شىنجاڭ تېلىۋىزىيە ئىستانىسىغا ئۇچۇق خەت

مارشال

	ئەسسالامۇ ئەلەيكۇم،شىنجاڭ ئۇيغۇر ئاپتۇنۇم رايۇنلۇق تېلىۋىزىيە ئىستانىسىدىكى ئاكا-ھەدىلەر! ئۇزۇندىن بۇيان،بىر ئىش مېنى كۆپ ئويلاندۇردى،بۇ مەسىلە توغۇرسىدا تېلىفۇن قىلىش ئارقىلىق،ئۆز پىكىر -تەكلىپىمنى بېرىش ئويىدىمۇ بولغان ئىدىم،لېكىن،ئالاقىلىشىشنىڭ ياخشى چارىسىنى تېپىپ بولالمىدىم،ئۇنىڭ ئۈستىگە مېنىڭ ئائىلەم مەركىزىي شەھەر ئۈرۈمچىدىن خېلىلا يىراق بولغاچقا،قەلبىمدا دېمەكچى بولغان بەزى سۆزلەرنى دېيىشكە پۇرسەت چىقمىدى،شۇڭا،بۇ كۆڭۈل سۆزۈمنى پەقەت تور دۇنياسى ئارقىلىق سىلەرگە ئۇقتۇرۇش مەقسىتىگە كەلدىم.    بۇ ئۇچۇق خەتتە مەن ئاساسلىق <<مەدەنىيەت بوستانى>>پىرۇگراممىسى ئىشلەش گۇرۇپىسىغا بىر تەكلىپ-لاھىيەمنى سۇنۇپ باقماقچى،ئەلۋەتتە،<<مەدەنىيەت بوستانى>>پىرۇگراممىسى يولغا قۇيۇلغاندىن بېرى،مىللىي مەدەنىيىتىمىز ھەققىدە بولغان چۈشەنچىلەر بارغانسىرى تۇنۇشقا،مەشھۇر كىشىلىرىمىزنىڭ يېتۈك پىكىرلىرىنى ئاڭلاش ۋە ئۇنىڭدىن ئىلھام ئېلىش،يىپەك يولى دەپ شۆھرەت قازانغان بۇ دىيارىمىزنى چۈشنىنىش پۇرسىتىگە نائىل بولۇۋاتىمىز.پارتىيە-ھۆكۈمەتنىڭ مۇشۇنداق ئېسىل پىرۇگراممىدىن بىرنى ئورۇنلاشتۇرۇپ بەرگىنىگە تولىمۇ خۇرسەنمەن.ئابلەت ئابدۇرېھىم ئاكىمىزنىڭ ئۆزگىچە تالانتى،رىياسەتچىلىكتىكى قايىل قىلارلىق سورالغان ئۆتكۈر سوئاللىرى ۋە بۇ پىرۇگراممىدىكى سۆھبەتلەرنىڭ ھەممىسى دېگۈدەك ياخشى چىقىپ،پۈتكۈل شىنجاڭ ئۇيغۇر ئاپتۇنۇم رايۇنىمىزدىكى ئۇيغۇرلار ئەڭ  ياقتۇرۇپ كۆردىغان نادىر پىرۇگراممىلىرىنىڭ بىر قىسمىغا ئايلاندى.     بۇ قېتىملىق ئۇچۇق خەتنى يېزىشىمدىكى ئاساسىي مەقسەت،يېقىنقى يىللاردىن بۇيان،ئەزىزانە قەشقەردە زور ئۆزگىرىشلەر يۈز بەردى،6-ئايدا ئەزىزانە قەشقەر سەپىرىمنى تاماملاپ،يۇرتقا قايتىپ كەلدىم،مېنى ھەممىدىن كوزىچى يار بېشى بەكلا مەپتۇن قىلدى،يىراق ئەسىرلەردىن بۇيان ،ئۇ يەردىكى ئۇيغۇر تۇرمۇشى،ئۆرپ-ئادىتى،ئۇيغۇر بىناكارلىق سەنئىتى دۆلەت ئىچى ۋە چەتئەلدىن كەلگەن ھەربىر ساياھەتچىنى ئۆزىگە مەپتۇن قىلىپ كېلەتتى.نەچچە يۈز يىللىق تىرىك مەدەنىيەتنىڭ نامايەندىسى بولغان،بىردىنبىر مۇكەممەل ساقلنىپ قالغان بۇ يەردە،قەدىمقى ئىزنالارنى تاپقىلى بولاتتى.كېسەك تاملار ئىچىگە يۇشۇرۇنغان كەشتىچىلەر،كۇلالچىلار،شايى-ئەتلەس،دوپپا تىككۈچىلەر ھەقىقەتەن كۆپ،يىراقتىن كۆزگە تاشلىنىپ تۇرغان بۇ يەردە شۇنداق قول ھۈنەرۋەنلەرنىڭ بۇلۇشى ئالتۇن كان دەپ چۈشنىنىش تامامەن مۇمكىن.   شىنجاڭ تېلىۋىزىيە ئىستانىسى<<مەدەنىيەت بوستانى>>پىرۇگراممىسى ئشىلەش گۇرۇپىسىنىڭ مۇمكىن بولسا،كوزىچى يار بېشىنىڭ ئۇمۇمىي كۆرۈنىشى بولغان يەردە ،يەنى نەق مەيداندا بىر قېتىملىق <<مەدەنىيەت بوستانى>>پىرۇگراممىسىنى ئىشلەپ چىقسا،بۇ پىرۇگراممىغا قەشقەر تارىخىنى مۇكەممەل بىلىدىغان قەشقەر ئۇيغۇر نەشرىياتىنىڭ پىنسۇيۇنىرى،جامائەت ئەربابى،ئاتاقلىق يازغۇچى ھاجى مىرزاھىد  كېرىمى ئاكىمىزنى،شىنجاڭ پىداگۇكىكا ئۇنۋىرسىنتىنىڭ پىرۇفىسىرى،ئەدەبىياتشۇناس ئابدۇقادىر جالالىدىن ئەپەندىنى ۋە كوزىچى يار بېشىدا تۇرۇشلۇق 6-ئەۋلاد كۇلالچى تۇرسۇنجان زۇنۇننى سۆھبەتكە ئۇيۇشتۇرۇپ،<<تىرىك مەدەنىيەت نامايەندىسى-كوزىچى يار بېشى>>دېگەن تېمىدا بىر پىرۇگرامما ئىشلىشىنى ئۈمىد قىلىمەن. بۇرۇن ئاقسۇ باي ناھىيە قىزىل مىڭئۆي توغۇرلۇق ئىشلەنگەن پىرۇگرامما،لوپنۇر تارىخى توغۇرلۇق ئىشلەنگەن پىرۇگراممىلار ھازىرغا كەلگۈچە ئېسىمدىن چىقمايدۇ،ھازىر <<مەدەنىيەت بوستانى>>پىرۇگراممىسى ئىشلەيدىغان جاپاكەش ئاكا -ھەدىلەرنىڭ مۇمكىن بولسا،ئارىلىقنى يىراق كۆرمەي،لوپنۇر تارىخى،باي ناھىيە قىزىل مىڭئۆيدە ئىشلىگەن پىرۇگرامىلارغا ئوخشاش،ئارىلىقنى يىراق كۆرمەي،ئەزىزانە قەشقەرگە قەدەم بېسىپ،قەشقەردىكى پىشقەدەملەرنى،مائارىپ سېپىدە مۇھىم خىزمەت قىلىۋاتقان زىيالىيلارنى كوزىچى يار بېشىغا توپلاپ،<<تىرىك مەدەنىيەت نامايەندىسى-كوزىچى يار بېشى>>دېگەن بىر پىرۇگراممىنى پۈتتۈرۈپ چىقىشىنى سەمىمىي ئۈمىد قىلىمەن. يۇقۇردا مەن بايان قىلغان تەكلىپلىرىمنى ئابلەت ئابدۇرېھىم ئاكىمىزنىڭ ۋە شۇ يەردە خىزمەت قىلىۋاتقان ئاكا-ھەدىلەرنىڭ بىزلەرگە ئەڭ ياخشى جاۋابنى قايتۇرىشىنى سەمىمىي ئۈمىد قىلىمەن! كامالىي ئېھتىرام بىلەن:-مارشال

ANSWER

	ياخشى تەكلىپ

bayhenim

	تولىمۇ ياخشى تەكلىپ بوپتۇ بۇ

sazguri

	مانا مەن تۈنگۈن باغداشتىكى تىمىنى كۆرۈپ ،118114دىن شىنجاڭ تىلۋىزىيە ئىستانسىنىڭ 4نومۇرنى سوراپ ھەممىسىگە ئۇرسام پەقەت بىرلا ئۇلاندى باشقىسىنى ئېلىپلا قويۋەتتى.... ئۇ بىرمۇ تېخى مەن دىجورنى ئىدىم باشلىقلار يوق خاپا بولمايدىسز دەپلا قويۋەتتى ،..دىمەك بۇلارنىڭ گەپ يىيىشنى كۈتۈش سۆگەتتىن ئامۇت تەلەپ قىلغاندەك ئىش

ئېمپىراتور

	hoyuanjia يوللىغان ۋاقتى  2012-8-4 09:06 PM چولىسى يوق ئۇلارنىڭ،قۇرۇق ئاۋارە بۇلۇپسىز سىز قانداق بىلىسىز؟ سىز يە ش ج ت ۋىنىڭ ئىستانىسا باشلىقىمۇ ؟

kumbag

	ياخشى تەكلىپ بوپتۇ

蓝狼影视治

	ئۇلارنىڭ ئىلان بۆلىمىگە تىلفۇن قىلسا ھەر ۋاقىت ئالىدىغان ئادەم بار    لىكىن سىزنىڭ گىپىڭىز ئۇلارغا خوش ياقماسلىقى مۇمكىن ........ ئەگەر پالانى دورىنىڭ ياكى پالانى دوختۇرخانىغا ئىلان بەرمەكچى دىسىڭىز ئۇنىڭ ھۆكىمى باشقا ...............

guzelim

	بۇ تېمىنىڭ قىسقىچە مەزمۇنى ۋە تېما ئادىرىسىنى،ئەلكۈيى مىكرو بىلوگىغا يوللاپ قويساڭلار،تېلىۋىزىيە خىزمەتچىلىرى تىز كورەلەيدۇ! ‹ئۈمۈت غەنى› پىروگىرامما گۇرپىسىدىكىلەرمۇ ئويلىشىپ باقسا بولىدىغان تەكلىپكەن!

axek13999649893

	بىۋاستە بىىرپ  دىسىڭىز بوكىدىغۇ

KURAX.JAN

	ياخشى تەكلىپ بوپتۇ ، جاۋاپسىز قالماسلىقىنى ئۇمۇد قىلىمەن .