كۆزلىرىمدە ياشلىرىم...(ئىپارە)

ئىپارە

	ھەي نىمە دىسەم بولار؟ سۈيۈملۈك ئاچا مەن  سېنىڭ يېنىڭغا بارالمىدىم، تۇرمۇش ھەلەكچىلىكى مېنى بېرىشتىن توسۇپ قويدى. لېكىن كۆڭلۈم يەنىلا ئۇنۇمىدى، ئاللاھ خالىسا ھېيتتىن كېيىن چوقۇم بارىمەن ، مەندەك ۋاپاسىز سىڭلىڭنى كەچۈرگىن گەرچە يىنىڭغا ئۇچۇپ بارغىم بولسىمۇ لېكىن... سەن كىچىگىمدىن ماڭا ئامراق ئىدىڭ، مەكتەپلەردە مۇسابىقىگە چۈشكىنىمدە سەن مېنى ياساپ قوياتتىڭ، جىنىم ئاچا سېنىڭ شۇ قىلغانلىرىڭنى قانداقمۇ ئۇنتۇپ كېتەي؟ نىمىشقىكىن سەن دائىم كىيىم ئېلىپ ئۆزۈڭ ئانچە ياراتماي قالاتتىڭ ھەم ماڭا كىيگۈزۈپ ‹‹ ساڭا بەك ياراشتى، قارا ئەينەككە ،سېنىڭلا كىيمىڭكەن ! ›› دەپ ئۇنۇمىسام ئۇنۇماي ماڭا بېرەتتىڭ ،  بەلكىم سەن مېنىڭ شۇ چاغدىكى خوشاللىغىمنى كۆرۈش ئۈچۈن شۇنداق قىلىدىغان بولغۇيمۇتۇڭ؟چاچلىرىمنى ياساشلىرىڭچۇ تېخى ، سەن بىر دوختۇر ئەمەس بەلكىم بىر سەنەتكار ئىدىڭ، شۇنچىلىك مېنى ياساپ چىرايلىق قىلىشقا ھېرىسمەن ئىدىڭ بەلكىم بۇ مېنىڭ ساڭا ئوخشىغانلىغىمنىدىن ماڭا ئامراق بولغۇيمۇتۇڭ؟ ياكى سەن شۇنداق سىڭىللىرىڭغا شۇنچە مېھرىبان بولغۇيمۇتۇڭ؟نىمە دىسەم بولار؟ كۆزلىرىمدىن ياشلىرىم توختىمايۋاتىدۇ، گەرچە سېنىڭ بۈگۈن تاماق يىگىنىڭنى ئاڭلىغان بولساممۇ لېكىن  سېنىڭ يىنىڭغا بارالمىغانلىغىمدىن بىر گۇناھكاردەك ھېس قىلىۋاتىمەن .سەن ئۆينىڭ چوڭى ئىدىڭ سېنىڭ زىممەڭدىكى يۈك ھەقىقەتەن ئېغىر ئىدى، ئاپام داداملار باشقا يەردە خىزمەت قىلغاندا بىز كىچىك سەن كەچ ئاپام داداملار كەلگىچە بىزگە تاماقلارنى ئىتىپ بىزگە ھەم ئانا، ھەم دادا بولۇپ قارىغان ئىدىڭ سەن كىچىكلا جاپا تارتىپتىكەنسەن بىر تەرەپتىن مەكتەپكە باراتتىڭ، بىر تەرەپتىن بىزگە ... ئاچا سېنى سېغىنغانلىغىمنى بىلەمسەن؟ جىنىم ئاچا ئەتىيازدا يېنىڭغا بارغىنىمدا ماڭا تويماي يەنە ئازراق تۇرغىن دەپ كەتكەنلىرىڭ ھەم يولغا چىققاندا سېنىڭ ماڭا قىيماي قاراپ تۇرۇشلۇرۇڭ نىمىسىنى دەي ؟ سېنى باغرىمغا بېسىپ سۈيۈپ قويغۇم كىلىۋاتىدۇ.ئاچا سەن بەكمۇ قەيسەر ئاللاھ خالىسا بۇ كېسەل ئۈستىدىن غەلبە قىلىدىغانلىغىڭغا ئىشىنىمەن. ئاللاھ خالىسا ئەمدى تاماقلارنى يەپسەن، بۇ سېنىڭ ياخشىلىنىۋاتقانلىغىڭنىڭ  بەلگىسى ، سەن چوقۇم ياخشى بوپ كىتىسەن چۈنكى سەن شۇنچە ئېغىر خىمىيلىك داۋالاشلارنى كۆتۈرگەن ، قەيسەر ھالدا ئاللاھ يولىدا ھەق يولنى تاللىغان . دوختۇرمۇ بۇ قىتىمقى ئوپراتسىيەدىن كېيىن  مۇشۇ پېتى ساقىيىپ كەتسە ساقىيىپ كېتىدۇ !دەپتۇ ئاللاھ خالىسا چوقۇم ساقىيىپ كىتىسەن، سەن تېخى ياش . ئەسلى سېنىڭ بۇ يىشىڭدا بۇنداق ئاغرىق بولماسلىغىڭ كېرەك ئىدى لېكىن ئەپسۇس مىڭلاپ ئەپسۇس... ساڭا زادى نىمە ئېغىر كەلدى؟ بۇ كىسەل زادى نەدىن پەيدا بولدى؟ تۇرمۇش بىسىمىڭدىنمۇ؟ مەن ساڭا چىدىمايمەن، ئۇ كۈنلەرنى يىراق قىلسۇن ئىلاھىم، بىراق شۇ ئېسىڭدە بولسۇنكى ئاللاھ بەك مېھرىباندۇر، ئاللاھ خالىسا ئاللاھ ئۈچۈن سېنى ساقايتىش ئاساندۇر.  مۇشۇ ئۇلۇغ ئاي ئۇلۇغ كۈنلەردە بىر رەببىم ئاللاھىمدىن شۇنى تىلەيمەن‹‹ ئى رەببىم ئاللاھ ئاچامنىڭ كىسىلىگە شىپاتلىق بەرگىن ، ئۇنى    ساقايتقىن ئۇنۇڭ كۈنلىرىنى ياخشى قىلغىن ئۆمرىنى ئۇزۇن قىلغىن، ئى ئۇلۇغ رەببىم سەن ئۈچۈن بۇ ئاساندۇر. قېرىنداشلىق مېھرىگە ئادەم چىدىغىلى بولمايدىكەن. ئاشۇ سۈيۈملۈك ئاچام ئۈچۈن تىلىگەن ھەر بىر تىلىگىمىزنى ئىجابەت قىلغىن. ئامىن!›› سۈيۈملۈك تورداشلار بۈگۈن بۇ ئىشلار ئىچىمگە سىغماي مۇنبەرگە يىزىپ ئولتۇرۇپتىمەن ،چۈنكى ئاچام ئاللاھ خالىسا بۇ يازمامنى ئوقۇيدۇ.   سۈيۈملۈك تورداشلار سىلەرنىڭمۇ ئاچامغا بىر كىشلىك دۇئايىڭلارنى قىلىپ قويۇشڭلارنى ئۆتۈنۈپ تۇرۇپ سورايمەن. چۈنكى ناتۇنۇش قېرىنداشلارنىڭ دۇئاسى تېز ئىجابەت بولىدۇ. رەھمەت مېنى چۈشۈنىشىڭلارنى ئۈمۈد قىلىمەن! مەنبە:يىغلىغان يۈرەك.

QALIB

	ئاللاھ سۆيگەن بەندىسىنى تاشلىۋەتمەيدۇ،````ئاللاھدىن ئاچىڭىزغا شىپاھلىق تىلەيمەن،

axek13999649893

	بۇ سىنىڭ تارىخڭىز ما بۇ

sabinur

	ئاللاھ ئاچىڭىزنىڭ كىسىلىگە شىپالىق بەرسۇن ،بۇ تىمىنى كۆرۈپ ئاچام ئىسىمگە كىلىپ قالدى

ئىپارە

	QALIB يوللىغان ۋاقتى  2012-8-6 08:03 PM ئاللاھ سۆيگەن بەندىسىنى تاشلىۋەتمەيدۇ،````ئاللاھدىن ئا ... رەھمەت سىزگە ،دىگىنىڭىزدەك بولغاي! ئىلاھىم!كۆزلىرىمدىن ياشلىرىم...

بۇغداي

	‹‹پاتماللاپ بىرىپ مىسقاللاپ ئالىدۇ››ئىغىر بىسىق بولۇپ ئاللاھقا چىندىلىمىزدىن ئىبادەت قىلساق تىلىگىنىمىزگە ئىرشەلەيمىز. مىھرىبان ئاللاھ شۇ قىرىندىشىمنىڭ كىسلىگە شىپاتلىق بىرىپ ئائىلسىگە تىزراق قايتقىلى نىسىپ قىلغايسەن!!!                                                        ھەر قىتىم ئوقىغان نامىزىمدا دۇئا قىلىمەن. تورداشلارنىڭمۇ شۇنداق قىلشىغا ئىشىنىمەن .  ئۆزىڭىزنى كۆپ ئاسىراڭ، ئىشىنىمەنكى ئاللاھ چوقۇم ئاچىڭىزغا شىپالىق بىرىدۇ.

ئىپارە

	بۇغداي يوللىغان ۋاقتى  2012-8-6 08:31 PM ‹‹پاتماللاپ بىرىپ مىسقاللاپ ئالىدۇ››ئىغىر بىسىق بولۇ ... رەھمەت سىزگە، سىزنىڭ بۇ ئىنكاسىڭىزنى ئوقۇپ بەك خوش بولدۇم، ھەم سىزدەك مېھرىبان تورداشلىرىمنىڭ بارلىغىدىن كۆڭلۈم بەكممۇ خۇرسەن بولدى . سىزگە يەنە بىر قىتىم رەھمەت!

ئىپارە

	بۇغداي يوللىغان ۋاقتى  2012-8-6 08:31 PM ‹‹پاتماللاپ بىرىپ مىسقاللاپ ئالىدۇ››ئىغىر بىسىق بولۇ ... رەھمەت سىزگە، سىزنىڭ بۇ ئىنكاسىڭىزنى ئوقۇپ بەك خوش بولدۇم، ھەم سىزدەك مېھرىبان تورداشلىرىمنىڭ بارلىغىدىن كۆڭلۈم بەكممۇ خۇرسەن بولدى . سىزگە يەنە بىر قىتىم رەھمەت!

rizwangul0995

	ئاچىڭىزنىڭ تىزراق ساقيىشىنى ئۇلۇق ئاللاھتىن تىلەيمەن

ئىپارە

	rizwangul0995 يوللىغان ۋاقتى  2012-8-6 08:41 PM ئاچىڭىزنىڭ تىزراق ساقيىشىنى ئۇلۇق ئاللاھتىن تىلەيمەن رەھمەت جانىم دىگىنىڭىزدەك بولغاي!