باغ سەيلىسى

mahatjan

	باغ سەيلىسى                                   نەسىر            تەپەككۇر كەپتىرىم خىيال قاناتلىرىنىڭ يىتەكلىشى بىلەن باغۋەن ئاتام ئۆز قولى بىلەن بىنا قىلغان گۈزەل باغلارنى سەيلە قىلماقتا.بۇ باغلار نىمە دىگەن گۈزەل ھە!.          باغدىكى دەل-دەرەخلەرنىڭ شاخلىرى تەبىئەتنىڭ ئىزغىرىن شاماللىرىدا خۇددى ئۇسۇلچى قىزلاردەك بەللىرىنى تولغۇشۇپ؛مىۋىللىرى قوياش نۇرىدا مەرۋايىتتەك پاقىراپ، كۆزىڭىزنى بىر نوختىدا تاماششە قىلدۇرۇشقا ئامالسىز قالىسىز.        ئەنە قاراڭ! بىدشلاردىكى ئاسماق-ئاسماق ئۈزۈملەر چولپان يۇلتۇزدەك كۆزىڭىزنى قاماشتۇرسا، چىۋىقتەك شاخلىرىدىكى قوشماق ئانارلار شاھ  سۈپەت تاج كىيىپ باغ ئوربىتىسىدا ئاي شارى يەرشارى ئەتراپىدا ئايلانغاندەك سىزنى ھەيران قالدۇرىدۇ. ئالما، ئامۇت-نەشپۈتلەر شالاڭ ياپراقلار ئارىسىدازۆھرە يۇلتۇزدەك جىلۋىلانسا،شەربەتلىرى ئېقىپ تۇرغان شاخ  مانتىسى-ئەنجۈرلەر ياپراق لىگەنلىرىگە تىزىلىپ مىزلىك پۇراقلىرى بىلەن دىماقلىرىڭىزنى غىدىقلايدۇ. بىيە، پىستە-بادام،شاپتۇل-----دىگەنلەرنىڭ ھەممىسى ئۆزگىچە خىسلەتلىرى بىلەن تەپەككۇر كەپتىرىڭىزنىلا ئەمەس بەلكى مۇھەببەتلىك كۆزلىرىڭىزنى رەڭگارەڭ سىماسىدا ئوينۇتۇپ، ھەسەل ھەرىسىدەك شاختىن- شاققا قوندۇرۇپ كۆڭۈل ساندۇقلىرىڭىزغا تۈگمەس شىرنىلارنى يىغىلىشقا ئۈندەيدۇ. دىمەك بۇ باغنىڭ  بىر بۈتۈن ئوبرازىغا نەزەر  سالغىنىڭزدا ئۆزىڭىزنى رىۋايەتلەردە ئېيتىلغان جەننەتتە سەيلە قىلىۋاتقاندەك ھىس قىلماي تۇرالمايسىز.سىز سەيلە قىلىۋاتقان بۇ باغ سىزنىڭ خىيالىڭىزدىن ئۆتۈۋاتقان خىيالى جەننەت ئەمەس بەلكى يۇرتۇمنىڭ بېغى-رىياللىقتىكى جەننەت-يەنى بەشكىرەمنىڭ گۈزەل باغلىىرىدۇر. چۈنكى، بەشكىرەم دىگەن سۆزنىڭ ئەسلى مەنىسى< بېھېشكىرەم> دۇر، يەنى- مۇشۇ دۇيادىكى جەننەت.       ئىھ!،ئەمگەكچان باغۋەنلىرىمىزنىڭ خىسلەتلىك قولى بىلەن لەززەتلىك مىۋىلەرگە تولغان يۇرتۇمنىڭ باغلىرى-دۇنيادىكى ھەممە گۈزەللىكنى ئۆزىگە مۇجەسسەملەشتۈرگەن بۈيۈك جەننەتنىڭ ئۆزى سەن. دۇنيا بىر ئۈزۈك بولسا، سەن ئالتۇن كۆزىسەن. سەندىكى بۇ گۈزەللىك مۇشۇ باغنى بىنا قىلغان باغۋەنلىرىمىزنىڭ مەڭگۈ ئۆڭمەس سىماسىدۇر.        بۇ باغلاردىكى خىلمۇ-خىل مىۋىلەر  ئۆزىنىڭ ساپلىغى بىلەن دۇنيادىكى بارلىق كىشىلەرنى ئۆزىگە جەلىپ قىلىپ، يۇرتىمىزنى ۋە خەلقىمىزنى دۇنياغا تونۇتقان.         ئىىخ گۈزەللىك، سەخىلىق بابىدا دۇنيادا تەڭدىشى يوق يۇرتۇمنىڭ باغلىرى؛- مىۋىلىرىڭدىكى ئەنە شۇنداق ئىسىل خىسلەت، تۈگمەس بەركەت،ئابى ھايات شەربەتلىرىڭ بىلەن خەلقىڭگە،ئىنسانىيەتكە ئىسل ئىنسانى پەزىلەت ئۈگەتتىڭ، سىنىڭ بۇ ئالى خىسلىتىڭ نىمە دىگەن ئىسىل ھە!، سەن ئۆزەڭدىكى ئەنە شۇ ئىسىل خىسلەتلىرىڭ بىلەن مىنىڭلا ئەمەس بەلكى ماڭا ئوخشاش مىليۇنلىغان قەلىبلەرنى ئۆزۈڭگە مەھلىيا قىلماقتىسەن،سەن يەنىمۇ گۈللە،بۈتۈن ئالەم-بارلىق ئىنسانلار ساڭا تەلپۈنسۇن!             ئاپتۇرى مەخەت ئابدۇرېھىم

zulayha

	تولىمۇ يېقىشلىق چىققان نەسىرىڭىزدىن دىلىم قاناتلىنىپ، ئەنە شۇنداق بىر گۈزەل باغلار ئارا تەلپۈنۈپ  ئۇچۇپ كىتېۋاتقىنىدا ھىسلار ئالىمىمدىن شۇنداق بىر نىدا كەلدى....ئەزىزىم-خۇش كەلدىڭ،ئېچىلىپ يۈر،ئالەم شۇنچە گۈزەل !

sabinur

	باغقا كىرىپ قالغاندەك تۇيغۇغا كەلدىم .تىلى شۇنداق يىنىك ياخشى چىقىپتۇ

axek13999649893

	باغ سەيلىسىگە باغاندەك بولدۇم

qog

	ئىسىل تېمىڭىزغا كۆپ رەخمەت ئاكا،بولسا سۆز ئويۇنىدىن بىرەنى يوللىمامسىز دەيمە زىرىكىپ قالدۇق

سۇمەييا

	باققا كىرىپ سەيلە قىغاندەك بولدۇم تىما ئىگىسىگە كۆپ تـەشەككۇر.

ئىپارە

	ھەقىقەتەن گۈزەل باغكەن!