ئۇيغۇرنىڭ ئۇيغۇرغا كارى بولىشى كىرەكمۇ؟

warwar

	ئۇيغۇرنىڭ ئۇيغۇرغا كارى بولىشى كىرەكمۇ؟ ئەسسالامۇ ئەلەيكۇم بىز كىچىك ۋاقىتلاردا مەلىمىزدىكى بەزى ئاتالمىش زامانىۋىلىشقا ماڭغان قىزلار چاچلىرىنى بۈدرە قىلىپ بوينى ئوچۇق كۆينەكلەرنى كىيىپ قويسا ،مەلىدىكى ئەركەكلەر ئىككى ئېغىز تەربىيە قىلىپ قويۇپ ،ئاللا توۋۋىسىنى دىگىزۈۋىتەتتى .بىر كۈنى بىر يات تائىپە ئايال پاچاقلار ئوچۇق كالتا كۆڭلەڭ كىيىپ مەلىمىزگە كىرىپ كەپتىكەن ،ئېغىزغا ئالغۇسىز تىللار بىلەن تىللاپ قوغلۋەتكەن .بىر كۈنى بىر سامسىخانىنىڭ ئالدىدىن ئۆتۈپ كېتىۋاتسام ،سامسىخانىنىڭ ئالدىغا بىر مۇنچە ئادەملەر يىغىلىشىۋاپتۇ ،قارىسام بىر يولداشقا بىر ئادەم تەنبىھ بىرىۋېتىپتۇ .يولداشنىڭ قىلغان ئىشى ئۇ سامسىنى بۇ سامسىنى تۇتۇپ قويغان ئىشىكەن .بۇ ئىش پىسەنتىگە كەلمىگەن بىر يولوچى كېلىپلا يولداشقا ،سامسىلارنى قالايمىقان تۇتسا بولمايدىغانلىقىنى ،ئۇيغۇرلار يەيدىغاننى تۇتۇپ يمەيدىغاننى قالايمىقان تۇتمايدىغانلىقىنىچۈشەندۈرۈپ تەنبىھ بەرگىلى تۇرۇپتۇ .يولداش بۇنداق قائىدىنى بىلمىگەچكە يولوچىنىڭ سۆزىنى ئاڭلاپ <<ئەمدى بىلىۋالدىم ،بۇندىن كېيىن بۇنداق قىلمايمەن>> دەپتۇ .بىر بازار بولغان كۈنى بىر ئوغرى بىر كىشىنىڭ يانچۇقىغا قول سۇنۇپ پورتمالىنى ئېلىپلا قېچىپتۇ .بۇ ئىشنى كۆرۈپ يۈرگەن بىر قاسساپ ،دەرھال يانچۇقچىنىڭ كەينىدىن قوغلىشىپ ،ئۇنىڭ بىلەن مۇش پەشۋا ئېتىشىپ ،پورتمالنى قايتۇرۇپ كەپتۇ .لېكىن قاسساپنىڭ قۇرسىقىغا بىر پىچاق سانجىقلىق ئىدى .بىر كۈنى تۆت كوچىدىن قاراڭغۇ بازار تەرەپكە كېتىپ بارسام ،گۈگۈم ۋاقتى دەپ ھېچكىم كۆرمەيدۇ دەمدۇ ئىككى ئوتتۇرا مەكتەپ فورمىسىنى كىيگەن قىز ئوغۇل ،تامنى يۆلەپ ،سۆيۈشكىلى تۇرۇپتۇ ،قاق ئەرۋاھىم ئۇچتىدە ۋۇھ نا ئەھلىلەر دەپ ئېتىىلىپ باردىم ،ئەلپازىمنى كۆرگەن بۇ سېرىق تۈكلەر ،ئىككىسى ئىككى تەرەپكە پارتتىدە قېچىشتى .بىر كۈنى ئايالىم بىلەن ۋىلايەتلىك سوتنىڭ ئالدىدا كېتىپ بارسام بىر ئانا بىر قىزنى كۆردۈم .قىز ئون بەش ئونئالتىلەردە بولۇپ خېلىلا بويىغا يىتىپ ،مۇسكوللىرىنى نامايەن قىلىپ بولغان ئىدى .قىزنىڭ قۇيمۇشىغا كىيگىنى كالتە كۇساردىن ئازراقلا ئۇزۇن كۆينەك ئىدى .شامالنىڭ لەپىلدىشى بىلەن ئىچىدىكى ئاق كۇسىرى بىلىنە بىلىنمەس كۆرۈنۈپ تۇراتتى .بۇ ئۆسمۈر قىز شۇ قەدەر چىرايلىق بولغاچ يولدىن ئۆتۈپ كېچىۋاتقان ئەركەكلەر ئوغرا مۇشۇكتەك مارىلاۋاتاتتى .ئانا ھېچنىمىنى بىلمىگەن بولىۋېلىپ كېتىپ باراتتى .قىزىل چىراققا كەلگەندە ھەممىمىز توختىتىدۇق .بۇ چاغدا مەن بىر قىزنىڭ بىر  چىرايىغا بىر كۆڭلىكىگە نەپرەت كۆزۈم بىلەن ئاچچىق قارىدىم، قىز مېنىڭ نىمە دىمەكچى بولغىنىمنى بىلگەن چېغى ،كۆڭلىكىنى پەسكە تارتىپ قويدى .ئەمدى ئاغزىمنى ئېچىپ ئىككى ئېغىز گەپ قىلىپ قوياي دىسەم ،ئايالىم كەينىمدىن چىمدىلاپ تۇرۋالدى .يېشىل چىراق يېقىلىپ مېڭىشقا مەجبور بولدۇم .كېتىپ بېرىپ نىمىدەپ مېنى تۇسۇغانلىقىنى سورىسام <كارىلىر نىمە ،بۇ جەمىيەتنى ئۆزلە بىر ئادەم ئۆزگەرتالاملا ،ئۇيغۇرنىڭ ئۇيغۇرغا كارى بولىدىغان زامان كەلمەسكە كەتتى ،ئۆزىمىزنى چىڭ تۇتساقلا بولىدۇ > دەپ سۆزلەپ كەتتى .مەن <شۇنداق كارى بارلار ،غورورلۇقلار ئازلاپ كېتىپ بارىدۇ .لېكىن مەن بار .مېنىڭ كارىم بولىدۇ > دېدىم.ئايالىم <<ئەگەر ئۆزلە كارىلىرى بولۇپ قىزنىڭ ئانىسىدىن <كارىڭ نىمە ئىشىڭنى قىلە >دەپ تىل ئاڭلاپ قالسىلا ئىچىم ئاچچىق بولمامدۇ>> دىدى.مەن <<ئىچىلىرى ئاچچىق بولغاي ،قاچانغىچە ئىچىمىز ئاچچىق بولمايدۇ .نەسىھەت دىگەن مۇشۇنداق ئاچچىق بولىدۇ .ئاقىۋەتنى ئويلىشىپ يۇمشاقباشلىق قىلساق ،كەلگۈسىدە بۇنىڭدىنمۇ ئۆتە ئىچىمىز ئاچچىق بولىدۇ .بەلكىم ئاۋۇ ئانا مېنىڭ مۇشۇ بىر نۆۋەتلىك كارىم بولىشى سەۋەپلىك بالىسىنىڭ كىيىنىشىگە تەلەپنى قاتتىقلاشتۇرۇشى مۇمكىن>>دېدىم .ئايالىم قايىل بولدىمۇ ،ياكى گەپ تېپىپ بىرەلمىدىمۇ سۈكۈتكە چۆمۈپ كەتتى . بىر كۈنى تۆت كوچىدىكى مەلۇم دۇكانغا كىردىم .دۇكاندارنىڭ قىزى تولۇق ئوتتۇرغا چىققان 16 ياشلاردىكى چاققانغىنە چىرايلىق قىز ئىدى .ئۇ مەيدىسىنى ئۈستەلگە يۆلەپ ،كومپىيۇتېردىن فىلىم كۆرىۋاتاتتى .لېكىن ئۇ كۈنى قىز ئۇچىسىغا كۆكسىنىڭ ئايرۇدۇرۇمى ئېېچىلغۇدەك مايكا كىيگەن ،مايكىنىڭ ئۈستىگە كورىيە پوسونىدا پىنجەك كىيگەن بولۇپ ،دۇكانغا كىرىپ چىقىۋاتقان ئەر زاتى پۇل تۆلىگەن بولىۋېلىپ كۆزىنىڭ قۇيرىقىدا قىزنىڭ كۆكسىگە مارىلاۋاتاتتى .مەن ئالىدىغاننى ئېلىپ بولۇپ ،قىزغا ئىككى ئېغىز گەپ قىلىپ قويايمۇ دىدىم .لېكىن بۇ دۇكاننىڭ خوجايىنلىرى ئىلگىرى جەمىيەت ئوينىغان كىشىلەر بولغاچقا ،ئەركىن كىينىپ ئويناپ كۆنۈپ قالغان ئاتا -ئانىلار ئىكەنلىكى مەن بىلدىغان بولغاچقا ئىكىلىنىپ قالدىم .لېكىن مەندىكى ئۈچقۇندەك قېلىپ قالغان ئۇيغۇرنىڭ ئۇيغۇرغا كارى بولۇش پىسخىكىسى  بۇ سىڭلىمدىن كارىم بولماسلىققا يول قويمىدى .ئاخىرى ئاۋازىم ئازراق تىترىگەن ھالدا قىزغا ئېغىز ئاچتىم <سىىڭلىم > سىڭلىم دىگەن بۇ گەپنى قىلىشىمغا قىز بىر نەرسىنى چىرايىمدىن تۇيدىمۇ <ھە ئاكا> دەپ بىر قولى كۆڭلىكىنىڭ ياقىسىنى ئۈستىگە تارتىپ كەتتى .<سىڭلىم ،ياقىسى ئۆرىرەك كۆينەك كيىسىڭىز بوپتىكەن ،قارىسام ئۆتكەن كەچكەنلەر سىزنىڭ ئېچىلىپ قالغان يەرلىرىڭىزگە قاراۋاتىدۇ > دىدىم .ئۇ قىزنىڭ يۈزلىرى قىزىرىپ<ماقۇل ئاكا ماقۇل > دىدى.قىزنىڭ بۇ ھالىتىدىن بۇنداق كىيىنسە يات ئەرلەرنىڭ ھوزور بىلەن قارايدىغانلىقىنى ئاللىبۇرۇن بىلگەن، ئەتەي شۇنداق كىيگىنى ئېنىقتەك قىلاتتى .بۇ دۇكاندىن مەن دائىم نەرسە سېتىۋالاتتىم .كېيىن قارىسام بۇ قىز كۆكسى ئېچىلغۇدەك كىيىم كەيگىنىنى كۆرمىدىم .ئاڭلىسام ئائىلە تەربىيەسى بوش مەسۇم قىزلاردا شۇنداق پىسخىكا بارمىش .بالاغەتكە يىتلگەنلكىنى بىلگەندىن كېيىن ،چىرايلىق يەرلىرىنى باشقىلارغا كۆرسىتىش ئۈچۈن ئەتەي ئوچۇق كىيىنەرمىش ،باشقىلار كۆرسە ھوزورلىنىش ھىسياتى بولارمىش .توۋۋا دىدىم ئىچىمدە بۇنى بىر ئاغىنەمدىن ئاڭلىغان ئىدىم كېيىن . مانا يوقىرقىدەك ئۆزى بىلەن مۇناسىۋەتسىز بولغان باشقا بىر ئۇيغۇرغا كارى بولۇش ،ئۇنىڭغا ئۇيغۇر ئەدەپ ئاخلاقىنى بىلدۈرۈپ قويۇش كۈنسېرى سۇسلاپ كېتىۋاتقانلىقى ئېنىق .كىشىلەر ئاقىۋەت ئېلىپ كېلىش مۇمكىن بولغان ئاۋارىچىلىقتىن قورقۇپ ،كۆرسىمۇ كارى بولماسلىق ،كۆزنى يۇمىۋېلىش ،ھەتتا باشقىلارنى توسۇش ئاساسلىق ئېقىم بولۇپ قالدى .شۇ <تىرىشچانلىقىمىز> ئارقىسدا مانا جەميەتتە <تەرەقىياتلار > <زور> بولماقتا .ئىسىمىزدە بولسۇنكى ئاللاھ شۇنچىلىك ئادىل ،بىز نىمىگە كۈچىسەك شۇنىڭدىن مول ھوسول بىرىدۇ .مانا ئۇيغۇرغا كارىمىز بولماسلىققا كۈچىۋىدۇق ،ئۇيغۇر ئۈچۈن غەيرى تۆرەلمىلەرنى يىتىشتۈرۈپ چىقتۇق.   ئەمدى سىزدىن سوراي سىزدە يوقىرقىدەك ئازراق بولسىمۇ ،ئۇيغۇرنىڭ ئۇيغۇرغا كارى بولۇش پىسخىكىسى   بارمۇ؟يوق بولسا نىمە ئۈچۈن يوقاپ كەتتى ؟تىرىلدۈرۈشكە تەييارلىقىڭىز بارمۇ؟! مەنبە:مەن

رەھىمى

	ئەتراپلىق كۆزىتىپسىز ، نۇرغۇن ئادەملەەر كارى بولۇشنى ئويلايدۇ ،لېكىن خۇددى ئايالىڭىز دېگەندەك « سىنىڭ نېمە ئىشىڭ ، مەن بىلەن نېمە كارىڭ ؟» لارنى ئاڭلاشتىن ساقلىنىپ كارى بولمايدۇ ....

aski0903

	رەھمەت قېرىندېشىم،ئەسلى شۇنداق ئەتراپىمىزدىنلا تۈزەشكە باشلىغان بولساق بۇلارمۇ يوقىلىپ بولغان بولاتتى ،لېكىن ھازىر ئۇنداق قىلالايدىغان يۈرەكلەر بەك بەك ئازلاپ كەتتى

akbar0997

	ناھايىتى ياخشى يېزىلغان تىما ئىكەن .تىمىدا ئەكىس ئەتتۇرۈلگەندەك ئىشلار ھازىر جەمئىيىتىمىزدە ھەر بىر قەدەملىرىمىزدە ئۇچراپ تۇرىدۇ،لىكىن بىرىمىز ئېغىز ئېچىپ توساشقا بېتىنالمايمىز(مەنمۇ شۇنىڭ ئىچىدە)چۈنكى ياخشى كۆڭۇل بىلەن دىيىلگەن سۆز ئاقىۋەتتە سىزگە نۇرغۇن ئاۋارچىلىقلارنى شۇنداقلا كۆڭۇل ئازارچىلىقىنى تېپىۋېلىشتىن ئەنسىرەيمىز . بۇ ئىشقا نىسپەتەن سىز ،مەن ،ئۇ ھەممىمىز تەڭ ھەركەتكە كەلسەك مىنىڭچە بۇنداق ئىشلارنى توسىغىلى بولىدۇ،باشقىلارنىڭ كارى بولماي مەن ياكى سىز توسسىڭىز پەقەت ئۆزىڭىزگە ئاۋارچىلىق تېپىۋالىسىز . شۇنىڭ ئۈچۈن ھەممىمىز تەڭ ھەركەتكە كىلىشىمىز كېرەك تىما ئىگىسىگە رەھمەت

yfkopjfn

	ئەمدى كارىمىز بولمىسابولمايدىغان يەرگىمۇيەتتى زادى....

hekmat110

	ھازىر ياخشى كۆڭۈللەرنى كىشىلەر چۈشۈنمەيدۇ!باشقىلارنىڭ ئىشىغا ئارلىشىپ قويسىڭىز ئالتە تاياق يەيسىز!

ئېمپىراتور

	كەچۈرۈڭلار ئا دىسە ب دەيدىغان بوپ قالدىم  مەن خەنلەرنىڭ تور بىتىگە كىرىپ كۆرسەم بىزنى ئۇيغۇر چوشقىلار دەپ تىللاپتۇ، بىر چوشقىنىڭ كۈچۈكى!!!! تىمىغا مۇناسۋەتسىز گەپ قىلىپ قويدۇم كەچۈرۈڭلار!!! شۇلار بىلەن بىر تىل جىڭى قىلاي دىگەن ئەپسۇس كۆرگىلى بولدىكەن ،ئىنكاس يازغىلى بولمايدىكەن! مەنبەسى:http://tieba.baidu.com/f?kz=96246714

sazanda

	مەن ئولايمەن ئەگەر ئۇيغۇرچە توربەتتىن مۇشۇ بىرسى بولغان بولسا ،مۇنبەردىن مۇشۇ بىرسى بولغان بولسا، پۈتۇن ئۇيغۇرلىرىمىز مۇشۇ مۇنبەرنى كۆرگەن بولسا ئەلۋەتتە بىزدە بىرلىك بولغان بولاتتى بەلكىم ئەخلاقنى ئىگەللىۋالغان بولاتتۇق ،   ھەقىقەتەن ياخشى تىما يوللاپسىز رەھمەت قېرىندىشىم......

nazila998

	كارى بولغۇسى كىلىدۇ ، يامان ئىشلارنى تۈزەتكۈسى كىلىدۇ ، بىراق مۇشۇ ئىش سەۋەپلىك ، كۆڭلىنى ئاغىرتىۋىلىشتىن ئەنسىرەيدۇ ،

janbay

	ئىناقلىق، ئىتىتپاقلىنىڭ ئاساسى ئۆز-ئارا ياريۆلەكتە بولۇش ۋە ئىگە بولۇشتا كۈچكە ئىگە .