سۆيۈش ۋە سۆيۈلۈش

蓝狼影视治

	ئۆزىنى سۆيەلىگەن كىشى باشقىلارنى سۆيۈشنى بىلىدۇ. ھاياتقا كۈلۈپ باقالىغان كىشى، مۇقەررەركى ھايات ۋە تۇرمۇشقا نىسبەتەن تولۇپ – تاشقان ھاياتىي كۈچكە ئىگە كىشىدۇر. ئۆزىنى قەدىرلەشنى، سۆيۈشنى بىلمىگەنلەر باشقىلارنىڭ ياقتۇرۇشىغا ئېرىشەلمەيلا قالماستىن، باشقىلارغا مېھىر – مۇھەببەت بېرەلمەيدۇ.    بىر پەيلاسوپ شەھەر سىرتىدا سەيلە قىلىۋېتىپ، يىغلاۋاتقان بىرەيلەنگە ئۇچراپتۇ. پەيلاسوپ ئۇنىڭدىن نېمىگە شۇنچە ئازابلىنىدىغانلىقىنى سورىسا، ئۇ‹‹مۇھەببەتتىنمەھرۇم قالدىم›› دەپ جاۋاب بېرىپتۇ. بۇنى ئاڭلىغان پەيلاسوپ:    سىزنىڭ مۇنچە ئازابلىنىشىڭىز، قەلبىڭىزدە مۇھەببەتنىڭ يەنىلا مەۋجۇتلۇقىنىڭ ئىسپاتى، سىز مۇھەببەتتىن مەھرۇم قالمىدىڭىز، مەھرۇم قالغىنىڭىز پەقەت سىزنى سۆيمەيدىغان بىر ئادەم خالاس، بۇنىڭغا شۇنچە ئازابلىنىش نەھاجەت؟ يىغلاش كېرەك بولسا، سىز ئەمەس، ئۇ يىغلىسۇن! ئۇ سىزدەك ئۆزىنى سۆيىدىغان ئادەمدىن مەھرۇم قالغاننى ئاز دەپ، يەنە تېخى سىزدىكى شۇ مۇھەببەتتىنمۇ مەھرۇم بوپتۇ، دەپتۇ.    ھېلىقى كىشىنىڭ شۇ ھامان چىرايىغا كۈلكە يۈگۈرۈپتۇ.    رېئال تۇرمۇشتا، بەزىلەر ئۆزىنى سۆيمەيدۇ، ئۆزىگە خۇددى دۈشمىنىگە مۇئامىلە قىلغاندەك مۇئامىلە قىلىدۇ، ئۆزىدىن ئاغرىنىدۇ. يەنە بەزىلەر ئۆزىنى سۆيىدۇ، لېكىن، قارىغۇلارچە سۆيىدۇ. ئېنىقكى، بۇنداق ئادەملەردە ئۆزىنى ھەقىقىي تونۇش كەمچىل.    سۆيگۈ – مۇھەببەت دۇنيادا ئەڭ مۇھىمدۇر. مۇبادا سىز بۇ نۇقتىنى چۈشەنسىڭىز، باشقىلار بىلەن تونۇشقىنىڭىزدا، ئۇلارنىڭ سىزگە نېمە پايدىسى تېگىدىغىنىنى ئويلاشماستىن، بەلكى ئۇلارغا قانداق ياردەم قىلىشنى ئويلاڭ. ئەگەر، شۇنداق قىلالىسىڭىز، سىزنىڭ پىداكارلىق بىلەن ئەمەلگە ئاشۇرغانلىرىڭىز ئۆزىڭىزنىلائويلىغاندىكىدىنمۇ كۆپ بولۇشى مۇمكىن.    كىشى ھاياتىدا دوستسىز ئۆتمەيدۇ. شۇ دوستلىرىڭىزنىڭ ئىچىدىكى ئەڭ مۇھىمى يەنىلا ئۆزىڭىز. سىز ئۆزىڭىزنى دوست قاتارىدا كۆرمىسىڭىز، دوستلىرىڭىز مەيلى قانچە كۆپ بولسۇن، ئۆزىڭىزنى سۆيمىگەن ئەھۋالدا دوستلىرىڭىزنىمۇ سۆيەلىشىڭىز ناتايىن. كىشى ئۆزىنى سۆيۈش بىلەن بىللە، ھاياتنى سۆيۈشى زۆرۈر، ھاياتنى قىزغىن سۆيۈش ئۈچۈن ئالدى بىلەن ئۆزىنى سۆيۈش كېرەك. كىشى ئۆزىنى سۆيگەندىلا، ئىلگىرى كەمچىلىك ياكى ئاجىزلىق دەپ بىلگەن نەرسىلەر ئارتۇقچىلىق ۋە ئالاھىدىلىك بولۇپ كۆزگە تاشلىنىدۇ. مۇھىمى، كىشى ئۆزىنى قىزغىن سۆيۈپ، ھەرقانداق ئوڭۇشسىزلىققا تاقابىل تۇرۇپ ياشىشى، ئۆزىنى كەمسىتمەسلىكى كېرەك. ئەسكەرتىش: بۇندىن كېيىن  يازمىلىرىڭىزنىڭ مەنبەسىنى ئەسكەرتىڭ ، ئەھمىيتى بولمىغان كۈچۈرۈلمە تىمىلار بىردەك  تەستىقلانمايدۇ. ( تەرجىمە بۇنىڭ سىرتىدا)

سۇمەييا

	رەخمەت

سۇمەييا

	رەخمەت

蓝狼影视治

	تەنھا168 يوللىغان ۋاقتى  2012-8-2 02:54 PM مۇشۇنداق  سويۇش،،مۇھەببەت دىگەن  يازمىلارنىڭ  ھەممىسى ... مەن ئۇنى ئوزۇم يازغان دىمىدىم تىخى ........ كۆچۈرۈپ ئەكىلىشتىكى مەخسەت --- تىخىمۇ كۆپ تورداشلارنى ۋاقىپلاشتۇرۇش ............  مۇنبەر پۇلىغا ، ۋە مۇنبەردىكى دەرىجىگە ئەزەلدىن قىزىقمايمەن  ...

mastana888

	نىمانداق قزقارلىق گەپلەر بۇ

kaLGundi

	سۆيسەڭ سۆيىمەن. يەر بىلەن يەكسان بولساممۇ سۆيمىسەڭ سۆيمەيمەن مىسىرغا خانىش بولساڭمۇ

bayhenim

	بەك ياخشى ئەسەركەن تېخىمۇ ياخشى تىمىلارنى يوللىشىڭىزنى ئۈمۈت قىلىمەن بۇدو كۆچۈرمەڭ ھە

loituma

	kaLGundi يوللىغان ۋاقتى  2012-8-2 10:54 PM سۆيسەڭ سۆيىمەن. يەر بىلەن يەكسان بولساممۇ سۆيمىسەڭ سۆي ... ياخشى مىسراكەن...ئەمما مىسىرنىڭ قايسى خانىشىنى كۆزدە تۇتتىڭىزكى چۈشۈنەلمىدىم..