ھورۇن خوتۇننى ئىشچان قىلىشنىڭ ئامالى

1miskal

	بۇرۇن بىر كەمبەغەل باينىڭ قىزىغا ئۆيلىنىپتۇ . قىز ئۆزىنىڭ ھورۇنلىقى بىلەن نام چىقارغان ئىكەن . كەمبەغەل ،-- ھورۇن خوتۇنۇمنى پەقەت ئۇرمايمەن ، دەپ ۋەدە بەرگەن ئىكەن . ياش كېلىنچەك كۈن بويى بىكار يۈرىدىكەن ، ئۇ يەردىكى نەرسىنى بۇ يەرگە ئېلىپمۇ قويمايدىكەن . كۈن بويى لاغايلاپ يۈرۈپ غەيۋەت قىلىشتىن باشقىنى زادىلا بىلمەيدىكەن . ئېرى بولسا ۋەدىسىدە تۇرۇپ ، ئۇنى بىرەر قېتىممۇ ئۇرماپتۇ . لېكىن ، بىر كۈنى ئۇ ئىشقا ماڭىدىغان چېغىدا مۈشۈككە شۇنداق دەپتۇ : - ماڭا قارا ھورۇن ، گېپىمگە ياخشىراق قۇلاق سال ، ئىشتىن قايتقىنىمدا ئۆيدىكى ھەممە ئىش ھەممە ئىش تەق بولسۇن ، ئۆيلەرنى سېرىپ - سۈپۈرۈپ ، تاماق ئېتىپ ھەم چاق ئىگىرىپ تۇرغىن ، ئەگەر ئېيتقانلىرىمنى قىلمىساڭ ، شۇنداق ئەدىپىڭنى بېرىمەنكى ، بىر ئۆمۈر ئېسىڭدىن چىقمايدۇ . مۈشۈك بۇ گەپلەرنى ئاڭلاپ ئوچاق ئۈستىدە مۈگدەپ يېتىۋېرىپتۇ ، خوتۇنى بولسا ئېرىم ئەقلىدىن ئېزىپتۇ ، دەپ ئويلاپ ئۇنىڭغا شۇنداق دەپتۇ : - ھەي ئېرىم ، نېمىلەرنى دەۋاتىسەن ؟ بۇ ئىشلار مۈشۈكنىڭ قولىدىن كەلمەيدىغۇ . - قولىدىن كېلەمدۇ - كەلمەمدۇ ، ماڭا بەرىبىر ! - دەپتۇ ، - بۇ ئىشلارنى ئۇنىڭدىن باشقا كىمگە بۇيرۇيمەن ؟ ئىشتىن كەلگۈچە تاپىلغان ئىشلارنى قىلمىسا ، شۇنداق ئەدىپىنى بېرىمەنكى ، بىر ئۆمۈر ئېسىدىن چىقمايدۇ ! ئۇ شۇنداق دەپ ئىشقا كېتىپتۇ . ياش كېلىنچەك بولسا ، ئۇ قوشنىسىڭكىدىن بۇ قوشنىسىنىڭ ئۆيىگە چىقىپ قۇرۇق گەپ سېتىپ يۈرۈپتۇ ... ئۆيىگە كېلىپ قارىسا ، مۈشۈك مۈگدەپ ياتقانمىش ، ئوچاقتىكى ئوت ئۆچۈپ قالغانمىش . كېلىن مۈشۈكنى ئىشقا سالماقچى بولۇپ : - قېنى مۈشۈكجان ،تۇر ، ئۇچاققا ئوت ياق بولمىسا كۆرگىلىڭنى كۆرسەن ! - دەپتۇ ، لېكىن مۈشۈك پەرۋا قىلماي خورەك تارتىپ يېتىۋېرىپتۇ . ئېرى ئىشتىن قايتىپ كەپتۇ . قارىسا تاپىغان ئىشلارنىڭ بىرىسمۇ ئورۇنلانماپتۇ . ئۇ ، مۈشۈكنى خوتۇنىنىڭ بېلىگە باغلاپ ، قامچا بىلەن راسا بىر ساۋىداپتىكەن ، خوتۇنى ئېرىگە يالۋۇرۇشقا باشلاپتۇ ، چۈنكى مۈشۈك ئايالنىڭ بېلىگە ھەممە تىرناقلىرىنى پاتتۇرۇپ قان قىلىپتۇ . - بولدى ، بولدى ، مۈشۈكنى ئۇرما ! ئۆي ئىشلىرىنى بىلىمگىنى ئۈچۈن ئۇ گۇناھكار ئەمەسقۇ ؟ - بولمىسا ئۇنىڭ ئورنىدا ئۆزۈڭ ئىشلەشكە ۋەدە بېرەمسەن ؟ - دەپ سوراپتۇ ئېرى . - ۋەدە بېرىمەن ، ئېيتقانلىرىڭنىڭ ھەممىسىنى قىلىمەن ، لېكىن بۇ مۈشۈكنى ئۇرما ! - دەپتۇ خوتۇنى . ئۇلار شۇنداق كېلىشپتۇ . ياش كېلىنچەك ئۆز دەردىنى ئانىسىغا ئېيتماقچى بولۇپ ئۆيىگە بېرىپتۇ . - مەن مۈشۈكنى بېلىمگە باغلاپ ئۇرماسلىى ئۈچۈن ھەممە ئىشنى ئۆزۈم قىلىشقا ۋەدە بەردىم ، - دەپتۇ ئۇ ئانىسىغا ، بۇنى ئاڭلاپ دادىسى گەپكە ئارىلىشىپتۇ : - ۋەدە بەردىڭمۇ ، ئۇنىڭ ھۆددىسىدىن چىقىشىڭ كېرەك . بولمىسا مۈشۈك ئەتە يەنە كالتەك يەيدۇ ، - ئۇ شۇنداق دەپ قىزىنى ئېرىنىڭ قېشىغا ماڭدۇرۇپتۇ . ئەتىسى ئېرى يەنە مۈشۈككە ئىش تاپىلاپتۇ ، لېكىن مۈشۈك بۇ قېتىممۇ ئورنىدىن مىدىرلىماپتۇ . ياش كېلىنچەك بولسا كۈن بويى قوشنىلىرىنىڭ ئۆيىدە يۈرۈپتۇ . ئېرى ئىشتىن قايتىپ كېلىپ مۈشۈكنى يەنە خوتۇنىنىڭ بېلىگە باغلاپ راسا ساۋاپتۇ . ياش كېلىنچەك ئېرىنى ئاتا - ئانىسىغا چاقماقچى بولۇپ ئۆيىگە بېرىپتۇ ، لېكىن دادىسى ئۇنى بىر ۋارقىراپ قوغلاپتىكەن ، ئايغىنى كۆتۈرگەن پېتى قېچىپتۇ . ئېرى ئۈچىنچى كۈنى مۈشۈككە يەنە ئىش تاپشۇرۇپتۇ .مۈشۈك كۆپ تاياق يىگەن بولسىمۇ بەرىبىر ھېچ نەرسە قىلالماپتۇ . ئەمما ، ھەممە ئىشنى ياش كېلىنچەكنىڭ ئۆزى قىلىدىغان بولۇپتۇ .ئوت يېقىپتۇ ، سۇ ئەكىرىپتۇ تائام تەييارلاپتۇ ، ئۆينى سۈپۈرۈپتۇ ھەم چاق ئىگىرىپتۇ . قىسقىسى ، ئۇ پۈتۈن ئىشنى ئورۇنلاپتۇ ، بىچارە مۈشۈككە ئۇنىڭ ئىچى ئاغرىيدىكەن مۈشۈكنىڭ تىرنىقىنىڭ ئۆزىگە سانجىلىشىنى خىيالىدىن زادىلا كەتكۈزمەيدىكەن . كەچتە ئېرى ئۆيگە قايتىپ قېلىپ قارىسا ، ھەممە ئىش تەق تۇرغىدەك . شۇنىڭ بىلەن ئۇ : - قورقما مۈشۈك ئەمدى ساڭا قول تەككۈزمەيمەن ! - دەپتۇ . ياش كېلىنچەك ئۇنىڭدىن تولىمۇ خۇرسەن بولۇپ ، داستىخان سېلىپ ئېرىنىڭ ئالدىغا تاماق كەلتۈرۈپتۇ ، ئىككىسى مەززە قىلىپ يەپتۇ . كېيىن بۇ ئىش ئادەتكە ئايلىنىپ قاپتۇ . مۈشۈكمۇ كەلتەك يىمەپتۇ ، ياش كېلىنچەك بولسا تولىمۇ چاققان بولۇپ كېتىپتۇ . ئۇ ، ئېرىنىمۇ ، ئۆزىنىمۇ خۇشال قىلىپتۇ . مەنبە . كەڭساي مۇنبىرى

Kikax

	مېنىڭ كۆزۈمدىن چاتاق چىقتىمۇ ياكى ما تېمىدا چاتاق بامۇ ؟

sazguri

	Kikax يوللىغان ۋاقتى  2012-8-5 07:31 PM مېنىڭ كۆزۈمدىن چاتاق چىقتىمۇ ياكى ما تېمىدا چاتاق بامۇ ... تىما ئاشۇنداقكەن

QALIB

	خەت شەكلى نورمال ئەمەسقۇ؟

بۇغداي

	ئىملا خاتالىقى كۆپ بولۇپ كىتىپتۇ ،دىققەت قىلمىساق بەزى يەرلەرنى چۇشەنمەك تەس ئىكەن.

adil2052103

	نەچەخەت بۇ  ياكى ئۆمچۈكنى سىياغا چىلاپ  يۈگۈرتىڭلامۇ يا

سۈمەييە

	ئۆي ئىشىنى قىلالمىغان قىزنى نىمە دىگۈلۈك ئەمدى ، ئۇ ھەر بىر كىلىن بولغۇچىنىڭ مەجبۇرىيتى ئاۋۇ كىلىنمۇ تازا دەلتىرەككەن ، ئىرىنىڭ قىزىم ساڭا دەي كىلىنىم سەن ئاڭلا دىگىننى ئۇقماي قاپتۇدە بىچچارە ، لىكىن ياخشى ئاخىرلاشقان ھىكايىكەن مەن مۇشۇنداق ئاخىرى ياخشىلىق بىلەن ئاخىرلاشقان ھىكايىلەرگە ئامراق

XERHAN

	نورمال تىمىكەنغۇ ؟ نىمىگە تاڭ قالغاندۇ ماۋۇلار ؟،،،،

سۈمەييە

	مەن شۇنداق نورمال كۆرەلىدىمغۇ باللا ،

Kikax

	XERHAN يوللىغان ۋاقتى  2012-8-5 07:36 PM نورمال تىمىكەنغۇ ؟ نىمىگە تاڭ قالغاندۇ ماۋۇلار ؟،،،،{:1 ... ماۋۇلار ؟؟؟؟   پاھ پاھ پاھ    ئالى ئەزا دېگەن ئالى ئەزا ھە ،... نېمدىگەن پاساھەتلىك سۆزلەرنى ئىشلىتىش بۇ  ...             ھېلىقى  قېرىندېشىم ، دوستۇم ، بالىلار دېگەن ناچار سۆزلەرنى ئىشلەتماي ماۋۇلار  ، ئاۋۇلار دەپ سۆزلىشىلى  خەلىق  ،   ئالى ئەزا بولدىكەنمىز ...