قانداق قىلاي بۇ ئىشقا ‹ساتىرا›

zorro

	قانداق قىلاي بۇ ئىشقا ‹ساتىرا› خوشنام بېقىپ توخۇنى، قويۇپ بەرگەچ مەيلىگە. باغچا ساناپ ھويلامنى، كېلەر بولدى <سەيلىگە>. قوغلىغانغا چىقمىدى، كۈندۈز بىلەن كىچىدە. يەپ تۈگەتتى ئۈنگەننى، ئۈچ_تۆت كۈننىڭ ئىچىدە، <تاق>دىسەممۇ چىقمايدۇ، ھەر تەرەپكە پالاقلاپ. مىنى زاڭلىق قىلىدۇ، بار ئاۋازدا قاقاقلاپ. سەيلە قىلسا ھويلامدا، ئۇيان- بۇيان يۈگۈرۈپ. <گۈل>چىېكىدۇ ھەريانغا، كەينى بىلەن تۈكۈرۈپ... خوشنام كۆرۈپ بۇ ئىشنى، كىتەر بەزى ئالىيىپ. خوشنا بولغاچ كۆرۈپ چوڭ، مەن تۇرىمەن سالپىىيىپ. دوستۇم سىزگە بىر سۇئال، گۇنا كىمدە ئيتىڭا؟ قانداق قىلاي بۇ ئىشقا، بىر يولىنى تېپىڭا...؟ مەنبە :كىچىك ئاتامنىڭ ئىجادىيەتلىرىدىن

ardamay

	قوشنا قولۇملار ئارا، ساقلانماق تەس بۇنىڭغا. تەمكىن ھەم بەك سوغۇققان. بولۇڭ دائىم ئۇنىڭغا. توخۇ كىچىك جىدەل چوڭ، قەلب ئازار يېمىسۇن. قوشنىڭىز ھەم سىزنىمۇ، كۆزى كىچىك دېمىسۇن. سوراپ قالار ئۆزىنى، سەۋر قىلىڭ داۋاملىق. دەز كەتمىسۇن دوستلۇققا، ئەڭ مۇھىمى ئىناقلىق. ئۆزرە ئېيتىڭ قوشنىغا، چۈشەندۇرۈڭ چىرايلىق. ھىس قىپ قالار ھەممىگە، زىيان دېگەن بەك ئاچچىق. كۈنلەر ئۆتەر ئاي ئۆتەر، كېتىپ قالار ھەممىسى، ئەمما كەتمەس ئاداۋەت، ئېشىپ غېمى غۇسسىسى. يىراقتىكى تۇققاندىن، قوشنا ئەلا ھەرقاچان. كۆڭۈللەرگە كەتسە دەز، بۇ ھەممىدىن بەك يامان.

QALIB

	تىما ئىچىگە يۇشۇرۇنغان مەزمۇننىڭ ۋەزنى خىلى باركەن.....................................

qiqakkiz

	بۇنداق ئىشلار يېزىلاردا كۆپ ئۇچرايدۇ . باشقىلارنىڭ ھويلا ئاراملىرىدا دانلىغان توخۇنىڭ تۇخۇمى ھارام بولىدۇ . بۇنى كۆپ قىسىم كىشىلەر بىلمەمدىكىن تاڭ ، توخۇلىرىنى سۇلاپ بېقىشقا پەقەتلا ئەھمىيەت بەرمەيدۇ .

abdimijid

	توساق قويۇڭ سەيلىككە، كىرەلمىسۇن توخۇلار. ياكى ئېيتىڭ خوشنىغا، باقسۇن ئۇنى قۇمۇدا... ھەققىڭىزنى يەپ كەتسە، سۈكۈت قىلىش بولمايدۇ. ھارام يېگەن توخۇدىن قىلچىلىك نەپ كەلمەيدۇ. ھەققىڭىزنى قوغداڭ سىز، توخۇلارنى كىرگۈزمەي. دىققەت قىلسۇن خوشنىڭىز، ئاڭا ھارام يېگۈزمەي. خوشنىڭىزغا ۋە سىزگە پايدا بولار شۇنداقتا. چۈنكى ئاللاھ سورايدۇ قىيامەتتە چوقۇملا.....

abdimijid

	قۇرئاندا بىر قىسسە بار: بىر ئادەمنىڭ قويلىرى بىر كىشىنىڭ ئېتىزلىقىغا كىرىپ زىرائەتلىرىنى يەپ كېتىدۇ. زىيانغا ئۇچرىغۇچى كىشى داۋۇت ئەلەيھىسسالامنىڭ يېنىغا ئەرز قىلىپ كېلىدۇ. داۋۇت ئەلەيھىسسالام قوينى زىرائەت ئىگىسىگە تۆلەم سۈپىتىدە بېرىشكە بۇيرۇيدۇ. بىراق سۇلايمان ئەلەيھىسسالام مەسىلىگە باشقىچە قاراپ، قوي ئىگىسى زىرائەتلەرنى قايتا تېرىپ ئەسلىگە كەلتۈرۈپ بولغۇچە قويلاردىن (سۈتى، يۇڭى، مايىقى...قاتارلىقلاردىن) زىرائەت ئىگىسى پايدىلىنىپ تۇرۇشنى ئېيتىدۇ. مۇشۇ پەتىۋا بويىچە بولغاندا، سىزگە زىيان سالغان توخۇلارنى سىز تۇتۇپ قېلىپ تۇخۇمىدىن پايدىلانسىڭىز، خوشنىڭىز سەيلەرنى قايتا تېرىپ ئۆستۈرۈپ بەرگەندە توخۇسىنى قايتۇرۇپ بەرسىڭىز بولىدۇ. باللا، مۇسۇلمان دېگەن باشقىسىنىڭ ھەققىنى يېمەيدۇ ھەم باشقىلارغا بوزەك بولۇپ ئۆز ھەققىنى تارتقۇزۇپ قويۇپمۇ ئولتۇرمايدۇ. شۇڭا، ھەق-ئادالەت مەسىلىسىدە قۇرئان كۆرسەتكەن بويىچە، خەقنىڭ ھەققىنى يېمەسلىك ۋە ئۆز ھەققىدىن مەھرۇم بولۇپمۇ ئولتۇرماسلىق كېرەك. سىزنىڭ خوشنىڭىزغا سۈكۈتتە يول قويغىنىڭىز، ئەمىلىيەتتە ئۇنىڭ زۇلۇم قىلىشىغا ياردەملەشكىنىڭىز، ئۇنىڭ گۇناھتا ئەزۋەيلىشىگە، باشقىلارغا زىيان سېلىشىغا ياردەملەشكىنىڭىز بولىدۇ. قۇرئاندا دېيىلىشىچە «ياخشىلىققا بۇيرۇپ، يامانلىقتىن مەنئى قىلىدىغان جامائە مەقسىتىگە يېتىدۇ». زولۇمغا، زىيانغا قاراپ تۇرغۇچى زىيان تارتىدۇ....

بۇغداي

	مۇشۇ توخۇنى كاتەككە سولاپ  باقسا ياكى كەڭرەك ھويلىغا سولاپ باقسا ياخشى، سىرىتلارغا قاچسا ۋاقتىدا كاتەككە ھەيدەش كىرەك. توخۇ باققۇچىنىڭ كارى بولمىسا خوشنىلارنىڭ مىڭ جاپادا تېرىپ ئۆستۇرگەن گۈل-گىياھ ، سەي-كۆكتاتلىرىنى چوقىلاپ ،تاتىلاپ بۇزىدۇ ھويلا ئاراملارغا توختىماستىن تەرەت قىلىپ ئادەمنى بىزار قىلىپ خوشنىلار ئارا ئارازىلىق پەيدا قىلىپ جىدەلنىڭ سەۋەپچىسى بولۇپ قالىدۇ. ياخشى يىزىپسىز رەخمەت سىزگە!

xaxyax

	ياخشى يېزىلىپتۇ ، ھازىر بەزى گەپلەرنى يازغىلى بولمايدۇ، مىڭ جاپادا يازسىڭىز نۇرغۇنلار چۈشەنمەيدۇ...ھې ھې ھې

basut

	توخۇ كىرسە ھويلىغا، تۇتۇۋېلىڭ بىرىنى. ئىزدەپ كىرسە خوشنىڭېز، چۈشەندۈرۈڭ سىرىنى. چالۋاقىسى ئايالى، سىز ئىزدەيسىز ئېرىنى. ئۇمۇ قىلسا تەتۈرلۈك، تازا سېلىڭ قېرىنى.

bayhenim

	ئىنتايىن ياخشى قامچىلاش بوپتۇ بەزى ئادەملەرنى.....................