NASA نىڭ ماشىنىسى مارسقا قونماقچى

abduwali7303

	NASA نىڭ يەنە بىر مارسنى تەكشۈرۈش ماشىنىسى 5-ئاۋغۇست كۈنى مارسقا قونىدۇ ناسا(NASA) نىڭ ئىنگلىزچە «Mars Science Laboratory » دەپ ئاتىلىدىغان، ئۇيغۇرچە مەنىسى «مارس ئىلىم-پەن تەجرىبىخانىسى» غا يېقىن كېلىدىغان مارس نى تەكشۈرۈش ماشىنىسى 2011-يىلى 11-ئاينىڭ 26-كۈنى ئالەم بوشلۇقىغا چىقىرىلغان بولۇپ، ئۇ 2012-يىلى 5-ئاۋغۇست كۈنى كالىفورنىيە ۋاقتى كەچ سائەت 10:31 دە (ئۈرۈمچى ۋاقتى 6-ئاۋغۇست كۈنى ئەتىگەن سائەت 11:31 دە) مارس قا قونىدۇ. بۇ ماشىنىنىڭ يەنە بىر ئىسمى ئىنگلىزچە «Curiosity»، ئۇيغۇرچە «ھەۋەس» بولۇپ، ئۇنىڭغا كۆپ ساندىكى ئەڭ يېڭى ۋە يۇقىرى سەۋىيىلىك تەكشۈرۈش ئاپاراتلىرى ئورنىتىلغان. مارس نىڭ ھازىرغىچە بولغان ھاۋا كېلىماتى بىلەن جۇغراپىيەسىگە ئائىت ئۇچۇرلار ئۇنىڭ تاشلىرى بىلەن توپىلىرىغا، يەنى ئۇلارنىڭ شەكلى، تۈزۈلىشى ۋە خېمىيەلىك تەركىۋىي قىسمىغا «خاتىرلەنگەن» بولۇپ، بۇ تەكشۈرۈش ماشىنىسى مارس نىڭ يۈزىدىكى توپا ۋە تاغ تاشلىرىنى تەشكىل قىلغان ماددىلارنى تەكشۈرۈپ ۋە ئانالىز قىلىپ، شۇ ئارقىلىق مارس نىڭ تارىخىنى، ھەمدە ئۇنىڭدا بۇرۇن جانلىق نەرسىلەرنىڭ مەۋجۇت بولۇپ باققان-باقمىغانلىقىنى ئېنىقلاپ چىقىدۇ.   «ھەۋەس» ناملىق ماشىنىنىڭ ئېغىرلىقى 3893 كىلوگرام بولۇپ، ئۇ 8 ئاي ۋاقىت ئىچىدە جەمى 560 مىليون كىلومېتىر مۇساپىنى باسىدۇ. يەنى ئۇ ھەر بىر سائەتتە تەخمىنەن 95 مىڭ كىلومېتىر (560،000،000 / 8 / 30 / 24) ئارىلىقنى باسىدۇ.   بۇ ماشىنىغا كەتكەن ئومۇمىي چىقىم 2.5 مىليارد دوللار.   «ھەۋەس» ناملىق ماشىنىنى NASA مەركىزى JPL باشقۇرىدۇ. ئۇ ھازىرغىچە يەر شارىدىن باشقا پلانېتالارغا چىقىرىلغان ماشىنىلارنىڭ ئىچىدىكى ئەڭ چوڭى بولۇپ ھېسابلىنىدۇ.     5- ۋە 6-ئاۋغۇست كۈنلىرى «ھەۋەس» نىڭ مارس قا قونۇشى پۈتۈن دۇنيا مىقياسىدا بىر چوڭ خەۋەرگە ئايلىنىدىغان بولۇپ، دوستلارنى بۇ ئىشتىن ئالدىن خەۋەرلەندۈرۈپ قويۇش ئۈچۈن بۇ قىسقا ئۇچۇرنى تەييارلاپ يوللۇدۇم. قوشۇمچە پايدىلىنىش ماتېرىياللىرى:   http://mars.jpl.nasa.gov/msl/mission/overview/ http://www.universetoday.com/96553/quick-and-curious-facts-about-the-mars-science-laboratory-mission/

barquk8

	بىلىۋالدىم رەھمەت

خۇش

	مارىس دىگەن قايسى دۆلەت بولغىيدى

hekmat110

	مارس دىگەن مەلۈم بىر دۆلەتنىڭ ئايرىلماس بىر قىسمى!

taturyul

	مىنىمو ئەپچىقىپ كەتسچو   ،،،،،ئىسىت....2.5 مىليارد دوللاربولمىغىنى بىلەن 25دوللار بار ئىدى مەندە،،،

qog

	مەن بەك دىققەت قىلىۋاتىمەن،رەخمەت سىزگە

azrat705

	بىزنىڭ دۆلەتنىڭ پارقىراق قوڭغۇز نامىلىقى مەرھۇم بوپكەتتى ، بىز ئاۋۋال بىقنمىزدىكى ئاي شارىنىراق تەكشۈرۈپ تۇرايلى ، ھالىغا بېقىپ ھال تارتمىسا يەنە مەرھۇملار كۆپىيىپ قالىدۇ.

azrat705

	taturyul يوللىغان ۋاقتى  2012-8-2 02:58 PM مىنىمو ئەپچىقىپ كەتسچو   ،،،،،ئىسىت....2.5 مىليارد دوللار ... ئاشۇ 25 دوللارنى ماڭا بېرىڭە، ئاستىڭىزغا ئوت قالاپلا مارىستىنمۇ يىراق جايغا ئاپىرىپ قويىمەن.   ،

hatem

	مارسقا چىقماي قۇياشقا بىر چىقىپ باقسا بولاتتى،قانداق بولاركىن؟؟

azrat705

	hekmat110 يوللىغان ۋاقتى  2012-8-2 02:57 PM مارس دىگەن مەلۈم بىر دۆلەتنىڭ ئايرىلماس بىر قىسمى!   توغرا دەيسىز، ئۇ دۆلەت نۇرغۇن يىللار ئىلگىرى مارىسقا بەگلىك ئەۋەتىپ ئىگدارچلىق قىلغان. ، قايسى دۆلەت بولشىدىن قەتئىي نەزەر بۇ دۆلەت قەتئى نارازلىق بىلدۈردۇ.