تۇمارىس روھى

بۇغداي

	تۇمارىسنىڭ ئىران شاھى كەيخۇسرەۋگە ئىيتقان مەردانە سۆزلىرى ئەي ھىيلىگەر، ماختانچاق پادىشا، بۇ يامان نىيتىڭدىن قايت. چۈنكى، بۇ قىلۋاتقان ئىشلىرىڭدىن ئۆزۇڭگە پايدا ياكى زەرەر يېتىشىنى بىلمەيسەن.تىنچ ۋە ئاسايىشلىق بىلەن ئۆز يۇرتۇڭغا ھۆكۇمرانلىق قىل،بىزنىڭ يۇرتىمىزنى ئۆزىمىزگە قويۇپ بەرگىن،ئەمما بىز بىلىمىزكى،سەن تىنىچلىقنى خالىمايسەن، شۇسەۋەپلىك سەن بۇ مەسلىھەتىمگە كىرمىسەڭ،ماسساگىتلار بىلەن توقۇنىشنى خالىساڭ ،كۆۋرۇك ياسايمەن، دەپ ئاۋارە بولما. بىزگە ئېيتساڭ بىز ساڭا دەخلى قىلماي دەريادىن ئۈچ كۈنلۈك يول يىراقلىققا كۆچۈپ كېتىمىز، بىمالال دەريادىن ئۆتسەڭ ئاندىن يۈزمۇ يۈز ئېلىشىمىز. ئەگەر سەن بىز بىلەن ئۆزۈڭ تۇرغان قىرغاقتا ئۇرۇشماقچى بولساڭ، ئۇنىمۇ ئېيت، بۇنىڭغىمۇ بىز رازى بولايلى، بىراق ھەرگىز نامەردلىك قىلما. =           =                 =                               =                                = ئەي قانخۇر كەيخۇسرەۋ، قىلغان ئىشىڭ بىلەن ماختانمايلا قوي، سەن مېنىڭ ئوغلۇمنى يۈزمۇيۈز جەڭدە يەڭگىنىڭ يوق. سەن ئۇنى مەككارلىق بىلەن مەي ئىچۈرۈپ قولغا چۈشۈردۈڭ، ئۈزۈمدىن ياسالغان بۇ يارىماس ئىچىملىكنى ئىچكەندىن كىيىن، سىلەرگە ئوخشاش ئادەملەرنىڭ مېڭىسى ئايلىنىپ، ئاغزىدىن سادى كىرىپ بادى چىقىدۇ. ئەمدى مېنىڭ مەسلىھەتىمگە كىر، ئوغلۇمنى ماڭا قايتۇرۇپ، زىيان-زەخمەتسىز كەلگەن يېرىڭگە قايتىپ كەت. ماسساگىت قوشۇنىنىڭ بىر قىسمىنى قولۇڭغا چۈشۈرگىنىڭ بىلەن ماختانمايلا قوي، ئەگەر سۆزۇمگە كىرمىسەڭ، ماسساگىتلار تەڭرىسى قۇياش نامى بىلەن قەسەمياد قىلىمەنكى ، مەن سەندەك ئاچكۆز قانخورنىڭ بېشىنى قان بىلەن سۇغىرمەن. =                             =                                      =                     = ئەي نامەرد كەيخۇسرەۋ، سەن مېنى، يەنى سېنى جەڭدە ھالال يېڭىپ چىققان بىر ئايالنى مەككارلىق بىلەن يۈرەك باغرى- ئوغلىدىن جۇدا قىلىپ، پەرزەنت دېغىدا كۆيدۈردۈڭ. سەن ئۆمۈر بويى قانغا تويمىدىڭ. مەن ماسساگىتلار تەڭرىسى ئالدىدا ئىچكەن قەسىمىمگە ئەمەل قىلىپ، سېنىڭ قانخور بېشىڭنى قان بىلەن سۇغاردىم. بىراۋنىڭ يۇرتىغا زوراۋانلىق بىلەن باستۇرۇپ كېلىپ، ئۆكتەملىك قىلغانلارنىڭ جازاسى شۇ. مەنبە: ‹‹مەدەنىيەت كارۋانلىرى››شىنجاڭ خەلق نەشىرياتى.2004-يىلى نەشىرى

qog

	تۇمارىس دىگەن ئىسىم ئىراندىن تارقىلىپتىكەندە

09080908

	تۇمارىس ئىرانلىق ئەمەس! ئەكسىچە ئىران(پارس) شاھى -خىسراۋنى باش ئەگدۈرگەن باتۇر ئۇيغۇر قىزى! بۇلارنى كۆرۈپ قويۇڭلار: http://www.kitap.cn/docs/xiaoshouzhixing/2011/1204/258.html http://anatuprak.com/adabiyat/nasir/2012-05-27/929.html

sabinur

	تۇمارىستىكى ئەرلەرگە خاس ھەتتا ئەرلەردىنمۇ بېسىپ چۈشىدىغان  جاسارەت ،باتۇرلۇق ،ئالغا ئىلگىرلەش روھى ھەرقانداق كىشىنى ھاياجانغا سالماي قالمايدۇ. كەيخىسرەۋ تۇمارىسنىڭ قوشۇنلىرىنى قولغا چۈشۈرمەك بولۇپ تۇمارىسقا توي قىلىش تەلىپىنى قويغاندا تۇمارىس بۇنىڭ بىر ھىلە ئىكەنلىكىنى ئاللىقاچان بىلىپ بولغان.كەيخىسرەۋ ھەرقانداق تەھتىد سالغاندىمۇ تۇمارىس قىلچە تەۋرەپ قويمىغان ،كەيخىسرەۋ تۇمارىسنى ئوغلىدىن مەڭگۈلۈك ئايرىپ  ھىلە بىلەن تۇمارىس قوشۇنىنىڭ يېرىمىنى قولغا چۈشۈرگەندە بولسا تۇمارىس قەتئىيلىك بىلەن قىلغان قەسىمىگە ئەمەل قىلىپ كەيخىسرەۋ قوشۇنىنى يۈزمۇ يۈز مەغلۇپ قىلىپ لەشكەرلىرىگە كەيخىسرەۋنىڭ كاللىسىنى تېپىپ كىلىشنى بۇيرىغان شۇنداقلا كەيخسرەۋ ئالدىدا قىلغان ۋەدىسى بويىچە ،كەيخىسرەۋنىڭ كاللىسىنى قان بىلەن سۇغارغان... بۇ تەپسىلاتلاردىن تۇمارىسنىڭ  تارىختا ئۆتكەن ئادىل پادىشاھ ئىكەنلىكىنى تەرىپلەپ تۈگەتكۈسىز مەدىھىيەگە ئىگە ئىكەنلىكىنى كۆرۋالالايمىز.

بۇغداي

	qog يوللىغان ۋاقتى  2012-8-8 01:55 PM تۇمارىس دىگەن ئىسىم ئىراندىن تارقىلىپتىكەندە ئۇنداق ئەمەس،  بۇ رىۋايەتلەر ئىران شاھىنىڭ ماسساگىتلار (كاسپى دىڭىزىنىڭ كۇن چىقىش تەرپى) زىمنىغا تاجاۋۇز قىلىپ كىرگەندىكى ۋەقەلىك . تۇمارىسنىڭ ئىرىنىڭ ئۆلۇپ كەتكەنلىگىنى ئاڭلىغان ئىران شاھى تۇمارىسنى خوتۇن قىلىپ ئۇلارنىڭ زېمىنىغا ئىرشىشنى مەخسەت قىلغان. ۋە تۇمارىس بۇ تەلەپكە قوشۇلمىغاچقا ئۇرۇش باشلانغان. بۇ تارىخ گىرىك تارىخچىسى ھىدورىتنىڭ ‹‹تارىخ››كىتاۋىدا  تونۇشتۇرۇلغان.

qog

	بۇغداي يوللىغان ۋاقتى  2012-8-8 02:21 PM مىنىڭچە ئۇنداق ئەمەس،  بۇ رىۋايەتلەر ئىران شاھىنىڭ ما ... ئوۋ كەچۈرۈڭ،ئەمدى بىلىۋالدىم

hekmat110

	تۇمارىسلار قىنى ؟ھازىرمۇ شۇنداق روھ بولغان بولسا ، سادىر پالۋانلار قىنى ......

yadikar-

	تۇمارىس رۇھى ئۆلمەس روھ. بەلكى مەڭگۈلۈك . ھازىرمۇ جاي-جايلاردا قىزلىرىغا تۇمارىس دەپ ئىسىم قۇيىدىغان نۇرغۇن كىشىلرىمىز بار. ئۇندىن سىرت«تۇمارىس تىز تاماقخانىسى»«تۇمارىس خانىم-قىزلار كىيىم-كېچەك دۇككۇنى» دېگەندەك ۋىۋىسكىلارمۇ كۆزگە چېلىقىدۇ. بۇ بەزىلەرگەقارىماققا ئۇلۇق تۇمارىس نامىنى قالايمىقان قوللۇنۇپ دۇكانغا ئىسىم قىلىۋالغاندەك كۈرۈنىشىمۇ مۇكىن، ئەمەلىيەتتە بۇمۇ بىرخىل ئەسلەش، خاتىرلەش، ھەممە ئادەمگە بىلدۈرۈش، كىشىلەرنىڭ تۇمارىسنى سۈيۈش، ئەسلەش ئېڭىنى داۋاملىق ئىسىدە تۇتۇدىغان قىلىش. تۇمارىس دېگەن جاراڭلىق ئىسىم بىزگە مەڭگۈ ھەمراھ بولسۇن.

izqel

	ئىران ئىلگىرىمۇ تاجاۋۇزچى دۆلەت ئىكەندە. بىر كۈنلەردە شۇ تۇمارىسلار پەيدا بولۇپ تاجاۋۇزچىلارنىڭ بىشىنى قان بىلەن سۇغارغاي.

uyghur05

	بۇنىڭ ھىكايىسىنى بۇرۇن ئوقۇپ بۇ ئايالغا بەك قايىل بولغانتىم. بۇ شۇ ھىكايىنىڭ بىر نەچچە يېرىدىكى سۆزلىگەن سۆزلىرى ئىكەن.