پۇل تېپىشتىكى خىياللار

UygurLove

	ھەممىمىز كۆپ پۇل تېپىشنى ئويلايمىز ، پۇل تېپىش ئۈچۈن تۇتقان يوللىرىمىزمۇ  نۇرغۇن،كۆپ پۇل تاپقانلىرىمىزمۇ  ئاز ئەمەس . پۇل تېپىش يولىدا ئېزىپ سېلىپ پۇشايماندا قالغانلىرىمىزمۇ بار، تاپقان پۇلىمىز خەجلىشىمىزگە يەتسىلا بولدى دەپ ئويلاپ كۆڭۈللۈك تۇرمۇش كەچۈرىۋاتقانلىرىمىزمۇ  كۆپ ، ئەمدى دېمەكچى بولغان گەپكە  كەلسەم  ئەمدىلا 20ياشنىڭ قارىسىنى ئالغان ئۆز ئالدىغا  10 يۈەن پۇل تېپىپ باقمىغان ئائىلە ئىقساد شارائىتى ئوتتۇرا سەۋىيىلىك  دېھقان ئائىلىسىدىكى بىر ياش يىگىتنىڭ پۇل تىپىشتىكى خىلمۇ-خىل خىياللىرى:      ناھىيە بازىرىغا يىقىن بىر يېزىدىكى بۇ ياش پەقەت تولۇقسىز ئوتتۇرا مەكتەپ سەۋىيىسىگە ئىگە، ئاتا-ئانىسى بىلەن دېھقانچىلىق قىلىپ كۈن كەچۈرىدۇ، ھۈنەر كەسىپمۇ ئىگەللىيەلمىگەن، لېكن ئۇنىڭ  ئاتا-ئانىسىغا ئوخشاش دىھقانچىلىق قىلغۇسى يوق، ئۆزى باشقا بىر ئىشنىڭ پېشىنى تۇتۇپ يول تېپىپ جان بېقىشنى ئويلايدۇ، گەپ مانا مۇشۇ يەردە، نېمە ئىش قىلىش كېرەك؟     ئىشنى ئەلۋەتتە 0 دىن باشلاش كېرەك. مۇشۇ سوئال توغرىلىق  ئۇ ياشنىڭ كاللىسىدا چىگىش خىلمۇ-خىل خىيال، لېكىن مەقسەت ئېنىق ئېگىلىك تىكلەش ،ئۆزىنىڭ جەمئىيەتتىكى ئورنىنى تېپىش،شارائىت قانچلىك؟ شارائىت مەسىلىسىدە ئاتا-ئانىسى ياشانغان، ئاتا ئانىسىغا يېقىن تۇرىشى شەرىت، ئىقساد مەسلىسىدە ئاتا ئانىسى قوشۇلسىلا ناھىيە بازىردا ئوتتۇرھال دۇكان ئېچىشتا قىينالمايدۇ، 20ياشقا كىرگەن بۇيىگىت ئىشنى قاملاشتۇرالامۇ سەۋىيسى يېتەمدۇ؟ ئەلۋەتتە يىگىتنىڭ ئىشەنچىسى تولۇق ئۆزىگە ئىشىنىدۇ، سەۋىيەسىنىڭ يېتىدىغانلىقىغا ئىشىنىدۇ، لېكىن بۇيىگىت ئىشەنچىم بار دەپ قاملاشتۇرالماي قالسا ئاتا-ئانىسىغا نېمە دەيدۇ، مىڭ بىر جاپادا تاپقان تەرگىنى يوق بولۇپ قالسا چىدىمايدۇ، ئەلۋەتتە. ئىشى قاملىشىپ قالسىغۇ ياخشى.      خىياللار نۇرغۇن، مەقسەت بىر ئىگىلىك تىكلەش ،مۇشۇنداق خىيال قىلىۋاتقان  يولىنى تېپىپ ئىش باشلىماقچى بولغان كىشىلەرمۇ  نۇرغۇن، نەتىجە قازانغانلارمۇ، مەغلۇپ بولغانلارمۇ بار، ماۋۇ 110000 كىشى توپلاشقان مۇنبەردىمۇ بۇنداق خىيال بىلەن يۈرگەنلەر خېلى كۆپتۇ دەيمەن، ئەمدى دەيمەن مۇشۇنىڭغا ئوخشاش ياشلىرىمىزغا يول كۆرستەلەيدىغان يول كۆرسىتىشنى خالايدىغان مۇشۇ ياشقا ئوخشاش خىياللارنى قىلىپ يۈرۈپ نەتىجە قازانغان   قېرىنداشلىرىمىز بولسا  ئورۇنلۇق يول كۆرسەتسە، ياشلىرىمىزغا پايدا قىلىپ قالسا ئەجەپ ئەمەس دەيمەن تورداشلار! مەنبە: ئۆزۈم

turmux.net

	"يامغۇر ياغارمۇ، ھۆل بوپ كىتەرمەنمۇ " دېسىڭىز ئۆيىڭىزدىن چىقماي جىم ئولتۇرۇڭ.

Eltekin

	پۇل تېپىش ياخشى نىيىتى بارلار ئۈچۈنمۇ ئەلۋەتتە مۇھىم. چوڭ ئىشلارنى كۆڭلىگە پۈكمىسىمۇ، ئائىلە دائىرىسىدە باياشات ياشاپ، تۇرمۇش، ئىتقاد، يارۇ-بۇرادەرلىك، مېھىر-مۇھەببەت، ساخاۋەتتە ئەركىن، ھەرىكەتچان بولۇشنى ئويلاۋاتقان قېرىنداشلىرىمىز كۆپ بولۇشى مۇمكىن. ھەر يەرنىڭ ئىگىلىك تىكلەش ئالاھىدىلىكى، ئىشنىڭ ماس كېلىش كەلمەسلىكى ئوخشاش بولمىسىمۇ، ھەر بىرىمىز ئۆزىمىز ئويلىغان، تەجىرىبىلەر يەكۈنلەنگەن ئىگىلىك تىكلەش يوللىرىنى، تۈرلىرىنى، كونكىرىت جەريانىنى ئىنكاسلاردا يوللاپ قويساق، ئاز بولسىمۇ بىر قىسىم قېرىنداشلىرىمىزغا ئوي كىرىپ، ئۆز تۇرمۇشىدا ياخشىلىنىشقا ئېرىشىپ قالسا ئەجەپ ئەمەس. مەسلەن: ئاشخانا ئېچىشقا شارائىتى بارلار بولسا:  مەخسۇس پولوخانا،  مەخسۇس توخۇ گۆشى تاماقخانىسى(توخۇ قورۇمىسى، توخۇ گۆشى لەغمەن، توخۇ گۆشى گۈرۈچ ئاش ... ) تۈرىنى سىناپ باقسا بولىدۇ. ھەر خىل تاماق چىقىرىش بىلەن مەخسۇس چىقىرىشنىڭ پەرقى بولىدۇ دەپ قارايمەن. سودا دۇكىنى ئاچىدىغانلار بولسا: مۇقىم باھالىق كىيىم-كېچەك دۇكىنى (مەسلەن: 50، 80، 100، 120 ... يۈەن مۇقىم باھا) ؛   بالىلار كىيىمى دۇكىنى ... ئېچىپ سىناپ باقسا بولىدۇ. ئەگەر بىرەر كەسىپ ئۆگەنگەن بولسا ئىككىلەنمەي شۇ كەسپىنى قىلىش كېرەك. كەسىپنى تاشلاپ باشقا ئىش قىلىمەن دېسە بەلكىم كىرىشىپ بولۇشقا ۋاقىت ئىسراپ بولۇشى، ئىش سۈپىتى تۆۋەن بولۇشى مۇمكىن.      ھەممىمىزنىڭ كۈنلىرى خاتىرجەم، تېنىمىز سالامەت ئۆتكەي !

qog

	ئىغىر كۆرمىسە بىناكارلىق ئىشچىسى بولسىمۇ بولىدۇ مائاشىمۇ خىلى يۇقىرى ھازىر.

UygurLove

	qog يوللىغان ۋاقتى  2012-8-8 01:21 PM ئىغىر كۆرمىسە بىناكارلىق ئىشچىسى بولسىمۇ بولىدۇ مائاش ... ئورۇنلۇق مەسلىھەت

huxqiray

	يۇرتىڭىزنىڭ شارائىتىنى بىلمىگەچكە مۇقىم ماۋۇ ئىشنى قىلىڭ دىيەلمەيمەن ئەمما كىيىنكى تىجارىتىڭىزگە پايدىلىق ئازراق يول كۆرسىتىپ بېرەي: دۇكان ئاچماقچى بولغان ئادەم ئالدى بىلەن گەپ-سۆزگە پىششىق ، يامان بولۇشنى ئۈگىنىشى كېرەك ، ئاددىسى سىز بىر دۇكانغا كىرسىڭىز گەپ قىلماس سودىگەر بىلەن گەپدان سودىكەرنىڭ قايسىسى بىلەن بەكرەك سودا قىلغۇڭىز كىلىدۇ ؟ شۇڭا ئاۋال بازار ئەھۋالىنى ياخشى كۆزىتىڭ ، ئىشنى چوڭ قىلىمەن دەپ بەكلا  كۈچەپ كەتمەڭ كىچىكىدىن باشلاڭ ، بۇتىجارەتنى قىلىپ باقاي سودىسى ياخشى بولۇپ ئېقىپ كەتسە قىلارمەن بولمىسا باشقا تىجارەت قىلارمەن دەيدىغان ئوي-پىكىر بىلەن دۇكان ئاچماڭ ! بۇنداق ئويلىغىنىڭىز سىزنىڭ دۇكان ئېچىشتىن بۇرۇنلا 70،80 % تىجارەتتە مەغلۇپ بولۇپ بولغىنىڭىز بولىدۇ . ئىشەنچىلىك بولۇڭ سودىنىڭ قانداق بولىشىدىن قەتئىي نەزەر زىرىكمەي تىرىكمەي كۆڭۈل قويۇپ قىلسىڭىزلا ئاللاھ خالىسا يول تېپىپ كىتەلەيسىز . قايسى تىجارەتنى قىلىشتىن بۇرۇن شۇ كەسپكە ماس كىلىدىغان ئۇرۇننى ياخشى تاللاڭ ، قانچىكى بەك ھەم كۆپ كۆزىتىڭ ، ئالدىراپ كەتمەڭ نەچچە يىلنىڭ ياقى قىلمىغان ئىشنى  ئىككى،ئۈچ ئاي كىچىكىپرەك قىلسىڭىز چوڭ مەسىلە يوق ... كىيىنكى ئىشلىرىڭىزنىڭ ئۇڭۇشلۇق بولىشىغا تىلەكداشمەن .

QALIB

	جاپاغا چىداش روھى بولسىلا ،بىر كۈندە بەش-ئالتە خىل ئىشنىڭ ھۆددىسىدىن تامامەن چىققىلى بولىدۇ`````

UygurLove

	huxqiray يوللىغان ۋاقتى  2012-8-8 01:34 PM يۇرتىڭىزنىڭ شارائىتىنى بىلمىگەچكە مۇقىم ماۋۇ ئىشنى قى ... رەخمەت! سۆزىڭىز ئۇرۇنلۇق،

木拉丁

	قەرز ئىلىپ  مال بىقىڭ  ئىلىپ سىتپ  قىلسىڭىزمۇ   100   200  كوي بولسىمۇ  قالىدۇ  ،   سىزنىڭ شارائىىتىڭىز  بولغاندىكىن  ..  يەر ئىچىپ  كىۋەز  دىگەنلەرنى تىرىڭ  مۇشداق قىلسىڭىز بولدىغۇ  ؟

nalazar

	ئۇنداقتا قىزلارچـــــۇ ؟   قىزلار قانداق قىلىپ كۆپ پۇل تاپسا بولا ؟؟؟