رامىزان ئايلىرىدىكى مۇھىم ئەمەللەر.!!

sirikbuya

	رامىزان ئېيى پۈتۈن ئايلاردىن ئۇلۇغ ۋە قىممەتلىك بولغان بىر ئايدۇر. رامىزان ئېيىدا قىلىنغان ياخشى ئەمەللەرگە باشقا ۋاقىتلاردا قىلىنغان ياخشى ئەمەللەردىن ئەلۋەتتە كۆپ ساۋاب يېزىلىدىغانلىقىمۇ بىر ھەقىقەت.  رامىزان ئېيى مۇسۇلمانلار ئۈچۈن، خۇسۇسەن ئاياللار ئۈچۈن بىر مول ھوسۇل ۋاقتى بولۇپ، ئاياللار  ئەگەر بۇ ئاينىڭ قەدرىنى بىلىپ، قىلىشقا تېگىشلىكلىرىنى ئادا قىلسا ئەرلەردىن  ئىككى ھەسسە ئارتۇق ساۋاب قازىنىدۇ. بۇ مۇنداق: ئايال كىشىمۇ خۇددى ئەر كىشىگە ئوخشاشلا ئىسلام پەرزلىرىنى ۋە نەپلە ئىبادەتلەرنى ئادا قىلغاننىڭ سىرتىدا، ئېرى ۋە بالىلىرى ئۈچۈن ياخشى خىزمەت قىلىپ، ئۇلارنىڭ تائەت - ئىبادەتلەرنى تولۇق ئادا قىلىشىغا شەرت شارائىت ھازىرلاپ بېرىدۇ. مۇندىن باشقا جامائەتنى ئىپتارغا چاقىرىش ئىشلىرىدا پەقەت ئايال كىشى كۈندۈزدە روزا تۇتۇقلۇق تۇرۇپ  يالغۇز جاپالىق ئىشلەيدۇ. بۇنىڭ بىلەن ساۋاب تاپىدۇ. ئايال كىشى ئائىلىدە ئائىلە ئەزالىرىنى غىزالاندۇرۇش ۋە كىيىم - كېچەكلىرىنى يۇيۇپ تازىلاش ئىشلىرىنى ئۆز ئۈستىگە ئالغانلىقى تەرەپتىنمۇ يەنە ساۋاب تاپىدۇ. رامىزان ئېيى يىلدا بىر قېتىملا كەلگىنى ئۈچۈن ناھايىتى تىز ئۆتۈپ كېتىدۇ، نۇرغۇن كىشىلەر  بۇ پۇرسەتنى چىڭ تۇتۇپ، بۇ ئاينىڭ خەيراتلىرىدىن تولۇق مەنپەئەت ئالالىسىمۇ، يەنە كۆپلىگەن كىشىلەر ئەس ھوشىنى تېپىپ بولغىچە بۇ ئاي ئۆتۈپ كېتىدۇ. بۇ ئاينىڭ قەدرىنى بىلگەنلەر، پۇرسەتنى غەنىمەت بىلگەنلەر بۇ ئاينىڭ شاراپىتىدىن ھەۋز كەۋسەرلەرنى ئىچەلىگەندەك بولىدۇ، يەنە بىر رامىزان كەلسە ۋاقىتنى چىڭ تۇتسام ۋە بۇ ئايدىن تولۇق پايدىلانسام دەپ ئارزۇ قىلىدۇ. ئەمما نۇرغۇنلىرىنىڭ ئۆمرى ئىككىنچى رامزانغا يەتمەيدۇ. چۈنكى خۇددى قەدىمكىلەر ئېيتقاندەك « ئۆمۈر ئاتقان ئوق»تۇر. ئۇنى قايتۇرۇپ كەلگىلى بولمايدۇ. شۇڭا بۇ ئۆمۈر ئۆتۈپ كېتىشتىن بۇرۇن ۋاقىتتىن پايدىلىنىش كېرەك. رامزاندەك بىر يىلدا ئاران بىرلا قېتىم كېلىدىغان ياخشى پۇرسەتنى قولدىن بەرمەسلىك كېرەك. ئەقىللىق ئاياللار قىلىدىغان ئىشلىرىنى پروگراممىلاشتۇرۇپ، بىر مىنۇت ۋاقىتنىمۇ بىكارغا ئۆتكۈزمەستىن تولۇق پايدىلىنىدۇ. تۆۋەندە ئايال مۇسۇلمان قېرىنداشلارغا رامىزان ئېيىدا قىلىشقا تېگىشلىك مۇھىم ئىشلاردىن 20 ئىشنى تەۋسىيە قىلىمىز: 1- رامىزان ئېيىدا قىلىدىغان پۈتۈن ئىبادەتلەر ۋە ئۆي ئىشلىرىنى پەقەت ئاللاھنىڭ رازىلىقىغا ۋە مۇكاپاتىغا ئېرىشىش نىيىتى بىلەن قىلىش. 2- بەش ۋاخ نامازنى ئۆز ۋاقتىدا تولۇق ئادا قىلىش. 3- سۈننەت ۋە نەپلە ئەمەللىرىنى كۆپ قىلىش. 4- سەدىقىنى كۆپ بېرىش، ئاجىز - ئۇرۇقلارغا ياردەم قىلىش، يېتىملارنىڭ بېشىنى سىلاش. 5- قۇرئاننى كۆپ ئوقۇش. ئىمكان قەدەر رامىزان ئېيىدا  قۇرئان كەرىمنى تامام قىلىش. 6- ئىمكان قەدەر ئاخشاملىرى تاراۋىھ نامىزىغا چىقىپ، ئەرلەرنىڭ ئارقىسىدا ئايرىم سەپ تۈزۈپ بۇ ئۇلۇغ ئىبادەتكە ئىشتىراك قىلىش. 7- ۋەز - نەسىھەتلەرنى كۆپ ئاڭلاش. 8- جامائەتنى، خوشنىلارنى ۋە ئۇرۇق - تۇغقانلارنى ئىپتارلاتتۇرۇش . 9- ئاتا - ئانىسىنى، قېيىن ئاتا - قېيىن ئانىسىنى ئالاھىدە ئىپتار قىلدۇرۇش ۋە ئۇلارنى يوقلاپ تۇرۇش، خىزمەتلىرىنى قىلىش ۋە دۇئالىرىنى ئېلىش. 10-ئېرىنىڭ ۋە پەرزەنتلىرىنىڭ خىزمىتىنى ياخشى قىلىش، ئۇلارنى ئىپتار ۋە سۇھۇرلاردا ياخشى غىزالاندۇرۇش. 11-غەيۋەت، شىكايەت، گەپ توشۇش، يالغان سۆزلەش، باشقىلارنى رەنجىتىش قاتارلىق ئىشلاردىن ۋە پۈتۈن ناچار ئەخلاقلاردىن يىراق تۇرۇش. 12-ۋاقىتنى چىڭ تۇتۇپ بۇ ئايدا تېخىمۇ كۆپ ياخشىلىقلارنى قىلىپ كۆپ ساۋاب تېپىشقا تىرىشىش. 13-تېلېۋىزور كۆرۈش بىلەن ۋە پايدىسىز سۆھبەتلەر بىلەن ۋاقىتنى ئىسراپ قىلماسلىق. كۆپ ئۇخلاپ ۋاقىتنى ئۆتكۈزمەسلىك. 14-ئىسلامىي گۈزەل ئەخلاققا توغرا كەلمەيدىغان ئادەتلىرى بولسا بۇ ئايدا شۇلارنى تۈزىتىش ۋە ئۆزىنى ئىسلاھ قىلىشقا تىرىشىش. چۈنكى بۇ ئاي تەربىيە ئېلىش ۋە ياخشى ئادەتلەرنى يېتىلدۈرۈش ئېيىدۇر. 15-بوش ۋاقىتلىرىنى قۇرئان ئوقۇش ۋە دىنى كىتابلارنى ئوقۇپ بىلىم ئېلىش بىلەن تولدۇرۇش. چۈنكى رامىزان ئېيى  قۇرئان كەرىم مۇھەممەد ئەلەيھىسسالامغا  ئاللاھ تائالا تەرىپىدىن چۈشۈشكە باشلىغان بىر مۇبارەك ئاي. شۇڭا  پەيغەمبەر ئەلەيھىسسالاممۇ رامىزان ئېيىدا ئىبادەتلەرنى ئەڭ كۆپ قىلاتتى، سەدىقىنى ئەڭ كۆپ بېرەتتى. 16-رامزاندا ھەددىدىن ئارتۇق كۆپ يېمەسلىك ۋە ئائىلە ئەزالىرىنىڭ ساقلىقىنى ساقلاش ئىشلىرىغا ئالاھىدە ئەھمىيەت بېرىش. چۈنكى كۆپ يېيىش ئادەمنى ئىبادەتلەردىن ھورۇنلاشتۇرۇپ قويىدۇ. مۇندىن باشقا كۆپ يېيىشنىڭ تەن ساقلىقىنى ساقلاشقا زىيىنى بولىدۇ. شۇڭا رامىزان ئېيىدا ئاز يەپ، ھوشيار تۇرۇش لازىم. 17-رامىزان كېچىلىرىدە دۇئانى كۆپ قىلىش، كېچىنىڭ ئاخىرقى دۇئا ئىجابەت بولىدىغان ۋاقىتنى قولدىن بەرمەسلىك. 18-رامىزان ئېيىنى پۈتۈن گۈزەل ئەخلاقلار بىلەن ئەخلاقلىنىش ۋە يامان ئادەتلەرنى تاشلاش پۇرسىتى دەپ تونۇپ، بۇ ئايدا ھاياتلىق ئىشلىرىنى  توغرا رەتكە سېلىشنى ئۆگىنىش. 19-رامزاننىڭ ئاخىرقى كۈنىدە يېتىم - يېسىرلارنىڭ يۈزلىرىنى كۈلدۈرۈش ئۈچۈن فىتىر سەدىقىسىنى تولۇق ۋە زىيادىسى بىلەن ئادا قىلىش. 20- روزى ھېيت كۈنىدە ئاۋۋال ئاتا - ئانىلارنى، ئاندىن تۇغقانلارنى زىيارەت قىلىپ، ئۇلارنىڭ كۆڭۈللىرىنى شاد قىلىش، كەمبەغەللەرگە خەير - ئېھسان قىلىپ ئۇلارنى خوش قىلىش.       يۇقىرىقىلارنى تولۇق ئورۇنلىغان ئايال كىشى ئەرلەردىن چوقۇم ئىككى ھەسسە ئارتۇق ساۋابقا ئېرىشىدۇ. ئىسلام تارىخىدىكى ئۈلگىلىك ئاياللار شۇنداق قىلاتتى. رامىزان ئېيىدىن تولۇق پايدىلىنىش ئۈچۈن قوللىرىدىن كەلگەننى قىلاتتى. بىزمۇ ئەشۇ ئۈلگىلىك مۇسۇلمان ئاياللارنى ئۆزلىرىمىزگە ئۈلگە قىلىپ، رامىزان ئېيىدىن تولۇق پايدىلىنىش ۋە مەنىۋى مول ھوسۇلغا ئېرىشىش ئۈچۈن ئىشلىشىمىز لازىم. جانابى ئاللاھ تائالادىن ھەممىمىزگە ھىدايەت تىلەيمەن ۋە بۇ  ئۇلۇغ ئايدا كۆپلىگەن ساۋابلىق ئىشلارنى قىلىپ، ئاخىرەتلىكىمىز ئۈچۈن ئوزۇق توپلىشىمىزغا مۇيەسسەر قىلىشىنى سورايمەن. ئاللاھ تائالادىن پۈتۈن ئىسلام ئۇممىتىنى بۇ ئۇلۇغ ئاينىڭ شاراپىتىدىن بەھرىمەن قىلىشىنى تىلەيمەن. مەنبە:http://www.2094.com.cn/article/2094_mezmun.php?aid=145&catid=111

axek13999649893

	رامىزانندا 32 خۇشاللىق با 1.ئالدىنقى 10ىمەغفىرەت 10ى كەچۈرۈم 10 شەپقەت

سۈمەييە

	ئىسىل تىمىكەن ، ھەر قايسى ئايال زاتى كۆرۈپ بىلىۋىلىشقا تىگىشلىك قىممەتلىك تىمىكەن مەن باشقا ۋاقىتتا قۇرئان كەرىمنى ئىتتىك ئوقۇيالمىساممۇ رامىزان ئىيىدا قانداق قىلسام بىر ئاي ئىچىدە ئوقۇپ تۈگىتىپ بولىمەن ، بولمىسا تۇتقان روزام قىلغان ئىبادەتلىرىم قوبۇل بولمايدىغاندەك بىر خىل ئاچچىق تۇيغۇ ئىچىمگە كىرىۋالىدۇ

ئۆل

	مەنمۇ 1ئايىنى تولۇق تۇتىمەن دىگەن ئىدىم ..ئەمما ئامال يوق يەنە 5كۈن چالا قالدىكەن ..بۇ مىنىڭ خاتالىقم ئەمەس ..بولمسا مەن بۇ قېتىم پۈتۈن ئىخلاسىم بىلەن رۇزىنى باشلغان ئىدىم ...ئەمما بەزىدە ئادەم غەيۋەت قىلپمۇ سالدىكەن ...ئەمدى ئايال كىشى بولغاندكىن ئاللا بىلىپ بۈلمەي قىلغان گۇناھلرىمىنى كەچۈرگەي ئامىن ......

sirikbuya

	سۈمەييە يوللىغان ۋاقتى  2012-8-7 01:56 PM ئىسىل تىمىكەن ، ھەر قايسى ئايال زاتى كۆرۈپ بىلىۋىلىشقا ... ئۇنداق ئويدا  بولماڭ ئاللاھنىڭ پەيغەمبىرى شۇنداق دىگەن ئىسلام دىننى  ئاسانلاشتۇرۇڭلار .قىيىنلاشتۇرماڭلار  دىگەن ئۆزىمىزگە ئۇنداق بەك قاتتىق تەلەپ قويىۋالساق  بولماسمۇ

سۈمەييە

	sirikbuya يوللىغان ۋاقتى  2012-8-7 02:08 PM ئۇنداق ئويدا  بولماڭ ئاللاھنىڭ پەيغەمبىرى شۇنداق دىگ ... مەن قىيىنلىق ھىس قىلمەيمەن ، كىچىكىمدىن شۇنداق كۆنۈپ قاپتىمەن ، قانداق قىلسام شۇ بىر ئاي ئىچىدە ئوقۇپ بولىمەن ،

sirikbuya

	ئۆل يوللىغان ۋاقتى  2012-8-7 02:08 PM مەنمۇ 1ئايىنى تولۇق تۇتىمەن دىگەن ئىدىم ..ئەمما ئامال ي ... ئاياللار  مەلۇم سەۋەپلىك رازام تۇتالمىسىمۇ  كەچۈرىدۇ .!! بىراق ئەرلەر گە ھىچقانداق بانا سەۋەپ يوق . بىر كۈن تۇتالمىسا  60 كۈن تۇتىدۇ

sirikbuya

	سۈمەييە يوللىغان ۋاقتى  2012-8-7 02:11 PM مەن كىچىكىمدىن شۇنداق كۆنۈپ قاپتىمەن ، قانداق قىلسام  ... ئاللاھ  ئوقۇپ بولغانغىلا  ئەمەس  كۆڭۈل قويغانغا  كۆپراق ئەجىر بىرىدىغۇ دەيمەن چۈنكى پەيغەمبەر ئەلەيھىسالام شۇنداق دىگەن . قۇرئاننى تىز  ئوقۇغان ئادەمگە  بىر  ھەسسە ئەجىر بىرىلسە قىينىلىپ ئوقۇغان ئادەمگە  ئىككى ھەسسە ئەجىر بىرىلىدۇ . بۇخارى

سۈمەييە

	sirikbuya يوللىغان ۋاقتى  2012-8-7 02:15 PM ئاللاھ  ئوقۇپ بولغانغىلا  ئەمەس  كۆڭۈل قويغانغا  كۆپرا ... ئاللا خالىسا ئەلۋەتتە كۆڭۈل قويىمەن ، بۇ گىپىڭىزدىن غەلىتىلىك ھىس قىپ قالدىمغۇ ؟؟؟؟؟ رەھمەت

sirikbuya

	سۈمەييە يوللىغان ۋاقتى  2012-8-7 02:17 PM ئاللا خالىسا ئەلۋەتتە كۆڭۈل قويىمەن ، بۇ گىپىڭىزدىن غ ... قۇرئان ئوقۇيدىغان ئەمما  ئەمەل قىلمايدىغانلارغا  قارىتىلغان  گەپ  ماۋۇ