يات مىللەت بىلەن توي قىلىشقا جاۋاپ(مۇنداق قىز- يىگىتلىرمىزمۇ بار)

yawaattir

	تېمىدا تەسۋىرلەنگەن ئىشلار ھەقىقەتەن ئارىمىزدا مەۋجۇت. مەنمۇ بەزىدە شۇنداقلارنى  كۆرسەم ئىچ ئىچىىمدىن ئۆرتىنىپ كىتىمەن. چىرايىغا تۈكۈرۋەتكۈم كەپ كىتىدۇ،يەنە تېخى خىزمەت مۇناسىۋىتى بىلەن ساتىراشخانىلارغا ،مېھمانخانىلارغا تەكشۈرۈشكە كىركەندە ئۇچراتقان بىر -بىردىن چىرايلىق قىزلارنىڭ قىلچە تەپتارتماستىن، بىز بىلەن بىرگە كىرگەن ئەرلەرگىمۇ يېقىنچىلىق قىلىشلىرى،ھىيىقماستىن چاچلىرنىڭ يۇندىلىرىنى ئىقىتىپ  چىقىشلىرى ئادەمنى بەكلا سەسكەندۈرۋىتىدۇ. ئۇلارنىڭ شۇ چاغدىكى نۇمۇسسىز قىياپىتى ئىختىيارسىز  ئادەمنىڭ يۈرىگىنى پۇچىلايدۇ،چۇنكى ئۇلار سىزنىڭ قېرىندىشىڭىزدە. مەنمۇ بۇنداقلارنىڭ ھىكايىسنى كۆپ ئاڭلىدىم .جاۋابى ئاساسەن يۇقاردىكى تېمىدىكىدەك پۇت دەسەپ تۇرالمايدىغان ئاساسلار.   بىز ھازىرغا قەدەر بۇنداق سەۋەپلەرنىڭ ھەممىسنى ئاساسەن يىگىتلىرمىزگە، بىر قىسمىنى قىزلارنىڭ ئۆزىگە ئارتىپ كەلدۇق، دىگەندەك يىگىتلىرمىز ھەقىقەتەن پۈچەكلىشىپ قىلغان ئىشلىرغا ئىگە بولالمىغىدەك دەرىجىگە بىرىپ يەتتىمۇ؟ ئولارنىڭ روھىيىتى ،غۇرۇرى شۇ قەدەر يۇقالدىمۇ؟ ياق ئارىمىزدا ھازىرمۇ غۇرۇرلۇق ،ۋىجدانلىق ، ئەرلىك مەسئۇليىتىنى زىممىسىگە ئالالايدىغان مەردانە يىگىتلىرىمىز كۆپ ساندا ئۇلار مىللىتىمىز قىزلىرنى قۇغداشنى  ،ئولار ئۈچۈن كۆكرەك كېرىپ چىقىشنى بىلىدۇ. مىنىڭ ئەتراپىمدا نۇرغۇن يىگىتلەر نىڭ ئالغان قىزلىرى بۇرۇن دىبا ،ۋاڭبالاردا ئويناپ يۈرگەن قىزلار ئىدى ، ئۇلار بولغۇسى ئاياللىرىغا  "ئۆتكەن ئىشقا سالىۋات" تويدىن كىيىن چۇقۇم ۋاپارار ئايال ،مىھرىبان ئانا بولوش شەرتى بىلەن تۇي قىلىپ ، بەخىتلىك بولغانلار بەك كۆپ ،توي قىلمىىغان يىگىتلەر ئارىسدىمۇ توي قىلغان بەخىىتسىز بولۇپ ئاجراشقان ،ئۆزىدىن چوڭ قىزلارنى ئېلىپ خوشال خورام ياشاۋاتقانلارمۇ كۆپ. مىنى بەكرەك  قايىل قىلغىنى مىنىڭ بىرئوغول ساۋاقدىشىم بۇلوپ ئۆزى گىتتارغا شۇنداق ئۇستا ، قانداقلىكى سۇرۇندا گىتتار چالسا قىزلار ئونىڭغا مەپتۇن بولۇپ قالاتتى، ئونىڭ ياتىقى ئالدىدىمۇ قىزلار ئونىڭ گىتتىرى ئۈچۈن ئۆچرەت ساقلاپ كىتەتتى، شۇنداق بولغاچقىمۇ ئومۇ بەك ئويونچى  بۇلۇپ، قانداقتۇر قىزلار بىلەن تولا ۋاقىتلاردا كۆڭۈل خۇشلىقى قىلىپ يۈرەتتى . مەكتەپ پۈتتۈرگەندىن كىيىنمۇ ئىزچىل قىزلار بىلەن ئويناپلا يۈرگەن ،سىنپىمىىزدىكى بارلىق قىزلار ئۇنىڭغا تەلپۈنسەكمۇ لىكىن ئۇنى بۇزۇققا چىقىرىپ يېقىن  يوللىمايتۇق. ئۇنىڭ ياتىقىدا قۇنۇپ قالىدىغان قىزلارمۇ كۆپتى، بىر كۈنى ئوغۇللار ئارىسدا ئاخشام ئو بىر قىزنى ئەكەپتىكەن ، تاڭ ئاتقاندا سومكىسنىمۇ تاشلاپ قېچىپ چىقىپ كىتىپتۇ ،دەپ گەپ بۇلۇپ كىتىپتۇ. چۈشتىن كىيىن ئۇ مىنى ئىزدەپ چىقىپتۇ: "  باشقا مەكتەپتە ئۇقۇيتى ، سومكىسنى ئاپىرىپ بەرگىن ،ئىشلىتىدىغان  نەرسىسى بۇلسا " ،دىدى. مەنمۇ دىگىندەك قىلدىم.مەكتەپ پۈتتۈرۈپ ھەممىمىز ھەر ياققا تارقىلىپ كەتتۇق، ئۇ ئۈرۈمچىدە  قالغاندىن كىيىنمۇ داۋاملىق قىزلار بىلەن باردى -كەلدى قىلىپ يۈرىۋەردى. 5يىلدىن كىيىن ئونىڭ توي خەۋىرنى ئاڭلىغان بولساممۇ، خىزمەت ئالدىراشلىقى بىلەن بارالمىغان . بىر يىلدىن كىيىن  ئۈرۈمچىگە خىزمەت ئىشى بىلەن بىرىپ  ئۇنىڭ  ئۆيىگە پەتىلەپ كەلمەكچى بولۇپ باردىم. قارىسام ئايالى تۇنۇشلا چىراي ،نەدە كۆرگەندىمەن ؟ ھە -ئىسىمگە كەلدى. مەن سومكىسنى ئاپىرىپ بەرگەن قىز شۇغۇ؟  مەن ئەتىسى ئىككىمىز بىرلىكتە  باشقا ساۋاقداشلارنىڭ ئۆيىگە بارغىچە بۇنىڭغا  جاۋاپ تاپتىم.-" سىلەر ھەممىڭلار مىنى بۇزۇق شەھۋەتپەرەس  دەپ يېقىن يوللىمايىتڭلار  ،مەن ئارلاشقان قىزلار بەك كۆپ بۇلسىمۇ ئولار بىلەن باشقا جەھەتتىكى ئارزۇلىرىمنى قاندۇرغان بولساممۇ لىكىن قىزلىقى جەھەتتە مەن ئالدىراقسانلىق قىلىپ باقمىغان ،ھېلىقى ئاخشىمى قانداق بولدى ،بۇ قىزغا چېقىلىپ قالدىم، ئونىڭدىن كىيىنمۇ  نۇرغۇن قىزلار بىلەن ئارلىشىپ يۈردۈم . بىر قىز بىلەن توي قىلىشقىمۇ پۈتۈشكەن، شۇنداق كۈنلەرنىڭ بىرىدە رېستۇراندىكى بىر تۇيدا  بۇ قىزنى قايتا ئوچرىتىپ قالدىم ، بۇ قىزنىڭ ئەخلاقىمۇ شۇنداق ياخشى ئىدى ، ئاخىرقى ھىساپتا ئۆزەمنىڭ قىلغان ئىشىمنىڭ خاتالىقىنى ئونى قايتا كۆرگەندىن كىيىن ھىس قىلدىم ،ئۆزەم قىلغان ئىشىمغا ئۆزەم ئىگە بۇلاي دەپ  ئۇنىڭدىن سەمىمى ھالدا كەچۈرۈم سورىدىم. ئۇمۇ  ئىشتىن كىيىن قاتتىق ئازاپلىنىپ تەنھا ئۈتۈپ كىلۋېتىپتىكەن ، تەكلىۋىمگە ماقۇل بولدى،   شۇنىڭ بىلەن توي قىلىپ قالدۇق، ھازىر كۆردۈڭ، قۇرسىقىدىكى بالاممۇ 6 ئايلىق بۇلۇپ قالدى" دەپ بايان قىلىپ بەردى. كۆز ئالدىمدىكى شاللاق، كىمنىلا كۆرسە چاچرايدىغان بۇ يىگىتنى قايتىدىن كۆرگەندەك بۇلدۇم،ھەم ئۇنىڭغا   بولغان قايىللىقىم ھەسسىلەپ ئاشتى، مانا بۇ" ئۇيغۇر يىگىتى " ھالقىلىق چاغدا مەسئۇليىتىنى ئۇنتۇپ قالمىغان  مىللىتىمىز يىگىتى، بۇنداق ۋەقەلەر مىنىڭ ئەتراپىمدا بەك كۆپ، شۇنداق تۇرۇقلۇق ، مەسئۇليەتنىڭ ھەممىسنى نىمىشقا يەنىلا يىگىتلەرگە ئارتىپ قۇيىمىز؟ ئەتراپىمدا يەنە ھەر خىل سەۋەپلەر بىلەن ئەرلىردىن ،يۈرىۋاتقان يىگىتلىردىن ئايرىلىپ قېلىپمۇ خەنلەرنىڭ ياكى قانداقتۇر چەتئەللىكلەرنىڭ كەينىدىن كەتمەي، ياكى قالايمىقان سۇرۇنلارغا چىقىپ تىرىكچىلىك قىلماي، ئۆز ئالدىغا بىر كىشلىك ھالال تىرىكچىلىك قىلىپ تەنھا كۈن ئۆتكۈزۋاتقان دىلى خەستە ئاياللىرىمىزمۇ  ئاز ئەمەس . مەن ئويلايمەن ،بۇنداقلارنىڭ ھەممىسى كاللىدىكى مەسلە، يەنى ساپا مەسلىسى. بىزنىڭ قىزلىرمىزنىڭ چەتئەللەرگە چۇقۇنىشى، چەتئەللىكلەرگە ياتلىق بۇلۇش قىزغىنلىقىنى بەرپا قىلغان بۇلسا ،باللىرىمىزنى خەنچە  مەكتەپلەردە ئوقۇتۇش قىزغىنلىقى ئاخىرقى ھىساپتا باللىرىمىزنى ئۇلار بىلەن بىللە ئۆتۈش شارائىتىغا ئۇل سالغان بۇلىمىز. ياخشى تەربىيە ئالمىغان ، ئاتا -ئانىسى بىر يەردە ئەمەس بالىلارنىڭ تەقدىرى ھېلىقىدەك، ئەتراپىمىزغا قاراپ باقايلى، مۇنتىزىم  ئائىلەتەربىيسى ئالغان ،  ئائىلە نىزامى قاتتىق ئائىلىلەرنىڭ باللىردىن ئالدىراپ چاتاق چىقمىغىننى ،شۇڭا ئەڭ ياخشىسى  مىللەت تەربىيسنى باللىرمىزغا كىچىكىدىن باشلاپ ئىلىپ بېرىش بىلەن بىللە مىللىتىمىزنىڭ ئۆرىپ -ئادىتنى ھەر بىر ئائىلىنىڭ مىزانى قىلىپ بالا تەربىيلەشكە كۈچ چىقارساق دەپ قارايمەن    .                                                                         مەنبە ئۆزەم            ئەسكەرتىش: ئىملا خاتالىقىغا دىققەت قىلىڭ. ئۇيغۇر تىلىدىكى ئو،ئۇ ئۆ،ئۈ ھەرپلىرىنى توغرا ئىشلىتىشىڭىزنى ئۈمۈد قىلىمەن. تىنچ بەلگىلىرىنى توغرا ئىشلىتىڭ. ماقالىلەرنى ئابزاس-بۆلەكلەرگە بۆلۈپ يىزىڭ. قۇرۇق تاشلاش بەلگىسىنى مۇۋاپىق ئىشلىتىڭ. __مەلىكە

zoom

	يوللاپ بولغان بولساممۇ يەنە قايتا يوللاپ قوياي~ ئون يىللار ئىلگىرى  ئاغىنەمنىڭ ئاكىسى بىر خەنزۇ ئايالنى ئەمرىگە ئالدى~ئۆيىدىكىلەر پۈتۈن زېھنى بىلەن ئۇ ئايالنى بىر مۇسۇلمان ئايال قىلىپ تەربىيەلەپ چىقتى~ ئەتراپتىكىلەرنىڭمۇ ھۆرمەتلىشىگە ،ئۆز ئىچىگەئېلىشىغا مۇيەسسەر بولدى~  مەن دىمەكچى ئۇ ئايالنىڭ تاللىشى توغرا،بەخىتلىك بولدى ،يەنە كېلىپ بىر توغرا بولغان ئىتىقادقا ئېرىشتى~ بىزدىكى بىرقىسىم  پايدا،ھەۋەسنىڭ كەينىگە كىرىپ كەتكەن كىشىلەر ئاشۇ باشقا مىللەتتىن بولغان ئايالچىلىكمۇ بولالمىدى. مەقسىتىمنى ئېنىق چۈشەندۈرەلمىگەن بولسام خاتا چۈشەنمىگەيسىلەر~

rinatcn

	قىزلارنىڭ يولدىن چىقىشى پەقەت ئوغۇللارنىڭ مەسۇلىيى ئەمەس ،جەميەتنىڭ ،ئاشۇلارنى باققان ئاتتا ئانىسىنىڭ ،ئاكا ھەدىلىرىنىڭ ۋە ئۇلارنى تەربىيىلىگەن مۇئەلىمنىڭ ،ئەتراپتىكى خولۇم خوشنا ،ساۋاقداشلىرىنىڭ ....شۇنداقلا ھەر بىرىمىزنىڭ مەسئۇلىيىتى بار ! بىز پەقەت بىر بىرىمىزگە ھەققى ئىگە بولالىساق ھەمدە ھەققى كۆيۇنۇپ ،ئۆزئارا ياردەم قىلىپ ، بىر بىرمىزنى يامان ئىشلاردىن چەكلەپ ،ياخشى ئىشلارغا يىتەكلىسەك بۇنداق بۇزۇقچىلىقنىڭ ھەققى ئالدىنى ئالغىلى بولىدۇ....

Kikax

	kaLGundi يوللىغان ۋاقتى  2012-8-3 04:28 PM ئۇيغۇر قىزى يالاڭتۇش ئۇيغۇر يىگىتى بىلەن توي قىلسا بۇل ... قوللايمەن .

nim-japa

	تېما ئىگىسىگە سەمىمىي تەكلىپ : خاپا بولماي ئابزاسقا ئايرىپراق يازغان بولسىڭىز . يەنە بىرسى قويغان تېما بىلەن ئەسەرنىڭ مەزمۇنى ئانچە باغلىنىشلىق ئەمەسمۇ قانداق ؟

Nota

	پەلەستىنلىك بىر ياش بىلەن يەھۇدى بىر قىز توي قىلىدى، بىراق قىز دىنى ئىتقادىنى ئۆزى سۆيگەن ئوغۇل ئۈچۈن ئىسلام دىنىغا ئۆزگەرتكەن، شۇ سەۋەپىلىك ئىسرائىلىيە ئارمىيەسى بىر مەسچىنتى پارتىلتىۋەتكەن، بۇنى ھەتتا خەۋەردىمۇ بەرگەن يادىىڭلاردا بولسا!

arean418

	kaLGundi يوللىغان ۋاقتى  2012-8-3 04:28 PM ئۇيغۇر قىزى يالاڭتۇش ئۇيغۇر يىگىتى بىلەن توي قىلسا بۇل ... مۇشۇ يەردىكى باشقا يات  مىللەت دىكى يات سۆزى قوش تىرناق . ئىچىگە ئىلنۋەتكەن بولسا ئسسسسىل ئىنكاس بولاكەن ....

bandit520

	تېمامنى نىمىشقا ماڭا بىر تال ئوچۇرمۇ يوللىماي ئۈچۈرىدۇ-يۇ ، بۇ توغۇرلۇق ئىنكاس يازسام بۇنىمۇ قوشۇپ ئۈچۈرۈپتۇ . ھەي - باشقۇرغۇچىلار بىر تال ئوچۇر يېزىپ قويغان بولساڭلارمۇ مەيلىتى سىلەرنى قاقشىماستىم ، مۇنبەرنى قالايمىقان قىلىدۇ دەپ قالغان ئوخشايسىلەر -ھە ، بىچارىلەر ، بولسا ئەزالىق سالاھىيىتىمنىمۇ ئېلىپ تاشلاڭلار . بۇنىمۇ تۇيدۇرمايلا قىللايدىغانلىقىڭلارغا ئىشىنىمەن ، بولىڭلار تېز - ھە .