قەشقەردىكى توكسىكلىتلار راستىلا مۇھىتنى بۇلغىمامدۇ؟

axik329

	ھەر قىتىم قەشقەرگە بارغان ۋاقتىمدا بۇ شەھەرنىڭ كوچىللىرىدا چۆمۈلىدەك كىتۋاتقان توكسىكلىتلارنى كۆرۈپ ئىنتايىن ئاچچىقىم كىلەتتى. سەۋەبى نىمە؟ چۈنكى ئۇلار ناھايىتى كۆپ ھەم ئادەمنى چۆچۈتكىدەك دەرىجىدە مەسىللەرنى پەيدا قىلغان. قەشقەرنىڭ يەرلىك تىلىىدا بۇنى << سۈۋەرەك >> دەپ ئاتايدۇ، مەنمۇ شۇنداق ئاتاۋىرەي. بۇ << سۈۋەرەك >>  لەر قەشقەر شەھىرىگە زادى نىمە ئىلىپ كىلىدۇ ؟ << سۈۋەرەك >>  لەرنى ئاساسلىق ئىنرگىيە مەنبەسى ئاساسلىقى ئۇنىڭغا ئورۇنلاشتۇرۇلغان 4 ياكى 5 دانە ئاكۇمۇلياتۇر بولۇپ ،بۇ ئاكۇمۇلياتۇرلارنىڭ 80% دىن كۆپرەكى قوغۇشۇن بىلەن بىر قىسىم كىسلاتالارنى خام ئەشيا قىلىدۇ. 20% دىن كۆپرەكى نىكىلنى ئاساسى خام ئەشيا قىلىدۇ. دۆلىتىمىز خىلى بۇرۇنلا قوغۇشۇندىن ياسالغان ئاكۇمۇلياتۇرلارنى مۇھىتى بۇلغاش كۈچى ئىنتايىن كۈچلۈك بولغان مەسھۇلات قاتارىغا كىرگۈزۈپ بۇ مەسھۇلاتلارنى ساتقاندىن كىيىن يەنە ئىشلىتىلىش ئىقتىدارىدىن قالغان كونا مەسھۇلاتلارنى يىغۋىلىشنى ئورۇنلاشتۇرغان. لىكىن بۇ زاۋۇت شىركەتلەر پەقەت سىتىش بىلەنلا بولۇپ يىغۋىلىش بىلەن كارى بولمىغان. بىر تال بىرىنچى نۇمۇرلۇق باتارىيە يەرگە كۆمۈلگەندىن كىيىن بىر كۇۋادرات مىتىر دائىرسىدىكى يەر ئىشلىتىش قىممىتىنى پۇتۇنلەي يوقىتىدۇ. بىر تال تۈگمە شەكىللىك باتارىيە 600 توننا سۇنى بۇلغۇيالايدۇ بۇ بىر ئادەمنىڭ بىر ئۆمرىدە ئىچىشكە يىتىدۇ. سىماپ، قوغشۇن،كادمىي قاتارلىق مىتاللار تەبئەت دۇنياسىدىكى ئەڭ زەھەرلىك مۇھىتنى بۇلغاش ئىقتىدارى ئەڭ كۈچلۈك بولغان مىتاللار ھىساپلىنىدۇ، ئەگەر بۇ ئاكۇمۇلياتۇرلار ياخشى يىغۋىلىنىپ ياخشى بىر تەرەپ قىلىنماي ئادەتتىكى ئەخلەت قاتارىدا بىر تەرەپ قىلىنىپ كۆمۈپ تاشلانسا تۇپراقنىڭ يەر ئاستى سۈيىنىڭ ئېغىر دەرجىدە بۇلغۇنىشنىڭ كەلتۈرۈپ چىقىرىدۇ. بۇنىڭ بىلەن جانلىقلارنىڭ ئۆسۈملۈكلەرنىڭ ئۆسۈپ يىتىلىشى بولۇپمۇ ئاشۇ رايۇنغا يىقىن ئەتراپتىكى ئىنسانلارنىڭ سالامەتلىكگە ئېغىر تەسىر يەتكۈزىدۇ. قەشقەردىكى قاتناش ساقچىخانىسدا ئىشلەيدىغان ئاغىنەمدىن ئاڭلىشىمچە، ھازىر قەشقەردە بۇنداق<< سۈۋەرەك >>تىن 150000 (بىر يۈز ئەللىك مىڭ ) بار بولۇپ، بۇلارنىڭ ھەر بىرىدە كام دىگەندەتۆت دانىدىن ئاكۇمۇلياتۇر بار دىيىلگەندىمۇ 600000 دىن كۆپرەك ئاكۇمۇلياتۇر بار دىگەن گەپ  يەنە كىلىپ بۇ نەرسىنىڭ ئىشلەش ئۆمرى ئەڭ كۆپ بولغاندىمۇ 2 يىل بولۇپ، دىمەك ھەر ئىككى يىلدا 600000 دىن كۆپرەك ئاكۇمۇلياتۇرنى بىر تەرەپ قىلىشقا توغرا كىلىدۇ . بۇ << سۈۋەرەك >> لەر قەشقەرنىڭ ساياھەتچىلىك ئىشلىرىگە ناھايىتى چوڭ ئەكىس تەسىر ئىلىپ كەلگەن بولۇپ، قەشقەرنىڭ چەتئەللىك ۋە ئىچكىردىن كەلگەن ساياھاتچىلىرى كۆرىشنى ئارزۇ قىلىدىغان يىڭى بازار ئالدى ھىيتگاھ قاتارلىق ئورۇنلاردىكى << سۈۋەرەك >> لەر بىر دەمدىلا يىنىڭىزدا پەيدا بولۇپ سىزنى قورقۇتىشى، ماشىنلار يولىغا پىيادىلەر يولىغا كىرۋىلىشى قاتارلىقلار قەشقەر شەھرىنى ئاجايىپ بىر شەھەرگە ئايلاندۇرۇپ قويۋاتدۇ. كۆپلىگەن كىشلەر يەرلىك كىشلەردىن ئاغرىنىپ ئۇلار << سۈۋەرەك >> نى ئىشلەتمىسە بولمامدۇ دىيشىدۇ، ئۇلارمۇ تىرىكچىلىك قىلمامدۇ، ھۆكۈمەت تەرەپمۇ كۆپ كۈچەپ باقتى، لىكىن ئۈنۈمى كۆرنەرلىك بولمىدى. << سۈۋەرەك >> نى چەكلەيلى دىسە قەشقەرنىڭ كوچا ئاپتۇبۇس قاتنىشى ئانچە قولاي ۋە راۋان ئەمەس، يەنى تېخى تەرەققىيات باسقۇچىدا شۇڭا بۇ مەسلە ناھايىتى باش قاتۇردىغان مەسىلە بولۇپ قالدى. قەشقەرنىڭ ھەر بىر پۇقراسى ۋە قەشقەرنى سۆيىدىغان ھەربىرىمىز بۇ ئىشلارغا يىقىندىن كۆڭۈل بۆلۋاتمىز . يەنە شۇ مۇھىت مەسلىسگە كەلسەك قەشقەرنىڭ كەلگۈسى ۋە قەشقەر شەھەر تەۋەسىدىكى ھەر بىر قىرىندىشمىزنى زەھەرلىك ماددىلاردىن زەھەرلىنىپ قىلشىنىڭ ئالدىنى ئىلىش ئۈچۈن بىكار بولۇپ كەتكەن ئاكۇمۇلياتۇرلارنى  ئۆلچەملىك يىغۋىلىش ئورۇنلىرىغا ئۆتكۈزۈپ بىرەيلى، ھەممە ئىشنى ئۆزىمىزدىن باشلىمىساق خەق قىلىپ بەرمەيدۇ تىمام سەل مەزمۇندىن چەتنەپ كەتتى ئەپۇ قىلغايسىلەر ! مەنبە :  ئۆزەم  قەيسەر تۇرسۇن

مارشال

	ئاخىردىكى كۆز-قاراشلىرىڭىزنىڭ مەلۇم ئاساسى بار. قەشقەر شەھىرىدە توكسىكىلىتنىڭ كۆپلەپ كېتىشى،نېفىت باھاسىنىڭ زىيادە ئۆرلەپ كېتىشى،قاتناش باشقۇرۇش ئورگانلىرىنىڭ شەھەر ئىچىدىكى يوللارغا بولغان باشقۇرىشىنىڭ ئىنتايىن كۈچلۈك ئىكەنلىكىنى تۇنۇپ يېتىش تەس ئەمەس. قەشقەردىكى كۆپ كىشىلەردىن ئاڭلىسام،ئادەتتە ماي يېقىلغۇ قىلىنىپ ماڭىدىغان موتىسىكىلىتنىڭ نۇپۇسى بولغان تەقدىردىمۇ،بەرىبىر قاتناش تارماقلىرىنىڭ بىرەر سەۋەب-بانىلارنى تېپىپ،يىغىۋىلىش،قاتتىق جەرىمانە تۆلەش ئىشلىرى نۇرغۇن كىشىنىڭ بېنزىن ئارقىلىق ھەركەتلىندىغان موتۇنى ھەيدەشتىن بەسىندۈرۋاتقان ئىكەن. مۇھىتنى ئاسراشتا ھەممىمىزنىڭ مەجبۇرىيىتى بار،بۇرۇنقى ئىككى چاقلىق ۋېلسىپىتنىڭ ئورنىنى توكسىكىلىت قاپلىغىنىمۇ يەنە بىر نۇقتىدىن كۆزىتىش ئېلىپ بارسا،ياخشى ئەھۋال.مۇھىم،ھەممە خەلقتە ياخشى بىر ئاڭ،ئىدىيە شەكىللىنىپ،ئىشلىتىش ۋاقتى ئۆتكەن كېرەكسىز باتارىيەلەرنى يىغىۋىلىش ئورنىغا ئەرزان باھادا بولسىمۇ تاپشۇرۇپ بېرىدىغان ئىشلارنى قىلسا ھەقىقەتەن ياخشى بولىدۇ دەپ قارايمەن.

خۇش

	قەشقەرنىڭ جوتۇڭلىرى بەكمۇ يۇۋاشمۇ نىمە؟

hekmat110

	ھەرقانداق نەرسىنىڭ پايدىلىق ھەم زىيانىلىق تەرىپى بولىدۇ ،بىز ئىشلىتىۋاتقان تىلفۇنمۇ مۇھىتنى بولغايدۇ،رادىئاكسىيەسى ئادەم بەدىنىگە زىيانلىق ،لىكىن بۇنىڭلىق بىلەن تىلفۇن زىيانلىق دەپ ئىيتالمايمىز،چۈنكى ئۇ بىزگە يەنە نۇرغۇن پايدىلارنى ئىلىپ كېلىدۇ.ماشىنا ،ھەرخىل قاتناش قوراللىرى ھەممسى ئوخشاشلا موھىتىنى بۇلغايدۇ.يەنە بىز ئىشلىتىۋاتقان ،بىركۈنمۇ ئايرىلالمايدىغان توكمۇ مۇھىتىنى بۇلغاش بەدىلىگە كېلىدۇ ئەمەسمۇ.... كىرەكسىز باتارىيە ،ئاكولمىياتۇر قاتارلىقلارنى توغرا بىر تەرەپ قىلىش كېرەك . قەشقەرنىڭلا موھىتىنى ئەمەس دىيارىمىز ،جۈملىدىن پۈتكۈل دۇنيانىڭ موھىتىنى قوغداش كېرەك ،چۈنكى ھەممىمىز بىر يەرشارىدا ياشايمىز.......

qog

	تىما ئىگىسى ھازىر توكلۇق ھارۋۇ بۇلتۇررقى بىر يىغىندا300مىڭدىن ئاشقانلىقىنى ئاڭلىغانتىم

yawaat0998

	خۇش يوللىغان ۋاقتى  2012-8-2 04:24 PM قەشقەرنىڭ جوتۇڭلىرى بەكمۇ يۇۋاشمۇ نىمە؟ جوتۇڭنىڭ شوجىڭى قەشقەردە.

بۇغداي

	موتسىكىلىتنى ‹‹ماتۇرلۇق ››شەھەر ئىچىگە كىرگۇزمىسە،بەزى بىر يوللارغا جۇڭبا ماڭمىسا، تاكسىغا پۇل بولمىسا،يەنە شۇ توكسىكلىتنى تاللىماي ئامال يوق. ياخشى دەي دىسە بەزى بىر ئىشلاردا چەكتىن ئىشىپ كەتتى . يامان دەي دىسە ، نۇرغۇن جەھەتتە پايدىسىنى كۆردۇق، نىمىمۇ دېگىلۈك ئەمدى.

bugaltir

	توكلۇق موتسىكىلىت ئىشلىتىشكە قولايلىق  ،  توك باھاسى  مۇۋاپىق   ،   ئەر  - ئايال  ھەممەيلەنگە ماس كېلىدۇ  . شوپۇرلۇق كېنىشكە كەتمەيدۇ  ،  قاتناش ساقچىسى توسىمايدۇ   ،  سۈرئىتى نۇرمال  بولغان قاتناش قورالى   . ئاكىمىلياتۇر  تاشلىنىپ  قالمايدۇ   ، ئۇمۇ پۇل   .

باھادىر

	خو تۇن ئەپ بەرگەن ئاتا - ئانىمىزغا «ماشىنا ئەپ بەر!» دىيەلمىدۇ، شۇڭا سۈۋەرەك ھەيدەپ يۈرىۋاتىمىز. ئاللا خالىسا ئۆينىڭ دەيكۈەنى تۈگىسە بىزمۇ ماشىنا ئالامىز. ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ماشىنىسى بارلار مىنى تىللاپ كەتمەڭلار جىمۇ! مەن يولدا بەك ئاۋايلاپ قائىدىلىك ماڭىمەن، تونۇش - بىلىشلىرىمنىڭ ھەممىسى «سۈۋەرىكىڭگە چىقىۋالساڭ ئادەم تونۇمايسەن!» دەپ خاپا بولىشىدۇ.

azrat705

	بىز قەشقەرلىكلەرنىڭمىغۇ كىشى بېشىغا بىردىن تويوتا ياكى سانتانا ھەيدگىمىز باتتى، لېكىن يەنىلا شۇ مۇھىتنى نەزەردە تۇتۇپ توكسكىلىت ھەيداۋتىمىز.