پاتىگۇل خانىم، رامىزاندىكى ساخاۋىتىڭىز سىزگە نۇسرەت بەرسۇن

قۇددۇس

	ئالىيەنىڭ بەختى ***************************************************************************************** - سىزنىڭ قانچە دوستىڭىز بار؟ -- مېنىڭ بىرتاللا دوستۇم بار، -- ئۇ كىمۇ؟ -- خوشنىمىز گۇلمىرە، پەقەت شۇلا مېنىڭ دوستۇم. -- تەنەپپۇس ۋاقتىدا قانداق قىلىسىز؟ -- سىنىپتا ئولتۇرۇپ گۇلمىرە بىلەن ئوينايمەن، سىرتقا چىقسام باشقا بالىلار مېنىڭ بىلەن ئويناشنى خالىمايدۇ، مېنىمۇ ئويىنىغا قاتمايدۇ. -- ئەگەر گۇلمىرە سىرتقا ئوينىغىلى چىقىپ كەتسە قانداق قىلىسىز؟ -- سىنىپتا ئولتۇرۇپ كىتاپ كۆرىمەن، تاپشۇرۇق ئىشلەيمەن. ********************************************************************************************* كىچك ئالىيەنى كۆرگەن ھەر قانداق بىر كىشىنىڭ ئىچى پۇشماي تۇرمايدۇ. سول تەرەپ چېكىسىدىن يارما ئايرىلغان بۇ چاچلار ئۇتتۇر قايرىلىپ ئۆڭ تەرەپ كۆزىنى ئېتىپ تۇرىدىغان ھالەتتە ياسالغان بولۇپ، ئۇزۇن، قارا، تال تال چاچلارنىڭ ئالىيەنىڭ ئۆڭ تەرەپتىكى يۇزىنى تولۇق ئېتىۋالغان بولۇپ، چوڭقۇر، چوڭ - چوڭ بوتا كۆزلەر بۇ پەردىنىڭ ئارقىسىدا ئاجايىپ قىسمەتلەرنىڭ يوشۇرۇلغانلىقىدىن بىلدۇرەتتى.     2012- يىلى 6- ئاۋغۇسىت، سەھەر، تاساددىپى بىر قېتىملىق توغرا كېلىپ قىلىش سەۋەبىدىن مەن تۇنجى قېتىم كىچىك ئالىيە بىلەن ئۇچراشتىم ۋە بۇ قىزنىڭ بۇ خىل چاچ پوسونىغا تولىمۇ تەئەججۇپلەندىم. لېكىن، بۇنىڭدىن ئىلگىرى بۇ قىز ھەققىدە ئاز - تولا ئىشلاردىن خەۋەردار بولغانلىقىم ئۈچۈن، ئالىيەنىڭ چوڭ ئاپىسىدىن ئىنچىكىلەپ سورىدىميۇ، لېكىن ئىچ ئاغرىقىدىن تاكى 160 كىلومىتىرلىق مۇساپىنى بېسىپ بولغۇچە نىمە دىيىشىمنى بىلەلمەي قالدىم. -- ئالىيە قىزىمنىڭ بالىسى، بالىسى ئالتە ئايلىق بولغاندا، قىينىئاپىسىنىڭ پاختىزارلىقىدا پاختا تېرىپ بېرىش ئۈچۈن بېرىپ، بۇ بالىنى (ئالىيە) نى كىچىك بىر قىزنىڭ قاراپ تۇرىشىغا قويۇپ قويغان، شۇنىڭ بىلەن ئوچاقتىكى چوغنىڭ ئۇستىگە دۇم چۇشۇپ كېتىپ مۇشۇنداق كۆيۇپ قالغان ئىدى- دەپ تونۇشتۇردى ئالىيەنىڭ چوڭ ئاپىسى. -- ئالىيە كۆيۇپ قالغاندىن كېيىن، بالىنىڭ دادىسى ئۆز بالىسىدىن نومۇس قىلىپ، يۇتىغا (يۇرتىغا) كېتىۋالدى، بۇنىڭغا قارىمايدۇ، ئاپىسى بولسا پۇل تېپىپ قىزىمنى داۋالىتىمەن دەپ سىرتلاردا ئىشلەۋاتىدۇ. بۇنىڭغا مەن قاراۋاتىمەن، بۇ بالا ئۆزىنىڭ ئاپىسىنىمۇ ئاندا - ساندا كۆرىدۇ. -- دىدى ئالىيەنىڭ چوڭ ئانىسى     ئالىيەنىڭ ئوڭ تەرەپ يۇزىنى ئېتىپ قويۇپ، سول تەرەپتىكى يۇزىگە قارايدىغان بولساق ئۇ تولىمۇ چىرايلىق قىزى. خۇددى چۆچەكلەردە تەسۋىرلەنگەندەك، ئىنچىكە سىزىپ قويغاندەك قاش، چوڭقۇر، قاپقارا بوتا كۆزلەر، ئىلىپ تارتقاندەك قاڭشارلىق بۇرۇن، سوزۇنچاق كەلگەن يۇز. تىپىك گۈزەللەرنىڭ ئالاھىدىلىگى. لېكىن، ئۇنىڭ ئوڭ يۇزى دەل ئەكسىنچە، چوڭقۇر، ئەتسىز كۆيۇك يۇز، ئوڭ باش تەرىپىدىن ياغاق، تۈكسىز باش تېرىسىنى كىشىنىڭ قورقىسىنى كەلتۇرەتتى.     بىچارە ئالىيەنىڭ بەخىتسىز سەرگۈزەشتىسىنى ئويلاپ 170 كىلومىترلىق مۇساپىدە گەپ قىلالمىدىم. ماشىنىدىن چۇشۇپ، ئازادلىق ئارمىيە 273- دوختۇرخانىسى (كورلا شەھرىدە) نىڭ كۆيۇك كېسەللىكلەر، ھوسۇن تۇزەش بۆلىمىگە كىرگەندىن كېيىن سورىدىم.    - سىزنىڭ قانچە دوستىڭىز بار؟ -- يوق، مېنىڭ ئاران بىرتاللا دوستۇم بار، -- ئۇ كىمۇ؟ ئارانلا دىيەلىدىم مەن. -- خوشنىمىز گۇلمىرە، پەقەت شۇلا مېنىڭ دوستۇم. -- تەنەپپۇس ۋاقتىدا قانداق قىلىسىز؟ -- سىنىپتا ئولتۇرۇپ گۇلمىرە بىلەن ئوينايمەن، سىرتقا چىقسام باشقا بالىلار مېنىڭ بىلەن ئويناشنى خالىمايدۇ، مېنىمۇ ئويىنىغا قاتمايدۇ. -- ئەگەر گۇلمىرە سىرتقا ئوينىغىلى چىقىپ كەتسە قانداق قىلىسىز؟ -- سىنىپتا ئولتۇرۇپ كىتاپ كۆرىمەن، تاپشۇرۇق ئىشلەيمەن. «ئاران بىرتاللا دوستۇم بار» دىگەن گەپنى ئاڭلىغاندىن كېيىن، ئۆپكەم ئۆرۇلۇپ، بولدۇقلاپ كېلىۋاتقان كۆز يېشىمنى ئاران ئاران تۇتۇپ قالالىدىم. بىچارە ئالىيەنىڭ بۇ كەچۇرمىشىنى ئاڭلاپ ئۇنىڭدىن يەنە باشقا سۇئال سوراشقا پېتىنالماي يان تەرەپكە قاراپ، كۆز ياشلىرىمنى زورىغا سىڭدۇرۋەتتىم.     9 ياشقا كىرگەن ئالىيە بۇ يىل 2- يىللىقتا ئوقۇيدىكەن، ئۈگۇنىشتە ئالاھىدە ياخشى بولۇپ، خېتىمۇ تولىمۇ چىرايلىق ئىكەن. بۇ يىل 5- ئايدا كورلا شەھرىدىكى مېھرىبان ئانىلار جەمئىيىتى بۈگۈر ناھىيەلىك ئاياللار بىرلەشمىسى، بۈگۈردىكى مىھرىبان ئانىلار جەمئىيىتى بىلەن بىرلىكتە بۈگۈر ناھىيىسىدە ئىللىقلىق يەتكۇزۇش، ياردەم بېرىش پائالىيەت ئېلىپ بېرىۋاتقاندا تاساددىپى بايقالغان بولۇپ، ئۇنىڭ ئۈگىنىشىنىڭ ئالاھىدە ياخشىلىشقى ۋە بېشىغا كەلگەن كۈلپەتلەر كورلا شەھرىدىن كەلگەن مىھرىبان ئانىلارنىڭ چەكسىز ھېسىداشلىقىنى قوزغىغان. كورلا شەھرىلىك تىجارەتچى پاتىگۇل خانىم شۇ يەرنىڭ ئۆزىدىلا مەيلى قانچىلىك پۇل كەتسىدۇ بۇ ئەقىللىق، سەبى قىزنى داۋالاپ ساقايتىش قارارىغا كېلىدۇ. ھەمدە قايتىپ بارغاندىن كېيىن، كورلا شەھەرلىك ئاياللار بىرلەشمىسى قاتارلىق ئورۇنلارغا ئۆزىنىڭ ئۆيىنى ئېيتىپ، ئەڭ ياخشى دوختۇرخانىنى ئالاقىلىشپ بېرىشىنى ئېيتىدۇ. ئازادلىق ئارمىيە 273- دوختۇرخانىسىنىڭ كۆيۇك كېسەللىكلىرى، ھوسۇن تۇزەش بۆلىمى بايىنغولىن ئوبلاستىلا ئەمەس بەلكى جەنۇبى شىنجاڭ تەۋەسىدە كۆزگە كۆرۇنگەن بۆلۇم. شەھەرلىك ئاياللار بىرلەشمىسىنىڭ ماسلاشتۇرىشى بىلەن، ئالىيە 2012- يىلى 8- ئاۋغۇسىت، 273- دوختۇرخانىسى كۆيۇك كېسەللىكلەر بۆلىمىگە قوبۇل قىلىنىپ، 1- باسقۇچلۇق داۋالاشنى قوبۇل قىلىۋاتىدۇ. 1- باسقۇچلۇق داۋالاشتا  كۆيگەن ئورۇنغا تىز سۇرئەتتە گوش ئۆستۇرۇش ئۆكۇلى ئۇرۇلۇپ، گوش ۋە تېرە ئۆستۇرۇلۇش بىلەن بىر ۋاقىتتا، ئوزۇقلىنىشىنى كۈچەيتىپ، بەدەن كۈچلەندۇرۇلىدۇ. ئارقىدىن 2- قېتىملىق ئوپىراتسىيە قىلىنىپ، شەكىل تۇزۇلىدۇ. بۇنىڭ بىلەن ئالىيەنىڭ ھوسنى ئەسلىگە كېلىدۇ.     بۇنى ئاڭلىغان ئالىيە تولىمۇ خوشال بولدى. لېكىن كىچىك قىز ئۆزىنىڭ خوشاللىقىنى قانداق ئىپادىلەپ بېرىشنى بىلەلمەي قالدى. ئەڭ ئاخىرىدا ئالىيە ئۆزىنى پاتىگۇل «ئاپىسى» نىڭ قوينىغا ئېتىپ، ئۇنى چىڭ قۇچاقلاپ قويۇش ئارقىلىق ئۆزىنىڭ سەبى، قىزغىن، ھىچقانداق سۇنئىلىك ئارلاشمىغان چىن ھىسىياتىنى ئىپادىلىدى.      گەرچە پاتىگۇل خانىم «ئوڭ قولىدا بەرگەن سەدىقەڭنى سول قولۇڭ بىلمىسۇن» دىگەننى كۆپ قېتىم تەكرارلىغان بولسىمۇ، لېكىن ياخشىلار ياشىسۇن دىگەننى مىزان قىلغان مەن، بۇ ئىشلارنى يازماي دەپ ئۈچ كۈنگىچە جىم ئولتۇرغان بولساممۇ، لېكىن قەتئى چىداپ بولالمىدىم.       ئۇلۇغ رامىزاندا قىلچىمۇ شەخسىيەتسىز، خالىسانە ئىش قىلغان پاتىگۇل، ئۇلۇغ ئاللاھ سىز قىلغان ھەر بىر ياخشىلىقىڭىزغا مىڭ مەرتە ياخشىلىق قوشۇپ، ئىشلىرىڭىزغا بەرىكەت، تۇرمۇشىڭىزدا ئامەت، تېنىڭىزگە سالامەتلىك، پەرزەنىتلىرىڭىزگە دىيانەت ئاتا قىلغاي. خالىس يولدا سەرىپ قىلغان ھەر پۇڭ پۇلىڭىز 10، 100، 1000 بولۇپ قايتقاي.

ghojidar

	ياخشىلار ياشىسۇن

بۇغداي

	ئاللاھ  پاتىگۇل خانىمدەك ساخاۋەتچىلەرنىڭ  ئىككىلا دۇنيالىقىنى بەرگەي! مال- دۇنيا تىپىش قىيىن، ئۇنى جايىدا ئىشلىتىش تىپىشتىنمۇ قىيىن.

ئۆل

	سۈرئىتىنى كۆرگەن بولساق ئەلۋەتتە بۇ ئوماق ئۈچۈن خوش بولدۇم ..ساخاۋەتچى پەرشتە سۈپەت بۇ خانىمدىن سۈيۈندۈم ..ئاللا ئىشلرىنى ئوڭۇشلۇق قىلسۇن ...

سۇمەييا

	ئاللا تىنىنى ئامان ئۆمرىنى ئۇزۇن قىلسۇن ھەربىر باسقان قەدىمىدە گۇللەر ئۇنسۇن.

kaynam999

	مۇشۇنىڭدەك ساخاۋەتچى خانىملىرمىزنىڭ  كۇندىن كۇنگە كۇپيىشىنى ئۇمۇت قىلمەن.شۇنداقلا ئۇلارنىڭ ئىشلىرنىڭ كۇندىن كۇنگە روناق تىپشىغا تىلەكداشمەن.

uygurjan09

	دۇنيا مىھىر مۇھەببەت بىلەن گۈزەلدۇر.......

nazila998

	پاتىگۇل خانىمنىڭ بۇندىن كىينكى ئىشلىرىغا تىخىمۇ بەركەت تىلەيمەن ، ھەم ئوماق ئالىيەنىڭ سالامەتلىگىنىڭ تىزرەك ئەسلىگە كىلىشىنى تىلەيمەن ،

xukur0996

	http://bbs.alqi.biz/read.php?tid=7650