«تەنتەۋى جەۋھەرلىرى » كىتابىدىن جەۋھەرلەر (3)

Kikax

	ئەسسالامۇ-ئەلەيكۇم قېرىنداشلار ، ياخشى مەزمۇنلار داۋاملىق ھۇزۇرۇڭلارغا كەتتى ئەمسە . 41. چوڭلار ئالدىدا ھەقنى دېسەڭمۇ تاكاللاشقان بولىسەن ، ئۆزۈڭنى كەمتەر تۇت ، سۆزى توختىغاندا پۇرسەت تېپىپ سۆزلە . 42. مۇنازىرلەشكەندە كۈلۈپ تۇرۇپ ئەخلاقلىق بىلەن مۇنازىرلەش . 43. قېرىندېشىڭ ساڭا يامان گەپ قىلسا سەن ياخشى گەپ قىل . 44. باشقىلار گەپ قىلىۋاتسا گېپىنى بۆلمەي بېرىلىپ ئاڭلا ، سۈكۈت گۆھەردىن قىممەتلىك ، سۆزلىسەڭ قىممەتلىك سۆزلە . 45. پېقىرنى ۋە ئۇنىڭ كۆزقارشىنى ھاقارەتلىمە ، بۇ ئالىيجاناپ ئىش ئەمەس . 46. كىشىلەر ئارىسىدا ھەقىقەتنى بۇرمىلىما  ، بولمىسا زور ئاقىۋەت كېلىپ چىقىدۇ . 47. ساڭا باشقىلار ئاشكارلىغان سىرنى سەن باشقىلارغا ئاشكارلىما . 48. ھاياتى تەرجىمىھالى ياخشى بولمىغان كىشى ئازغۇن ، سەنمۇ ئۇنىڭ كەينىدىن ئازما ، ئىبرەت ئال . 49. تارىخ دېگەن كەلگۈسىگە تۇتۇلغان ئەينەكتۇر ، ياخشى كۆرۈپ باق . 50. ھەرقانداق قەۋىم بېلەن ياشىساڭ ئۇلارنىڭ قەلبىنى تۇتىۋال . 51. سۆزلىرىڭ دائىم قىسقا ، توغرا ، پايدىلىق بولسۇن . 52. توغرا يول تاپاي دېسەڭ ياماندىن يىراق بول ، مەخلۇققا بولغان تامادىنمۇ يىراق بول ، ئۇ داۋاسى يوق كىسەل ، پىقىر قىلىۋېتىدۇ . 53. ئۆزىنىمۇ بارچە غېمىنىمۇ ۋاقتىنىمۇ دۇنياغىلا قاراتقان كىشى  قىلچە لەززەت ئالالماي كېتىدۇ . كىشىلەردىن قورىققان كىشى ، غەمدە ئۆلۈپ كېتىدۇ . لەززەتنى باتۇرلار تېتىيالايدۇ . 54. كۈندۈزدىكى ئەمەل ۋاقتىنىمۇ شەھۋەتكە بەرگەن كىشىنىڭ ئائىلىسى خاراب ، ۋەيران بولغىنىدەك ، بۇ دۇنيادىكى بارلىق ۋاقتىنى شەھۋەتكە بەرگەن ئادەم ئاخىرەتتە ۋەيران ، خارابدۇر . 55. دوستۇڭنىڭ تەبىيىتىنى ، مىجەز خارەكتىرنى ئۇقماقچى بولساڭ ئۆتمۈشىنى سورا . 56. ھاياتلا بولساڭ خۇشخۇي ، ئەخلاقلىق بول . 57. كىشىلەر ئارىسىغا ئاداۋەت سالغان كىشى ئۆزى يالغۇز قالىدۇ ، ھەمراھ تاپالمايدۇ . 58. تېشىڭدە ياخشى بولغاندەكمۇ ئىچىڭدە ياخشى بول . 59. ئىنسان قېرىسا كىچىكلىككە قايتىدۇ ، كۆزى ، سۆزى ، قۇلىقى ، ئەقلى ، ئەستە تۇتۇش ، ھەممىسى شۇ ، شۇڭا ئاتا - ئاناڭغا كۆيۈن ، ياخشىلىق قىل . 60. ئەمەللىرىڭدە ئاللاھقا ئىخلاس قىل ، بۇ قۇلچىلىقنىڭ سەمىمىيىتى . بۈگۈنچە يەنە 20 نى يوللۇدۇم . قالغىنىنى داۋاملىق يوللاپ تۇرمەن ئىنشااللە .  قېرىنداشلارنىڭ ياخشى پايدىلىنىشى ئۈمۈد قىلىمەن . مەنبە :  «تەنتەۋى جەۋھەرلىرى » كىتابىدىن .

aptap104

	رەخمەت . تەنتەۋنىڭ تەرجىمالى بىرىنجى ئورۇندا ، بەلكىم تورداشلار بىلمەسلىكى مۇمكىن . شۇڭا  ئۇنىمۇ قوشۇپ يوللاپ قويىلى !  مەن كۆپ ئاڭلىغان ھەمدە مۇنبەردە تەرجىمالىنى كۆرگەندەك يادىمدا ..........

ANSWER

	كۆپ تەشەككۇر

loituma

	41. چوڭلار ئالدىدا ھەقنى دېسەڭمۇ تاكاللاشقان بولىسەن ، ئۆزۈڭنى كەمتەر تۇت ، سۆزى توختىغاندا پۇرسەت تېپىپ سۆزلە . بۇنى ياقتۇردۇم،،ئەمما بۇنىڭغا يانداش قىلىپ‹گەپكە گەپ كەلگەندە  ئاتاڭدىن قالما›دېگەننىمۇ ياقتۇرىمەن..

azizgul

	اللە كۆپ ئەجىرلەر بەرسۇن !!!!!!!!!!

zulayha

	ۋەئەلەيكۇم ئەسسالام. تولىمۇ ئەجىرلىك تېمىڭىزگە ئاللاھ ئەجىرلەرنى ئاتا قىلسۇن. رەھمەت قېرىندىشىم .