بۇ قانداق «تىجارەت» ؟

saparbay

	بۇ قانداق «تىجارەت» ؟ ۋىلايەتلىك دوختۇرخانىدىن بەرگەن ئاشقازان ياللۇغىنىڭ دورىسى تۈگەپ كەتكىنىگە بىر قانچە كۈنلەر بولۇپ قالغان ئىدى، دورىخانىلاردىن تېپىلىپ قالسا ئاجەپ ئەمەس دەپ، دورىنىڭ قېپىنى ئېلىپ، ناھىيىمىزدىكى بىر دورا دۇككىنىغا كىردىم. ئىشىك بېشىدىكى « XXX مۇقىم باھالىق چوڭ دورىخانىسى»، « ئىشچى-خىزمەتچىلەرنىڭ داۋالىنىش سۇغۇرتىسىدىكى بەلگىلەنگەن دورىخانا » دېگەندەك تاختايلار كۆزگە ئالاھىدە تاشلىنىپ تۇرىدىغان، يەر ئاستىغا ئورۇنلاشقان بۇ دورىخانىنىڭ ئىچىمۇ چوڭ، دورىلىرىمۇ ناھىيىتى كۆپ ئىدى، دورا پۇكىيىگە زەن سېلىپ، كېرەكلىك دورىنى ئىزدەشكە باشلىدىم. -سىزگە قانداق دورا كېرەكتى ؟ بېشىمنى كۆتىرىپ قارىسام، يېنىمدا بىر قىز تۇرۇپتۇ.بۇ يەردە ياللىنىپ ئىشلىسە كېرەك، ئۇزايىدىن ھارغىنلىقى چىقىپ تۇراتتى. -      مۇشۇ دورا لازىم ئىدى. دورىنىڭ قېپىنى قىزغا بەردىم. ئۇ دورا قېپىغا مۇنداقلا بىر قارىۋەتكەندىن كېيىن: - بۇ دورىنىڭ ئۆزى يوق، لېكىن ئۈنۈمى ۋە تەسىرى مۇشۇ دورىغا ئوپئوخشاش دورىلاردىن بار،- دەپ بىردەمدىلا بىر قانچە ئون قاپتەك دورىنى مەن تۇرغان پۇكەيگە تۆكمە قىلىۋەتتى. مەن بۇنداق رەڭۋازلىقنى جىق كۆرۈپ كەتكەچكە: - مۇشۇ دورىنىڭ ئۆزى بولمىسا بولمايدۇ. بۇ يەردە بولمىسا، باشقا دورىخنىلارغا چىقىپ باقاي،-دەپ قىزنىڭ قولىدىكى دورا قېپىنى ئېلىۋېلىپ، چىقىپ كىتىشكە تەمشەلدىم. -باشقا دورىلار لازىم ئەمەسمۇ ؟ -ياق. -باشقا نەرسىلەرچۇ ؟ قىزنىڭ سۇئالىدىن غەلىتىلىك ھېس قىلىپ: - قانداق نەرسىلەر؟-دەپ ياندۇرۇپ سورىدىم. - يېمەك-ئىچمەك، تۇرمۇش بۇيۇملىرىدىن قانداق نەرسە لازىم بولسا، داۋالىنىش كىنىشكىسىگە بېرىمىز،-دېدى قىز مەخپى سودا قىلىۋاتقاندەك ئاھاڭدا ئاۋازىنى پەسلىتىپ. دورىخانىدا بۇنداق نەرسىلەرنىڭمۇ سېتىلىدىغانلىقىنى مەن ئەزەلدىن ئويلاپ باقمىغان ئىكەنمەن، شۇڭا سەل-پەل تەمتىرەپ قالغاندەك بولۇپ گەپ-سۆز قىلالماي تۇرۇپ قالدىم. قىز ئىشىك تۈۋىدە بىر قانچە خېرىدار بىلەن ھېساب-كىتاب قىلىۋاتقان ئەر-خوتۇن خوجايىنىغا بىر قارىۋەتتى، خوجايىنلارمۇ كۆزىنىڭ قۇيرۇقىدا ماڭا قاراۋاتاتتى. دېمەك، ئۇلار دورىخانىغا كىرگەن ھەرقانداق خېرىدارنى قۇرۇق چىقارمايدىكەن-دە ! -قانداق نەرسىلەر بار، ئۇچۇقراق دەڭا، مەن تازا چۈشىنەلمىدىم. ـ «ئارمان»، «ئىخلاس» مەھسۇلاتلىرى بار، مەسىلەن، قۇۋۋەت تالقىنى، فىرىما دېگەندەك، يەنە ھەر خىل چايلار بار، سوپۇن پاراشوگى، چاچ سوپۇنى، لۆڭگە، قاچا يۇيۇش سۇيۇقلۇقى دېگەن نەرسىلەرمۇ بار، تاللا بازىرىدىكىگە قارىغاندا شۇ 4-5 يۈەنلا قىممەت ساتىمىز،-قىز ئەتراپقا يەنە بىر قېتىم قارىۋەتكەندىن كېيىن ئاۋازىنى تېخىمۇ پەسلەتتى،- داۋالىنىش كارتىسىدىكى ھېسابنى نەق پۇلغا ئالماشتۇرۇپمۇ بېرىمىز، 100 يۈەنگە 25 يۈەن تۇتۇۋالىمىز. يەنى كارتىڭىزدىن 250 يۈەنلىك ھېساب ئاغدۇرۇپ، قولىڭىزغا 200 يۈەن نەق پۇل بېرىمىز ! گەپ ئەمدى ئايدىڭ بولغانىدى، «غۇژژىدە» ئاچچىقىم كەلگەندەك بولدى، بۇ قاراپ تۇرۇپ خەقنى قاقتى- سوقتى قىلىشقۇ ؟! داۋالىنىش كارتىسىدىكى پۇلمۇ ئۆزىمىزنىڭ پۇلى تۇرسا، نېمە دەپ قىممەت ئالغۇدەكمىز ؟! ئۇنىڭ ئۈستىگە بۇ دورا دۇككىنى بولغاندىكىن، چوقۇم دورا سېتىشى كېرەك-تە ! بۈگۈن دورا دۇكانلىرى يېمەك-ئىچمەك ۋە تۇرمۇش بۇيۇملىرىنى ساتسا، ئەتە قوپۇپ، تاللا بازارلىرى دورا ساتىدۇ، ئۇ چاغدا بۇ جاھان نېمە بوپ كېتەر ؟! - بولدى، ماڭا ھېچنېمە لازىم ئەمەس ! قىزنىڭ يېلىنىش چىقىپ تۇرغان ئىلتىجالىق كۆزلىرىگە ھەم بېزەڭلىك بىلەن يەنە چۈشەندۈرۈشكە ئۇرۇنۇشلىرىغىمۇ پەرۋا قىلماي چىقىپ كەتتىم. بۇ قانداق تىجارەت ئەمدى؟!... مەنبەسى :ئۇنتۇلغاق سەپەرۋاي

kaliptax

	ھازىرقى جەمىيتىمزى مۇشۇنداق بۇلۇپ قالدى

ANSWER

	بۇنداق ئىشلار كۆپ ھازىر

kvzqiqak

	ھازىر مۇشۇنداق ئىشلار تۇرمۇشىمىزدا دائىم ئۇچراپ تۇرىدۇ.

ab8ob8

	بىزنىڭ بۇ تەرەپتە بۇنداق ئىش يوق،،، ئەمدى ئاڭلىشىم ! ئىنساب بەرمىسە بىكاردە!

ئەخمەد

	پۇلىمىزنى ئىزلاپ ئەپبەرسىغۇ ياخشى بىراق ئانداق قاختى سوختى قىلىمەن دىسە.................

ئۆل

	بۇنڭغىمۇ  كايىپ يۈرسڭىز كللا توشامدۇ بۇنڭغا ؟؟؟ بۇ بار ئىشقۇ ؟ شۇ ھەممىنى دۇكىندىكى دورلارغا ئالماشتۇرۋالىدۇ ...بۇنىڭ بەزىدە باشقلارغا پايدىسمۇ بولۇپ قالىدۇ جۇمۇ ؟ مەسلەن : ھازىر خىزىمەتچلەرىنىڭ داۋالىنش كارتسغا شۇنداق سوپۇن دىگەندەك تۇرمۇش بويۇملرىنمۇ ئالغلى بۇلىدۇ ....

باھادىر

	1.داۋالىشىنىش كىنىشكىسىگە تۇرمۇش مەھسۇلاتلىرىنى سېتىۋىلىش: ئىجتىمائى كاپالەت ئىدارىسى 社保局نىڭ  ۋە مال باھا ئىدارىسىنىڭ نازارەت ۋە باشقۇرۇشنى بوشاشتۇرغانلىقىدىن بولغان. بۇ ئىشقا سىز نارازى بوپسىز، لىكىن سىزنىڭ ئەشۇ ناھىيىدە ياشايدىغان كىشىلەرنىڭ يېرىمىدىن كۆپرەكى بۇنىڭدىن بەك خۇرسەن، كۆپىنچە كىشىلەر داۋالىنىش كارتىسىدىكى پۇللارنى، خۇددى ‹ئاسماندىن بىكارغا چۈشۈپ قالغاندەك› ھېس قىلىدۇ، ھۆكۈمەتنىڭ قاتقىنىدىن باشقا ئۆزىنىڭمۇ مۇئاشىدىن تۇتۇلغانلىقىنى گەرچە بىلىپ تۇرسىمۇ، خەجلەيدىغان ئورۇنغا كەلگەندە،خوش بولۇپ، يېلىنىپ يۈرۈپ نەرسە سېتىۋىلىشىدۇ. ئەگەر، ئىجتىمائى كاپالەت تارماقلىرى باشقۇرۇشنى كۈچەيتىپ قالسا، قاراپ تۇرىسىز ئاچچىقى كىلىدىغىنى دۇكان خوجايىنى ئەمەس، بەلكى شۇ يەردىكى كۆپ قىسىم خەلق ئاممىسى بولىدۇ. 2. ئورۇنباسار دورا، قوشۇمچە دورا قاتارلىقلارنى زورلاپ سېتىش: دورا باشقۇرۇش تارماقلىرىنىڭ نازارەت ۋە باشقۇرۇشنى بوشاشتۇرغانلىقىدىن بولغان. بۇ ئىشنىڭ خارەكتىرى مۇنداق بولىدۇ‹خوجايىن دورا ساتقۇچى قىزلارنى ياللىغاندا، بىر قىزغا بىر پۇكەينى كۆتىرە بېرىپ، مۇئاشىنى تۆۋەن بىكىتىپ، ساتقان سوممىسىغا ئاساسەن شىرىنكا قوشۇپ بېرىدۇ، خەلق پۇلىنىڭ قىزىقتۇرىشى ئارقىسىدا، ئەسلىدىكى بىركىشىگە ئوڭشاپ گەپمۇ قىلالمايدىغان قىزلار ھەر خىل ئادەمگە ھەر خىل مۇئامىلە قىلالايدىغان زۇۋاندار تارماق تىجارەتچىگە ئايلىنىدۇ، بىزنىڭ كىشىلىرىمىز زىيادە كۆڭۈلچەك بولغاچقا، مۇھىمى ساغلاملىق ۋە دورا ساھەسىدە ئومومىيۈزلۈك دىگۈدەك ساۋاتسىز بولغاچقا، ئۆزى ئىھتىياجلىق بولمىغان دورا ۋە يانداش بويۇملارنى سېتىۋىلىپ قالىدۇ، ھەرگىزمۇ خەنزۇ يولداشلاردە ‹بۇ ياۋ!› دىيەلمەيدۇ›. قانائەتلىنەرلىك جاۋاپ بولدىمۇ؟

zulayha

	ھاياتمىز يەنە نىمىلەرنىڭ ھەم نىمە ئىشلارنىڭ شاھىدى بولۇپ كېتە ئەمدى؟

natik

	بىر خەلىق ئۇقۇتقۇسنىڭ ئۆز ئاغزدىن نۇمۇس قىلماي ئەنە ئاشۇنداق دورخاندىن كىشكسدكى پۇلنى نەخ پۇلغا ئاماشتۇرۇغننى ئاڭلاپ ھەيران قالغانتىم، ھازىر ئاساسەن دىگۈدەك دۇرخانلاردا دۇرلا ئەمەس باشقا تۇرۇمۇش بۇيۇملرنىمۇ ساتدغان بوپ كىتىپتۇ .