ئانىنىڭ ئاجىزلىقى

MEMATE

	ساڭا ئاق-قارىنى ئايرىشنى ئۆگىتىمەن ، ئەمما ، ھەر بىر ئىشتا سەن ئۈچۈن ھۆكۈم چىقىرالمايمەن. ساڭا چىرايلىق كۆينەكلەرنى ئېلىپ بېرەلەيمەن ، ئەمما ، گۈزەل ۋە پاك قەلبىڭگە كاپالەتلىك قىلالمايمەن. سېنى نۇرغۇن ئىشلار ھەققىدە ئاگاھلادۇرالايمەن، ئەمما، ئۇنىڭغا قۇلاق سېلىش سالماسلىقىڭغا مەن بىر نېمە دېيەلمەيمەن. ئانىلىق قەلبىمدە سېنى سۆيىمەن، لېكىن ، مېنى ئانا ئورنىدا كۆرۈپ ھۆرمەتلىتىشكە ئامالسىز مەن . جامائەت بىلەن بارنى تەڭ كۆرۈشكە دەۋەت قىلىمەن ، لېكىن ، سېخى ھاتەملەردىن بولۇشقا مەجبۇرلىيالمايمەن. باشقىلارنى ھۆرمەتلەشنى ئۆگىتىمەن ، ئەمما، بىراۋغا قانداق مۇئامىلە قىلىش ئۆزۈڭنىڭ ئختىيارلىقى. قانداق دوستلىشىشنى ئۆگىتىمەن، ئەمما ،قانداق دوست تاللاش ئۆزۈڭدىن. شەھۋەتتىن ، يامان ئادەملەردىن سېنى يىراق تۇرۇشقا ئۈندەيمەن ، ئەمما شەرم -ھايانى ساڭا <<چاپلاپ>>قويالمايمەن . ساڭا ئەخلاق ھەققىدە تەلىم بېرىمەن ، لېكىن  ئەخلاقلىق بولۇش ئۆزۈڭدىن . ساڭا تاماكا ۋە ھاراقتىن ھەزەر ئەيلەشنى ئۆگىتىمەن ، لېكىن ، ساڭا ۋاكالىتەن ئۇ نەرسىلەرگە <<ياق>>دېيەلمەيمەن. <<زەھەر>>گە يېقىن يولىماسلىقىڭنى ئاگاھلاندۇرىمەن ، ئەمما ۋاقتى كەلگەندە ئۇنى سەندىن ئايرىشقا قۇربىم يەتمەيدۇ. ساڭا ئۇلۇغۋار  غايىنىڭ نېمىلىكىنى كۆرسىتىپ بېرىمەن، ئەمما ، ئۇنى ئەمەلگە ئاشۇرۇشقا مېنىڭ قۇربىم يەتمەيدۇ. باشقىلارغا سەمىمىي ئاق كۆڭۈللۈك بىلەن مۇئامىلە قىلىشىڭنى ئۈمىد قىلىمەن ، ئەمما ، ھەممىگىلا<<ئىللىق چىراي>> ئېچىشقا زورلىيالمايمەن . سېنى ئارتۇقچىلىقى كەمچىللىكىدىن كۆپ ئادەم بولسۇن دەيمەنۇ، <<مۇكەممەل ئادەم>> قىلىشقا ئاجىزمەن. سېنى سۆيىمەن بالام ،ئەمما <<جەننەت>>نى ساڭا ئەھدى قىلالمايمەن. سەن ئۈچۈن ئىبادەت قىلىمەن ، ئەمما ، دۇئالىرىمنىڭ ئىجابەت بولۇشىغا كاپالەتلىك قىلالمايمەن. ساڭا ھايات ھەققىدە سۆزلەپ بېرەلەيمەن ،ئەمما ، ھاياتىڭنىڭ<<شەجەرىسى >>نى مەن يازالمايمەن . سېنى سۆيىمەن ، ئەبەدىل ئەبەت.......دېگىنىم -ھەق - ھەقىقەت قوزام! جانابى ئۇلۇغ پەرۋەردىگارىمىز سۇبىھانە ۋەتەئەلا <جەننەت > ئاناڭلارنىڭ تاپىنى ئاستىدا دەپ ئۇلۇغ قۇرئانىمىزدا بىزلەرگە ئىنىق قىلىپ كۆرسۈتۈپ بەرگەن شۇڭا ئانلارنى رازى قىلماي تۇرۇپ << جەننەت>>ىن ئىغىز ئىچىش مۇمكىن ئەمەس . مەنبە :خاتىرەمدىن

marziyya

	بالا تۇغۇشتىن بالا تەربىيەلەش ئىنتايىن قىيىن ئىكەن . بالىلىرىمىزنىڭ مىجەزى ، ئەخلاقى ، ۋە ئىمانىنى ئۇلۇغ ئاللادىن تىلەيمەن (ئامىن)

qog

	باشقىلارنى ھۆرمەتلەشنى ئۆگىتىمەن ، ئەمما، بىراۋغا قانداق مۇئامىلە قىلىش ئۆزۈڭنىڭ ئختىيارلىقى بۇ سۆزلەر ماڭا تەسىر قىلدى.

MEMATE

	ئانىلىرىمىز شۇنداق ئۇلۇغكى بىزنى كىچىكىمىزدىن تارتىپ تاكى چوڭ بولۇپ ئاق -قارىنى پەرىق ئەتكۈچە ئاشۇ مېھرىبان ئانلىرىمىزنىڭ بىزگە سىڭدۈرگەن ئەجىرلىرىنى تىل بىلەن  تەسۋېرلەشكە ئىنسان ئاجىزلىق قىلىمىز .ئۇلۇغ اللا پۈتۈن دۇنيا ئانىلىرىمىزنىڭ تىنى سالامەت كۈنلىرىنى خاتىرجەم ئۆتكۈزۈشىگە تىلەكداشمەن

رەھىمى

	قايسى بىر مۇنبەردە ئوقۇغان مۇنداق بىر تېما ئىسىمگە كەپ قالدى . تۇغۇلۇش ئالدىدىكى بىر بوۋاق تەڭرىگە دەپتۇ : ئۇ دۇنيادا قالايمىقان گۇناھ ئىشلار كۆپ ، شەيتان ھەر ۋاقىت كەينىمىزدىن يۈرىيدۇ ، مەن قانداق قىلىمەن . تەڭرى دەپتۇ : ساڭا بىر پەرىشتە ھەمراھ بولىدۇ ،ساڭا ياخشى ياماننى ئۈگىتىدۇ ، ساڭا ئاخىرىغىچە ھەمراھ بولىدۇ . بالا يەنە سوراپتۇ : ئۇ كىم ؟ ئىسمى نېمە ؟ تەڭرى دەپتۇ : ئۇنىڭ ئىسمى مۇھىم ئەمەس ، لېكىن سەن ئۇنى ئانا دەپ چاقىرىسەن . ئانىلار ئامان بولسۇن .

سۇمەييا

	ئانىلار ئۇلۇغ

سۈمەييە

	باشقىلارنى ھۆرمەتلەشنى ئۆگىتىمەن ، ئەمما، بىراۋغا قانداق مۇئامىلە قىلىش ئۆزۈڭنىڭ ئختىيارلىقى ماڭىمۇ مۇشۇ بۆلىكى يارىدى ئانا !!!!سىزنى سۆيىمەن

tamkiny

	مەن ئانىنىڭ پەرزەنتىگە بولغان ئۇلۇغ مۇھەببىتىدىن  شۇ مۇھەببەتنى ياراتقان ئاللاھنىڭ قۇدرىتىنى ھىس قىلىمەن ......... ئاللاھ ئانىللىرىمىزنى كەچۇرسۇن !

باغإةن

	ئانىدەك قەدىردان تېپىلمايدىكەن، ئانىسىز كۆڭۈلمۇ ئېچىلمايدىكەن. ئانىنى قەلبنىڭ چىرىغى دېسەم، قېنى كىم بۇنىڭغا قېتىلمايدىكەن. ئانا ھەققىدە يازغان ماقالىڭىزغا رەخمەت. ماقالىڭىز ياخشى يېزىلىپتۇ.

nazila998

	تەربىيە ئاتا- ئانىدىن ، قانداق قوبۇل قىلىش پەرزەنىتتىن .