ئۈمىدۋارلىق—ھاياتى كۈچ

yultuzay321

	ئۈمىدۋارلىق—ھاياتى كۈچ دوستۇمنىڭ قېيىنئانىسى تۇيۇقسىز ئاغرىپ قاپتۇ.بالىلىرى ئاپىسىنى خېلى كۆپ دوختۇرخانىلارغا ئاپىرىپتۇ.ئوموميۈزلۈك بەدەن تەكشۈرۈتۈشتە، قېيىنئانىسىنىڭ ھەممە ئەزالىرىنىڭ ساغلاملىقى بايقىلىپتۇ.لېكىن دوستۇمنىڭ قېيىنئانىسى پەقەت قايىل بولماپتۇ.ئۇ ئىزچىل ئۆزىنى قاتتىق ئاغرىق دەپ قارىغاچقا، ھېچ كىشىگە ئارىلاشماي ئۆيگە بېكىنېۋېلىپ،كۈنبويى ئاھ ئۇرۇپتۇ.يوقلاپ كەلگەنلەرگە كېسسىلىنىڭ ئېغىرلىقىنى ئېيتىپ،ۇلارنىڭ رازىلىق بېرىشىنى ئۆتۈنۈپتۇ.ئۇ ھەمىشە شۇنداق قىلىۋەرگەچكە، باشقىلار ئۇنىڭدىن ئۆزىنى قاچۇرىدىغان،ۋە ئۇنىڭ بىلەن سۆزلەشكۈسى كەلمەيدىغان بولۇپ قاپتۇ.بالىلىرى ئاپىسىنىڭ پىسخىكىلىق كېسەل بولۇپ قالغانلىقىدىن گۇمانلىنىپ، بىر خىل «قىممەت باھالىق» دورا ئەكىلىپ ئاپىسىغا ئوخشاش نۇرغۇن كىشنىڭ مۇشۇنداق دورىنى يەپ شىپا تاپقانلىقىنى ئېيتىپتۇ.ئايال دورىنى يېگەنسېرى ئۆزىنىڭ تېتىكلىشىپ قالغاندەك ھېس قىلىپتۇ. كەيپىياتىمۇ ياخشىلىنىپ باشقىلار بىلەن ئارىلىشىپ ئۆتىدىغان بولۇپتۇ.ئەمەلىيەتتە ھېلىقى دورا ئادەتتىكى ئاشقازان دورىسى ئىكەن. ئۈمىدۋارلىق ئىنسانىڭ روھى، جسمانى ساغلاملىقى،تۇرمۇش سۈپىتىنىڭ ياخشى بولۇشى ئۈچۈن زور تەسىر كۆرسىتىدۇ.ئۈمىدۋار ئادەم تۇرمۇشتا ئۆزىنىڭ كەلگۈسىگە ياخشىلىق ،گۈزەللىك نۇقتىسىدىن چىقىپ جاۋاب ئىزدەيدۇ-دە،كەيپىياتىنى كۆتۈرەڭگۈ، ئۈمىد ئىشەنچكە تولغان ھالەتتە ساقلاپ قالالايدۇ. ئىشلارنىڭ ياخشى تەرىپىنى ئويلايدۇ. كىچىككىنە ئوڭۇشسىزلىق تۈپەيلىدىن چۈشكۈنلىشىپ يۈرمەيدۇ.ھەر قاچان قىيىنچىلىقنى يېڭىش ئۈمىدىدە بولۇپ،ھەرگىز ۋاز كەچمەيدۇ، يېڭىلىپ قالسىمۇ ئۇنى بىرقېتىملىق سىناق تەرىقىسىدە قۇبۇل قىلالايدۇ.ئەمما يەنە بىر قىسىم كشىلەركىچىككىنە ئوڭۇشسىزلىققا ئۇچىرىسا چۈشكۈنلىشىپ كېتىدۇ.ئىشنىڭ سەۋەبى ۋە ھەل قىلىش يولى ئۈستىدە ئىزدەنمەيدۇ.بۇ ساغلام پىسخىك ھالات ئەمەس. تەتقىقاتچىلار ئۈمىدۋار ئادەمنىڭ ئېمونىت ئىقتىدارىنىڭ غەمكىن ئادەمنىڭكىدىن نەچچە ھەسسە يوقۇرى ئىكەنلىكىنى، كېسەل بولۇپ قالسىمۇ ئەسلىگە كېلىش ۋاقتىنىڭ تېز بولىدىغانلىقىنى ئىسپاتلاپ چىققان. شۇڭا، تۇرمۇشنىڭ قانداق چوڭ قىيىنچىلىقلىرى، بەخىتسىزلىكلىرى يەلكىڭىزنى باسسۇن، قانداق چوڭ ئوڭۇشسىزلىقلار سىزنى قىينىسۇن،ئۈمىد ئىشەنچىڭىزنى قەتئىي يوقاتماڭ.شۇندىلا قىزغىن روھى كەيپىياتىڭىز بىلەن تۇرمۇشىڭىزنىڭ ھەربىر قەدىمىنى چوڭقۇر مەنىلەرگە تولدۇرالايسىز. مەنبە_تۇرپان گېزىتى  2012-يىلى 1-ئاۋغۇست  مەلىكە خالىق

سۇمەييا

	ئاللا ئەجىرىڭىزنى بەرسۇن

bayhenim

	ئۈمۈتسىزلىنىش ياخشى ئەمەس شۇڭا ھەر ۋاقىت ئۈمۈتۋارلىق بىلەن ياشاش لازىم

nayziwaz

	ئۈمۈتسىز-شەيتان.

saparbay

	كىشى«ئۆلمىگەن جاندا ئۈمىد بار»دېگەن روھتا ياشاش كېرەك . ئۈمىدسىزلىك،چۈشكۈنلۈك-ئادەمنى ھالاكەتكە يۈزلەندۈرىدۇ. «مەڭگۈ ئۆلمەيدىغاندەك ھىممەت قىل، ئەتە ئۆلىدىغاندەك ئىبادەت قىل»...

turmux.net

	چوڭلارنىڭ بۇنداق قىلىقلىرى ئەزەلدىن بار. يا قايىل قىلىپ بولغىلى بولمىغان... ئالدىماقتىن باشقا چارە يوق شۇ

mahatjan

	ئۈمىد پىسخىك ساغلاملىقتىكى ئىستىتىك تۇيغۇ بولۇپ ئادەمگە ھوزۇر بېغىشلايدۇ.

nazila998

	ئۈمۈد بىلەن ياشاشنى بىلگەن ئادەم تۇرمۇشتىن ھوزۇر ئىلىشنى بىلىدۇ

qintax

	saparbay يوللىغان ۋاقتى  2012-8-4 12:18 AM كىشى«ئۆلمىگەن جاندا ئۈمىد بار»دېگەن روھتا ياشاش كېرەك ... ئىنتايىن قانائەتلىنەرلىك جاۋاپ، ئىچىمدىكى گەپ بىلەن بىر.

yuzbixi

	مەنمۇ كۆپ ھاللاردا ئۈمۈتسىزلىنىپ كەتمەيمەن.