سۈن ۋۇكۇڭنىڭ تەخسىكەشلىكى(فىليەتۇن)

asrar001

	سۈن ۋۇكۇڭنىڭ تەخسىكەشلىكى(فىليەتۇن)   غەربكە بېرىپ نوم ئەكىلىشتە تۆھپە كۆرسەتكەن سۈن مايمۇن توساتتىنلا 1 - ئىنىسى جۇباجىنىڭ ئۆزىدىن ئۈستۈن مەرتىۋىگە تەيىنلەنگەنلىكىنى ئاڭلاپ كۆڭلى بىر قىسما بولۇپتۇ. بۇنىڭ سەۋەبىنى ھېچ بىلەلمەي يۈرگەن كۈنلەرنىڭ بىرىدە باجى باۋما ماشىنىسىنى ھەيدەپ  ۋۇكۇڭنى يوقلاپ كېلىپتۇ ۋە مۇنداق دەپتۇ:       - ۋۇكۇڭ ئاغا، سەن نېمىشقا ئۆسەلمەيسەن، بىلەمسەن؟ نېمىشقا ئىلغار بولالمايسەن؟       سۈنۋۇكۇڭ چىرايىنى بىر قىسما قىلىپ، بېشىنى تاتىلىغاچ مۇنداق دەپتۇ:       - نېمىشقىلىقىنى مەن قانداق بىلەي، شەنبە كۈنلىرىمۇ ئارام ئالماي ئىشلەيمەن، توختىماي جىن تۇتىمەن، ئالۋاستىلارنى يوقىتىمەن بولمىسا؟       - مانا، مانا، - دەپتۇ باجى قۇلىقىنى سىلىغاچ، سەنچۇ ئىشلەشنىلا بىلىپ خۇشامەتنى بىلمەيسەن، شەنبە كۈنىغۇ ئىشلەپسەن، يەكشەنبە كۈنى بولسىمۇ  يۇرۇسۇلتاننى يوقلاپ قويمامسەن، كېچىسى بولسىمۇ بىرنەچچە تۈلكە جىننى ئېلىپ تانسا ئويناشقا سولتانلىرىمىزنى تەكلىپ قىلىسەن مۇنداق.       - بۇنى قالماشتۇرالمايمەن. - …ۋۇكۇڭ شۇنداق دېگىچە ئورۇندۇققا لىككىدە چىقىپ بېشىنى قاشلاشقا باشلاپتۇ. باجى يەنە چۈشەندۈرۈشكە باشلاپتۇ:       - ۋۇكۇڭ ئاغا، ھازىر قايسى زامان، سەن تۇتىۋالغان ھېلىقى تۈلكە جىننى بىلىسەنغۇ، ھازىر بەك ئۆسۈپ كەتتى، ئۇمۇچۇ خۇشامەت قىلىپ، تەخسە كۆتۈرۈپ يۈرۈپ يىلمۇيىل مۇنەۋۋەر بولۇپ باھالىنىۋاتىدۇ، بىلىپ قوي، ئۇنى ھېچكىم تۈلكىجىن دېمەيدۇ، «مۇنەۋۋەرلىكنى ساقلاشتىكى ئۈلگە»، «نەمۇنىلىك باشقارما باشلىقى» دەيدۇ.       سۈنۋۇكۇڭنىڭ ئىدىيەسىدىن ئۆتمىسىمۇ، ئەتىسىدىن باشلاپ قىلىدىغان بىرىنچى ئىشى يۇرۇسۇلتانغا ياغلىما گەپ قىلىپ، دۇلىسىنى سىقىپ قويىدىغان، كۈندە ئارقا ئىشىككە ماڭىدىغان، تەخسىكەشلىك قىلىدىغان بولىۋاپتۇ. باجى دېگەندەك ھەممە خۇشامەتنى قىلىپتۇ، كەچلىك تانسا ئۇيۇشتۇرۇپتۇ. بىر يىلدىن كېيىن يىللىق خىزمەتلەرنى باھالىغاندا سۈنۋۇڭۇڭ مۇنەۋۋەر باھالىنىپتۇ. مەنسىپىمۇ ئۆسۈپتۇ. ھازىر بۇ مىراخورنى باشقىلار«مىراخور» دېمەي، «خۇشامەت پىرى»، «تىلى ياغلىق ئۇز مايمۇن» دېيىشىدىغان بوپتۇ.       مەنبە:ئىجادىيىتىم

XERHAN

	جەمئىيىەتتىكى بەزىبىر ناشايىن ، ئەخلاق مىزانىغا خىلاپ ئىلشلارنى يۇشۇرۇش قامچىلاپسىز ، ئەمما مەزمۇنى سەل ئاز بولۇپ قاپتۇ . مۇشۇ نوقتىدا تۇرۇپ تېخىمۇ كىڭەيتىپ يازغان بولسىڭىز ئۈنۈمى تېخىمۇ كۆرۈنەرلىك بولغان بولاتتى .

kuqalih

	راس ھەقىقەتەن  ياخشى يېزىلىپتۇ .،،بولۇپمۇ  ماڭا  ئەڭ  يارىغان يېرى ھەركەت تەسۋىرى بىلەن تاشقى قىياپەت تەسۋىرىنى يامان  ياخشى بېرىپسىز ...ئۇنىڭ ئۈستىگە جەمىيەت ئارقا  كۈرۈنشى بىلەن  ياخشى  باغلىنىپتۇ.....داۋاملىق  تىرشىڭ....

kaliptax

	ھازىرقى جگمىيىتىمىزدىكى بەزى كىشىلەرنىڭ ئۆز-ئەينى تەسۋىرلەپسىز

qog

	ھازىر جەمىيىتىمىزدىكى بەزى كادىرلىرىمىز بۇ جەھەتتە باجىغا دەرىس بىرىدۇ

sihriger

	كىشى  ئىسىملىرى  ئۆزگەرتىلگەن  ھەقىقەت  .

ghojidar

	جۇڭگۇچىلىق

insan.

	تاڭسىڭدەك باشلىقلارمۇ ئاز ئەمەس ئارمىزدا

turkistani

	توغرا دەيسىز جۇمۇ بەزى بىر قېرىنداشلىرىمىز قېلىشمايدۇ شۇلاردىن

tewelgha

	بەك ياخشى باشلاپتىكەنسىز ،ئەپسۇس ئىچىدىكى مەزمۇنلار بەك ئاددى ،پىكىر تىيىز بولۇپ قاپتۇ .يەنىمۇ تىرىشىڭ ....جۇباجىنىڭ قانداق قىلىپ بۇ ھۈنەرنىڭ پىشىۋاسىغا ئايلانغانلىغىنىڭ سىرىنى  جۇباجىنىڭ ئۆز ئاغزى بىلەن بايان قىلدۇرۇپ يەنىمۇ ئىنچىكىلەپ شەرھىلىگەن بولسىڭىز تازا ياخشى بولاتتىكەن .