رۇبائىي

omakkiz

	مەرىپەت ئىشقىدا بولساڭ پەرۋانە، ئەجىرىڭدىن ۋەتەنگە پۈتسەڭ رىسالە. ئۇنۇتماس تۆھپەڭنى ئاۋام ھېچقاچان، تىكلەيدۇ قەبرىڭدە ئۆچمەس ئابىدە. تەلىيىم كىلىدۇ-دەپ كۈتۈپ تۇرمىغىن، تەقدىرىم شۇنداق دەپ ئۇخلاپ يۈرمىگىن. ئەجىر بىلەنلا كۈلىدۇ تەلەي ۋە تەقدىر، بەخىت گۈلى ئېچىلماس ھورۇن قولىدىن. مۇشتۇمدەك تۇرسىمۇ لاچىن قامىتى، قۇزغۇنغا ئوخشىماس ئۇنىڭ ئادىتى. بولمايدۇ ھەرگىزمۇ تەييارغا ھەييار، ھاياتقا يول ئاچقان ئۇنىڭ چاڭگىلى.  سالماق بول ھەر ئىشتا تاپقىن يولىنى، نەزەر سال چار تەرەپ بىلگىن ئوڭ-سولنى. قىرىق ئۆلچەپ بىر كەسسەڭ، بولىسەن ئاقىل، چىڭىتىپ ماڭىسەن تۇرمۇش ئۇلىنى. مىۋىنىڭ شاھىدۇر ئانار بەك ئېسىل، مىۋىسى، شەربىتى، گۈلى قىپ-قىزىل. بولغاچقا بىر رەڭدە ئېچى ۋە تېشى، ساقلىنار پۇرىغى، تەمى ئەبەدىل. رەيھاننى كۆرۈپلا ئاتتىم ئۆزۈمنى، سانجىلدى قولۇمغا ئۆتكۈر تىكىنى. بىلدىمكى نەپسىنى يىغمىسا ئىنسان، گۈل بەرگى قىلىچ بوپ يارار قارنىنى. تىلەيدۇ  ئوغلىغا  ئانا  ئامانلىق، بىر ئۆمۈر قەلبىدە يوقتۇر ئاراملىق. بىلىنمەس ئۇنىڭغا ئازاب ۋە كۈلپەت، دەيدۇ-ئۇ-ئوغلۇمغا بولسام قۇربانلىق. مۇڭى يوق ناخشىدىن ھوزۇر سۇ بويى، دۇلقۇندا مۇجەسسەم ئۈزۈلمەس كۈيى. ناداننىڭ يىنىدا يىگەن ھالۋىدىن، مىڭ ياخشى ئاقلىنىڭ بىر قوشۇق سۈيى. شېئىرلىرىم بىر ئاددى يۈرەك نىداسى، خالى ئۇ تۇماندىن سۈزۈك جىلۋىسى. تامچە بوپ كۆكەرتسە ۋەتەن دەشتىنى، بولاتتى شۇندىلا ئەجرىم قىممىتى. تۇرمۇشنىڭ يوللىرى كۆرۈنمەس تىلسىم، يىشىدۇ سىرىنى ئىنسانلار بەلكىم. نادانلار ھەممىنى كۆرەر تەقدىردىن، دانالار مەنزىلگە ئات سالار دائىم. بەك رايىش ئىنساننىڭ كۆڭلى، روھىيەت، كۆنىدۇ، تارتسىمۇ جاپا-مۇشەققەت. تۇرسىمۇ ئالەمنىڭ تەسكەي قېتىدا، ئىنتىلەر يۈرىگى ياشاشقا ئەبەت. ھەر ئىشنىڭ بولاركەن سىرلىق باسقۇچى، ئۇتاركەن بەيگىدە داۋان ئاشقۇچى. ئىخلاس قىپ مېھرىڭدىن تۆكسەڭ كۈمۈش تەر، تىگىدۇ قولۇڭغا  تەلەي ئاچقۇچى. ئەجداتىم نەسلىم ئېسىل ئارىيان، دەريادەك مېھرى بار ئاقكۆڭۈل ئىشچان. ياراتقان تارىختا شانلىق تۆھپىلەر، سۆيۈنەر ئەجرىدىن خەلقىم تاجىكان. ئىلىم-پەن ئۈگەنسەڭ ئاقىل سەن پەقەت، ئىشلەتسەڭ ئىشىڭدا بولار بەرىكەت. مەدىنىيەت، ئەخلاقتۇر بىلىم گەۋدىسى، تەەۋەللۇت ئۇنىڭدىن دۇردانە ھېكمەت. جامالىڭ نۇر-زىيا، كىرپىكىڭ بوستان، لالىدەك ھۆسنۈڭدىن پۇرايدۇ رەيھان. ئوتۇڭدا بىتاب مەن، يۈرۈگۈم زەئىپ، ئاشىقلار دەردىنى بىلەمسەن جانان. كۆزۈڭگە ئەسىر بوپ قاتتىم ھەيكەلدەك، سانجىلدى كىرپىكىڭ ئۆتكۈر شەمشەردەك. ئۇلغايتتىڭ يۈرەكتە ئىشىق ئوتىنى، كۆرۈندۈڭ كۆزۈمگە سۈبھى سەھەردەك.

BAHTIM709

	ياخشى شېئىرلاركەن.... مەنبەسىنى ئەسكەرتىۋەتسىڭىز، قالغان ئىنكاسنى شۇ چاغدا بىرەي... [s:33]

sargarda

	يەتـتە  ئۆلچەپ  بىر  كەس  دەپ  ئاڭلىغان . قىرىق  ئۆلچەپ بولغۇچە ...   [s:34] تىلى  يەڭگىل  ،  ئۇقۇشلۇق  چىقىپتۇ .  قەلمىڭىزگە بەرىكەت  تىلەيمەن.

jmgor

	ياخشى چىقىپتۇ رەخمەت مەنبەسىنى ئەسكەرتمەپسىز .بۇنىڭدىن كىيىن مەنبەسى ئېنىق بولسۇن . ئاتا- ئانسىز بالا بولمىغانندەك مەنبەسىز تىما بولمايدۇ ،

@OTKAX@

	خېلى ۋەزنى بار رۇبائىيلاركەن. تىمىسىنى رۇبائىيلار دەپ ئۆزگەرتىپ قويسىڭىز قانداق؟

d@tman

	ياخشى يىزىپسىز............ مەنبەنى ئەسكەرتىڭ

UYGURZAT

	ياخشى يىزىپسىز ئاللا قولىڭىزغا دەرت بەرمىسۇن

saptilak

	بۇنى ئۆزىڭىز يازىڭىزمۇ يە؟

musilina

	بىر -بىرىدىن مەنىسى چوڭقۇر رۇبائىلاركەن بۇ.....مەزمۇنى شۇنداق ياخشى....... يازمىلىرىڭىز ئۈزۈلمىسۇن..... ئۆزىڭىز يازغانما؟

omakkiz

	كەچۈرۈڭلار!!  ئەسكەرتىشنى ئۇنتۇپ قاپتىمەن، بۇ تاجىك يازغۇچىسى روزى گۈلباي تاغاشنىڭ رۇبائىيلىرى ئىدى، مەن ئوقۇپ بەكمۇ ياقتۇرۇپ قالدىم، شۇنىڭ بىلەن ھەممىمىز بىرلىكتە پايدىلنايلى دەپ مۇنبەرگە يوللىغان ئىدىم. ئالدىڭلاردا خىجىلمەن.     [s:40] بۇ مىنىڭ تۇنجى قېتىم مۇنبەرگە ئەسەر يوللىشىم، شۇڭا، مەن سىلەرنىڭ كۆپرەك تەكلىپ-پىكىر بىرىپ، مىنى ئۆزۈڭلەردەك ياراملىق قىلىپ تەربىيلىشىڭلارغا مۇھتاج. قېرىنداشلىرىم!!!  [s:36]