ئايرىمخانىدىكى ئەر _ خوتۇنلار

nazila998

	ئايرىمخانىدىكى ئەر - خوتۇنلار                                                              (  ھېكايە )       بۈگۈن ھەپتە ئاخىرى بولغاچ پولات بالدۇراق ئىشتىن قايتىپ كەلدى ، ئۆيگە كىرىپ ئاشخانىدا تاماققا تۇتۇش قىلىۋاتقان شەھىدەنى كۆرۈپ :       _ يىڭىلىققۇ بۇ ، بۈگۈن بۇ ئۆيدە تاماق پىشىدىكەن _ ھە ، _ دىدى پولات شەھىدەگە قاراپ ،       _ مەن بۇ ئۆيدە تاماق ئىتىپ باقمىغاندەك گەپ قىلىسىزغۇ _ دىدى شەھىدەمۇ پولاتقا جاۋابەن تۇمشۇقلىرىنى ئۇشلاپ تۇرۇپ ، _ باللامۇ مەكتەپتىن كىلىپ بولدى ، بىر دەم تىلىۋىزور كۆرۈپ ئولتۇرۇپ تۇرۇڭ ، تاماق ھازىرلا تەييار بولىدۇ .       پولات مىھمانخانا ئۆيدە باللىرى بىلەن  تېلىۋىزور كورۈپ ئولتۇردى ، ئۇزۇنغا قالماي تاماقمۇ پىشتى ، تاماق يەپ بولۇپ تۇرشىغا شەھىدەنىڭ تىلىفۇنى سايراپ قالدى ، شەھىدە تىلىفۇندا قىسقىلا سۆزلەشتى ، گىپىنىڭ ئورامىدىن بۇ تىلىفۇننى شەھىدەنىڭ ئاچىسى ئۇرغاندەك قىلاتتى ،       _ ئاچام تىلىفۇن قىپتۇ ، يىراقتىن ئىككى دوستى كەپتىكەن ، شۇلارنى تاماققا تەكلىپ قىپتۇ ، بىللە بىرىپ كىلەيلى دەيدۇ ، بىرىپ كىلەيمۇ ؟ _ سورىدى پولاتتىن .       _ ئاچىڭىز چاقىرغاندىكىن بېرىپ كىلىڭ ، شەھىدە كىيىملىرىنى ئالماشتۇرۇپ چىقىپ كەتتى ، ئۇزۇن ئۆتمەي ئۆيگە ئۈستىدىكى خوشنىسى ھەم خىزمەتدىشى قاسىم كىرىپ كەلدى ، پولات ئۇنى ئولتۇرۇشقا تەكلىپ قىلغانتى ، ئۇ ئولتۇرماي ئۇدۇللا دىدى :       _ بۈگۈن ئالى مەكتەپتىكى بىر ساۋاقدىشىم ئۈچ  دوستىنى ئىلىپ كەپتىكەن  ، بايام تىلىفۇن قىپتۇ ، شۇلانى بىر كۈتۈپ قوياي دىگەنتىم ، شۇ يەرگە بىللە بېرىپ كىلەيلى ، يۈرە ،      _ مەن بارماي ، شەھىدە ئاچىسى بىلەن بىر يەرگە كەتكەن ، بالىلا ر يالغۇز قالىدىكەن ، بالىلارغا ھەمرا بولايمىكى .      دەل بۇنىڭغا ئۈلگۈرۈپ پولاتنىڭ سىڭلىسى ئۆيگە كىرىپ كەلدى ، ئەھۋالنى ئۇققاندىن كىيىن باللانى ئۆز ئۆيىگە ئىلىپ چىقىپ كەتتى ، پولات شۇنداق قىلىپ قاسىم بىلەن بىللە ئۇنىڭ مىھمانلىرىغا ھەمدەم بولغىلى بىللە چىقتى ، ئۇلا پەسكە چۈشۈپ قاسىمنىڭ ماشىنىسىدا ئولتۇرۇپ ، مۇشۇ ناھىيە ئىچىدە ئالدىنقى قاتاردىكى بىر مىللىچە رىستۇرانغا كىردى -دە ئازادە ئايرىمخانىدىن بىرىگە كىرىپ ئورۇنلىشىۋالغاندىن كىيىن ، قاسىم ساۋاقدىشىغا تىلىفۇن قىلىپ ئۆزلىرى ئولتۇرغان رىستۇراننىڭ ئورنىنى ھەم تىزرەك كىلىشىنى دەپ تىلىفۇننى قويدى ، مىھمانلارمۇ ھايالشىمايلا كىلىپ بولدى ، ئۇلار ئىككى ئەر ئىككى ئايال ئىدى ، ئۇلار كۆرشۈپ قىسقىچە ئەھۋاللاشقاندىن كىيىن ، ئورۇن ئىلىپ ئولتۇرۇشتى ، قاسىم كۈتكۈچىنى چاقىرىپ بىر نەچچە قورۇمىلارنى بۇيرۇتتى ئاندىن قاسىمنىڭ ساۋاقدىشى بۇ مىھمانلارنى قىسقىچە تونۇشتۇردى ، ئاندىن يىنىدىكى ياش ئايالغا :      _ دوستىڭىزغا تىلىفۇن قىلدىڭىزمۇ ؟ _ دەپ سوراپ قالدى ،     _ بايام قىلغان ، يەنە بىر قىلاي _ دىدى ئايال سومكىسىدىن تىلىفۇننى ئىلىۋىتىپ ،    _ دەڭا ، تىزرەك كەلسۇن ، دوسلىرىدىن بىرەسىنى بىللە ئىلىۋالسۇن . بۇ ئايال تىلىفۇننى ئىلىپ سىرىتقا چىقىپ كەتتى ھەم ھايالشىمايلا قايتىپ كىردى ،      _ يولدا كىلىۋىتىپتۇ ،       مىھمانلار بىلەن ساھىپخان بىر دەم  ئۇيان - بۇياننىڭ پارىڭىنى قىلىپ ئولتۇردى ، قورۇمىلارنىڭ ئالدى چىققىلى تۇردى ، شۇ چاغدا ئايرىمخانىنىڭ ئىشىگى يەڭگىل چىكىلىپ ئىككى ئايال كىرىپ كەلدى ، بۇ  ئىككى ئايالنى كۆرۈپ پولاتنىڭ كۆزلىرى چەكچىيىپ ، بۇغداي ئۆڭ چىرايى تېخىمۇ قارداپ كەتتى ، ئىشىكتىن كىرگىنى باشقا ئادەم بولماستىن شەھىدە بىلەن شەھىدەنىڭ ئاچىسى ئىدى ،تىخى ئۇلار پەدازخانىغا بىرىپ ، چاچلىرىنى ئازراق ياسىتىپ ، سۇس گىرىم قىلدۇرۇپمۇ ئۈلگۈرگەن ئىدى ،  قاسىممۇ بىر پولاتقا بىر شەھىدەگە قاراپلا قالدى ، لىكىن شەھىدە ئىشىكتىن كىرگەندە ئولتۇرغانلارغا سەپ سالمايلا كىرىپ ئولتۇرۇپ بولۇپ مىھمانلار بىلەن سالاملىشىۋىتىپ پولاتنى كۆردى -دە چۆچۈپ كەتتى ، شەھىدەنىڭ ئاچىسىمۇ بەكلا ئوڭايسىزلاندى ، پولات قاسىمغا سىرتقا چىقىپ كىرەي دەپلا  ئورنىدىن تۇردى - دە چىقىپ كەتتى ، شەھىدەمۇ ئاچىسىنىڭ قۇلىقىغا پىچىرلاپ قويۇپلا ئۇمۇ تىزلا ماڭدى ، بۇ ئىككى ئايالدىن بىرسى شەھىدەنىڭ ئاچىسىنىڭ ساۋاقدىشى ئىكەن ئۇلار قىزغىن ئەھۋاللىشىپ بولغاندىن كىيىن چىقىپ كەتكەن ئىككەيلەننى كەلتۇرۇپ :     _ پاھ ! بۇ ئىككەيلەن بەك چاققانغۇ ؟ ئىشىكتىن كىرە- كىرمەيلا  كۆز قىسىشىۋالدىمۇ نىمە تىزلا بىللە چىقىپ كەتتىغۇ ؟ _ بۇ گەپكە مىھمانلار كۈلۈپ كىتىشتى ، قاسىم بىلەن شەھىدەنىڭ ئاچىسى ئارتۇق بىرنەسە دىمەيلا ، ئۇلارغا ئەگىشىپ سۇسلا كۈلۈپ قويۇپ ئولتۇرۇشتى .      پولات شۇ چىققانچە يولدىن تاكسى توسۇدى ، شەھىدەمۇ ئۇلۇشىپلا تىز چىققان بولغاچ ، پولات توسقان تاكسىغا ئۈلگۈردى ، ئىككىسى ئۆيگە  بىللە كىرىشتى ،       _ ئاچاڭنىڭ دوسلىرى شۇما ؟ _ پولات ئاچچىقتا تىترەپ ، كۆزلىرى ھىلىلا چىقىپ كىتىدىغاندەك چەكچەيگەن ،بۇرۇن توشۈكلىرى كىڭىيىپ ، ئاجايىپ بىر تۈسكە كىرىپ قالغان ئىدى ، شەھىدە نىمىمۇ دىيەلىسۇن ، چۈشەنچە بىرەي دىسە ، چۈشەنچە بەرگۈدەكمۇ ئىش بولمىسا ، مۇشۇنداقمۇ  ئۇدۇل كىلىپ قالغان بارمۇ        _ ھە ئە ! شۇ ، ماڭا نىمە بۇنداق قارايسىز ؟ سىزمۇ بىرىپسىزغۇ ئاينا _، مۇشۇ گەپ بىلەن شەھىدەنىڭ يۈزىگە تەككەن بىر تەستەك ئۇنى سافادىلا ئولتۇغۇزۇپ قويدى ، شەھىدەنىڭ كۆزىدىن ئوت چىقىپ كەتتى ، پولات ھىچنىمىگە قارمايلا ئۆيدىن چىقىپ كەتتى ، ئۇ تىخىچە تىترەپ كىتىۋاتاتتى ، ئۇنىڭ كاللىسى قۇپ- قۇرۇق  ، ئۇ شۇ ماڭغانچە مىڭىپ ئىدارىسىنىڭ ئالدىغا كىلىپ قالغانلىغىنى بىلدى ، ئۇ ئۇدۇل ئىشىانىسىغا كىرىپ ئۆزىنى ئورۇندۇققا تاشلىدى << توۋا ، ماۋۇ شەھىدەنىڭ قىلىپ يۈرگەن ئىشىنى قارا ، نەچچە ۋاقىتتىن بىرى دوسلۇرۇم بىلەن تاماق يەيمەن ، خىزمەتداشلىرىم بىلەن بىر يەگە بارمەن ، ساۋاقداشلار يىغىلاتتۇق ................. مۇشۇنداق باھانىلار بىلەن مەندىن سورىسا ، ئىشىنىپ ھە دەپ يۈرۈپتىمەن ، ئۇ مۇشۇنداق قىلىپ ، مۇشۇنداق سورۇنلارنىڭ قانچىلىرىگە باغاندۇ ؟ تىخى ماڭا گەپ ياندۇرۋاتىدۇ دىسە >>، پولات ئويلىغانسىرى ئىچى ئاچچىق بولۇپ ، بىشى چىڭقىلىپ كەتتى ، ئۇ ئاستا تۇرۇپ بىر تال تاماكىنى تۇتاشتۇرۇپ ئاچچىق - ئاچچىق شوراپ خىيالغا پاتتى ، قانچە ئويلاپمۇ شەھىدەنىڭ بۈگۈنكى بۇ ئىشى كاللىسىدىن پەقەت ئۆتمىدى ، مۇشۇ يىقىنقى بىر - ئىككى يىلدىن بىرى شەھىدەنىڭ باردى - كەلدىسى بەك كۆپۈيۈپ قالغان ئىدى ، بىردەم ساۋاقداشلىرىمنىڭ قاتار چىيى دەۋاتقان ، بىردەم خىزمەتداشلىرىمنىڭ قاتار چىيى دەۋاتقان ، بىردەم دوسلۇرۇمنىڭ يىغىلىشى دەۋاتقان ............... پولات ئويلىغانسىرى يۈرۈكىنى بىر نەسە مۇجۇپ كەتتى ، ئۇ مۇشۇنداق گادىرماش خىياللار بىلەن قاچانلادا ئۇخلاپ قالغىنىنىمۇ بىلمىدى          ئۇ ئەتتىگىنى ئىشخانىسىدىن بىشى بەكمۇ ئىغىر ، كۆزلىرى قىزارغان ھالدا ئورنىدىن تۇردى ، ئۇ ئىشخانىنى بىرەر قۇر يىغىشتۇرۋەتكەندىن كىيىن ئۈستەل ئالدىغا كىلىپ ئولتۇردى ، ئاڭغىچە خىزمەتداشلىرى بىر - ئىككىدىن كىلىشكە باشلىدى ، قاسىم كىلىپلا بىرىنچى بولۇپ پولاتنىڭ ئىشخانىسىغا كىردى ، قىسقىچە ئەھۋاللاشقاندىن كىيىن :        _ يۈرە ناشتا قىلىپ كىرەيلى ، مەنمۇ ناشتىسىز كەلدىم _ دىدى  ،        _ كۆڭلۈم بىر نەسە تاتمايدۇ ، بولدى مەن چىقماي ،_ قاسىممۇ ئارتۇق بىر نەسە دىيەلمىدى ،        شەھىدە ئەشۇ بىر تەستەك بىلەن خىلى ئۇزۇن يىغلاپ ئولتۇردى ، ئۇ بۇ ئىشلارنىڭ بىر يامان چۈش بولۇپ قىلىشىنى ، چۈشتىن ئويغانسىلا ھەممە ئىشنىڭ ئوڭشۇلۇپ كىتىشىنى تىلىدى ، بىراق ھەرقانچە قىلسىمۇ بۇ بىر رىيالىق ، ئىنكار قىلغىلى بولمايدىغان بىر رىياللىق ئىدى ،       مۇشۇ ئىش بولۇپ بىر ھەپتىدىن كىيىن ئۇلار ئاجىرشىدىغان بولدى ، بۇ ئىككىلەيلەنگە ئۇرۇق تۇققانلارمۇ ، دوسلىرىمۇ كۆپ نەسىھەت قىلدى ، بولۇپمۇ پولاتنىڭ سىڭلىسى ئايشەم بۇ ئىشقا بەك كۈچىدى ، ئايشەم بىلەن شەھىدە تولۇق ئوتتۇردىكى ساۋاقداشلار ، ھەم يىقىن دوسلاردىن ئىدى ، ئاكىسى بىلەن شەھىدەنىمۇ ئايشەم ئۇچراشتۇرغان ،       _ ئاكا ، بولدى قىلە ، بۇندىن كىيىن شەھىدەمۇ دىققەت قىلسۇن ، بىر چىرايلىق ئىككى بالاڭ تۇرسا ، ئۇنداق يەڭگىللىك قىلما ، بولامدۇ ئاكا ،        _   بولدى ، ماڭا نەسىھەت قىلما  ،  شەھىدەگە بەك ئىشىنەتتىم ، مەن بۇ ئىشلانى پەقەت كاللامدىن ئۆتكۈزەلمىدىم ، تىخى قىلغۇلۇقنىڭ قىلىپ بولۇپ ماڭا گەپ ياندۇرۋاتىدۇ دىسە ، ئاجىرشىپ كىتەيلى ، بىر  مەزگىل مۇشۇنداق ئۆتۈپ باقايلى ، كىيىنچە بىر گەپ بولا .         _ شەھىدە ! تولا جاھىللىق قىلما ، بۇ ئىشتا ئۆزەڭدىن ئۆتكەن يىرى بولغاندىكىن ، ئاكامدىن ئەپۇ سورىغىن ، باللىرىڭنى ئۆزەڭلا بىقىپ قىلىڭلا ،        _ ئۆزەمدىن ئۆتكەن يىرى بولغاچقىلا ئاجىرشىشقا قوشۇلدۇم ، پولات نىمە دىسەم رايىمغا باراتتى ، پەقەت كۆڭلۈمنى چىگىپ باقمىغان ، مەن ئۇنىڭغا يۈز كىلەلمەيمەن ، مۇشۇ ئىش بىلەن ئۇ ماڭا بۇندىن كىيىن ئىشەنچىسىز قارايدۇ ، بۇنداق ئىشەنچىسىز تۇرمۇشتىن سوغۇق شامال ھۇۋلايدۇ ، ئوتتۇرمىزدىكى ھۆرمەتمۇ  يوقايدۇ ، ئەمدى بىزنىڭ نىكاھىمىز بىر توپا تاققا ئوخشاپ قالدى ، بۇ توپىنى كۈچلۈكرەك شامال چىقسا ئۇچۇرتۇپ كىتىدۇ ،         ئايشەم بەكمۇ ئىلاجىسىز قالدى .        بۇگۈن ئۇلار ئاجىرشىش رەسمىيەتلىرىنى تۈگەتتى ، ئوغلىنى پولات ئالدى ، قىزىنى شەھىدە ئالدى ، پولات بىلەن شەھىدە بىر - بىرىگە سوغۇق قاراپ ئايرىلدى ، بىراق ماۋۇ ئىككى كىچىك نائىرسىدىلەر بىر - بىرىگە قىيمىغان ھالدا كۆزلىرىگە ياش ئىلىپ ئارىلدى ، بۇ ئايرىمخانا بىر ئوبدان ئائىلىنى ئايرىدى ، بولۇپمۇ قانداش ئىككى نارەسىدىسىدىن ئايرىدى.     مەنبە : قەلىمىم

sargarda

	ئادەم   بىر   قېتىم   ئاشنا  ئويناش  پاتقىقىغا   پېتىپ  قالسا  ،  ھامان ئىككىنچى قېتىممۇ  شۇ  پاتقاققا   چۈشىدۇ  .    ئاجرىشىپ   كېتىپ  ياخشى  بوپتۇ  . بالا  دېگەن يېتىم  بولسىمۇ   چوڭ   بولىدۇ  .   ئەمما   ، ئاندا  خوتۇن  بىلەن   تۇتقان  ئۆيدە   بەرىكەت  ،  ھايا  ،  سۆيگۈ   بولمايدۇ  .  بۇنداق  ئائىلدىن   بويتاقچىلىق ئەۋزەل... نېمدىگەن  يىرگىنىچلىك  ،  قەبىھ   ئىشلار   ؟   مۇشۇ   مۇنبەردىكى  قىزلارغا   يازىدىغان   باشقا   مەزمۇن  چىقمامدىغاندۇ  ؟ ئەمدى  خوتۇن  ئالاي  دېگەندە  بۇنداق  پاجىئەلىك  تېمىنى  يوللاپ  ، ئادەمنى ۋەھىمە  ،  ئەندىشىگە   سېلىپ  ...  ؟

Qabiljan

	ئىبرەتلىك تېما ئىكەن.

ئىپارە

	ھەر ئىككىسى شەيتاننىڭ يول كۆرسىتىشىگە بويسۇنۇپتۇ.

yawaat0998

	قەلىمىڭىز خېلى يىتىلىپ قاپتۇ. ھىكايىلىرىڭىز ئۈزۈلمىسۇن.   ھىكايىغا يەنە ئازراق دىئالوگ قېتىپ، «مېھمان»لارنىڭ خاراكتېرىنى، ئۇ سورۇننىڭ قانداق مەقسەتتە قۇرۇلغانلىقىنى قىستۇرۇپ ئۆتكەن بولسىڭىز، ھىكايە يەنىمۇ ياخشى، جانلىق  چىقاتتىكەن.

natik

	ھىكايە ھەقىقەتەن ياخشى چىقىپتۇ .  ھازرقى جەميتمزدە مانا مۇشۇنداق ئايرمخانلارنىڭ قوربانى بوپ كىتۋاتقان سەبىلەر نۇرغۇن .

ئۆل

	بۇنداق ئىشلار كۆپ جۇمۇ ؟ گەرچە توقۇلما ھېكايە بولسمۇ ..مۇشۇ سۇرۇن دىسە بالسىنى تاشلاپ قويۇپ سۇرۇنغا ئالدىرايدىغان ئاياللارغا ھەيرانىمەن ...ھەي ...بالسىنى بىقىپ ،تامقىنى ئېتىپ ئۆيدە ئولتۇرسچۇ دەيمەن ......ئاياللارنىڭ بۇنداق بولۇشدا يولدىشىنڭمۇ ھەسسسى باردۇ

natik

	sargarda يوللىغان ۋاقتى  2012-8-9 06:12 PM ئادەم   بىر   قېتىم   ئاشنا  ئويناش  پاتقىقىغا   پېتىپ  قا ... داۋۇت ھاشىم ئۆيلەپ قويمدىما سىزنى

axek13999649893

	چوڭلار خاتا ئىتمىغان  قاتار  چاي  خاتا چاي  دەپ