلىپتىكەن ،ئەمما ئۇ كىشى قانداق كىسەل كۆرىدىكەن دىمەمسىز؟ئۇ دەلتە تىۋىپ كىسەل كۆرسە قاراش، پۇراش، تومۇر تۇتۇش، سوراش .....دىگەندەك ئىشقىلىپ ئۇنىڭ كىسەل كۆرمىكى بەك تەس ئىكەن. ھازىر دوختۇرخانىغا بارساقچۇ ؟ يۇقارقى تەرتىپتىن باشقا بىر مۇنچە پۇلغا ئىلغار ئۈسكۈنىلەر ئارقىلىق تەكشۈرۈش قوشىلىدۇ. چىقىم كۆپ بولغاننىڭ ئۈستىگە ئاۋارىچىلىق. ئاللاغا شۇكرى ، تەلىيىمىزگە رادىيو دوختۇرلىرى بوپ قاپتىكەن ، بولمىسا ئاغرىپ ئۆلەركەنمىز. ئۇلارغا كۆرۈنسىڭىز نومۇر ئالمايسىز، ئۆچرەتتە تۇرمايسىز، ئۈسكۈنە كەتمەيدۇ، سىزنى كۆرمىسىمۇ بولىدۇ ،يىنىغا بىرىشقا ياسىنىپ تارىنىپ كىرا قىلىپ يۇرمەيسىز ،تومۇرىڭىزنىغۇ ئەسلى تۇتمايدۇ، ئۇلار بۇرۇنقى ئادەم ئاۋارە قىلىدىغان ئاتالمىش دوختۇرلارغا  ئوخشىمايدۇ .ئۇنىڭ ئۈستىگە ئۇنىڭ بىرلا خىل دورىسى ھەممە كىسەلگە شىپا، تېخى كىسەل كۆرسەتسىڭىز دورا مۇكاپات بىرىشىمۇ بار . دۇنيانىڭ باشقا يەرلىرىدە مۇشۇنداق يامان دوختۇرلارمۇ بارمىدۇ ؟ ئىشقىلىپ مەن ئاڭلىمىدىم .  بىرەرسى چەت ئەل ھۆكۈمەتلىرىگە بۇ دوختۇرلار توغرىلىق خەۋەر بىرىپ قويمىسىكەن دەپ بەكلا ئەنسىرەيمەن ، نىمىشقا دەمسىز؟ بۇگۈنكى بازار ئىگىلىكىدە كۆپرەك پۇل بىرىپ قالسا چەتكە چىقىپ كىتىپ بىزنى ئارماندا قويامدىكىن دەپچۇ .ئەنسىرىشىم مانا شۇ . رادىيو دوختۇرلىرىغا پۇتۇن  خەلىق نامىدىن شۇنداق ئىلتىجا قىلىمەن .ئى موھتىرەم   رادىيو دوختۇرلىرى ھەرگىز بىزنى تاشلىۋىتىپ بىر يانغا چىقىپ كەتمەڭلار، بىزنىڭ قىشىمىزدا بىخەتەرلىكىڭلارغا بىز كىپىل . ( تاسادىپى دوراڭلارنى ئىچىپ ئۆلۈپ تارتىپ قالساقمۇ سىلىگە داۋايىمىز يوق ).راسلا ، چۈنكى رادىيودا خاتا رىتسىپ يېزىپ بەر سەڭلارمۇ سىلەرنى ھىچكىم ئەرىز قىلمايدۇ . بىزنى ئاياڭلار، بىز سىلەرنى سۆيىمىز، ھەممىگە قادىر دوراڭلارنى سۆيىمىز ، سىلەردىن پەخىرلىنىمىز. سىلەرنى پۇتۇن دۇنياغا جاكارلايمىزكى : ياشىسۇن تىببى ئىلىمغا ئۆچمەس تۆھپە قوشىۋاتقان يەر شارى بويىچە بىزدىلا بولغان ، بۇيۇك ، ئىقتىدارلىق رادىيو دوختۇرلىرى . مەنبەسى:مەرغۇبنىڭ ھىس تۇيغۇلىرى ۋە قەلىمى

ghojidar

	قولىڭىزغا بىرنى سۆيۇپ قويغۇم كىلىۋاتىدۇ.

بۇغداي

	ھەجەپ بەلەن يىزىپسىز بەك ئورۇنلۇق . دىمىسىمۇ بەك ھەددىدىن ئاشتى  بۇساختاپەزلەر.

borankuxi123

	ھەرگىز ئەنسىرمەڭ ،دۆلىتىمىزدە بۇنداق دوختۇرلار ئۈزۈلۈپ قالمايدۇ!

RAHEME

	مەن بۇنىڭ تولۇق قىسمىنى قانۇنچىلىق گىزىتىدىن كۆرگەندەك قىلغان قىلغان ئىدىم .   نىمىسى نىە بولدى ئۇگىزىتنى تاپالمىدىم  بولمىسا مۇنبەردىكىلەر بىلەن تەڭ كۇلگەن بولاتتۇق .

xaxyax

	راس گەپنى يېزىپتۇ! يازما يازغۇچىلار مۇشۇنداق بايقاشقا ماھىر بولسىكەن دەيمەن.

yawaat0998

	پاھ پاھ....... تازا كىلىشتۈرۈپسىز. ئاشۇلار ئوقۇپ قالسا يۈزى قىزىرارمۇ يا قېلىنشىپ داخاننىڭ دېپىدەك يۈزلىرى ھېچنىمە بولماسمۇ؟ مۇنداق بىر ھىكايەت بار: شىۋىتسىيەلىك بىر فراپپىسۇر جۇڭگۇغا كەپتۇ. تېلۋىزۇر، رادىئو، گېزىتلاردىن كېسەل داۋالاش ئېلانلىرىنى ئاڭلاپ، ھەيران قاپتۇ: غەرب ئەللىرى داۋا قىلالمايۋاتقان كېسەللەرگە جۇڭگۇلۇقلار داۋا قىلالايدىكەن ئەمەسمۇ؟ شۇنىڭ بىلەن ئۇ دەرھال دۆلىتىگە قايتىپ، نوبىل مۇكاپاتى كومىتېتىغا مۇنداق دوكلات سۇنۇپ، ئاڭلىغانلىرىنى، گېزىتتىن كۆرگەنلىرىنى بىرقۇر بايان قىلىپ بولغاندىن كىيىن، ئاخىرىدا مۇنداق دەپتۇ: ھازىر نۇرغۇن ساقايماس كېسەللەرگە جۇڭگۇدا داۋا تېپىلىپ بولدى، شۇڭا، مىدىتسىنا ئىلمى بويىچە نوبىل مۇكاپاتنى باھالاش ھەيئېتىنىڭ تىزدىن جۇڭگۇغا بېرىپ، تەكشۈرۈش ئېلىپ بېرىشى، شۇ دورىلارنى تەتقىق قىلىپ چىققۇچىلارغا مۇكاپات تارقىتىشى كېرەك. ئۇلار راستىنلا جۇڭگۇغا كېلىپتۇ، غەربتىكى بىداۋا كېسەكلەرگە شىپاھ قىلىدىغان دورىلارنى تېپىپ، تەكشۈرۈش ئېلىپ بېرىپتۇ. نەتىجىدە نوبىل مۇكاپاتى باھالاش ھەيئىتىدىكىلەر ئىنتايىن ئۈمىدسىزلەنگەن ھالدا دۆلىتىگە قايتىپ كېتىپتۇ.

rahatmakan

	مۇشۇ   رادىيو  دوخىتۇرلىرنىڭ  دەستىدىن  رادىيومۇ  ئاڭلىمايدىغان  بوپ  قالدىم   رادىيو  ئىستانسىسى  دىمەي  دوختۇرخانا  ئىستانسىسى  دەيدىغان  ۋاقىت  كىپ  قالدى.  بۇخەقلەرنىڭ  ھاماقەتلىكى........ھەي   توۋا؟

artiken

	ئۇنى بىر دىمەڭ! ئەگەر تىلىۋىزورىڭىزدا شىنجاڭ تېلىۋىزىيە ئىستانسىسىنىڭ ئىككىنچى قانىلى ( خۇتەننىڭ كۈچەيتكىنى) چىقسا بىر كۈرۈپ بېقىڭ! باشقا يەرگە قارىغاندا خۇتەندە كىسەل كىشىلەر بەك كۆپ ئوخشايدۇ، قاچانلا قارىسا دۇختۇرخانا ئېلانى.  99% ئېلان دوختۇرخا ئېلانى. ئۇلار‹‹ بىزنىڭ دۇختۇرخانىغا كەلسىڭىز مەڭگۈ ئۆلمەيسىز ›› دىمەيدىيۇ، ئەمما تاس قالىدۇ دەۋەتكىلى.

rinatcn

	مەنمۇ بىر دورىنى ئاڭلاپ دوراخانىغا بارسام 600 سوم دەيدۇ ....دوختۇر چۇشەندۇرگەندە باھاسى مۇئاپىق ،ھەممە ئادەم سىتىۋالالايدۇ دىگەنتى ... ھەي زورلاپ ساتارلار ....