ئوقوغۇچىنىڭ ئوقۇتقۇچىغا قويغان تەكلىپى

mahatjan

	ئوقوغۇچىنىڭ ئوقۇتقۇچىغا قويغان تەكلىپى          1. ئەگەر سىزنىڭ دەرسىڭىز جانلىق، ئىخچام بولسا،مەن ئۈگدەپ قالمايمەن.            2. دەرسخانىغا خۇشخۇي كىرسىڭز.             3. دەرستىن سىرتقى ۋاقىتلاردا بىزگە دوستانە مۇئامىلىدە بولسىڭىز.              4. بىزگە دەرس ۋاختىدىلا ئەمەس، دەرستىن سىرتقى ۋاقىتلاردىمۇ ئۆلگە بولسىڭىز.              5. سىزنىڭ بىر تەبەسسۇمىڭىز ماڭا بىر ئۆلۈش ئىشەنچ بېغىشلايدۇ.               6. ماڭا كۆپرەك دىققەت قىلىڭ، مەن كارامەت ياخشى.              7.بىزنى پىششق تىل بىلەن تەربىلەڭ.              8. داۋاملىق يامغۇر يېغىپ نەمخۇش كۈن بولسا، گۈل ياخشى ئېچىلمايدۇ.               9. ماڭا تەكلىپنى كۆپرەك،بۇيرۇقنى ئازراق بەرگەن بولسىڭز.              10.بىز سىزنى سۆيىمىز ھەم ئازراق قورقىمىز،بىزدە سۆيۈشنى قالدۇرۇپ قويۇپ، قورقۇشنى ھەيدىۋىتىڭ.               11. ھەربىر ئوقۇغۇچىنى سۆيسىڭىز، ھەممە ئوغۇچىنىڭ سۆيۈشىگە ئىرىشەلەيسىز.                 12.ئوقۇغۇچىلاردىن ياخشى قىلىشنى تەلەپ قىلغان ئىشلارنى ئالدى بىلەن ئۆزىڭىز ياخشى قىلسىڭىز.                 13. ئىناۋەت قورقۇشتىن كۆپ ئۈستۈن تۇرىدۇ.                   14.ئوقوغۇچى تەربىلەشتە غۇنچىنى توزۇتۇشنىڭ، شامنى كۈل قىلىۋىتىشنىڭ ھاجىتى بارمۇ؟                  15.سالامەتلىكىڭىزنى ئاسراشنى ئۈگۈنىۋىلىڭ.                       مەنبە،كۈندىلىك خاتىرەمدىن.

kamran

	1.كەچۈرۈڭ مەن بۇنىڭدىن كېيىن چۇقۇم شۇنداق قىلىشقا تىرىشىمەن . 2.شۇنداق قىلسام بولاتتى بىراق ئەتتىگەندە مەكتەپ مۇدىردىن ئورۇنسىز قوپال گەپ ئاڭلىدىم ، كەيپىياتىم ياخشى ئەمەستى. 3.بۇنىڭدىن كېيىن چۇقۇم شۇنداق قىلىشقا تىرىشىمەن بىراق سىلەرنىڭ مېنى ھۆرمەتلىمەسلىگىڭلاردىن ئەنسىرەيمەن . 4.بولىدۇ مەن ھەربىر ئىش-پائالىيەت ، ھەر بىر گەپ-سۆزۈمدە سىلەرگە ئۈلگە بولۇمەن . 5.ئۇزۇن يىللىق خىزمەت بېسىمى مەندىكى تەبەسسۇملارنى يوق قىلىۋەتتى ، مەن بۇنىڭدىن كېيىن سىلەر ئۈچۈن بولسىمۇ تەبەسسۇم قىلىشقا تىرىشىمەن . 6.ۋاي شۇنداقمۇ مەن ئەجەپ ھىس قىلماپتىمەن ، دىققەت قىلاي. 7.كەچۈرۈڭلار ئەسلىدىنلا ئاساسىم ئاجىز ئىدى مەن مەن................ 8.ئىشىنىڭ ھاۋا چۇقۇم ئېچىلىدۇ. 9.بولىدۇ مەن كەيپىياتىمنى تەڭشەي . 10.بولىدۇ مەن ئورۇنداي. 11.ئوقۇغۇچىنى سۈيۈش ھەر بىر ئوقۇتقۇچىنىڭ خىسلىتى سىلەر خاتا چۈشۈنۈپ قاپسىلەر . 12.بولىدۇ مەن دىققەت قىلاي . 13.ئەلۋەتتە. 14.ئۇنداق ئەمەسقۇ. 15.بورنىڭ چاڭ-تۇزانلىرى سالامەتلىككە پايدا قىلمايدىغانلىغىنى بىلمەپتىمەن .

kaliptax

	توغرا ئىنتايىن ياخشى قۇيۇلۇپتۇ بۇ تەلەپلەر

rizwangul0995

	kamran يوللىغان ۋاقتى  2012-8-8 11:06 AM 1.كەچۈرۈڭ مەن بۇنىڭدىن كېيىن چۇقۇم شۇنداق قىلىشقا تىرى ... جاۋاپنى ناھايتى ياخشى بېرىپسىز ،سىز ئۇقۇتقۇچى ئۇخشايسىز قارغاندا

qog

	مەخەتجان ئاكا سىزنىڭ كۈندىلىك خاتىرىڭىزدىكى ئىسىل يازمىلىرىڭىزنىڭ مۇنبىرىمىز سۇپىسىغا بىر بىرلەپ چىقىشىغا تىلەكداشمىز.

turmux.net

	بۇ تەكلىپتىن قارىغاندا ئوقۇتقۇچىسى پىنسىيىگە چىقىۋالسىمۇ بولىدىكەن

hekmat110

	بولىدىغان تەكلىپ!

57gulyar

yawaat0998

	قايسى بىر ئوقۇتقۇچىنىڭ شۇنداق قىلغۇسى يوق؟ كىمنىڭ بېرىلىپ دەرس ئۆتكۈسى يوق؟ (يېزا ئوقۇتقۇچىسى) ئەتتىگەندە كېچىكىپ قېلىشتىن ئەنسىرەپ، ئورۇن تالىشىپ ماشىنىغا چىقىدۇ. ئەمما، يەنىلا خۇشال كەيپىياتتا مەكتەپكە كېلەلەيدۇ، مەكتەپ مۇدىرىنىڭ قۇرۇق يىغىنلىرىنى ئاڭلاپ، كەيپىيات 30 پىرسەنت تۆۋەنلەيدۇ. دەرس تەييارلىغاچ مەكتەپ تاپشۇرغان بىر قاتار تۈگنمەس ئارخىپ، رەسمىيەتلەرنى قانداق قىلىپ، قانداق ۋاقىتتا تۈگىتىپ بولۇشنىڭ غېمىغا چۈشىدۇ. دەرسكىمۇ كىرىدۇ. ئوچۇق چىراي ئېچىپ كىردى، ئەمما، سىنىپتىكى بىزەڭ، كەپسىز بالىلار كۆڭلىدە« بۈگۈن بۇ ئوقۇتقۇچىنى خاپا قىلساقمۇ خاپا بولمىغۇدەك» دەپ ئويلىشىدۇ دە، قەستەن دەرس ئىنتىزامىنى بۇزىدۇ. ئوقۇتقۇچى تەربىيە قىلسا ئوقۇتقۇچىغا يانىدۇ، ئوقۇتقۇچى قىيىن ئەھۋالدىن قۇتۇلۇش، ئىناۋىتىنى ساقلاش ئۈچۈن ئوقۇغۇچىنى ئەدەپلەيدۇ. ئاندىن ئوقۇغۇچى ئالدى كەينىگە قارىماي مەكتەپتىن چىقىپ كېتىدۇ. شۇندىن كىيىن تۆۋەندىكى 3 خىل ئەھۋال يۈز  بېرىدۇ: 1. ئۇ ئوقۇغۇچى شۇ چىقىپ كەتكەنچە مەكتەپكە كەلمەيدۇ. ئاتا ئانىسىغا«ئۇنداق مەكتەپتە ئوقۇغىچە ئۆلىۋالىمەن» دەپ قوقاق سالىدۇ(چۈنكى ئاتا ئانىسىمۇ مەكتەپتە شۇنداق ئوقۇغانلىقى ئۈچۈن بالىسى بىلەن كارى بولمايدۇ). شۇنىڭ بىلەن ئاتا ئانىسى مەكتەپكە كېلىپ ئوقۇتقۇچىنىڭ ياقىسىغا ئېسىلىدۇ، جىدەل چوڭىيىدۇ، ئوقۇتقۇچى ناماقۇل بولىدۇ، بۇنىڭ بىلەن ھېلىقى قاششاقنىڭ بالىسى ئەتىسى غالىپ گېنرالدەك گىدەيگىنىچە سىنىپقا كىرىپ قىلغۇلىقىنى يەنە قىلىدۇ. كەنت مۇدىرى ياكى شۇنداق بىرەر مىراخورنىڭ بالىسى بولوپ قالسۇن، ئىشنىڭ چوڭى چىقىدۇ. ئوقۇتقۇچى تۆلەيدىغان جەرىمانىنى تۆلەيدۇ، ئاچچىقىدا قەسەمياد قىلىدۇ: خەپ، دەرس ئۆتمىسەممۇ ئۆتمەي، ئوقۇغۇچۇم سىنىپتىن يامانلاپ چىقىپ كەتمىسىلا بولدى!.... 2. بالا ئەتىسى يۇۋاشلاپ قايتىپ كېلىدۇ، لېكىن شۇندىن باشلاپ ئوقۇتقۇچىنىڭ سۆزىنى ئېلىك ئالمايدۇ، بارغانسېرى بىزەڭلىشىپ كېتىدۇ(دادىسىنىڭ مىجەزى چۇس، ئەسكى بولوپ، دادىسىدىن دەشنام يىگەن بولۇشى مۇمكىن) 3. ئەتىسى قايتىپ كېلىدۇ، شۇندىن باشلاپ دەرسكە باشچىلاپ كىرىشىپ كېتىدۇ، ئوقۇتقۇچىنى رازى قىلىشقا تېرىشىدۇ(ئاتا ئانىسى خىېلى ئاق قارىنى پەرق ئىتەلەيدىغانلار) ھازىر مائارىپتا شەكىلۋازلىق ئەۋج ئالدى، ئىمتىھان مائارىپى پۈتۈنلەي قاپلىدى، ئوقۇغۇچىلار تولۇقسىزغا چىققان 1- كۈنىدىن باشلاپلا فىئوداللىق جەمئىيەتكە قەدەم قويىدۇ: بىر بولسا ئاتالمىش قوش تىل سىنىپىغا ئايرىلىپ ئالاھىدە ئىمتىيازلاردىن بەھرىمان بولىدۇ: 3 ۋاق تاماق بار، ئەمگەك ئورۇنلاشتۇرۇلمايدۇ، چوڭ تازىلىق ئاساسەن ئورۇنلاشتۇرۇلمايدۇ، بىر بولسا ئادەتتىكى سىنىپقا ۋەياكى كەسپىي سىنىپ دەيدىغان سىنىپقا ئايرىلىدۇ، مەكتەپنى كۆكەرتىش، مەيدان تۈزلەش، يېزا باشلىقىلىرىنىڭ يەرلىرىنى تېرىش، كىپىزىنى تېرىپ بېرىش، قونىقىنى ئورۇپ بېرىش............ تەك ھاشارغا سېلىنىدۇ. بۇنداق سىنىپقا دەرس ئۆتىدىغان ئوقۇتقۇچىلار ھەرقانچە قىلسىمۇ ئۇ بالىلارنى يىتەكلەشكە ئامالسىز قالىدۇ، يىل ئاخىرىدىكى باھالاشتا ئارقىدا چىقىدۇ، مەكتەپكە كەلمەيدىغان بالىلارنىڭ ھەممىسى شۇنداق سىنىپتا، بالىلار كەلمىسە ئۆيىگە بارىدىغان گەپ، ئاتا ئانىلىرى كەنتنىڭ ئەڭ ئاددى كادىرلىرىنى ئەۋلىيا، پەيغەمبەر ئورنىدا كۆرىدۇ، لېكىن ئوقۇتقۇچىنى قېتىغا ئېلىپمۇ قويمايدۇ. بىرىنچى قېتىم ھە ماقۇل، دەيدۇ. ئىككىنچى قېتىم ئوقۇتقۇچىنى تىللايدۇ، ھەتتا قول تەگكۈزىدۇ....... بۇنىڭ بىلەن ئوقۇتقۇچىنىڭ روھى چۈشكۈنلىشىشكە، خىزمەتتىن زېرىكىشكە باشلايدۇ. شۇنىڭ بىلەن تېمىدا دىيىلگەن ئوقۇغۇچىنىڭ تەلەپلىرىنى ئورۇنداشقا ئامالسىز قالىدۇ. مېنىڭ دىگەنلىرىم بەلكىم ئايرىم ئەھۋالدۇ، ئەمما، يۇقارقى سەۋەبلەرنى ئوقۇتقۇچىنىڭ ئوقۇغۇچىنىڭ ئاشۇ تەلىپىنى ئورۇنداشقا ئامالسىز قېلىشىغا مەلۇم تەسىر كۆرسۈتىشى مۇمكىن.