بىر كۈنى

HakanKaldi

	بىر كۈنى كۆكتە ئۇچقان قۇشلارمۇ قونىدىكەن بىر كۈنى، چىن دوستۇڭمۇ ھەم دۈشمەن بولىدىكەن بىر كۈنى. ياخشى چاغدا كۈلكىدىن باسالمىغان ئۆزىنى، يامان بولۇپ كۆزىگە ياش تولاركەن بىر كۈنى . ھىجايغانغا ئىشەنمە تۈلكە ئەپتى بەئەينى،      ياغلىما ھەم شىرىن سۆز باشقا چىقار بىر كۈنى.              سەن جان بەرگەن دوستلىرىڭ ئېچىپ ئەپتى بەشرىنى، يىلىكىڭدىن قان شوراپ ئىچىدىكەن بىر كۈنى . ئاھ،پاھ دىگەن مۇھاببەت ئۆزگىرىدۇ بىر كۈنى، ئايلىنىپ ئۇ نەپرەتكە، كۆرسىتىدۇ بىر كۈنى. ئىچ باغرىڭنى بەرسەڭمۇ سىنىڭ بولماس ئۇ ئەبەت، خەق ئاغزىدا سۆز چۆچەك سۆزلىتىدۇ بىر كۈنى. جىنىم بالام دەپ كۆيگەن ئەشۇ ئاتا-ئاناڭمۇ، دەپقويمايلا تۇيۇقسىز كېتىدىكەن بىر كۈنى. ئۆزۈڭ خان، ئۆزۈڭ بەگ بارچە بالا بىشىڭدا، تۇرمۇش غىمى ئۈستۈڭدە قالىدىكەن بىر كۈنى. ئىگىز تاغلار پەس بولۇپ،پاكار قىرلار ئىگىز بوپ، غادايغانلار ئىگىلىپ ئالمىشاركەن بىر كۈنى . كۆزگە ئىلماس پۇتاقلار يىرتىۋەتسە كۆتىنى ، ئىگىلگەندە چىدىماي تالىشاركەن بىر كۈنى . گۈزەل چاغدا گىدىيىپ خەقنى كۆزگە ئىلمىغان، قېرىغاندا ئوخشاشلا سەتلىشەركەن بىر كۈنى. پۇل بار چاغدا دوستۇم دەپ قىلمىغىنى قالمىغان، گادايلاشساڭ تونۇماس پەسلىشەركەن بىر كۈنى .ئۆز بىشىغا كۈن چۈشسە تەپ تارتمايلا ئىزدىيدۇ، يىلىنىپ شۇ ئۆزگىگە ئۆتۈنەركەن بىر كۈنى. نەپ چىقمىسا تىللايدۇ خەققە قىلىپ ئاھانەت، ئەڭ ئالدىدا قاپقاننى كۆتۈرەركەن بىر كۈنى . يالتايغۇزۇپ ياخشىدىن دوستلىرىڭدىن تاندۇرۇپ، ئۆزى ئاستا قوينىغا كىرەر ئىكەن بىر كۈنى . دوسلىرىڭغا دۈشمەن قىپ تەگ ئاستىدىن قۇترىتىپ، سىنى يامان سېپىگە قاتار ئىكەن بىر كۈنى . بۇ دۇنيادا ياخشى بوپ،ئەخمەق بولۇپ ئۆتسەڭمۇ، ئاللاھىم ھەق، مەغپىرەت بىرەر ئىكەن بىر كۈنى . ھەق ياشىغىن ئەركەكتەك جان كەتسىمۇ تەۋرىمەي، گەر كەتسەڭمۇ قەبرەڭدىن گىياھ ئۈنەر بىر كۈنى . خاقان 2012-يىل 5-ئاي

hokumran

	شېئىرىڭىز ھەقىقەتەن ياخشى يېزىلىپتۇ. ئىجادىيىتىڭىزگە تېخىمۇ ئۇتۇق تىلەيمەن. شۇنداق بىر كۈنلەر كېلىدۇ، ھامان بىر كۈنى .......  دېگەندەك گەپلەر بىلەن كۆپىنچە ھاللاردا ئۆزىمىزنى بەزلەپ ئۆتىمىز، ئەمما ئاشۇ كۈنلەر كەلگۈچە نۇرغۇن كىشىلەرنىڭ بەختىنىڭ ۋەيران، ئۆمۈر گۈلىنىڭ خازان بولىدىغانلىقىنى خىيالىمىزغا كەلتۈرمەيمىز. تەسەللىي ئىزدەشمۇ مۇھىم، ئەمما ھەممىدىن مۇھىمى تەسەللىگە موھتاج بولماسلىق ئۈستىدە ئىزدىنىش.

مىژگان

	ئاھ،پاھ دىگەن مۇھاببەت ئۆزگىرىدۇ بىر كۈنى، ئايلىنىپ ئۇ نەپرەتكە، كۆرسىتىدۇ بىر كۈنى. ماۋۇ ئەجەپ توغرا، جايىدا ئېيتىلىپتۇ. شېئىرىڭىزنىڭ پەلسەپىۋى كۆز-قاراشلىرىنى ياقتۇردۇم.

qartekin

	پاھ قھلتىس يېزلىپتۇ جۇمۇ ! ھارماڭ دوستۇم ياخشى تىمىللىرىڭىز مۇنبەردىن ئۈزۈلمىسۇن!~

mahatjan

	ماڭا كەلگەن بۇ ئۇچۇرمۇ  سىزگەبارىدۇ بىر كۈنى

bayhenim

	قالتىس يېزىلىپتۇ شىئېرىڭىز  تىمىلىرىڭىز ئۈزۈلۈپ قالمىسۇن

xaxyax

	...........بىر كۈنى ...........بىركۈنى. ئىچىمدىلا  دېۋەتتىمغۇ، كەپتىما .ھاھا

ardamay

	ئېگىلىپ قىلسا سالام مەككار ئىكەن بىلمەپتىمەن، قاش ئېتىپ ئويناتسا كۆز ھەييار ئىكەن بىلمەپتىمەن، قەدىردانىم ئۈلپىتىم سەن جانجىگەر دوستۇم دېسە، يەڭ ئىچىدە خەنجىرى تەييار ئىكەن بىلمەپتىمەن!!! شۇنداق!! ھاياتىمىزدا ھەقىقەتەنمۇ شۇنداق بىر كۈنلەر كېلىپ قالىدۇ،ھەممە بىزنى يەكلەيدىغان،ئىشەنگەن تاغدا كېيىك ياتمايدىغان ئەمما بىز ئىشەنمگەنلەر بىز كۈنلەرگە كەلگەندە بىزگە ساخاۋەتلىك قولىنى سۇنۇپ قالىدىغان!!!

insan.

	مۇھەممەتجان راشىدىننىڭ شىئىرى يادىمغا كىپ قالدى بىركۈنى دىگەن

yurkimzida

	ھەممىمىز ئۆلۈپ كىتمىز ھە .........بىركۈنى........................