«مىليونىر»نىڭ قاباھەتلىك چۈشى (قارلۇق)

قارلۇق

	چىقىپتۇ! چىقىپتۇ! ماڭا بىرىنچى دەرىجىلىك مۇكاپات چىقىپتۇ. خۇشاللىقىمدا سەكرەپ كەتتىم، ئەتراپىمدىكى كىشىلەر ھەيران بولۇشۇپ ماڭا قاراپ قىلىشتى دە، قايسى تۈرنىڭ مۇكاپاتى چىقىپتۇ دەپ بەس-بەستە سوراشقىلى تۇردى، 35 تە يەتتىنى تاللاشنىڭ 1-دەرىجىلىك مۇكاپاتى چىقىپتۇ 5 مىليۇن چىقىپتۇ دەپ، ھاياجانلىنىپ سۆزلەپلا كەتتىم، ئەتراپىمدىكى كىشىلەر قايسى نومۇرلار چىقىپتۇ، مەن كۆرۈپ باقاي مەنمۇ كۆرۈپ باقاي دىيىشىپ يوپۇرلۇپ كەلدى، مەن دەرھال ئۆزۈمنى چەتكە ئىلىپ تىز-تىز مىڭىپلا چىقىپ كەتتىم، ئۇنداق قىلمىسام ئۇلار تالىشىپ كىچىككىنە بىر ۋاراق قەغەزنى يىرتىۋەتسە 5 مىليۇن يوق بولمامدۇ، تاتلىق خىياللار بىلەن كىتىۋاتاتتىم، بۇپۇللارنى ئىلىپ ئاۋۋال نىمە سىتىۋالسام بولار نىمىش قىلسام بولار...... دۇت دۇت.... تۇيۇقسىز چىلىنغان ماشىنا سىگنالىنىڭ ئاۋازىدىن چۆچۈپ كەتتىم، ئارقىدىنلا شوپۇرنىڭ «ئادىشوي قەبرىستانلىققا ماڭغانما؟» دىگەن تاتلىق گىپىدىن ئەندىكىپ ھوشۇمنى تىپىۋالدىم دە، ئۆزۈمنىڭ يولنىڭ ئوتتۇرىغا چىقىپ قالغانلىقىنى بىلىپ شۇنداق ئوڭايسىزلىنىپ كەتتىم، كەچۈرۈم سوراپلا يولنىڭ ياقىسىغا چىقىۋىلىپ تاكسى توسۇپ ماڭدىم. ئۆيگە قايتىپ كىلىپلا ئۆيدىكىلەرگە ھاياجانلانغان ھالدا ئاغزى-ئاغزىمغا تەگمەي مۇكاپات چىققانلىقىنى سۆزلەپ بەردىم ، باشتا ئىشەنمەي قىلىشتى، كىيىن لاتارىيە بىلىتى سىتىش ئورنىدىكىلەر چىقىرىپ بەرگەن ئىسپات قەغىزىگە قاراپ ھاڭ-تاڭ قىلىشتى، ئۆيدىمۇ بىرھازا بۇپۇللارنى قانداق ئىشلىتىش توغرىسىدا بەس مۇنازىرە باشلىنىپ كەتتى...... ھاپىلا-شاپىلا تەييارلىق قىلىپلا مۇكاپات پۇلىنى ئىلىپ كىلىش ئۈچۈن ئۈرۈمچىگە قاراپ ماڭدىم، ماشىنا شۇنداق تىز مىڭىۋاتسىمۇ مەندىكى ئۈرۈمچىگە تىزرەك بىرىش ئىستىكىدىنمىكىن بەكلا ئاستا مىڭىۋاتقاندەك تۇيۇلۇپ ئىچىم شۇنداق سىقىلدى، كاللامدا يەنىلا شۇ بەش مىليۇن پۇلنى قانداق بىرتەرەپ قىلىش خىيالى ھۆكۈم سۈرەتتى. قايتىپ كىلىشىمدە ئايروپىلان بىلەن كىلىمەن، ياق مەن بەش مىليوننىڭ ئىگىسى بولغاندىكىن چوقۇم نوچى ماشىنامدىن بىرسى بولۇشى كىرەك ، توغرا مەن پۇلنى ئىلىپلا نوچى ماشىنىدىن بىرنى سىتىۋالاي، ماشىنا ھەيدەشنى بىلگىنىم بىلەن پىراۋام يوق، شوپۇردىن بىرنى تىپىپ ماشىنامنى ھەيدىتىپ ئۆيۈمگىچە ئاپارغۇزاي، ئىقتىسادى يار بەرمەي داۋالىنىشتىن مەھرۇم قىلىپ، كىسەللىك بىلەن جان-تالىشىۋاتقان قىرىنداشلىرىمغا ياردەم قىلاي،  تۇغۇلۇپ ئۆسكەن مەھەللەمدىكى ئاران جىنى قالغان كۆۋرۈكنى مۇستەھكەم قىلىپ بىتوندىن سالدۇرۇپ بىرەي، بىچارە يۇرىتداشلىرىم ئۇ جۇللىقى چىقىپ كەتكەن كۆۋرۈكتىن ئۆتۈپ بولغىچە ئىشەكلىرىنىڭ پۇتى كۆۋرۈكنىڭ كامارلىرىدا سۇنۇپ قالغىلى تاسلا قالىدۇ، يىراق يەرلەرگە كىتىپ قالساممۇ مىنى ئەسلىشىپ تۇرار ............. ئۈرۈمچىگە كىچىدە كىلىپ قاپتىمەن، ياتاققا كىلىپلا يەنە شۇ ئايىقى چىقماس خىياللار بىلەن كىچىنى ئۇخلىماي تاڭ ئاتقۇزدۇم، بەش مىليۇن ئەمەسمۇ، ۋاقىت بەكلا ئاستا ئۆتۈۋاتقاندەك بىلىنەتتى، ئاران دىگەندە سائەت يەتتە بولدى، ئورنۇمدىن تۇرۇپ يۈز-كۆزلىرىمنى يۇيۇپلا مۇكاپات نەقلەشتۈرش ئورنىغا قاراپ ماڭدىم، ئەتتىگەندە قىرىشقاندەك لىفىتنىڭ بۇزۇلۇپ قالغانلىقىنى دەيمەن، 7-قەۋەتتىن پەلەمپەي بىلەن چۈشۈشكە توغرا كەلدى، پەلەمپەيدىن يۈگۈرۈپ چۈشىۋىتىپ پۇتلىشىپ يىقىلغان ھالەتتە 6- قەۋەتتىن 5-قەۋەتكە چۈشتۈم، ئەتىگەندە نىمە كىلىشمەسلىك بۇ، بەدەنلىرىم ئاغرىپ تۇرسىمۇ دەرھال ئورنۇمدىن تۇرۇپ ئاستىراق مىڭىپ پەسكە چۈشتۈم دە تاكسى توسۇپلا جەنۇبىي شىنخۇا يولىدىكى مۇكاپات نەقلەشتۈرۈش ئورنىغا كەلدىم، ئەتراپىمدىكى كىشىلەرنىڭ ھەممىسى ماڭا مىليون يۈئەنلىك مۇكاپات چىققانلىقىنى بىلىپ قالغاندەكلا يامان نىيەت بىلەن قاراۋاتقاندەك بىلىنەتتى، ئۆزۈمنى سەل تۇتىۋىلىپ مۇكاپات چىققان لاتارىيە بىلىتىنى مۇكاپات نەقلەشتۈرىدىغان ئىشخانىدىكى خزمەتچىگە تەڭلىدىم، ئۇ بىلىتىمنى ماشىنىغا سىلىپ تەكشۈرۈپ مۇبارەك بولسۇن 1-دەرىجىلىك مۇكاپات چىقىپتۇ دىدى دە، باشقا بىر ئىشخانىنى كۆرسىتىپ پۇلنى شۇيەردە نەقلەشتۈرۈپ بىرىدۇ دەپ بىرپارچە تالۇن چىقىرىپ بەردى، مەن ئۇ ئايال كۆرسەتكەن ئىشخانىغا كىرىپ خىزمەتچى خادىمغا ھىلىقى تالۇننى تەڭلىدىم، يۈرىكىم ھازىرلا قىپىدىن چىقىپ كىتىدىغاندەك دۈپۈلدەپ سوقۇۋاتاتتى، چۈنكى بىرنەچچە مىنۇتتىن كىيىنلا 5 مىليۇننىڭ ئىگىسى بولىمەن ئەمەسمۇ. ئاكا ئاكا....سىڭلىمنىڭ چاقىرىشىدىن ھەم بىشىمغا نوقۇشىدىن چۆچۈپ كەتتىم چالا ئۇيقۇلىقتا، ھەرقانچە مۇھىم ئىش بولسىمۇ بىردەم توختاپ تۇرە ماۋۇ 5 مىليوننىڭ چىكىنى ئىلىۋالاي. - قايسى 5 مىليۇن؟  كۈن چىقىپ بولدى، تىز تۇرۇپ ناشتا قىلىۋىلىڭ. شۇندىلا تولۇق ئويغىنىپ باياتتىنقى ئىشلارنىڭ بىر قاباھەتلىك چۈش ئىكەنلىكىنى بىلدىم، ئاھ خۇدا ئۇئىشلار بىر چۈش ئىكەن ئەمەسمۇ، ئىسىت..... قىنى ئۇ 5مىليۇن بىردەم ئويغانماي تۇرسامچۇ.....! مەنبە: ئۆزۈم

kamran

	ۋاي ئېسىت سىڭلىڭىز  بىردەم ئويغاتماي تۇرغان بولسا بوپتىكەن .

tumurkala

	ئادەم مانا شۇنداق خام خىيالغا ئامراق كىلىدۇ،مىنى قايىل قىلغىنى ئۇنىڭ كۆۋرۈك سالماقچى بولغىنى!مىنىڭ بىر ئاغىنەمنىڭ تاغىسى مۇشۇنداق لاتارىيەگە قىزىقىپ قىلىپ ۋەيران بوپ كەتكىلى تاس قاپتىكەن،كاللىسىنى قاچانلا قارىسا شۇنداق خىياللار ئىگەللىۋالىدۇ مۇشۇنى ئوينايدىغان كۆپ قىسىم كىشىلەرنىڭ،كۆپى مۇشۇ تىمىدا دىيلگەندەك خىياللارنى قىلىدۇ!

ئىپارە

	ۋاي بۇ راست چۈشىڭىزمۇ نىمە؟ تازا قىزىقىپ ئوقۇپ كىتىپتىمەن ،قانداق بولاركىن دەپ!

QALIB

	بىردەم ئويغانماي تۇرسىڭىز كاشكى،ئىسىت بەش مىلىيۇن.ئىچىم ئەجەپ ئىچىشتىيا يوق پۇلغا```

zikriya

	مەن تىخى ئاخىرى قانداق بولار دەپ كىرىشىپ كىتىپتىكەنمەن.ما سىڭىلچاق بىردەم ئويغاتماي تۇرسىچۇ.لىكىن كۆرۈك سىلىش پىلانى بولىدىكەن، ھەرھالدا مۇشۇنى باشتا ئويلاپسىز، ئەگەر مۇشۇنداق ياخشى نىيەتلىرىڭىز بولسىلام ئۇمۇ چىقىپ قالار بىر كۈنى

قارلۇق

	tumurkala يوللىغان ۋاقتى  2012-8-5 02:29 AM ئادەم مانا شۇنداق خام خىيالغا ئامراق كىلىدۇ،مىنى ق ... شۇ ئەمەسمۇ، مەنمۇ 5-6 يىل بۇرۇن ئىككى يىلغا يىقىن ئۈزۈلدۈرمەي لاتارىيە بىلىتى سىتىۋالغانتىم، بەش مىليون تۈگۈل بەش يۈئەنمۇ چىقىپ باقمىدى، ئاساسەن بىر يۈئەن چىقاتتى تەلىيىم يوقكەن دەپ توختىۋالغانتىم، شۇ ۋاقىتلاردا تېمىدىكىدەك ئاخىرى يوق خىياللارنى كۆپ قىلاتتىم

elijan

	مەن چوڭ بولغاندىن تا ھازىرغىچە ماڭا بىرەر قېتىم لاتارىيەدىن مۇكاپات چىققانلىقىنى ئۇقمايمەن. بىر يىلنىڭ ئالدىدا بىر ئاغىنەمگە‹‹ قوش رەڭلىك توپ›› دىن 5000 يۈەندىن كۆپرەك مۇكاپات چىقىپتىكەن، قىزىقىپ مەنمۇ بەش ئالتە ئاي سېتىۋېلىپ يۈردۈم، سېتىش نۇقتىسى ناھايتى كەڭ تارقالغاچقا قايسى شەھەرگە، قايسى يېزىغا بارسام سېتىۋېلىپ تۇردۇم،  بەزىدە نەچچە سائەت نۇمۇر سىتاتسىتكا قىلىدىغان، نەچچە سائەت نۇمۇر تاللىغان، ئۇكىلىرىمغا، دوستلىرىمغا تاللىتىپ باققانمۇ بولدۇم، قېرىشقاندەك بەش يۈەن بولسىمۇ چىقىپ باقمىدى. ئەڭ ئاخىرقى قېتىم ‹‹ئازغۇن›› ناملىق فىلىمدىكى ھېلىقى سىرلىق نۇمۇرنى تارتىپ باقاي دەپ بىر نۇمۇرنى ئېلىۋېتىپ، شۇنى تارتسام ئاران ئۈچى ئوخشاش. باشقىنى ئوخشىماپتۇ، ئاچچىقىمدا سېتىۋېلىشنى توختىتىۋەتتىم. بۈگۈنمۇ خېرىدارلارغا بېرىشقا تىگىشلىك بەش پارچە لاتارىيە بېلىتىنى تارتىپ باقسام ھەممىسىدىن بىر يۈەن قىممىتىدىكى خاتىرە دەپتەرلا چىقتى. ‹‹ئەنە مۇكاپات چىقىپتىغۇ ›› دەپ قالماڭلا، بۇ مۇكاپات چىقىش نىسبىتى 100%لىك لاتارىيە بۇلۇپ، خاتىرە دەپتەر رىغبەتلەندۈرۈش ئۈچۈن بېرىلەتتى... ئەمدى لاتارىيەنى تۇتمىسام بولغىدەك دەپ ئويلايمەن.

ANSWER

	نىمىدىگەن تاتلىق خىيال ھە

sebile

	رۇقيە ئۇبۇلقاسىم بىلەن ئادۇكىرىم  ئابلىزنى،دوراپسىزدەھە ھەيئىست 5مىليون.كىمگىمۇ چىقارسەن