شىمالى ياۋرۇپاغا سەپەر (1)

möljarli

	"پەلەستىنلىك ئائىشە " بىزگە ئات مىنەلەيدىغان-ئوق ئاتالايدىغان يىگىتلەر كېرەك!!! مۆلجەرلى بۇ ماقالە، ئەسلى يۇرتى پەلەستىلىك بۇلۇپ، شىمالى ياۋرۇپانىڭ سوغوق ئىقلىمى بولغان شىۋىتسىيەدە ياشاۋاتقان ئۈچ ئاچا-سىڭىل يىتىم قىزلارنىڭ سەرسانلىق ھاياتىدىكى ئېچىنىشلىق سەرگۇزەشتىلىرىنىڭ ئازراقلا بىر قىسمى . بۇ قىزلارنىڭ جاراڭلىق  ۋە ئىلمى ئاساسقا ئىگە ئوتلۇق يۇرەك سۆزلىرىدىن تەسىرلېنىپ، ئاخىرى ئاللاھنىڭ بۈيۈك  نىمىتى بولغان «ئىمان- ئىسلام » نىمىتىگە مۇيەسسەر بولغان بىر ياۋرۇپالىق ئايالنىڭ ئۆز  تەسىراتلىرى ۋە  بۇ بەخىتلىك ئانا بىلەن تەسەددىپى ئۆتكۇزگەن سۆھبەتنىڭ  قىسقىچە جەريانىدىن  ئىبارەت . ئەسلى شىۋىت مىللىتىگە مەنسۇپ بولغان بۇ ئايال ھازىر 75 ياشتا ، ئەسلى ئىسمى كىرىستىنا، ئىسلامنى قۇبۇل قىلغاندىن كېيىنكى ئىسمى بولسا خەدىچە ، بۇ بەخىتلىك ئانىنىڭ ئىسلامغا كىرگىنىگە بەش يىل بولغان ئىكەن. بۇ بەخىتلىك ئانا ھازىر  شۇ دىياردىكى مۇسۇلمان  ئاياللارنىڭ ھۆرمەتلىك ئانىسى سۈپىتىدە ھۆرمەتلىنىپ ياشاپ كەلمەكتە ئىكەن.    شىمالى ياۋرۇپاغا قەدەم قويغان كۈنلىرىمدىكى تۇنجى جۈمە نامىزىنى ئۇقۇش ئۈچۈن، شۇ كىچىك شەھەرنىڭ مەركىزى رايۇنىدىكى بىر بىنانىڭ يەر ئاستىغا جايلاشقان يۈز كۇۋادىرات مېتىر چوڭلۇقتىكى مەسجىدكە كەلدىم. تۈرلى يوللار بىلەن بۇ رايۇنغا كېلىپ ئولتۇرقلاشقان ھەرمىللەت مۇسۇلمانلىرى ئارىسىدا كۆپ ساننى ئىگەنلىگەنلەر پەلەستىنلىك مۇسۇلمانلار ئىكەن. كېيىن بىلسەم جۈمە نامىزىنى ئۇقۇتقان ئىماممۇ پەلەستىلىك مۇھاجىر ئىكەن. خۇتبە ناھايىتى جانلىق، تەسىرلىك، كەسكىن سۆزلەندى. ئەگەر ئەرەپچىدىن ئازتۇلا خەۋىرىم بولمىغىنىدا، بۇ جۈمەدە سۆزلەنگەن جاراڭلىق ۋەز-نەسىھەتتىن ئۇنچە تەسىرلەنمىگەن بۇلاتتىم دەپ ئويلۇدۇم. يۇرتىمىزدا جۈمە خۇتبىلىرى تامامەن دىگۈدەك ئەرەپچە ئۇقىلىدىغان بولغاچقا، كۆپلىگەن ئۇيغۇر مۇسۇلمانلىرى خۇددى قارىنىڭ قىرائىتىنى ئاڭلىغاندەكلا تىڭشاپ ئولتۇرىدۇ. ئەرەپچە بىلىدىغانلارمۇ خۇتبىنىڭ مەزمىنىنى ئاڭلاپ، بۇ خۇتبىلەر بۇندىن نەچچە ئەسىر بۇرۇن يېزىلغانلىقىنى، مەزمۇنى بولسا شۇ دەۋرىدىكى مۇسۇلمانلارنىڭ ۋەزىيىتىگە قاراپ يۇرت-شەھەر خەلىپىلىرى تەرىپىدىن ئېلان قىلىنغان ھەپتىلىك بايانات ئىكەنلىكىنى بىلىشىدۇ. لېكىن شۇ خۇتبىلەرنى ئۇيغۇرچىغا تەرجىمە قىلىپ جامائەتكە ئاڭلىتىش يۇرتىمىزدا تامامەن يوق دىيەرلىك. شۇڭا جۈمە نامىزىنى ئۇقۇغىلى جامى-مەسجىدلەرگە كەلگەن مۆھتەرەم مۇسۇلمانلار، ھىچنەرسىنى چۈشەنەلمەي، ئۈزىنىڭ پەرىز ئىبادىتىنى ئادا قىلغاندىن باشقا، جۈمە خۇتبىسىنىڭ تەقەززاسىدىن ھەچقاندات بەھرى ئالالماي قايتىشىدۇ. بۈگۈن بۇ مەسجىتتە سۆزلەنگەن نۇتۇق تامامەن ھازىرقى دەۋرىمىزدىكى مۇسۇلمانلارنىڭ ئەھۋالى توغرىسىدا سۆزلەنمەكتە ئىدى. بۇلۇپمۇ 2009-يىلى يەھۇدىلارنىڭ پەلەستىن-غەززە رايۇنىغا قىلغان قانلىق تاجاۋۇزى ۋە يۈزلىگەن-مىڭلىغان پەلەستىن خەلقىنىڭ بىگۇناھ قىرغىن قىلىنىشى قاتتىق تەنقىد قىلىنماقتا، بارچە دۇنيا مۇسۇلمانلىرىغا جاراڭلىق تەنبىھلەر بىرىلمەكتە، ئۇمۇمى يۈزلۈك ياردەمگە چاقىرماقتا ئىدى. بۇ جاراڭلىق خۇتبىنى ئاڭلىغان ھەرقانداق بىر مۇسۇلماننىڭ يۈرەك باغرى ئىزىلمەي قالمايتى، شۇڭىلاشقا پەلەستىن مۇسۇلمانلىرى ئۈچۈن ماددى ۋە مەنىۋى ياردەملەرمۇ ئىختىيارسىز توپلىناتتى. ئەنە شۇنداق تەسىرلىك جۈمە نامىزىنى ئۇقۇپ بولغاندىن كېيىن بۇ مەسجىدكە توپلانغان قىرىققا يېقىن ھەرمىللەت مۇسۇلمانلىرى ئۆز-ئارا ناھايىتى ئىللىق كۆرۈشۈشكە ۋە قىسقىچە تۇنۇشۇشقا باشلىدى. بۇ جەرياندا مەنمۇ شۇلار قاتارىدا ھەربىر مۇسۇلمان قېرىنداشلىرىمىز بىلەر ئىللىق سالاملىشىپ تۇنۇشتۇم. كۈتۈلمىگەن يەردىن، ئەسلى شىۋىت مىللىتىگە مەنسۇپ بولغان بىر بەخىتلىك  ئانا بىلەن بۇ جۈمە كۈنى مەسجىدتە تۇنۇشۇپ قالدىم. ئۇ ئانا ھەربىرىمىزگە شۇنداق دىققەت بىلەن قارايتى. مەننمۇ بۇ دىيارغا كەلگىنىمگە بىر قانچە ھەپتىلا بولغاچقا، غەرىپلىك بىر ئايالنىڭ جۈمە كۈنى مەسجىدكە كېلىپ، سانى ئەللىككە يەتمىگەن  بىر تۈركۈم مۇھاجىر مۇسۇلمان قېرىنداشلىرى بىلەن بىرلىكتە جۈمە نامىزى ئۇقىغانلىقى مىنى تەسىرلەندۈرۈپلا قالماي، چۇڭقۇر ھاياجانغا سالغانىدى . قەۋەتلىك بىنا ئۆيلەرنىڭ يەر ئاستىغا ئورۇنلاشقان، چوڭلىقى يۈز كۇۋادىرات مېتىر ئەتىراپىدا كېلىدىغان بۇ مەسجىدتتە، دۇنيانىڭ ھەر تەرەپلىرىدىن كۆچۈپ كەلگەن مۇھاجىر-مۇساپىر مۇسۇلمانلار يىغىلىپ جۈمە نامىزىنى ئۇقۇپ كېلىۋاتقىنىغا ئۈچ  يىلدىن ئاشقان ئىكەن. بۈگۈن مىنىڭمۇ شۇ مۇساپىر مۇسۇلمانلار قاتارىغا قۇشۇلۇپ تۇنجى جۈمە نامىزىنى ئۇقۇشۇم ئىدى. ناماز ئۇقۇلۇپ بولغاندىن كېيىن  مەسجىدكە كەلگەن مۇھاجىر مۇسۇلمانلار ئۆز-ئارا تۇنۇشلۇق بىرىشىپ بىر-بىرلىرىگە ئىللىق سالام بىرىشتى. نۆۋەت ماڭا كەلگەندە مەنمۇ ئۆزەمنى تۇنۇشتۇرۇپ ، مەن ئاسىيانىڭ  تەكلىماكان ۋادىسىدىن كەلدىم - مىللىتىم ئۇيغۇر، بۇ دىيارغا كەلگىنىمگە بىرقانچە ھەپتە بولدى دىدىم. سۆزۈمنى دىققەت بىلەن ئاڭلاپ تۇرغان ھېلىقى ئايال دەرھاللا ئوغلۇم يۇرتۇڭنى بىلەلمىدىم، ئاۋۇ خەرىتىدىن كۆرسەتكىن دىدى. قارىسام مەسجىدنىڭ شىمالى تەرپىدىكى تامغا ناھايىتى چوڭ بىردانە دۇنيا خەرىتىسى ئېسىلغان ئىكېن. مەن ئۇدۇل بېرىپلا خەرىتىنىڭ مەركىزى ئاسىيا قىسمىدىكى قۇتۈپ سىزىقلىرى ئارىسىدىن، يۇرتىنىمىزنىڭ  ھازىرقى باشكەنتى ئۈرۈمچىنى كۆرسەتتىم. ئۇ مۇسۇلمان ئايال ۋە مەسجىدتە تۇرغان ھەممە مۇسۇلمانلار ھەيران قېلىشتى. بۇ ئىللىق تۇنۇشۇشتىن كېيىن مېنى بەكمۇ ئەپسۇسلاندۇرغىنى، بىز ئۇيغۇرلار ئىسلامنى قۇبۇل قىلىشتىن بۇرۇن ۋە ئىسلامنى قۇبۇل قىلغاندىن بۇيان تۇنۇپ ۋە بىلىپ كەلگەن بەيتۇل مۇقەددەس-پەلەستىن ۋە شۇ پەلەستىنلىك بۇ مۇسۇلمانلارنىڭ، جۇڭگۇدەك دۇنياغا مەشھۇر چوڭ بىر دۆلەتتە ياشاۋاتقان مۇسۇلمانلارنى بىلمەيدىغانلىقى بولدى. بەلكى بۇلار ياۋرۇپادا ياشاۋاتقىنى بىلەن، يەھۇدىلارنىڭ زۇلمىدىن قۇتۇلۇپ بۇ يەرگە كەلگنىگە ئانچە ئۇزۇن بولمىغان، دۇنيادىن بىخەۋەر بىچارىلەردۇر، دىدىم ئۆز-ئۈزەمگە. ئۆز-ئارا تۇنۇشتۇرۇش سۆزۈم ئاخىرلىشىپ بولغاندىن كېيىن، ئۇ ئايال ماڭا يېقىن كېلىپ، ئوغلۇم خۇش كەلدىڭ يۇرتىمىزغا، بىز مۇسۇلمانلار بۇ دىياردا بىرتۇققان-قېرىنداش بۇلاپ ياشايمىز دىدى. بۇ مۇسۇلمان ئانا - ئەرەپ تىلىنىڭ ئەڭ پاساھەتلىك تەلەپپۇزىدا سۆزلەيتى. (باشقىلارنىڭ دىيىشىچە بۇ ئايال  ئىسلامنى قۇبۇل قىلغىنىدىن كېيىن مىسىرغا بېرىپ قۇرئان ئۇقۇشنى ۋە ئەرەپ تىلىنى ئۆگۈنۈپ كەلگەن ئىكەن ).   مەن بۇ ئايالنىڭ ئىللىق سۆزلىرنى ئاڭلاپ چۇڭقۇر سۈيۈنگەندەك بولساممۇ، ئارقىدىنلا ئۆزەمنى قاتتىق يىغا تۇتتى. ئەجەبا بىزدىن شۇنچە ئۇزاق يەرلەردە ياشىغان ياۋرۇپا مىللىتىگە مەنسۇپ بولغان بىر مۇسۇلمان ئايال مىنى بىرىنچى قېتىم كۆرۈپلا شۇنچە ئىللىق مۇئامىلە قىلىۋاتىدۇ، نىمە ئۈچۈن باشقا ئىنسانلاردا شۇنچىلىك ئىنسانى ھىس-تۇيغۇ  يوق ... سەۋەپ نىمە ؟ !!! ئۆزەممۇ سەزمىگەن ھالدا ئۆز-ئۈزەمگە پىچىرلىغانلىقىمنى كۆرگەن بۇ ئايال دەرھال ماڭا تەسەللى بىرىپ، ئوغلۇم يۈر-،  مەن ساڭا ئۆز ھاياتى كەچۈرمىشلىرىمدىن ۋە بۇ يۇرتقا كۆچۈپ كېلىپ ياشاۋاتقىنىغا بىرقانچە يىل بولغان ئۈچ  يىتىم قىزنىڭ سەرسانلىق ھاياتىنى سۆزلەپ بېرەي، بەلكى  بۇ سېنىڭ يېڭى ھاياتىڭدىكى يېڭىلىق بولغۇسى دىدىدە، مەسجىدنىڭ كۈتۈپخانىسىدا بىر ئىستاكاندىن قەھۋە ئىچكەچ ئولتۇرۇپ  ئۆز ھېكايىسىنى شۇنداق سۆزلەپ  بەردى.    _ ئاللاھ بىز ئىنسانلارنى  ياراتقاندىن  باشلاپلا  ئىلىم ئۈگۈنۈشكە چاقىرغان ئىكەن، شۇنداقلا سۈيۈملۈك پەيغەمبىرىمىز مۇھەممەد ئەلەيھىسسالامنى ئۈزىنىڭ ھەق ئەلچىلىكىگە تاللىغان ۋاقىتتىكى بىرىنچى  بۇيرۇق خىتابىمۇ « ئوقىغىن » دېگەن جاراڭلىق خىتاپ، «ئاللاھنىڭ ۋەھىسى » ئىكەن.  بۇ ھەقىقەتلەرنى مەن ئىسلامنى قۇبۇل قىلغاندىن كېيىن بىلدىم. مەن  ياش ۋاقتىمدا  شىۋىت قىزلىرىنىڭ  ئەڭ گۈزەللىرىدىن ئىدىم، ھازىرمۇ قېلىشمايمەن. مېنىڭ بۇ تۇرقۇمغا  قارىماڭ، ئۈزەم بۇ ھاسىغا تېيىنىۋالغان بىلەن  مىنىڭ يۈرۈگۈم ھازىرقى ياش قىزلارنىڭ يۈرەكلىرىدىنمۇ ساغلام ۋە كۈچلۈك سۇقىدۇ،  چۇنكى مىنىڭ يۈرۈكۈم ئىمان نۇرىدا داۋاملىق ياشىرىپ تۇرۇدۇ _  دېگىنىچە  ئىختىيارسىز تەبەسسۇم قىلىپ كۈلۈپ كەتتى . بۇ بەخىتلىك ئانىنىڭ شۇ يېقىملىق سۆزلىرىنى ئاڭلاپ مەنمۇ  قوشۇلۇپ كۈلدۈم. بۇ  بەخىتلىك  ئانىنىڭ كۈلۈشلىرىدىن  ئاغزىدىكى چىشلىرى ئاپپاق سەدەپتەك ۋالىلداپ، چىرايىدىن  ئىمان  نۇرى چاقناپ تۇراتتى . ئۈزى 75 ياشلارغا كىرگەن بولسىمۇ يەنىلا ياۋرۇپا ئاياللىرىنىڭ سالماق پىكىر قىلىش خۇسۇسىيەتلىرى، بۇ ئايالنىڭ قىلىۋاتقان سۆزلىرىدىن مانا مەن دەپلا كۆرۇنۈپ تۇراتتى. شۇنداق خۇش تەبەسسۇم بىلەن سۈزىنى داۋام قىلىپ "مەن ئەسلى خىرىستىيان دىننىڭ ئىخلاسمەن مۇرۇتلىرىدىن ئىدىم، ھازىر بولسام « ئىسلام ئاياللىرى » نىڭ ھۆرمەتلىك ئانىسى بولىمەن" دەپ، ئۆزىنىڭ ھاياتى كەچۈرمىشلىرىنى بايان قىلىشقا باشلىدى . _  بىر كۈنى  دىدى ئايال سۆزىنى باشلاپ-، ئۆيگە نەرسە - كېرەك ئالىمەن دەپ شەھەردىكى سودا سارايلىرىنى ئايلاندىمدە، كېرەكلىك نەرسىلىرىمنى ئېلىپ ئۆيگە قايتىش ئۈچۈن بىكەتتە ئاپتۇبۇس ساقلاۋاتاتتىم، دەل شۇ چاغدا يېشى 22 ئەتىراپىدا ناھايىتى چىرايلىق ، ئىككى مەڭزىدىن باشقا يەرلىرى تامامەن يېپىلغان ھالدا ئۇزۇن كىيىنگەن بىر مۇسۇلمان قىزى كەلدى. ئارقىدىنلا ئۈنىۋېرسىتىتتا ئۇقۇيدىغان بىر توپ قىز-ئۇغۇللار كېلىشتى، بۇلار ئاپتۇبۇس كەلگىچە شۇ كۈنى سىنىپتا يۈز بەرگەن ئىشلارنى سۆزلۈشۈپ قاقاقلاپ كۈلۈشمەكتە ئىدى. بۇلارنىڭ سۆزلىرى بىزگىمۇ ئاڭلىنىپ تۇراتتى . ئارىدىن بىرسى "مۇئەللىم ھەقسىز فىلىم كۆرگەندەك قاراپ تۇرغىنىنى دىمەمسەن دىسە  ..، يەنە بىرى قارىماي نىمە قىلاتتى ؟، بۇ بىزنىڭ ئۆز ئەركىنلىكىمىز...  بۇ دىگەن ياۋرۇپا، ھىچكىم-ھىچكىمنىڭ شەخسى ئىشلىرىغا ئارلىشىش ھەققى يوق.....!" دەيتى.  بۇ سۆزلەرنى  قىلىۋاتقان ھېلىقى ئۇقۇغۇچى  شۇ ھامان بېرىپلا بىر قىزنى  بوينىدىن تۇتۇپ سۈيەشكە باشلىدى، ئارقىدىنلا قالغان باللارمۇ قىزلارغا يېپىشىپ كېتتى. ھېلىقى قىزلارمۇ ھىچقانداق قارشىلىق بۈلدۈرمەستىن ئۇلارغا ماسلىشىپ مۇھەببەت لىرىكىسىنى كۆرسۈتۈشكە باشلىدى .   مانا شۇلارنىڭ ھەممىسى  «ئىسلام » دىنىدىن خەۋىرى بولمىغان ، ھازىرقى ياۋرۇپا تېربىيەسىدە  تەربىلىنىۋاتقان خىرىستىيان باللىرى ئىدى .مەنمۇ شۇ چاغدا  ئۇ ئىشلارنى ئانچە ئېغىر ئالماستىن ئولتۇردۇم، چۇنكى بۇنداق ئەھۋالنى بىرىنجى كۆرۈشۈم ئەمەس ، يەنە كېلىپ بىزنىڭ ئېڭىمىزغا بۇنداق ئەھۋالنىڭ نورمال بىر ئىش ئىكەنلىگى سىڭىپ كەتكەن .   ئۇ ئىشلارنى كۆرگەن  ھېلىقى ھىجاپلىق مۇسۇلمان قىزى دەرھال بۇ  يەردىن كېتىپ قالدى،  مەن ھەيران  بولغان بولساممۇ، لېكىن ئاساسى سەۋەبىنى بىلمەيتىم،  بەلكى ئۇ قىز شۇلارنىڭ قىلىقلىرىنى يامان كۆرگەن ، ياكى ئۇلارنى كۆرۈپ ئىزا تارتىۋاتقان بولسا كېرەك دەپلا  ئويلۇدۇم . ئەسلىدە ئادەملەردە ھايا-ئەخلاق بۇلۇش كېرەك ئىدى، لېكىن جەمىيەتتە ئادەملەر ئۆزگەردى. بۇندىن كېيىن نىمە ئىشلار بۇلار .....؟ مانا مۇشۇنداق خىيال بىلەن تۇرغىنىمدا تۇساتتىنلا مەندە، قانداقتۇر شۇ مۇسۇلمان قىز بىلەن بىر پاراڭلىشىش ئىستىكى پەيدا بولدى،  بىز كۈتۈپ تۇرغان ئاپتۇبۇسمۇ كېلىپ قالغان ئىدى  .   ھېلىقى ئۇقۇغۇچى باللار دۆپپۈرلۈشۈپ ئاپتۇبۇسقا چىقىپ كېتىشتى ، قارىسام ھېلىقى مۇسۇلمان قىز بېكەتتىن سەل نېرىراق جايدا يالغۇز تۇرۇپتۇ  .  "بۇ ياخشى پۇرسەت" دىدىمدە يولۇمدىن توختاپ، ئۇ قىزنىڭ   يېنىغا باردىم. ئارىمىز  بەش  مېتىر قالغاندىلا ئۇ قىز ماڭا ئىلللىق سالام  بېرىپ "سىز نەگە بارماقچى ؟ مەن سىزگە ياردەملىشەيمۇ ؟" دىدى  . ماڭا بۇ قىزنىڭ ئىللىق ۋە يېقىملىق سۆزلىرى شۇنداق تەسىر قىلدى، بۇ قىز بىلەن ئۆتكۈزمەكچى بولغان سۆھبىتىمنى دەرھال باشلاپ.... "رەخمەت قىزىم، مەن سىزدىن بىر نەرسىنى سورىماقچى ئىدىم مۇمكىنمۇ ؟"  دىدىم .   قىز- "ئەلۋەتتە.... قولۇمدىن كەلسىلا ياردەم قىلىمەن" دېدى ناھايىتى خۇش تەبەسسۇم بىلەن .   مەن "كەچۇرۇڭ قىزىم، مىنى توغرا چۈشۈنىشىڭىزنى ئۈمۈت قىلىمەن ، سىز مۇسۇلمان قىزغۇ  دەيمەن....؟ ئەسلى يۇرتىڭىز.....؟" دىيىشىمگە—،  ئۇ قىز: "شۇنداق چوڭ ئانا، مەن مۇسۇلمان قىزى ، ئىسمىم ئائىشە _ ئەسلى يۇرتۇم پەلەستىن، بۇ يەرگە  مۇھاجىر بۇلۇپ كېلگىنمىزگە بىرقانچە يىل بولدى. بىز ئۈچ قىز،  سىڭىللىرىم 13  ۋە  15  ياشتا ھازىر ئورتا مەكتەپتە ئۇقۇۋاتىدۇ. مەن ئۈنىۋېرسىتىتتا ئوقۇيمەن ، ئۇقۇشتىن كېيىن 4 سائەت  ئەنە-ئاۋۇ سودا سارىيدا ئىشلەيمەن" دەپ ئۆزىنى تۇنۇشتۇردى ۋە  "قانداق  تەلىۋىڭىز  بار ؟" دەپ  ماڭا قارىدى  . مەن ھېلىقى باللارنىڭ سۆزلىرىدىن كېيىن بىكەتتىن كىتىپ قېلىشىنىڭ سەۋەبىنى سورۇدۇم. ئائىشە ناھايىتى تەمكىن ۋە ئىللىق سۆزلىرى بىلەن يىنىك ئاۋازدا « ئەئۇزۇ  بىسمىللاھ  » ئۇقىغاندىن كېيىن سۆزىنى باشلىدى : _  ئالەملەرنى ۋە ئۇنىڭدىكى بارچە مەخلۇقاتلارنى ياراتقان  « ئاللاھ » ئۇنىڭ تەرتىپ-تۈزۈملىرىنىمۇ بىكىتتى . شۇنداقلا بىز  ئىنسانلارغىمۇ  مۇناسىپ بىر تەرتىپ بەلگىلىدى. شۇ تەرتىپ بۇيىچە ياشىساق بىزنى مەڭگۇلۇق مۇكاپات ئورنى بولغان جەننەت بىلەن مۇكاپاتلايدىغانلىقىنى ۋەدە قىلدى. مانا بۇ ئىلاھى ھەقىقەتنى تونۇپ، بۇ كائىنات ھەرگىزمۇ ئۆزلىكىدىن پەيدا بولغان ئەمەس، بۇنۇڭ     ياراتقۇچىسى يەككە-يىگانە بىر « ئاللاھ » دەپ،  ئېتىراپ قىلغۇچىلارنى مۇسۇلمان دەپ ئاتىدى. ئۇلارغا مەڭگۇلۇك بەخىت-سائادەتنىڭ  يۇلىغا باشلايدىغان قۇرانى كەرىمنى قانۇن قىلىپ بېكىتىپ بەردى. مۇسۇلمانلار بولسا ئەنە شۇ قانۇنغا رىئايە قىلىپ ياشايدۇ. بىراق نۇرغۇن ئىنسانلار بۇ ھەقىقەتنى تۇنۇمايدۇ،  ياكى « خىرىستىيان ۋە يەھۇدى پىشىۋالىرىنىڭ » بىلىپ تۇرۇپ ھەقنى يۇشۇرۇشلىرىغا ئەگىشىپ قايسى ھەق، قايسى ناھەق، نىمىنىڭ ھالال، نىمىنىڭ ھارام ئىكەنلىگىنى بىلمەي، بىر-بىرلىرىنىڭ ھەق-ھۇقۇقلىرىغا تاجاۋۇز قىلىپ، ئازغۇن، گۇمراھلىق يۇلىدا ھاياتىنى داۋام قىلىشىدۇ ۋە شۇنداق داۋام قىلىشماقتا ! نەتىجىدە دەۋزەق يۇلىغا قاراپ ماڭماقتا.  مانا سىز كۆرگەن ھېلىقى بالىلارمۇ ئىسلام  تەربىيىسىنى كۆرمىگەچكە نىمىنىڭ توغرا، نىمىنىڭ خاتا ئىكەنلىكىنى بىلمەي ئەقىلسىز ھايۋانلارچە، ئەخلاقسىز ئىشلارنى قىلىپ يۈرمەكتە. مانا مۇشۇنداق ئەخلاقسىزلىق ئىشلار ئەۋجى ئالغانسىرى، ھارام زىنا كۆپۈيىش نەتىجىسىدە، جەمىيەتكە بىرقىسىم ھارامخور ئەۋلات پەيدا بولماقتا. بۇنداق ئەۋلات قۇشۇلغان جەمىيەتتە،  قاتىل-قىمارۋاز، ئوغرى-بۇلاڭچىلىق دىگەندەك جىنايى  ئىشلار ئۈزلۈكسىز داۋام قىلماقتا. بۇ  جىنايەتلەرگە قارىتا ھەرقايسى جەمىيەت ئورگانلىرى ھەر-تۈرلى چارىلەرنى قوللانغان بولسىمۇ، يەنىلا بۇخىل تەرتىپسىزلىكنىڭ  ئالدىنى ئالالماي كەلمەكتە . ئىسلام قانۇنىدا بولسا، بۇنداق ئىشلارغا قارىتا، ناھايىتى مۇۋاپىق جازا چارىلەر بىكىتىلگەن بۇلۇپ، بۇ جىنايى قىلمىشنى قىلغانلار تىگىشلىك جازاسىنى تارتقاندىن كېيىن قايتىلاپ شۇنداق خاتالىققا بارمايدۇ. ئىسلام، ئىنسانلارنى ئاتا-ئانىسىنى قاخشىتىشتىن، ھاراق ئىچىشتىن ، قىمار ئويناشتىن ، زىنا قىلىشتىن، ئوغرىلىق قىلىشتىن ، بۇلاڭچىلىق قىلىشتىن، يېتىمنىڭ مېلىنى ناھەق يىيىشتىن، بىر-بىرسىگە ناھەق زۇلۇم قىلىشتىن،  يالغان گۇۋالىق بىرىشتىن، ئىففەتلىك ئاياللارغا  بۆھتان تۇقۇشتىن، غەيۋەت قىلىشتىن تۇسىدۇ . ئىسلام، قانۇنغا خىلاپلىق قىلغۇچىلارنى ئەڭ مۇۋاپىق جازالار بىلەن جازالاش ئارقىلىق، قايتا جىنايەت سادىر بۇلۇشنىڭ ئالدىنى ئالىدۇ ۋە جەمىيەت ئامانلىقىنى ئەڭ يۈكسەك دەرىجىدە بىخەتەر ساقلايدۇ. ئىسلام، ئاياللانىڭ ھەق-ھۇقۇقلىرىنى ئالاھىدە قوغدىغان بۇلۇپ، بىر قىسىم شەھۋەت پەرەز ئىنسانلارنىڭ، ئۇلارنى خالىسا ئېلىپ خالىسا قۇيىۋىتىدىغان، قولدىن قولغا ئۆتكۈزۈپ پايدىلىنىدىغان بازار تاۋارلىرىغا ئايلاندۇرۋېلىشىغا قەتتى يول قويمايدۇ. ئىسلام، ئەرلەرنى نامەھرەم ئاياللارغا قاراشتىن ، ئاياللارنى بولسا نامەھرەم ئەرلەرگە ھىجاپسىز كۆرۈنۈشتىن تۇسىدۇ، شۇنداقلا ئۈزىنىڭ گۈزەللىكىنى نامەھرەم كىشىلەرنىڭ كۆرۈپ قالماسلىقى ئۈچۈن چىرايلىق يۆگۈنۈپ كىيىنىشكە بۇيرۇيدۇ. مەنمۇ بىر مۇسۇلمان بۇلۇش سالاھىتىم بىلەن شۇ ئىسلام كۆرسەتمىسىگە بويسۇنۇپ مۇسۇلمانچە ھىجاپ كەيدىم، ھېلىقى ئادىمى ھايۋان بالىلارنىڭ قېشىدىن يىراقلاپ كىتىشىمنىڭ سەۋەبىمۇ ئەنە شۇنىڭدىن ئىبارەت. سىز كۆرگەن شۇ باللار، ئىسلام دىننىڭ ھۈكۈملىرىدىن تامامەن خەۋەرسىز بولغاچقا نىمىنىڭ ھالال، نىمىنىڭ ھارام ئىكەنلىكىنى بىلمەي تۈرلى ھاياسىزلىققا قەدەم باسماقتا! ئاقىبەت جەمىيەتكە يەنە بىر تۈركۈم بۇزۇقچىلىق تېرىيدىغان يامان ئەۋلات قۇشۇلۇشتەك خەۋىپلىك ھالەتتە تۇرماقتا. بۇنداق ئىنسانلار بىلەن تولغان جەمىيەتتە ھېچقاچان تەرتىپ بولمايدۇ. ئىسلام ئالدىدا پادىشاھ-ۋەزىر، باي-كەمبەغەل، ئەر-ئايال ھەممە كىشى ئوخشاش، ھۇقۇقتا باراۋەر ئورۇندا تۇرىدۇ. ھېچقانداق ئىنسان ئۇنى ئۆزگەرتەلمەيدۇ، دىگىنىچە بىراز ئېچىنغان ھالدا، اللە ھىدايەت بەرسۇن دىدى. سۆزىنىڭ ئاخىرىدا "مېھرىبان ئاللاھ سىزنىمۇ  بۇ بۈيۈك ئىسلام نىمىتىگە مۇيەسسەر قىلغاي، ئامىن!"  دەپ ئاخىرلاشتۇردى . مەن بۇ قىزنىڭ سۆزلىرىگە ھەيران قالدىم . ئەجەبا ئىسلام دىنى شۇنداق ھەقىقەت ئۈستىگە قۇرۇلغان دىنمىدۇ ؟ شۇنچە ياشقا كىرگىچە بۇ توغرىدا نىمىشقا ئىزدىنىش قىلىپ كۆرمىدىم ؟ دىگەن پىكىرلەر مىنى ئەسىر قىلىشقا باشلىغان ئىدى . بىز بۇندىن كېيىن يەيە ئۇچرۇشۇپ تۇرۇشقا كېلىشىپ خوشلاشتۇق.  ئۆيگە بارغۇچە ئۇ قىزنىنڭ سۆزلىرى قۇلاق تۈۋىمدە جاراڭلايتى،. مەن بۇنى بىر قانچە كۈن ئويلاندىم، ئاخىرى ئىسلام دىنى توغرۇلۇق يېزىلغان كىتاپلارنى تېپىپ ئوقۇپ كۆرمەكچى بولدۇم.  بىراق بۇ يەردىكى كىتاپخانىلاردا بارچە دۇنيانىڭ كىتاپلىرى تېپىلسىمۇ،  ئىسلام دىنغا  ئائىت بىرەرمۇ كىتاپ تاپالمىدىم. چۈنكى بۇيەر ياۋرۇپا دەۋلەتلىرى ئىچىدىكى خىرىستىيان دىنىغا كۈچلۈك يېپىشقان دەۋلەت بۇلۇپ، بىز تۇرغان بۇ شەھەردە بۇنداق كۆزقاراش تېخىمۇ كۈچلۈك بۇلۇپ كەلگەن، دەپ سۆزنىنى داۋام قىلغان بۇ ئايال— تېخى بۇ شەھەرگە مۇسۇلمان كۆچمەنلەر كېلىپ ئولتۇراقلاشقىنىغا ئانچە ئۇزۇن بولمىغاچقا، ئۇ يىللاردا مۇسۇلمانلارنىڭ  سانىمۇ ئەللىككە يەتمەيتى. شۇڭلاشقا  بۇ شەھەردە ئىسلامغا ئائىت كىتاپلار ئەسلا يوق ئىدى. شۇ سەۋەپتىن بۇ توغرىدا يەنىلا شۇ پېلېستىنلىك قىز ئائىشەدىن كىتاپ سورىماقچى بولۇپ تىلپۇن قىلدىم.  ئائىشەمۇ بۇ تەلىۋىمنى ناھايىتى قىزغىن قارشى ئالدى ۋە  شۇ كۈنىلا ماڭا بىر قانچە پارچە ئىسلامنى تۇنۇشتۇردىغان كىتاپلارنى ئەكىلىپ بەردى. مەن  بۇ كىتاپلارنىڭ ھەممىسىنى  بىر ئايغا يېقىن ۋاقىت ئىچىدە ناھايىتى  ئەستايىدىللىق بىلەن ئۇقۇپ  چىقتىم. ئاخىردا ئىسلام دىنىنىڭ  ھەقىقەتەن توغرا-ھەقىقەت ئۈستىگە قۇرۇلغان ھەق دىن ئىكەنلىكىگە قايىل بولدۇمدە شۇ ھامان ئىسلامنى قۇبۇل قىلىشقا قەتئى قارار  قىلدىم  .   ئۇ كۈنلەردە مىنىڭ بۇنداق قارارغا كەلگىنىمنى ھىچكىم بىلمەيتى، چۈنكى مەن ئېنىق بىر قارارغا كەلگىچە ، ئىسلام دىنىدا ئىزدىنىۋاتقانلىقىمنىمۇ ئائىشەدىن باشقا ھېچكىمگە ئېيىتمىغان  ئىدىم. ئەنە شۇ سائەتتىن باشلاپ يۈرەكلىرىم  ئىختىيارسىز سوقماقتا !!! ئىچ-ئىچىمدىن بىرخىل ھاياجانلىنىش بىلەن راھەتلىنىش ، ھوزۇر ۋە ئازادىلىكنى ھېس قىلىۋاتاتتىم. بۇنداق ھىس - تۇيغۇ ماڭا ھېچ - قاچان پەيدا  بولغان ئەمەس  . بىر جۈمە كۈنى مەن ئائىشەگە تېلفۇن قىلىپ، ئۆز ئادىتىمىز بۇيىچە ھەي...ھەي  دىمەستىن، ئىسلام تەلىماتى بۇيىچە "ئەسسسەلامۇ ئەلەيكۇم"  دەپ   سالام  بەردىم. ئائىشە مىنى تۇنىيالمىدى بولغاي "سىز  كىم...؟" دەپ   سورىدى. _ مەن  كىرىستىنا ـ   ھە....  قانداق ئەھۋالىڭىز ؟    _ سىزنى تونىماپتىمەن،  ماڭا  بىرەر خىزمەت  بارمىتى ؟ -  دىدى ناھايىتى خۇشاللىق بىلەن ئائىشە.   بۈگۈن ۋاقتىڭىز بولسا، مىنىڭ ئۈيۈمگە سىڭىللىرىڭىز بىلەن كەلگەن بولسىڭىز؟ - دىدىم. ئائىشەمۇ دەرھاللا "بولىدۇ بارايلى" دېدى. مەن بۇلارغا شۇ ھامان تاماق ۋە داستىرخان تەييارلىدىم . ئۇلارمۇ ئانچە كېچىكمەيلا يىتىپ كەلدى. بىز ناھايىتى ئىللىق كۆرۈشۈپ بولغاندىن كېيىن، ئۇلارغا _ مىنىڭ ئىسلامنى  قوبۇل  قىلماقچى بولغانلىقىمنى ئېيىتتىم. ئۇلار ھەيران بۇلۇپ  "ھە.......ماشا ئاللاھ، ماشا ئاللاھ ، ئاللاھۇ ئەكبەر ، ئاللاھۇ ئەكبەر" دىيىشىپ  سەكرىشىپ  كەتتى.  ئۇلار مېنى قۇچاقلاپ سۈيەپ تۇرۇپ، "بىزنى مەڭگۈلۈك بەخىت  سائادەتنىڭ  يۇلىغا ھىدايەت قىلغان مېھرىبان  رەببىمىز ئاللاھقا سانسىز ھەمدۇ - سانالار ۋە سانسىز شۇكرىلەر بولسۇن!" دېيىشتى . ئائىشە دەرھال  ماڭا  غۇسۇل - تاھارەت قىلىشنى ئۆگەتتى ، مەن تاھارەت ئېلىپ چىققاندىن كېيىن مېنى قىبلىگە قارىتىپ تۇرۇپ «شاھادەت »  كەلىمىسىنى ئۇقۇتتى. ”ئەشھەدۇ  ئەن لا ئىلاھە  ئىللەللاھۇ  ۋەئەشھەدۇ ئەننە  مۇھەممەدەن ئەبدۇھۇ  ۋەرەسۇلۇھۇ .... ئاللاھۇ ئەكبەر....ئاللاھۇ ئەكبەر...ئاللاھۇ ئەكبېر...ئاللاھۇ ئەكبەر “. « مەن مۇسۇلمان بولدۇم — ئەلھەمدۇ لىللاھ  » ئۇلار مېنى شۇنداق قىزغىن تەبرىكلەشتىكى، مەنمۇ چەكسىز خۇرسەنلىكىمدىن ئىختىيارسىز يىغلاپ كەتتىم. ئەنە  شۇ  كۇندىن باشلاپ،  بىز بىرتۇققان قېرىنداشلارغا ئايلاندۇق، شۇ كۈندىن باشلاپ بىر-بىرىمىزنى تاشلىمايمىز، ھازىر ئۇلار مېنىڭ ئۆز قىزلىرىمدەك بۇلۇپ كەتتى . ئۇلارنىڭ ئەسلى يۇرتى پەلەستىن بۇلۇپ، دادىسى ۋە ئۈچ ئاكىسى پەلەستىننىڭ مۇستەقىللىقى ئۈچۈن يەھۇدۇلارغا قارشى كۈرەش قىلىپ شېھىد بولغان ئىكەن،  ئانىسى بولسا، يەھۇدۇلارنىڭ ئاتقان مۇساپىلىق بومبىس شۇلارنىڭ ئۈيى ئالدىغا چۈشۈپ پارتىلىشى  ئاقىبىتىدە پۇتىدىن ئايرىلىپ، ئېغىر يارلىنىپ، شۇ جاراھىتىدىن ساقىيالماي ۋاپات بولغان ئىكەن. ئائىشە بولسا دادىسىنىڭ بىر دوستىنىڭ خالىس ياردىمىدە، ئىككى سىڭلىسىنى ئېلىپ ئەۋۋەل ئىئوردانىيەگە بارغان، بىراق ئۇيەردە تۇرمۇش قىيىنچىلىقى مۇناسىۋىتى بىلەن كۆپ تۇرالماي سۈرىيەگە بارغان ، ئۇ يەردىمۇ ئىقتىسادى قىيىنچىلىق تۈپەيلى ئۆي-ماكانسىز قېلىپ، ئاخىرى ياخشى كىشىلەرنىڭ  ياردىمىدە  تۈركىيەگە كەلگەن ئىكەن .   بىراق ئۇلار تۈركيەردە تېخىمۇ  ئېغىر قىيىنچىلىقلارغا دۇچ كېلىپ، كۈندىلىك تۇرمۇشنى ئۆتكۈزۈش ئۈچۈن كۆرمىگەن جاپا-مۇشاققەتلىرى قالماي ئاخىرى، ياۋرۇپا دۆلەتلىرىدىن شىۋىتسىيە دۆلىتىگە مۇلتەجىلىق ئىلتىماسىنى سۇنغان . 6  ئاي ئۆتكەندە بۇ دۆلەتنىڭ   قۇبۇل قىلىش جاۋابىنى ئالغاندىن كېيىن شىۋىتسىيەگە كۆچۈپ كەلگەن ئىكەن. ھازىر ئائىشە 27 ياشتا،  سىڭلىسى سۇمەييە  20 ياشتا ، كىچىكى ئەسما بولسا 18 ياشتا . مەن ئۇلارغا "قىزلىرىم،  ئاللاھ خالىسا  سىلەرنى ئۆز قۇلۇم بىلەن تۇرمۇشلۇق قىلىمەن" سىلەر خاتىرجەم بۇلۇڭلار دىسەم  ئۇلار  بىردەكلا "بۇ يەردە بىزگە لايىق ئەركەكلەر  بولمىسا كىمگە ياتلىق قىلماقچىسىز؟؟؟  دىيىشتى.  مەن "ھازىر بۇيەردىمۇ  مۇسۇلمانلار خېلىلا كۆپۇيۈپ قالدى ، مۇسۇلمان يىگىتلىرىمۇ  خېلىلا كۆپ"، پەلەستىنلىك بولمىسا باشقا يەرلىك كېلىشكەن مۇسۇلمان يىگىتلىرى بار دىۋىدىم،  سۆزۈمگە جاۋابەن بۇ ئۈچ قىز شۇنداق كەسكىنلىك  بىلەن جاۋاپ بېرىپ— "چوڭ  ئانا ..... بىزگە كۆڭۈل  بۆلگۈنىڭىز ئۈچۈن كۆپ رەھمەت . بىراق بىزگە  ئالى مەلۇماتلىق ئىنجېنىر، كومپىيۇتىر مۇتەخەسسىسلىرى ، شىۋىتسىيەنىڭ قارغايلىق ئاراللىرىدا داچا ئۆيلىرى بار مىليونىر يىگىتلەر كېرەك ئەمەس...! بىزگە پەلەستىن خەلقىنىڭ يىلتىزىنى زىمىنغا كۆپەيتەلەيدىغان، پەلەستىن قىزلىرىنىڭ بىغۇبار چېھرىگە ئۆزلىرىنىڭ يۈرەك قېنى بىلەن نەقىش ئۇيالايدىغان، بەيتۇل مۇقەددەسكە تۆكۈلگەن كىندىك قېنىمىزدىن قىزىل گۈللەر ئېچىلدۇرالايدىغان، تاغ ئۈستىدە ئات مىنەلەيدىغان ، ئات ئۈستىدە قىلىچ ئوينىتالايدىغان ، ئوق ئاتالايدىغان، يەھۇدى دۈشمەنلىرىمىزگە قارشى ئۇرۇشتا ئالدىنقى سەپكە چىقالايدىغان ،  ۋەتىنىمىز پەلەستىن ئۈچۈن مېلىدىن ۋە ئىسسىق جېنىدىن كېچەلەيدىغان ھەقىقى ئەركەكلەر كېرەك....!!!!"    دەپ جاۋاپ بىرىشتى . بۇلارنىڭ بۇ جاراڭلىق جاۋاپلىرىدىن شۇ قەدەر تەسىرلەندىمكى، كاشكى مەنمۇ شۇلاردەك ياش بولغان بولسام .... مەنمۇ شۇنداق يىگىتلەرنى تاللىغان بۇلاتتىم ...!! دىگەن ئارزۇن - ئارمانلىق  سۆزلىرى بىلەن .. ئۇھ ... تارتىپ ئۆز ھېكايىسىنى تاماملىدى. بۇ بەخىتلىك مۇسۇلمان ئانىنىڭ تەسىرلىك خېكايىسىنى ئاڭلىغاندىن كېيىن، ئاللاھقا سېغىنىپ شۇنداق دۇئا قىلدىم . ئەي مېھرىبان  ئاللاھ_ سەن ھەممىگە قادىرسەن، مىنىڭ قىزلىرىمنىمۇ ۋە بارچە ئۇيغۇر مۇسۇلمان قېرىنداشلىرىمنىڭ قىزلىرىنىمۇ ئەنە  شۇنداق ئىمانلىق، ۋىجدانلىق، جاسارەتلىك  قىزلاردىن قىلغىن ... ئامىن... مۆلجەرلى 2009-2-20 (شىۋىتسىيە)

ئىپارە

	ۋاي ۋۇي ئادەمنى ھەجەپمۇ يىغلىتىۋەتتىڭىزا؟ بەكمۇ تەسىرلىككەن، كۆزلىرىمدىن ياشلىرىم توختىماي كەتتا؟ ‹‹ئاللاھ ››دىگەن بۇ ئىسىم بەك ئۇلۇغ جۇمۇ!

hekmat110

	تەسىرلىك ئىش بوپتۇ،ئويلىنىپ بىقىش كېرەك،سىلىشتۇرۇپ بىقىش كېرەك!

شاھزات

	ئۇئايالنىڭ ئۇرۇك تۇققانلىرى يوق مىكەن

شاھزات

	ئاخىرى با دۇ سىز بىز توغۇرلۇق سوز لىمىدىڭىزما

aysiman

	ئۇقۇپ بولغىچە ، ئەتراپىمىدىكى ئۇيغۇر مىللىتىمگە قاراپ  ئىمانى بۇغۇزدىن ئۆتمىگەن كىشىلىرىمىزگە قاراپ ئىچىم ئاچچىق بولدى .

zanjir34

	نىم دىگەن  تەسىرلىك  ھىكايە بۇ .،.، بەكلا  ھاياجانغا  سادىكەن  ئادەمنى  ،... ئۇ قىزلار دادىسى ،3ئاكىسى  يەنە  ئاپىسىدىن ئايرىلىپ  قاپمۇ شۇندا  مەردانە  روھ  بىلەن  ياشاۋىتىپتۇ  ،.،.،.بەك  ئىچىم  سىرىلدى  مىنىڭ  ئۇلارغا  قاراپ  ،.،

insan.

	yalkuntag731 يوللىغان ۋاقتى  2012-8-6 01:34 PM پەلەستىنلىك پاھىشە

bandit520