مانا مەن ئوقۇتقۇچى

xirkat

	ئەسسالامۇ- ئەلەيكۇم، قېرىنداشلار ياخشىمۇسىلەر؟ كەچلىك تاماقنى يەپ بۇلۇپ يېقىن دوستۇم بولغان كومپيۇتېرىمنى ئاچتىم دە ئۆزۈم قىزىقىدىغان يېڭى خەۋەرلەرنى كۈرۈپ بۇلۇپ تارىخ، جۇغراپىيىگە دائىر مەزمۇنلارنى ئارىلاپ كۈرۈشكە باشلىدىم، نەچچە يىلدىن بۇيان كومپيۇتېر ئېشلىتىپ كىلىۋاتقان بولساممۇ مۇنازىرە تور بەتلىرىگە كىرىشكە تازا قىزىقمايتتىم، مانا بۈگۈن ئەزەلدىن كىرىپ باقمىغان "ئەلكۈيى مۇنبىرى"گە تۇنجى قېتىم كىردىم، مۇنبەردىكى تېمىلارنى كۈرىۋېتىپ مىنى ھەممىدىن بەك "ئوقۇتقۇچىلار توغرىلىق مۇنازىرلىشىپ باقايلى" تېمىسى ئۆزىگە تارتتى،http://bbs.alkuyi.com/thread-6901-1-1.html شۇنىڭ بىلەن شۇ تېمىنى ئېچىپ مەزمۇنىنى كۈرۈپ بۇلۇپ ئارقىدىن يېزىلغان ئىنكاسلارغا بىرمۇ- بىر كۆز يۈگۈرتتۈم. بۇ تېما 2010- يىلى 11- ئاينىڭ 23- كۈنى "ئەلكۈيى مۇنبىرى"گە يوللانغان بۇلۇپ بۈگۈنگە قەدەر كەڭ تورداشلار 370تىن ئارتۇق ئىنكاس قالدۇرۇپتۇ. ئىنكاسلارغا بەك قىزىقىپ كەتكەنلىكىمدىن بىرمۇ- بىر ئۇقۇپ چىقتىم، ئىنكاسلارنىڭ بەزىلىرىدە نادانلىق، غەيۋەت، كۈرەلمەسلىك ئاساسىدىكى مەزمۇنلار ۋە بىر تەرەپلىمە قاراشلار بۇلۇپ، بۇ مەزمۇنلار مىنى ئاچچىق ھىسلارغا دۇچار قىلدى، گەرچە ئۆزۈمگە تەسەللى بىرىپ بۇ ئاچچىقلارنى تىزلا قايرىۋەتكەن بولساممۇ كەڭ تورداشلارغا ئىككى ئېغىز سۆز قىلىش مەقسىتىدە ئۆزۈم ئەزا بولغان ھەم ياقتۇرۇپ كىرىدىغان "مىسرانىم مۇنبىرى"گە قاراپ يول ئالدىم. ئەسسالامۇ- ئەلەيكۇم! مىسرانىم مۇنبىرىدىكى تورداشلار، مەن تۇنجى قېتىم تورغا تېما يېزىۋاتىمەن، مىنى تېما يېزىشقا دەۋەت قىلغان دەل ھېلىقى "ئەلكۈيى مۇنبىرى"دىكى تېما ۋە ئىنكاسلار. ھىس قىلىشىمچە بۇ تېمىغا ئىنكاس يوللىغانلارنىڭ بىر قىسمى ئوقۇتقۇچىلار بىر قىسمى باشقا كەسىپتىكىلەر بۇلۇپ، ئوقۇتقۇچىلارنىڭ بەزىلىرى خىزمەت ئورنىدىن، بەزىلىرى رەھبەرلىكتىن، بەزىلىرى باشقا كەسىپداشلىرىدىن زارلانغان، باشقا كەسىپتىكىلەرنىڭ بەزىلىرى بولسا ئوقۇتقۇچىلارغا ھىسداشلىق، ھۆرمەت تەرەپدارىدا ئىنكاس يازسا بەزىلىرى خېلىلا نادانلىق بىلەن ئوقۇتقۇچىلارنى سۆككەن ۋە ھاقارەت قىلغان. تۈۋەندىكى بىر قىسىم ئىنكاسلار: (1) "بىراق .......................... ھازىرقى ئوقۇغۇچىلار   قانداق تەربىيلىنىۋاتقانلىقىنى ئوبدان بىلىسىز ! ھەممىسى مۇھەببەتلىشىدۇ  !  ئوقۇتقۇچىلار  ئوقۇتقۇچىلاردەك  كىيىنمەيدۇ  ! چاكىنا"، (2) " ئىسىت سىلەرنىڭ ئوقۇتقۇچى بولۇپ قالغىنىڭلار !   ئوبدان ئويلىنىپ بىقىڭلار ؟؟؟؟؟ .......................... نېمە تەربىيلەۋاتىسەر ؟ بىر تۈركۈم دەشقال كىرەكسىز كۆپۈك .  .......... شۇنى بىلەمسىلەر !   قىنى سىلەردىكى ئوقۇتقۇچىلىق مەسئۇلىيەت"، (3) خۇددىي ئاتام ئىتقاندەك:بالام ھىچ خىزمەت تاپالمىسا ،مۇئەللىم بولسىمۇ بوپ قالسۇنچۇ........شۇڭلاشقىمۇ ئوقۇتچىلار سىپى بەكلا قالايمىقانلىشىپ كەتكەندەكلا تۇيىلىدۇ.زور كوپچىلىكى ئاياللار ھەم.ھىلىقى بىر ئېلان بولىدىغانغۇ خەنزۇچە قاناللارلاردا:مودا بىرسى-بىرسىگە يۇقىدۇ،تارقىلىدۇ،دەيدىغان،خۇددى شۇنداقلا،ئايال ئوقۇتقىلار ئارىسىدا ئاجىرشىش شۇنداق ئېغىر،توۋا، (4) ئوقۇتقىلار ئارىسىدا تىشى پال-پال،ئىچى غال-غال لار بەكمۇ كوپىيىپ كىتىۋاتىدۇ، ھازىر نۇرغۇنلىرى يىزىلارغا قىچىۋاتىدۇ، سەۋەبى يىزىلارنىڭ ئوقۇتۇش سۈپىتى سەل تۆۋەن، شۇڭا ئۇلارغا بولغان تەلەپمۇ تۆۋەن،بىسىممۇ سەل ئاز بولارمىش........... (5) ئىشتىن چۈشكىچە،چىققۇچە،نۇرغۇن بازارچىلارنى كۆرىمەن.تولىسى مىنىڭ تۇنۇش مۇئەلللىملەر،بەزىدە بىز شۇيەردە تۇرۇپمۇ بىلمەيمىز پائالىيەت قىلغاننى......... مىنىڭچە،ئاشۇ ياسانغان،ئاشۇ بازار چۆگلىگەن،ئاشۇ غەيۋەت قىلغان ۋاقتلىرىدا،ئازراق بولسىمۇ،بىر نەرسە ئۆگىنىپ قويسا ھە،يامان بولارمۇ.......شۇڭىمۇ نۇرغۇن ئوقۇتقۇچىلارنىڭ بالىلىرى قۇلاق كەستى چىقارمىكىن ئاتا-ئانىللىرىنىڭ قىلغان گۇناھلىرىغا.........(6) يەنە بىرقىسىملىرىنىڭ ئارىسىدا ھىلىقىدەك جىنىسداش مۇھاببىتى بەكمۇ ئېغىر،بۇنى دىگىلى بەكمۇ نۇمۇس قىلىمەن، ئۇ مەكتەپكە بالامنى ھەرگىزمۇ بەرمەسمەن،بەرسەممۇ ھەرگىزمۇ مىللىي سىنىپقا بەرمەسمەن دىۋىتىپتىمەنغۇ (7) ئوقوتقۇچىلىرىمىزنىڭ ساپاسى بەك تۈۋەن!!! ساپالىق ئوقوتقۇچىلار يوق دىيەرلىك ،بار بولغاندىمۇ 100دىن10%كىمۇ يەتمەيدۇ.... ئۆز ئوقوغۇچىسىغا باسقۇنچىلىق قىلغانلىرىنى تولا ئاڭلىدۇق، ئۆز ئوقوغۇچىسى بىلەن ئىش پەش تارتىشىپ يۈرگەنلەرمۇ يوق ئەمەس، مەس كىرىپ ئوقوغۇچىلىرنىڭ ئالدىدىلا بىنمىسىنى چىقىرىپ سيىۋەتكەنلەر بار(8) ھازىر  بىر  قىسىم ئوقۇتقۇچىلار  بار  بەكمۇ  پاشىۋاز  (مەكتەپتە)  ۋەدىسىدە تۇرمايدىغان، يالغان گەپنى تولا قىلىدىغان،  ئەرلەرنىڭ  تىخى  كۆپى  ھاراق  ئىچىدۇ .    ئاشۇ  بىر نىمىلەرنىڭ  قانچىلىك  ئادەم تەربىيلىيەلەيدىغانلىقى  ھەممىگە  ئايان ؛    گاھى  بىر قىسىم لەرنى كۆز ئالدىمغا كەلتۇرسەم   قۇسقۇم  كىلىدۇ. (9) ئوقۇغۇچىدىن دەرىسكە كېچىڭتىڭ دەپ پۇل تۇتۇپ ھاراق ئېلىپ ئىچىدىغانلارمۇ ئوقۇتقۇچىدۇ؟ چىشىنى سۇنۇپ كەتكۈدەك چىشلەپ تۇرۇپ ماۋۇ ئوقۇغۇچىنى ئىلىم بىلەن سەمرىتەي دىيىشنى ئويلاش يوق ئۇنۋانغا چۇشلۇق ماقالىنى يازالماي خەققە پۇل بېرىدىغانمۇ ئوقۇتقۇچىدۇ؟ (يۇقارقىدەك ئىنكاسلار بەك كۆپ بۇلۇپ، بىر قىسمىنىلا ئالدىم، ئالماي دىسەم بۇ تېمىنى يېزىشتىكى مەقسەت....) ھەي!!! مەن تورداشلارغا ۋە جەمئىيەتكە ئىككى ئېغىز سۆز قىلماقچى 1. سۈيۈملۈك يولداش، ئالدى بىلەن سىز نۆۋەتتىكى مائارىپ يۈنىلىشىنى چۈشىنەمسىز، سىياسى مۇھىيتنىڭ مائارىپقا قانچىلىك تەسىر كۆرسىتىۋاتقانلىقىنى بىلەمسىز؟ سىز ئاشۇ ئىنكاسلارنى يېزىشنى ئويلاشقاندا ياكى شۇ ئىنكاستىكىدەك قاراشلاردا بولغاندا مەكتەپتىن ئىبارەت قورغاننىڭ ئىچىگە كىرىپ شۇ يەردىكى ئىشلارنى بېشىڭىزدىن ئەمەلىي ئۆتكۈزۈپ باققانمۇ؟ 2. ئوقۇتقۇچى دىگەن مەخسۇس بىر كەسىپكە قارىتىلغان چوڭ ئۇقۇم، ئوقۇتقۇچى دىگەننىڭ بىزچە مەنىسى- ئۈگەتكۈچى، مائارىپ ئىنسانىيەت تارىخىدا ئەڭ بالدۇر بارلىققا كەلگەن كەسىپ، شۇنداقلا ھەممە كەسىپلەرنى مەيدانغا كەلتۈرگەن كەسىپ، سۈيۈملۈك تورداش سىز توختاۋسىز رەزىل تىللىرىنىڭىز بىلەن ئوقۇتقۇچىغا ئاھانەت ياغدۇرۋاتقاندا (ئەڭ ئاددى قىلىپ ئېيتاي) دەرسخانىدا ئولتۇرۇپ ئانا تىلىڭىزدىكى "ئا" ھەرىپىىنى يېزىشنى ئۆگىنىۋاتقان ھالىتىڭىز كۆز ئالدىڭىزغا كەلمىدىما؟ 3. تېخى ئىنكاسنىڭ بەزى جايلىرىدا "ئوقۇتقۇچى دىگەن ھاراقكەش، بەڭگى، پاھىشىۋاز..."دىگەندەك گەپلەر يېزىلىپتۇ، ناھايىتى توغرا يېزىپسىز قېرىندىشىم، توغرا! ئىشلەپچىقىرىلغان ھاراقلارنىڭ ھەممىسىنى ئوقۇتقۇچى ئىچىدۇ، رىستۇران، دىبالارغا كىرگەنلەرنىڭ ھەممىسى ئوقۇتقۇچى، بەك توغرا يېزىپسىز، سىزنىڭ جەمئىيەت كۈزىتىشىڭىز بەكمۇ ئەتراپلىق ئىكەن، ئاساسى قانۇندا ئوقۇتقۇچىنىڭ بازار ئايلىنىشى، چىرايلىق كىيىنىشى ھەتتا كۈڭۈل ئېچىشى چەكلەنگەن ئەمەسمۇ. 4. كۆپ ئىنكاسلاردا ئوقۇتقۇچىلارنىڭ بەزىلىرى ئۇنداق،.. كۆپ سانلىقلىرى مۇنداق دەپ يېزىلىپتۇ، نادان بولمىسىڭىز "ئوقۇتقۇچى"دىگەن ئورتاق نامغا ئېسىلىۋالماي شۇ ئوقۇتقۇچىدىكى خاتالىقنى سەزگەن ھامان شۇنىڭ ئۈزىگىلا دىسىڭىز بولمامدۇ، شۇلارنىڭ ئىسمىنى ئاتا- ئانىسى "ئوقۇتقۇچى" دەپ قويمىغاندۇ، ئۇلارنىڭ ئەمەت ياكى سەمەت (مىسال) دەپ ئىسمى باردۇ ھەقىچان. مىنىڭچە باشقىلارنىڭ ئورتاق نامىنى ئىشلىتىپ ھاقارەتلەيدىغانلارنىڭ جەمئىيەتتە ئاتىغۇچىلىك نامىمۇ ياكى كەسپىمۇ يوق دەپ ئويلايمەن، بولمىسا ھەرگىز ئۇنداق نادانلارچە ھاقارەت قىلمايتتى. 5. بىر قىسىم ئوقۇتقۇچىلار ئۆز كەسپىڭلاردىن ۋە ئورنىڭلاردىن بىر ئاز زارلىنىپسىلەر، قەدىرلىك كەسىپداشلىرىم مىنىڭچە بۇ توغرا ئىدىيە ئەمەس، خىزمىتىمىز ھەر قانچە جاپالىق بولسىمۇ شەرەپلىك كەسىپتۇر، بۇ جاھانغا تۇغۇلدۇقمۇ جاپا تارتىدىغان گەپ، نەزەر دائىرىمىزنى كەڭ قىلىپ ئۆز مەسئۇلىيىتىمىزنى ئادا قىلىۋەرسەك بۇلىدىغۇ، سىلەرگە تۈۋەنلىك بىلەن ئەڭ ئالاھىدە دەيدىغىنىم ئۆزىمىزنىڭ كىملىكىنى، نىمە ئىش قىلىدىغانلىقىمىزنى قەتئىي ئۇنتۇپ قالمايلى، ئۇنداق بولمايدىكەن جەمئىيەتتىكى ئاشۇنداق بەزى تاپخورلارغا بۇلۇپ بىرىدىغان گەپ، ئۈزەڭلارنىڭ شەخسى نامىنى ئويلىمىساڭلارمۇ "ئوقۇتقۇچى"دىگەن ئۇلۇغ نامنى پاكىزە ساقلاڭلار. (بەك كۆپ سۆزلىگۈم بار ئىدى، بولدىلا، يەنە ئۇچرىشارمىز) سۈيۈملۈك تورداشلار، بىزدىكى دائىم باشقىلارنى ھاقارەتلەيدىغان، باشقىلاردىن قۇسۇر ئىزلەپلا يۈرۈيدىغان ئادەت قاچانمۇ تۈگەر، ئاينىڭ يۈزىدىمۇ داغ بارغۇ، ھەدىسىلا باشقىلارنىڭ كەينىدە گەپ قىلغۇچە ياكى قۇسۇر ئىشلىگۈچە ئالدىغا بېرىپ "سىنىڭ بۇ ئىشىڭ خاتا، بۇنى تۈزەت..."دەپ دىسەك بولمامدۇ، كەمچىلىكلەرنى سەمىمىلىك بىلەن تۈزىتىپ ئورتاق ئىلگىرلىسەك بولمامدۇ. مەن ئوقۇتقۇچى ئۇنداق ياخشى، بۇنداق ياخشى دەپ داڭلىغۇممۇ، ئىنكاسىدا ئوقۇتقۇچىلارنى ھاقارەتلىگەنلەرگە جەڭ ئىلان قىلغۇممۇ يوق، ھەقىقەت ھامان ھەقىقەت، قىسقىسى مەن ئوقۇتقۇچى بولغانلىقىمدىن تولىمۇ پەخىرلىنىمەن، قەتئى ئۈكۈنۈشۈم يوق، دۇنيا ئادەمنى ئەمەس، ئادەم دۇنيانى ئۆزگەرتىشى كىرەك، قۇلۇمغا كىتاپ ئېلىپ ئەرلىك ۋىجدانىم، مىللى غۇرورۇمنىڭ يول باشلىشى بىلەن مائارىپ مەنزىلىدە قەتئىي بۇشاشماي ماڭىمەن. مانا مەن ئوقۇتقۇچى! باشقۇرغۇچىنىڭ ئەسكەرتىشى: يازمىڭىزنىڭ مەنبەسىنى ئەسكەرتىشنى ئۇنۇتماڭ!

بۇغداي

	نىمە دىيشىمنى بىلەلمەي قالدىم  تورداشلارنىڭ سۆزىنى ئاڭلاي.

zapar

	بۇنداق گەپلەرگە ئىرەن قىلماسلىق كېرەك،ۋىجدانىمىزغا يۈز كېلەلىسەك، ئوقۇغۇچىلارغا يۈز كېلەلسەك بولدى. خىزمەتچىلەر ئارسىدا ئوقۇتقۇچىلارنىڭ نىسبىتى كۆپ، شۇڭا ئوقۇتقۇچىلارنىڭ ئەيبىمۇ كۆزگە ئەڭ چېلىقىدۇ، بىرتال چىۋىن بىر قازان ئاشنى بۇلغايدۇ، بىراق بۇنداق ئوقۇتقۇچىلارنىمۇ يوق دىيەلمەيمىز.

ardamay

	ئوقۇتقۇچى ئۇ ئىنسانىيەت روھىنىڭ ئىنژىنىرى،بۇ بىر ھەقىقەت.جاھان رەپتارىغا كىرۋالغان بىر قىسىم ئوقۇتقۇچىلارمۇ يوق ئەمەس،ئەمما مەن مېنىڭ پۈتكۈل ئوقۇش ھاياتىمنى تاماملىغۇچە بولغان جەريانىمدا مېنىڭ ئۇچراتقانلىرىمنىڭ ھەممىسى ھەقىقىي ئوقۇتقۇچى دېگەن نامغا لايىق دەپ جەزىم قىلالايمەن!! ئۇلار ھەقىقەتەن جاپاكەش ،مىھنىتىگە مىننەت قىلمايدىغان كىشلەردۇر!!!~~~

musilina

	ئۆز ۋىجدانىمغا،ئوقۇغۇچىلارغا،ئاتا -ئانىلارغا ،ئۆز كەسپىمگە يۈز كېلەلىگۈدەك ئىشلىسەم، ئوقۇغۇچىلار ،ئاتا -ئانىلار،خىزمەتداشلىرىم ماڭا ياخشى باھا بەرسە شۇ كۇپايە ماڭا..... ئوقۇتقۇچىلىق سېپىگە سۇقۇنۇپ كىرىۋالغان بىر قىسىم پاراژىتلار  ھەممە ئوقۇتقۇچىلارغا ۋەكىللىك قىلالمايدۇ..... مەن ئوقۇتقۇچى،بەزىدە خىزمىتىمنىڭ جاپالىقلىقىدىن قاخشىساممۇ،بىراق خىزمىتىمگە  يۈز كېلەلمەيدىغان ئىشلارنى قىلىپ باققان ئئەمەس ھەم ئۇنداق قىلىشقا ۋىجدانىممۇ يول قويمايدۇ.... مائارىپ سېپىمىزدە  ئۆزىنى بېغىشلاپ ئىشلەۋاتقان جاپاكەش مېھنەتكەشلەر ناھايىتى كۆپ،بىر قىسىم ناباب ئوقۇتقۇچىلارنىڭ قىلمىشىنى ھەممە ئوقۇتقۇچىلارغا تېڭىپ باھا بېرىشنىڭ ئۆزى ،مەسىلىلەرگە  بىر تەرەپلىمە قارىغانلىق...

xirkat

	ئەلكۈيىدىكى تىمىنى مىسرانىمدا مۇلاھىزە قىلغان نەدە بار ؟ تاماقنى ئاشخانىدا يەپ ناۋايغا پۇل تۆلەمسىز سىز ! سەزگۈرى، نىمە دىگىنىڭىز بۇ ئەلكۈيى بۇلامدۇ، مىسرانىم بۇلامدۇ ھەر ئىكككىلىسى ئوخشاشلا ئۇيغۇرلارنىڭ مۇنازىرە مۇنبىرى، سىز ئۇنداق دەيدىغانغا مەن بۇ تېمىنى كىنو تور بېتى ياكى ئۇيۇن تور بېتىگە يوللىمىدىم، مىسرانىم مۇنبىرىگە بەك قىزىقىدىغان بولغاچقا شۇنىڭغا يوللىدىم، ئەلكۈيىگە يوللىماي مىسرانىمغا يوللىسام سىزگە ئاۋارىچىلىك ئېلىپ كەلمەيدىغاندۇ. مىنىڭ يوللىغىنىم تېما.

nijat0903

	ئادەم ئالدى بىلەن ئۆز ۋىجدانىغا يۈز كىلەلىگەنە ئاندىن باشقىلارغا يۈز كىلەلەىيدۇ ،مەنمۇ بىر ئۇقۇتقۇچى ئارىمىزدا ئىنكاستىكىدەك ئادەملەرمۇ مەۋجۇت ئۇلارمۇ بىر كۈنلەر كەلگەندە ھامان تۈزىلىپ مىللىتىمىز ئۈچۈن جان قۇشىدىغان بۇلىدۇ .

nijat0903

	ھەممە ئادەمنى ئوخشاش كۆزدە كۆرسەكمۇ بولمايدۇ بىزنىڭ مائارىپ سېپىمىزدە پەخىرلەنگۈدەك مائارىپچىلىرىمىزمۇ ئاز ئەمەس ئۇلارنىمۇ ئۇنتۇپ قالساق بولمايدۇ.

basut

	سىزنى قايناتقان تېما قەيەردە بولغان بولسا،بۇ تېمىڭېزنىمۇ شۇ يەرگە يوللىغان بولسىڭېز ئۈنۈمى تېخىمۇ ياخشى بولاتتىكەن،شۇنداقتىمۇ بوپتۇ. ئوقۇتقۇچىلارنىڭ ھەممىسى سىزگە ئوخشاش غورۇرلۇق،ۋىجدانلىق بولغان بولسا،ئۇ چاغدا،ئوقۇتقۇچىلار توغرىسىدا باشقىچە كۆزقاراشتا بولىدىغانلارمۇ بولمىغان بولاتتى.

albax

	مىنىڭچە بۇنىڭغا قاينىمىسىڭىزمۇ بۇلىدۇ ......... يۇقىرىدا تىلغا ئالغان ئىنكاسلاردىكى 6- ئىنكاستەك ئىشلارنى مەن كۆرمىدىم ، 7- ئىنكاس سەل ئېشىپ كىتىپتۇ ، 9- ئىنكاسمۇ تازا جىڭ باسمايدۇ . قالغان ئىنكاسلارنى لايىقىدا قۇبۇل قىلىشقا بۇلىدۇ . بىز نىمىشقا بارنى يوق دىگۈدەكمىز ؟ نىمىشقا ئۆزىمىزنى قاچۇرىمىز ؟ شۇلارنىڭ ئالدىدا دىسۇن دەپسىز ، ئۇقۇتقۇچى بولغان ئادەم ئانچە - مۇنچە تورغا چىقىدىغاندۇ ؟ مۇشۇنداق مۇنبەرلەرنى كۆرمىگەن ئۇقۇتقۇچى چۇقۇم ياخشى ئۇقۇتقۇچى ئەمەس !   مەنمۇ ئۇقۇش پۈتتۈرۈپ كىلىپ ئالتۇندەك ياشلىقىمنى ، ئانا قۇشتەك قىزغىنلىقىمنى ، ساپ مۇھەببىتىمنى ، چۈمۈلىدەك تىرىشچانلىقىمنى ......................  سەرپ قىلغۇدەك ھەممە نەرسەمنى بۇ كەسىپكە ئاتىغان ئىدىم . ئەپسۇس ! ھازىر ئويلىسام ئوقۇغۇچىللىرىمدىن باشقا كۆڭۈل خۇشلۇغۇم بولماپتىكەن ، 10 - ئىنكاسنى مەن قىستۇرۇپ قۇياي : ناۋادا مەكتەپتە ھەققانى بىرەيلەن كۆپچىلىك ئۈچۈن كۆكرەك كېرىپ تۆت ئېغىز گەپ قىلىپ كۆپنىڭ مەنپەئەتىنى قوغدىغان بولسا ، ۋاقتى كىلىپ مۇدىر شۇ سەۋەپلىك ئۆچ ئالماقچى بولۇپ كىچىككىنە مەنپەئەتنى بىرىپ ، ھېلىقى ئەسلىدىكى مەنپەئەتى قوغدالغانلارنى  « ئالە ، كوش ، كوش !»  دەپ قويسا كۆپىنچىسى ئاۋۇ ئۆزلىرىنىڭ ھوقۇقىنى قوغدىغانلارنى خام تالاش قىلىۋىتىدۇ .  ئېتىراپ قىلىش كىرەككى ، ئوقۇتقۇچىلاردا ساپا ھەقىقەتەن تۆۋەن ، بۇلۇپمۇ ئەخلاق ساپاسى !!! گۇرۇھۋازلىق ، كۈرەلمەسلىك ، پۇتلاش ، شەكىلۋازلىق ، ئەخلاقسىزلىق ، يۇرتۋازلىق ، تەخسىكەشلىك ................  خېلى چوڭ سالماقتا سىڭىپ كەتكەن .    شۇكرى .........! 10 يىل ئىشلەپ ئارزۇ قىلمىغان لېكىن ئىشلىگەندىن كىيىن ياقتۇرۇپ قالغان بۇ كەسىپتىن خوشلاشتىم ، نۇرغۇن ئەسلىمىلىرىم قالدى ، نۇرغۇن ئارزۇلىرىم قالدى ، «مۇئەللىم» دىيىش بىلەن ماڭا بولغان ھىسسىياتىنى دەل ئىپادىلەپ بۇلالمىغاندەك ھىس قىلىپ « دادا» دەپ چاقىرىدىغان ، « ئەلباش» مۇئەللىم دەپ ئاتايدىغان ئوقۇغۇچىلىرىم قالدى ، ھەق ئۈچۈن مىقتەك تۇرالايدىغان نامىم قالدى ....................... ئەمما يەتتە يىل ئىمتىھان بىرىپ داۋاملىق بىرىنچى بولساممۇ باھالاشتا نۇمۇر بەرمەي ئوتتۇرا دەرىجىنى ئالالمىدىم ، مۇدىر ئىپلاس بىلەن بارنى بار ، يوقنى يوق دىيىشكەنلىكىم ئۈچۈن ، ئىمتىھاندىكى كۆز بويامچىلىقلارغا قارشى تۇرغانلىقىم ئۈچۈن تۈرلۈك باھانىلەر بىلەن  ئايلاپ مائاشىم تۇتۇلدى ، جوزىنى بىرنى ئۇرسا مەن ئىككىنى ئۇرۇپ مۇنازىرىلەشتىم ، مۇدىر ئىپلاس تۈزۈمنى چىڭىتىش ئۈچۈن  يامانراق مەن قاتارلىق بىر قانچىمىزنىڭ مائاشىنى تۇتقانلىقىنى ، كىيىن قايتۇرۇپ بىرىدىغانلىقىنى دەپ ۋەدە - قەسەملەرنى قىلىپ تۇرۇۋالدى ، ئەمما ھازىرغىچە بىرىمەن دىدى بەرمىدى . ( 4-5 يىل ئىلگىرى تۇتۇلغان مائاشىمنى قايتۇرىۋېلىش ئۈچۈن ،مۇھىمى ھەققانى تۇيغۇم ئۈچۈن ،يول قۇيىلىۋەرسەم ئاۋۇ ئىپلاسنىڭ ئۆزىنى بىلمىگەنلىكى ئۈچۈن ئىنتىزام تەكشۈرۈش ئورۇنلىرى بىلەن ئالاقىلىشىپ قويدۇم .)    ئوقۇتقۇچىلاردىن نۇرغۇن دوستلىرىم بار . مەكتەپكىمۇ چوڭقۇر مىھرىم بار . مىنىڭچە بولسا بۇيەردە ئانداق دىمەڭلار ، مۇنداق دىمەڭلار دىگەندىن كۈرە ئەتراپىڭلاردىكى ئاشۇنداق ئىشلىرى بار ئىككى - ئۈچ ئوقۇتقۇچىغا شۇنداق تېمىنى ئېچىپ بىرىڭلار ، ئىبرەت ئالسۇن ، مۇنبەردە دوڭ سۈنرۈيدەك ، خۇاڭ جىگۇاڭدەك ، چىيۈ شاۋيۈندەك ئوقۇتقۇچىلارنىڭ يۈز - ئابرويى ئۈچۈن مەيدە كېرىپ چىققان بىلەن ئاۋۇ بىرقىسىملار نامىمىزنى « پوق قىلىۋەتكەن » ئۇنىڭغا ئامال يوق ، ئاجايىپ ئىسىل ئوقۇتقۇچىلىرىمىزمۇ بار ، كۆڭلۈڭلارغا ئالماسسىلەر . بىزنىڭ بۇ يەردە « بارلىقىنى ئۇيغۇر مائارىپىغا بېغىشلىۋېتىپ » توي قىلاي دىسە ئىرىگە بېغىشلايدىغان بىر نەرسە قالماي يۈرۈپ كەتكەن نەچچە « پىداكار»، « قىز » ئوقۇتقۇچىلارمۇ بار .........  تەڭرى كەچۈرسۈن ، ئىنساپ بەرسۈن ، سۈيۈملۈك ئۇيغۇر پەرزەنلىرىنىڭ بۇنداق ناكەسلەرگە قېلىشىنى كۆرگۈم يوق ! نىمىلا بولسۇن ، ياخشى ئۇقۇتقۇچىلار بىزنىڭ ئۈمىدىمىز ، پەخرىمىز ناچارلىرى مۇشۇنداق دۇمبىقىمىز ..................كەچۈرۈڭ ! كەچۈرۈڭلار !