ئېسىڭىزدە بولسۇن

سۇمەييا

	ئېسىڭىزدە بولسۇن 1.ئېسىڭىزدە بولسۇن ،ھەممە ئادەم سىز ئويلىغاندەك سەمىمىي ۋە راستچىل ئەمەس ،شۇڭا باشقىلارغا بارلىقىڭىز بىلەن ئىشىنىپ كەتمەڭ ؛ 2. ئېسىڭىزدە بولسۇن ،ھەممە ئادەم سىزنىڭ ئۆزىڭىزنى ئىسراپ قىلىشىڭىزغا ئەرزىمەيدۇ ، شۇڭا ئەمدى ئەخمەقلەرچە باشقىلارغا ئۆزىڭىزنى بىھۇدە ئىسراپ قىلماڭ . 3. ئېسىڭىزدە بولسۇن ،ھەممە ئادەم سىز ئويلىغاندەك ۋاپاسىزمۇ ئەمەس ، شۇڭا ساقلاپ قېلىشقا تىگىشلىك مۇھەببەتنى باغرى تاشلىق بىلەن رەت قىلىۋەتمەڭ . 4. ئېسىڭىزدە بولسۇن ، ئۆتكەن ئىشلارنى كۆز ياش بىلەن قايتۇرۇپ كەلگىلى بولمايدۇ ، شۇڭا قىممەتلىك كۆز يېشىڭىزنى ئاسانلىقچە تۆكىۋەتمەڭ . 5. ئېسىڭىزدە بولسۇن ، تىلەش بىلەن ھەممە نەرسىگە ئېرىشكىلى بولمايدۇ ، شۇڭا باشقىلاردىن تىلەش ئارقىلىق غورۇرىڭىزنى دەپسەندە قىلىپ ياشاۋەرمەڭ ؛ 6. ئېسىڭىزدە بولسۇن ، كىشى كۆڭلى يېرىم بولغاندا چوقۇم ياش تۆكۈشى زۆرۈر ئەمەس ، شۇڭا ئۆزىڭىزنىڭ كۈلۈمسىرىشىڭىزگە پىخسىغلىق قىلماڭ ؛ 7. ئېسىڭىزدە بولسۇن ،كىشى ئاقكۆڭۈل بولسىلا ھۆرمەتلەش ۋە قوغداشقا ئېرىشەلمەيدۇ ، شۇڭا ئاسانلىقچە دىلى يۇمشاقلىق قىلماڭ ؛ 8. ئېسىڭىزدە بولسۇن ، سىز باشقىلارغا ئاتا قىلسا بولىدۇ دەپ قارىغاچقا ئاتا قىلسىڭىز بولىدىغان ئىش يوق ، شۇڭا باشقىلارغا ئاسانلىقچە ۋەدە بەرمەڭ ؛ 9. ئېسىڭىزدە بولسۇن ، ئۆزىڭىزنىڭ ھەممە ھېسىياتىڭىزنى چىرايىڭىزدا ئىپادىلىشىڭىزنىڭ زۆرۈرىيىتى يوق ، شۇڭا ئويلىغانلىرىڭىزنى ئاسانلىقچە سىرتقا ئىپادىلىمەڭ ؛ 10. ئېسىڭىزدە بولسۇن ، سىزنى ياخشى كۆرىمەن دىگەن كىشىلەرنىڭ ھەممىسى سىزنى ياخشى كۆرىشى ناتايىن ، شۇڭا سىزنى ياخشى كۆرىمەن دېگەنلەرگە بارلىقىڭىزنى ئاتىۋەتمەڭ ؛ 11. ئېسىڭىزدە بولسۇن ، سىزنى ياخشى كۆرمەيمەن دىگەن كىشىلەرنىڭ ھەممىسىنىڭ سىزنى ياخشى كۆرمەسلىكى ناتايىن ، شۇڭا ئۇلارغا  زەھەرخەندىلىك بىلەن ئازار بەرمەڭ ؛ 12. ئېسىڭىزدە بولسۇن ، ھەممە ئادەمنىڭ سىزنى چۈشىنىشى ناتايىن ، شۇڭا جاھىللىق بىلەن كىمنىڭ توغرا كىمنىڭ خاتا ئىكەنلىكىنى ئايرىيمەن دېمەڭ ؛ 13. ئېسىڭىزدە بولسۇن ، سىزنىڭ كۆرسەتكەن تىرىشچانلىقلىرىڭىز نەتىجىگە ئېرىشەلمىسە ئۆزىڭىزنى يارامسىز ھېس قىلماڭ ، چۈنكى ھەممە ئىشنىڭ چوقۇم نەتىجە بېرىشى ناتايىن . 14. ئېسىڭىزدە بولسۇن ، تۇرمۇشتا پەقەت سىز بىر ئادەملا تىرىشچانلىق كۆرسىتىۋاتمايسىز ، يەنە نۇرغۇن ئادەملەر تۇرمۇش ھەلەكچىلىكىدە ، شۇڭا بەزى ئىشلارغا قىيىنچىلىققا ئۇچرىسىڭىز ئاسانلىقچە ۋاز كەچمەك ، بەلكىم ئەتراپىڭىزدا قىيىنچىلىقى سىزدىن ئېغىر كىشىلەر يەنىلا تىرىشىۋاتقان بولىشى مۇمكىن ؛ 15. ئېسىڭىزدە بولسۇن ، سىزنى ياخشى كۆرىدىغان پەقەت بىر ئۆزىڭىزلا دەپ قارىماڭ ، باشقىلارنى مەندىن ۋاز كەچتى دەپ ئويلىماڭ ، بەلكىم يەنە نۇرغۇن كىشىلەر سىزنى ئۈنسىز ياخشى كۆرىدۇ ، تۇرمۇشقا ئۈمىدۋار بولۇڭ ...

ANSWER

	بولىدۇ ، ئىسىمدە تۇتىمەن .

kaliptax

	بەزىلىرى  ئىسىمدىن چىقىپ قېلىشى مۇمكىن يەنى 3. ئېسىڭىزدە بولسۇن ،ھەممە ئادەم سىز ئويلىغاندەك ۋاپاسىزمۇ ئەمەس ، شۇڭا ساقلاپ قېلىشقا تىگىشلىك مۇھەببەتنى باغرى تاشلىق بىلەن رەت قىلىۋەتمەڭ .

سۇمەييا

	kaliptax يوللىغان ۋاقتى  2012-8-4 10:34 PM بەزىلىرى  ئىسىمدىن چىقىپ قېلىشى مۇمكىن يەنى 3. ئېسىڭىزد ... ھى ھى ھى ئەمسە سىز رەت قىلىپ بوپتىكەنسىزدە

hiyal0097

	ئەستە تۇتىۋالغىدەك ئەقىلىيەلەر ئىكەن ، 15. ماددىنى بورۇنراق كۆرگەن بولسام قۇشناچىم بىلەن ئىككىمىزنىڭ تەقدىرىمۇ بېلەكچە بۇلاركەن

ghojidar

	ئىسىمدە تۇتۇشقا تىرشىمەن.رەخمەت

turkistani

	شۇمۇ ئىسىڭىزدە بولسۇنكى سىزدوستۇم دىگەنلەر مەڭگۈ سىزنىڭ ساداقەتمەن دوستىڭىز بۇلىشى ناتايىن سىز دۇشمىنىم دىگەنلەر مەڭگۈ سىزگە دۇشمەن بولماسلىقى مۇمكىن

qirakpay

	ئەسسالامۇئەلەيكۇم سۇمەييە خانىم! يۇقارقى پەندى-نەسىئەت خاراكتىرلىك 15ئەقلىيىڭىزنى كۆرۈپ،خۇددى 15 دانە گۈھەر تېپىۋالغاندەك خوش بولدۇم...ئاللا ئەقىل-پاراسىتىڭىزنى زىيادە قىلغاي!

musilina

	ئېسل دۇردانىلاركەن،چوقۇم ئېسىمدە تۇتۇشقا تىرىشىمەن....