ھاياتلىقنىڭ ئۇ تەرىپى

kuzum

	ھاياتلىقنىڭ ئۇ تەرىپى بىرەر جاي بارمۇ مەن قېنىپ يىغلىۋالغۇدەك، چۈنكى ھەممە يەردە، قىسىلدى نەپەسلىرىم، بۇغۇلدى تىنىقلىرىم، چاڭقىدى ھىسلىرىم  ، يىتىرقىدى تۇيغۇلىرىم مىڭ -مىڭ  . ماڭا سالغان بۇ ئازاپنى، ئىخ، ئىگەم سالمىغىن مەندىن ئۆزگىگە. چۈنكى ئازاپنىڭ قەرىدە سۇنغىنى ، ئۈزۈڭ بەرگەن رىزىقلىرىڭ. (1) ھەر كۈنۈم ئالدىراشچىلىق ئىچىدە ئۈتۈپ كىتىۋاتقان بولغاچقىمۇ،چارچاپ كىتىپ بارغىنىمنى بىر ئۈزۈم سىزىپ تۇراتتىم .ھاياتتىكى كۆڭۈلسىزلىك ۋە ئارقا- ئارقىدىن كەلگەن بەخىتسىزلىكلەرنى ئۈنتۇش،تۇرمۇشقا قايتىدىن كىرىش ئۈچۈن ئۆزۈمنى زورىغا  ئىشقا بېسىپ كىلىۋاتاتقىنىم ماڭا ھەم زۇرۇرلۈك ئىدى .ئۆزۈم قىلالغۇدەك ئىشلارنىڭ ھەممىسىنى قىلىپ بېقىش ئۈچۈن ماڭا نۇرغۇن چىدام غەيرەت كىرەك بولغىنى بىلىنىپلا تۇرىدۇ.     بىرسى ماڭا« سەن بىر نەرسە يازىمەن دىسەڭ كۆپ ئۇقۇ،كۆپ كۈزەتكىن ،ساڭا ھەممىدىن كۆزۈڭ بىلەن كۆرۇشتىن ئارتۇق يوق .كەچكىچە ئويگە بېكىنىۋالمىغىن ،سەھەردە تۇرۇپ ئەتتىگەنلىك قايناق بازارلارنى ئارىلىغىن ،ئادەم سىرىتلارغا چۇقۇم نەرسە كىرەك سېتىۋېلىش ۋە ساياھەت قىلىپ كۆرمىگەننى كۆرۈش ئۈچۈنلا چقماسلىقى كېرەك.ساڭا تەسىر قىلغان بىرە ئىش بىرە ئادەمنى يازغىن ،ئۇنىڭدىن خاتىرە قالدۇر،بەلكىم شۇ خاتىرەك كىيىنچە بىر نادىر ئەسەر بۇلۇپ قېلىشى مۇمكىن »دىگەن ئىدى . مەن ئۇنىڭ ئېيتقىنىدەك پەقەت يېزىقچىلىق ئۈچۈنلا ئەمەس ،بەلكى مىنى بۇغۇپ تۇرغان مۇدىھىش خىياللاردىن بىردەم بولسىمۇ قۇتۇلۇش ئۈچۈن شۇكىشىنىڭ  دىگىنى بۇيىچە ھەر كۈنى سەھەردە ،ئەتتىەننلىك بازارلارنى ئارىلاشنى ئۆزۈمگە ئادەت قىلىۋالدىم .بەزى كۈنلىرى مەن يىغلاپ قايتاتتىم ،بەزى كۈنلىرى قەلبىم چەكسىز ئاراملىققا كىلىپ قالدى .ماڭا بەكرەك تەسىر قىلدىغىنى ،20ياش بىلەن 25 ياشلار ئارىسىدىكى ئۇغۇللارنىڭ تۈرلۈك تىجارەت قىلىۋاتقان تۇرقى بولدى.    -كىلىڭلار،ئېلىڭلار بەش يۈەنگە ئۈچ جۈپ پايپاق ....    -ياممان تاتلىق قۇغۇن بۇ،بىر تىلىمى ئىككى يۈئەن ..    -بۇ كورلىنىڭ نەشپۈتى كىلوسى ئون يۈئەن ،تېخى ئاخشاملا 13يۇئەن ئىدى  ...ئەرزان بۇلۇپ كەتتى ...... مۇشۇ  ۋاقىراشلارنى ئاڭلاۋاتقىنىمدا كۆزلىرىمگە ياش كىلىپ كىتەتتى.تېخى ئەمدىلا 6.7 ياشلاردىكى بالىلارنىڭ پىشقان تىجارەتچىدەك ئاشخانىمۇ ئاشخانا ،ھەتتا كەچلىك بازارلاردا يۈرۈپ قول سۈرتىدىغان قەغەز سېتىشلىرى ...... يۈرىگىم شۇنچىلىك ئىزىلىپ كىتەتتى .ئاشخانىدا تاماق يەپ ئولتۇرساق ،20لەرنىڭ قارىسىنى ئالغان ئۇغۇللارنىڭ پەتنۈسقا تاۋۇز قۇغۇننى تىزىپ ئاشخانىمۇ –ئاشخانا كۆتۈرۈپ سېتىشلىرى......       بەلكىم ئەقىللىق ئۇقۇرمەن بۇ قۇرلارنى ئۈقۇۋاتقاندا نارازىلىق ئىچىدە مۇدھىشلاندى ،سىزىپ تۇرىۋاتىمەن . ئەمدىلا13ياشقا كىرگەن ۋاختىم بولسا كېرەك ئۈرۈمچىگەرەھمەتلىك ئانامنى داۋالىتىش ئۈچۈن كەلگەنىدۇق .مەن بالىلارنىڭ كىچىگى بولغاچقا ھەم تەتىل بولغاچقا بىرگە ئەگىشىپ كەلگەنىدىم .شۇ كۈنى كوچا ئاپتۇۋۇزىغا ئولتۇرۇپ ،2- دوختۇرخانىغا مېڭىش سەپىرىدە رەھمەتلىك ئانامنىڭ چاپىنىنىڭ يانجۇقىنى، 22 ياشلار چاممىسىدىكى بىر ئۇيغۇر بالىنىڭ كىسىىپ ئىچىدىكى پۇلنى ئالماقچى بولغىنى كۆرۈپ ۋاقىراپ تاشلىغان ئىدىم .ئوغرى نىيىتىگە يىتەلمىدى ،ئەمما قۇلىدىكى پىچىقىنى رەھمەتلىك ئانامغا تىرەپ   ،تاكى بىز چۈشۈپ كەتكىچە تۇردى،بىچارە ئانامنىڭ چىرايىدا قان دىدارىمۇ قالمىغان شۇ ھالىتىنى ۋە ئابتۇبۇستىن چۈشۈپلا ئايلىنىپ قالغانلىقىنى پەقەتلا ئۇنتىيالمايمەن  .      شۇ ئاپتۇبۇستا نۇرغۇن ئەركىشىلەرمۇ  بار ئىدى،ھەتتا ماشىنا شوپىرىمۇ بىرە ئېغىز ئىپادە بىلدۈرمىگەنىدى.ھېچكىممۇ ئارلاشمىدى،بىرەر ئەركەكمۇ ئۇنى تۇتۇپ ساقچىغا ئاپىرىپ بىرىش ئۈچۈن ئۇرۇنمىدى ...كاللامدىكى بۇ تۈگۈن مىنى شۇنچىلىك قايمۇقتۇرۇپ تۇرغىنىدا ،ئاكامنىڭ «شۈكرى ئانامنى ساق قويغىنىغا،پۇلنى ئالسىمۇ مەيلىتتى ئانا،ئايىشە  نېمىشقا ۋاقىرىغاندۇ »دىگىنى تېخىمۇ كاللالمدىن ئۆتمىدى .كىيىن ئۇقۇشقا ماڭغاندىمۇ ،چوڭ ئاچام پۇللارنى ئىچ كىيىمىمگە، كىچىك يانجۇق قىلىپ سېلىپ تىكىپ قويغانىدى .دادام رەھمەتلىكمۇ بازالارغا ئاز چىقىڭ قىزىم ،يوللاردا يالغۇز ماڭماڭ،بىرەرسى سومكىڭىزنى ئەپ قاچسا كەينىدىن قوغلىماڭ دەپ ھەر خېتىدە ئەسكەرتىپ تۇراتتى .      ئىسىت قانداق كۈنلەر بولغىيدى شۇ كۈنلەر،قانداق بالىلار بولغىيدى شۇبالىلار،قانداق نەرسە يەپ چوڭ بولغان بولغىيدى شۇنچىلىك قاپ يۈرەك بۇلۇپ كەتكىدەك......يەنە شۇ ئۈرۈمچى ،يەنە شۇ ئاپتۇبۇسلار ،،،ئەمما ھازىر مەن بۇ يەردە تۇرىۋاتقىلىمۇ بىر يىلدىن ئېشىپتۇ بىرەر ئۇغۇللارنىڭ ئوغرىلىق قىلغىنىنى،پىچاق ئېسىپ پوخورلىق قىلغىنىنى كۆرمىدىم .كۆرىۋاتقىنىم بايىقى ھالەتلەر.....     بۇ نېمىنىڭ ئالامىتى ؟ئەلبەتتە ھەممىمز بۇنىڭغا ئىشەنمەي تۇرالمايمىز،يوقمۇ ئەمەستۇر ئاز ساندا ئاچامدىن ئاڭلاپ تۇرىمەن ،تىلفۇن ئوغۇرلاپتۇ  ،قىزلارنىڭ پۇلىنى ئالداپ قېچىپتۇ دىگەندەك ،ياكى ئوغۇرلارنىڭمۇ سەۋىيىسى ئۈسۈپ ،تاكتىكىلىرى ئۆزگىرىپ كەتتىمۇ ؟    ئەمما شۇنى كۆرۈپ تۇرىۋاتىمەن ،يىگىتلىرىمىز دە ئىنساپ پەيدابوپتۇ،جاپا تارتسىمۇ ھالا پۇل تېپىشنىڭ يوللىرىنى بىلىپ يىتىپتۇ.نېمىنىڭ ياخشى يامانلىقىنى كۆرەلەيدىغان كۆز پەيدا بوپتۇ. شۇلارنى ئويلىغىنىمدا خۇشاللىققا چۈمۈپ كىتىمەن . ئەمما شۇ موچەن ئۈچۈن پىژغىرىم ئىسسىق ،تاڭ تاڭ سۇغۇقتا ئۇنى –بۇنى سېتىپ ئولتۇرىۋاتقان يىگىتلىرىمىزنى    ھەر كۆرگىنىمدە ،يىغا  ئىچىمنى نېمىشقا ئۆرتەيدۇ؟بىلىشلىكى شۇكى  مېنى قىيناۋاتقىنى مەندىكى چوڭچىلىق،مەندىكى ھېچ ئوڭشىلىپ بۇلالمايۋاتقان بەتخەجلىك.ئۇلار موچەن ئۈچۈن سىرىتلاردا جاپا چىكىپ يۈرىۋاتىدۇ،مەن ھۇكۈمەتتىن ھەر ئايدا چىقىۋاتقان مۇئاشىمنى پەخىرلىنىش ئىچىدە خەجلەۋاتىمەن.تاتلىق يەۋاتىمەن ،ئىسىل كىيىنىۋاتىمەن ،مىنىڭ كۆزۈمگە يۈز،ئىككى يۈزلەر چوڭ كۆرۈنمەيدۇ.ئولتۇرۇش چايلار ئۈچۈن،سەيلى ساياھەت ئۈچۈن،ئۆيلىرىمنى بىزەش ئۈچۈن ،باللىرىمغا ئۇششاق- چۈشەك يىمەكلىك ۋە ئۇيۇنچۇقلارنى ئېلىپ بىرىش ئۈچۈن ئايىماي خەجلەيمەن ،تالاللا بازىرىغا كىرسەم سانىماي،ئويلىماي،كۆزۈمگە كۆرۈنگەننى ئېلىپ كارتامنى ئايىماي سىيرىپ بىرىپ كىتىپ بارىمەن .چارچىغان چاغلىرىمدا ھورداققا چۈشۈپ،يۈزۈمنى يۇيغۇزۇپ،چېچىمنى ئاسراپ......     ئىشقىلىپ مەن شۇنچىلىك بەخىتلىك ئىكەنمەنكى ھازىر كەچۈرىۋاتقان بۇ تۇرمۇش ھەرگىز يوق بۇلۇپ كەتمىسۇن ... ناۋادا شۇنداقلا بۇلۇپ قالسا،قانداق ياشاش ئۈچۈن مەن تىرىشىشنى،جاپا چىكىشنى ھەم مېڭىشنىمۇ بىلمىگىنىم ئۈچۈن چۇقۇم ئۈلۈپ قالىمەن.....ئاھ يىغام..ئاھ مېنى ئورتەۋاتقان بۇ ھايات،مېنى سەگىتىۋاتقان شۇ ئۇلۇغ كۈچ.....ئاھ! يوقلىقتىن بارلىققا قاراپ،مېنى يىتىلەشكە قوللىرىنى سۇزۇپ تۇرغان شۇ شۇ چەكسىزلىك.....      يۈرىگىم مانا مۇشۇ تاپتا ھەقىقى يىغلاۋاتىدۇ،بىرىنجى قېتىم رەھمەتلىك دادام ئۇنىڭ مەۋجۇتلىقىنى ھىس قىلدۇرغان شۇ كۈنى ،ئۇنىڭ بىلەن ئۇچراشقان شۇ كۈنى مەن مۇشۇنداق يىغلىغان ئىدىم .ئۇنتۇپ قالغىنىم ،ئۇنىڭغا ئاسىي بولغىنىم ،راھەت پاراغەتلىك تۇرمۇشقا چوڭقۇر سىڭىپ كەتكىنىم...نىچۈن ئۇنىمۇ شۇنچە تىز قەلبىمدىن يۇقاتقىنى....ئاھ ! بۇنىڭ ئۈچۈن قانداق قىلىشىم كېرەك.ھەممىنى قايتىدىن باشلىماق قىيىندۇر .ئەمما ئۇنى يەنە سىزەلىگىنىم ،قايتا كۆرۈشەلىگىنىم يەنە ئۇنى تاشلىۋېتىشىمدىن دىرەك بەرمەيدۇ.چۈنكى ئۇ  چاغدا مەن تۇلىمۇ ساددا ئىدىم ،كىچىك ئىدىم ،بىلمەيتتىم ،كۆرمىگەن ئىدىم .ھازىر چوڭ بولدۇم ،بىلدىم ،كۆردۈم..ھەم كۆرۈۋاتىمەن بىلىۋاتىمەن .......... داۋامى ئىنكاستا  داۋاملىق  يېزىلىدۇ . تولۇقلىما مەزمۇن (2012-7-31 03:20 PM): مەن يازغان خاتىرىلەر

kuzum

	(2) قەلبىم خىرە جىمجىتلىق ئىچىدە، خۇددى يۇلتۇزسىز كېچىدىكى قاراڭغۇلۇقتا چىكىتتەك بىر يۇرۇقلۇقنى كۆرۈپ،ئۇنىڭغا بولغان ئىنتىزارلىققا تولغاندەك گۇڭگا،تۇلىمۇ گۇڭگالىق ئىچىدە تۇرىدۇ.كېچە ھەرقانچە ئۇزۇن بولسىمۇ ھامىنى تاڭ ئاتىدۇ دەيدۇ ئۇلۇغلىرىمىز.....    رامىزان ئايلىرىدىكى بۇ ئۇلۇغلۇققا، شاپائەتلەرگە  مەنمۇ قوللىرىمنى سۇندۇم ،چۈنكى مەن شۇنچىلىك ئاچ ئىدىم .بۈگۈن كونسۇل كوچىسى ئەتراپىدا كىچىك ئوغلۇمنى يىتىلەپ كىتىۋاتسام ،يول بۇيىدىكى ئاشخانىلارنىڭ ئالدىغا ئۈستەل قويۇلۇپ يىمەكلىكلەر تىزىلىپ قۇيۇلۇپتۇ،شۇنچىلىك بىر ئىللىق مېھىر  مېنى تېخىمۇ چىڭڭىدە باغلىۋالدى .قۇغۇن ،تاۋۇز،ئەمدىلا تۇنۇردىن ئېلىنغان قىزىرىپ پىشقان توقاچلار....مەنبۇ مىھىر ئىچىدە  بالامنى ئەگەشتۇرۇپ بىر ئاشخانىغا كىرىپ ئورۇن ئالدىم .تاماقنى بۇيرۇتۇپ ئولتۇردۇق ،ئالدىمىزدىكى ئۇرۇنغا ئىككى ئانا ئىككى ئوغلى بىلەن كىلىپ ئۇرۇنلاشتى، چۈنكى ئادەم شۇنچىلىك جىق ئىدى.بىز  ئالتە كىشىللىك  بۇ ئۇرۇندا مۇشۇنداق قىستىلىپ ئولتۇردۇق ،ئىپتار ۋاختىغا يېقىنلاشقاندا ، مۇلازىمەتچىلەر ئالدىمىزغا  بىر تەخسىدە قۇغۇن تاۋۇز ،بىر تەخسىدە بەش دانە گىردە ناننى تىزىپ قويدى .ئالدىمدا ئولتۇرغان ئايالنىڭ گەپلىرىدىن ئۇنىڭ بىرەر باشلانغۇچنىڭ ئۇقۇتقۇچىسى ئىكەنلىكىنى پەملىدىم .ئۇ شۇنداق چىرايلىق ياراشتۇرۇپ ياغلىق ئارتىۋالغان ئىدى .قارىماققا ئۇنى ئۈرۈمچىلىك دەپ ئويلىمىغان ئىدىم ،قىززىق.    مەن شۇنچىلىك ئىسىل كىيىنگەن ئىدىم .ئۇ ئايالمۇ مېنىڭ ۋە بالامنىڭ كىيىنىشلىرىگە قاراپ ،بىزنىمۇ جەنۇپلۇق ئاددى بىر يۇرتتىن دەپمۇ ئويلىمىغان ئىدى.تاماق ئارلىقىدا ئۇ مەندىن" سىلەر قايەردىن '"دەپ سورىدى.«خۇتەندىن »دىدىم .«قارىسام بالىڭىزمۇ بەك ئۇماق ۋە پاكىزە چوڭ بوپتۇ شۇڭا سورىغان ئىدىم  »دىدى ھېلىقى ئايال ماڭا بىرخىل قىزىقىش ئىچىدە ....   ئەلبەتتە كۆڭۈل كۆزلىرىمدە ئۇنىڭ ئىچكى ھىسياتىنى تونۇپ ئولتۇرىمەن.مەندەك بىر مودا كىينىگەن ئىسىل سومكا ئېسىۋالغان ،قىممەت باھالىق زىبۇ زىننەتلەر بىلەن بىزەلگەن  بىر ئايالنى ئۇ چۇقۇم ئوزبىگىستانلىق،ياكى تۈركىيىدىكى ئۇيغۇرلار دەپ قالغىنى ئىنىق ئىدى .ھېچ بولمىسا مېنى ۋە بالامنى ئىچكىردىن كەلدى دەپ ئويلاپ قالدى ،شۇنىڭغا ماس مەنمۇ بۇ جەنۇپلۇققا خاس ساددىلىق چىقىپ تۇرغان، ياغلىق ئارتىپ ئاددى كىيىنگەن  بۇ ئايالنى ،مەركىزى شەھەر ئۈرۈمچىدە تۇغۇلۇپ ئۆسكەنلىكىنى بىلەلمىگەندەكلا . روشەن پەرىق مېنى شۇنچىلىك خىجالەتتە قويدىكى بۇ چاغدىكى ھىسياتىمنى ھېچنەرسىگە تەڭمۇ قىلالمايمەن .ئۇنىڭ يەۋاتقىنى بالىسى بىلەن ئوي لەڭمىنى،ۋە بىر چىنە ئەتكەن چاي.ئۇ ئەتكەن چايغا نان تاشلاپ يىيىشكە باشلىغاندا،بەش ياشلىق ئوغلۇم بىلەن ئىككىمىزگە بۇيرۇتقان  ئالدىمدىكى ئىككى قاچا پولو ۋە بىرتەخسە لەمپۇڭنى يۇشۇرغىدەك جايمۇ تاپالماي قالدىم . تاماق يىيىلىپ دۇئاغا قول كۆتۈردۇق .دەل شۇ چاغدا ھېلىقى ئايال ئىپتارلىق قىلىشقا قۇيۇلغان  ئاشقان توت نانىنى بىر سىلىياۋ خالتىغا سېلىپ ئېلىپ ماڭدى .ئولتۇرغان جايىمدا ئولتۇرۇپلا قالدىم .بۇ كۆرۈنۈشلەر ،بۇ ھالەتلەر ماڭا بۇ دۇنيانىڭ ئۇ تەرىپىدىكى  بوشلۇقنى چەكسىزلىكنى  كۆرسىتىپ تۇراتتى . 3-    شامنىڭ يۇرىقىدا ئولتۇرسىمۇ ئاجايىپ ھىسلارغا چۈكۈپ كىتىدىكەن كىشى،توكنى ئۈچۈرۇپ بىردەم مۇنبەر ئارىلاۋېتىپ بىر تېمىغا كۆزۈم چۈشۈپ قالدى.   "ئۈرۈمچىدىكى ئىپپەت بازىرى» ،،، ئىچىدىكى شاھانە گەپلەرگە تۇيۇنغان بۇ تېما باس باس تېمىغا ئايلىنىپتۇ .قايسىدۇر بىر دوختۇرخانىنىڭ يېنىغا جايلاشقان بۇ قايناق بازارنى ئۇستىلىق بىلەن سۈكۈپتۇ.ئۇقىغان كېشىنىڭ ئۇيغۇر قىزلىرىغا يۈرىكى ئېچىشىدۇ، قاغايدۇ، لەنەت ئۇقۇيدۇ.ئوتتۇز يۈئەنگە سېتىلغان ئىپپەتلەرنى دىمەيلا قۇياي ئاخىرىغىچە ئۇقۇپ بۇلۇشقا تاقىتىم يەتمەي ئۈچۈرۇپ قۇلۇمغا قەلەمنى ئالدىم .بىر چوڭ مۇنبەردىمۇ ئۆتكەندە مۇشۇنداق بىر يازما توغرىسىدا خېلى غۇلغۇلە بولغانىدى .ئۈرمچىنىڭ خانتەڭرى مەسچىتىنىڭ ئال؛دىدن ئۈتۈپ كىتىۋاتقان شۇ 50 ياشلارنىڭ قارىسىنى ئالغان يازما ئىگىسى ئايال .يول ياقىسىدىكى رىشاتكىغا چىقىپ ئولتۇررغان يۈزلىرىنى ئوراپ ،كوينىگىنى قەيرىپ ئېچىپ   ...ساتىمەن ئالدىغانلا بارمۇ دەپ ۋاقىرىغان كۆرىنىشكىە ئىچى ئېچىشىپ ئۇ ئايالنى  قىلمىشلىرىنى سوكۈپ يېزىپ چىقىپتۇ.ئەلبەتتە ھەركىمنىڭ قاينىغۇسى كىلىدۇ،ھەركىمنىڭ غەزىپى تاشىدۇ .ئەمما نىمىلكىنى بىلمىگەنلىك بولغان شارائىتتا بۇنداق تەشۋىقاتلار بىلەن ئۆزىمىزنى سۈكۈشنىمەن لايىق كۆرمىدىم .    ھەي مۇسۇلمان بەندىسى سەن بىر ئانا بىر ئايال ئىكەنسەن سەن شۇ ئايالنىڭ ئىش ھەركىتىگە قاراپ تۇرغىچە ئۇنى قولىدىن تارتىپ ئولتۇرغان يىرىدىن چۈشۈرۈپ ئاچقان يىرىنى يېپىپ،ھە دىگىنە  خۇتۇن نېمەن ھالىڭ نېمە دەردىڭ نېمە ۋەجىڭ بار بۇنداق قىلغۇدەك  دەپ ئاڭلاپ باقتىڭمۇ؟    ھەي مۇسۇلماننىڭ ئۇغلانلىرى ،شۇ ئىپپەت كوچىسىدا مېڭىپ ئۇ30كوي ئۈچۈن سېنىڭ مىللىتىڭنىڭ،سېنىڭ خۇتۇن قىزلىرىڭنىڭ نامىنى بۇلغاۋاتقان لارنى بۇ يولدىن قايتۇرۇش ئۈچۈن قول سۇنالىدىڭمۇ؟  ھەر پۇل تاپقان ئوغلانلىرىمىز نامراتلارغا ،مەكتەپلەرگە ،يىتىملارغا ئىللىق ئالقىنىنى ئېچىۋاتىدۇ ئەمما قايسى بىرى شۇ مۇناپىق خۇتۇنلارنى يىغىپ ئەپكىلىپ سەدىقىسىنى ،زاكاتلىرىنى شۇلارغا بىرىپ ،ئۇلارنى بۇ يولدىن قايتۇرۇش ئۈچۈن ئىھتىياجلىرىنى قاندۇرالىدى.بۇلارنى ئاقلىدىڭ سەن دەپ ماڭا مىڭ-مىڭ تىللار ھېلىھەم يېغىلىپ كىتىدۇ مۇنبەردە بىلىپ تۇرىمەن .ئەمماكى بۇيەردىكى مەسىلە ئۇلارغا قىلغۇدەك ھېچ ئىش يۇقلىقىدىن ئەمەس بەلكى ئۆزىمىزدە . قىلاي دىسۇن شۇ قىزلار قىلغۇدەك ئىش بىھىساپ بۇ دۇنيادا ،ئەمماكى قاچاكى يىگىتلىرىمىزدىن غۇرۇر كۆتۈرۈلۈپ كەتتى شۇنىڭدىن باشلاپ قىزلىرىمىزدىمۇ ھايا قالمىدى .قۇتقۇزۇشقا تېگىشلىكى مىللەتنىڭ يۈزىنى تۈكۈۋاتقان دەل شۇلار.ئەمما قايسى زامان قايسى ماكاندا پاھىشىلەرگە زاكات بەرگەن ،پاھىشىلەرگە سەدىقە بەرگەن؟ پاھىشىلەرنى قۇتقۇزماق بولغان .ئۈلۈملا ئۇلارنى قۇتقۇزالارمۇ؟ تىل-ئاھانەتلەرلا ئۇلارغا بولغان ئۆچمەنلىكنى قوزغىيالارمۇ ،ئۇلارنى بۇ يولدىن توسىيالارمۇ؟ مەن بۇنى ھېچ ئويلاپ يىتەلمىدىم؟ قۇلۇم يەتسىدى،كۈچۈم يەتسىيدى،ئۇلارنىڭ تۇرالغۇسىنى كۆيدۈرۈپ،ھەممىسىنى پاكىزلاپ يۇيۇندۇرۇپ تاراپ  ھايات تۇرالغۇدەك  ماغدۇر بىرىش ئۈچۈن تىرىشاتتىم.بىرەر زاۋۇتۇم بولسىيدى ئۇلارنى ئىشقا ئۇرۇنلاشتۇرغان ،دىلىغا ئىنساپ ئۇرۇقلىرىنى تېرىغان بۇلار ئىدىم ...... ھۇكۇمەت نامراتلارنى يۇلەپ ،نۇرغۇن مەبلەغلەرنى سېلىۋاتىدۇ.بۇ ئەمما روھى نامراتلارنى ئەجابا ھېچكىم قۇتقۇزالماسمۇ؟ ئاتالمىش بۇ بازارغا  سىز بېرىپ قالمىغانسىز ئىلاھىم يىگىت،سىز يانجۇقىڭىزدىكى شۇ كىچىككىنە 30 يۇئەننى بىر قاچا تاماقنىڭ پۇلىغۇ دەپ پۇلنىڭ مىھرىدىن كىچىپ قالمىغانسىز ئىلاھىم.....سىزگە ھەممىمىزگە اللاھتىن چەكسىز ئىنساپ ،ئېمان تىلەيمەن .ئۇف تاڭ سۈزۈلدى داۋامى  يېزىلىۋاتىدۇ ......

sazguri

	ھازىر مىللىتىمىزنىڭ كىشىللىرى تېخى سىزئويلىغاندەك باشقىلارنى ئاشۇ يولدىن ياندۇرغۇدەك سەۋيەگە يەتمىدى دەپ ئويلايمەن ...ئاشۇلارنى ئاشۇ ئىتدىغاد ،دەل ئاشۇ ئىمان بولغاچقا ئاز بولسىمۇ ھالال يوللار بىلەن تۇرمۇشىنى قامداپ كىلۋاتىدۇ .... ھىس قىلشىمچە مىللىتىمىز ھازىر توختاش باسقۇچىدا ،يەنە ئاشۇنداق يامان يولغا مېڭشتىن ئۆزىنى تارتىۋاتىدۇ ۋەتۈزىلىۋاتىدۇ...2يىل ئالدىدىكى ئۈرۈمچى بىلەن ھازىرقى ئۈرۈمچى پۈتۈنلەي باشقىچە ...بەلكىم پات يېقىندا پۈتۈنلەي تۈزۈلۈپ بولغاندا ئۆزىنى ئوڭشىۋالغاندا ئاندىن ئاشۇنداقلارغا قىلىدىغان ئىش ‹‹ئوقەت ››چىقمايدۇ دە.ئۇلارمۇ ئاشۇ يولدىن تەبئىلا چىكىنىدۇ .. ئۇلارنىڭ ئۇنداق بولىشىدا ئاساسلىق ئامىل ئۆزىدە ،قوشۇمچە قىلىپ بىز ئوغۇللاردىن شۇ قىزنىڭ ئاتا ئانىسى ئاكا ئۇكىللىرىدىن كۆرۈش كىرەك ...نىمىشقا دەيسىز ؟ئەجىبا باشقا قىزلار ئۇنداق بوپ كەتمەيدۇ ،ئاشۇ بىر قىسىملار شۇنداق بۇزۇلۇپ كىتىدۇ ...بۇ دەل ئىتىقاد .ۋە باشقا ئامىللار،. بىزنىڭ مەكتەپتىن 2بىكەت ماڭساقلا  ئاشۇنداق بىر يەرگە باردۇ ...سىنىپتىمۇ بىرسى شۇنداق يەرگە تولا كىرىپ 2000كويلۇقتىن چوڭراق داۋالاندى ...ساقايغۇچە بىزگە:ھەرگۈز كىرمەيمەن ئۇنداق يەرگە دىدى ....بىزمۇ بوپتۇ دەپ دوسلار ياردەم قىلدۇق.لىكىن يەنە ساقىيىپلا شۇ يەرگە چاپتى ،مەن ئىككى قېتىم چاقىرىپ (ئۇمۇ مىنىڭ ئىسىمدېشىم دە )ئاداش ھازىر جەمىيەت قالايمىغان مەينەت كىسەللەر جىق ، قورقمىساڭمۇ ئاۋۇ ئەيدىز دىگەن مەينەتتىن قورىققىن ...ئەمدى كىرمە ھېلىمۇ شۇنداق ئورۇق گۇيكەنسەن ،شۇ يەردە ئۆلۈپ قالمىغىن ئەمدى دىسەم .بىزەڭلىك بىلەن كۈلۈپ تۇرۋالدى .....ئۇقىشىمچە ئۇلارنىڭ ياتىقىدىن يەنە بىر نەچچىسى باردىكەن شۇنداق يەرلەرگە ...دىمەك جەميەت تۈزۈلۈپ مەكتەپتىكىلەر بۇزلېۋىتىپتۇ.. مەنمۇ ئانچە مۇنچە يىلدا 7-8قېتىم بارمەن دۆڭكۆرۈك تەرەپكە .....شۇ قۇتاد سارىيىنىڭ كەينىدە دوختۇرخانا تەرەپكە ماڭدىغان بىر كۆچا بار .دەل شۇ يەرگە بارسام  يۈركۈم سەل ساقىيىدۇ ..بەئەينى بىزنىڭ قەشقەر كوچىسىدەك ،تۇرمۇشنىڭ ھەر خىل قاتلامدىكىلەرنى كۆرگىلى بولدۇ ..

zulfay

	ياخشى يېزىلغان ئەسەركەن. ساقچىلار ھۇشيارلىقىنى ئۆستۈرۈپ، يانچۇقچىلارنى ياخشى ئەدەپلەپ قويدى.

kuzum

	zulfay يوللىغان ۋاقتى  2012-7-31 12:50 PM ياخشى يېزىلغان ئەسەركەن. ساقچىلار ھۇشيارلىقىنى ئۆستۈر ... مەنچە گۈلۈم بۇ يالغۇز ساقچىلارنىڭ ھۇشيالىقىدىنلا ئەمەس.

kuzum

	sazguri يوللىغان ۋاقتى  2012-7-31 12:10 PM ھازىر مىللىتىمىزنىڭ كىشىللىرى تېخى سىزئويلىغاندەك با ... بۇ ھالەت يالغۇز بىزنىڭ زامانىمىزدىلا ئەمەس ،قەدىمدىن تارتىپ بۇلارنى ھېچكىم قۇتقۇزۇش ئۈچۈن ھەركەت قىلىپ باقمىدى.

زامانى

	ياش ۋاقتىدا پۈتۈن گۇناھلارنى ئويناپ تۈگتىپ،كىسەل بولۇپ ياكى قېرىپ پۇشايمان قوينىدا بىھىچارە قالغانداھىجاپ ياكى دوپپا كىيىپ ئۆزلىرىگە ھىدايەت تىلىگەن،شەيتان ۋەسۋىسىدىن كىيىن چىن يۈركىدىن ئىمان ئاستىغا يىغىلغان بارلىق بەندىلىرىگەيەنىلا پەزىلەتلىك مۆمىن بەندىلەربىلەن ھالال تۇپراقتا بىللە ياشاش پۇرسىتى بەرگىنىگە ۋە كىچىككەن ئەقىللىرىگە يەنىلا توغرا ئەقىل بەرگەن ئاللاھقا چەكسىز ھەمدۇ سانا ئېيتىمىز.

sazguri

	kuzum يوللىغان ۋاقتى  2012-7-31 01:12 PM بۇ ھالەت يالغۇز بىزنىڭ زامانىمىزدىلا ئەمەس ،قەدىمدىن ... بارا بارا  ئويغىنىش باسقۇچىدا ئاۋال ئۆزىنىڭ تۇرمۇش مەسىلىسى ساقايسۇن ... دۇنيادىكى بارلىق ئىشلار ياكى ئاچلىقتىن ياكى توقلۇقتىن چىقىدۇ

kuzum

	sazguri يوللىغان ۋاقتى  2012-7-31 04:07 PM بارا بارا  ئويغىنىش باسقۇچىدا ئاۋال ئۆزىنىڭ تۇرمۇش مە ... شۇنداق ئەگەر مۇشۇ گال بولمىغان بولسا، مۇشۇ نەپسىمىز بولمىغان بولسىدى ..... ئەمما بۇمۇ بىزگە بىر سىناق

sirikbuya

	ئېھ  ئاللاھ  مىللىتىم ئوغۇل قىزلىرىغا  شەرمى ھايا پاك ئىمان ھىدايەت  ئاتا قىلغايلا سىلى ھىدايەت قىلمىسلا  ئۇلار مەڭگۈ  دەۋزەختە قالىدۇ . ئھ  رەببىم دۇئايىمنى ئىجابەت  قىلسىلا  (  ئامىن )