بىر ئوغلاندىن ئايرىلدۇق(خەلق قىزىقچىسى تۇداخۇنغا مەرسىيە)

baywetqe

	خەلق قىزىقچىسى تۇداخۇن بۈگۈن 2012-يىل28-ئىيۇل كۈنى، تېلفۇندىن «ئىككى سائەتنىڭ ئالدىدا تۇداخۇن ھادىسىگە ئۇچراپ قازا قىپتۇ»دېگەن خەۋەرنى ئاڭلاپ ئىشەنگۈم كەلمەي قالدى.كاللامدا نۇرغۇن خىياللار،كۆزئالدىمدا مەرھۇمنىڭ ئىكراندىكى ئۈمىدۋار،خۇشچاقچاق تۇرقى،ئاقكۆڭۈل ئىلىلىقلارنىڭ ئۆزىنى قويۇپ بېرىپ ئېچىلىپ كۈلۈشلىرى،...بۇ قازاغا،بۇ تەغدىرگە نېمە دېگۈلۈك؟! بۇ ئىلى چاقچاقلىرىغا،ئۇيغۇرئەلنەغمە سەنئىتىگە،ئۇيغۇر مىللىتىگە بىر يوقىتىش بولدى. بۇ مەرسىيەم ئارقىلىق مەرھۇمغا چۇڭقۇر تەزىيە بىلدۈرىمەن.                     ____ مەقسۇت ئەمىن ئەركيار بىر ئوغلاندىن ئايرىلدۇق مەقسۇت ئەمىن ئەركيار (خەلق قىزىقچىسى تۇداخۇنغا مەرسىيە) يامانلارغا يامان كۈن،«ياخشىلارغا روزا» بار، شادلىق يېشى ئوينىغان چاناقلارغا ياغدى قار. كۈلدۈرگەنلەر قېپقېلىپ،يىغلاتقانلار يۈتسىدى، ئەپسۇس، پەلەك ئەكسىچە قىلدى بىزنى ھازىدار. كۈلكە بەرگەن باغلارغا،كۈلكە بەرگەن تاغلارغا، ئەل بېشىدا چۈشكۈنلۈك ھۆكۈم سۈرگەن چاغلارغا. ئىلى دەريا قايغۇسى، شاۋقۇنىدا ئۈنى بار، مەلھەم ئىدى چاقچىقى كۆرگەن ئەلەم-داغلارغا. ئەل بالىسى قازاغا ئۇچرىغان بۇ شۇم خەۋەر، ئېزىۋەتتى جۇدالىق، قولنى ئىشتىن توختاتتى. تۇداخۇننى كۆرگەندە كۈلەر ئىدى چېھرىمىز، ئۈمىدۋار شۇ سىماسى يۈرەكلەرنى يىغلاتتى. ھېسامكامنىڭ كۆزى نەم،ياقۇپ،ھېبى بەزلەيدۇ، بىر ئوغلاندىن ئايرىلدۇق، كۆزياش ھامان پەسلەيدۇ. تېنى مېيىپ بولسىمۇ روھىي باي شۇ تۇداخۇن، ئۇنۇتمايدۇ خەلقىمىز سېغىنىدۇ، ئەسلەيدۇ! 2012-يىل7-ئاينىڭ28-كۈنى. بۇ چاقچاق فىلىمى: http://www.arkaksu.com/kuldurga/play.asp?id=159 تۆۋەندىكى كەڭساي مۇنبىرىدىن تېپىلغان مەرھۇمغا مۇناسىۋەتلىك ماتېرىياللار،توداشلار داۋامىنى تۇلۇقلاپ قويسا دېگەن ئۈمىدتىمەن. تۇداخۇن پاكار كىم؟ خەلقىنىڭ   روھىنى چۈشۈرمەي،ئىشەنچىسىنى يوقاتماي ،قايغۇ ئىچىدىن خوشاللىق تاپالايدىغان،تەمكىن كۈلگۈنچەك ،خۇشچاقچاق ،باتۇر ،ئەمگەكچان خەلىقىنىڭ كۆڭلىنى خوشال قىلايدىغان-----تۇداخۇن پاكار. تەمسىللەردە<<يولۋاسنى يەڭگەن باتۇر ئەمەس،ئاچچىقنى يەڭگەن باتۇر>>دىيىلىدۇ،باتۇرلار ئەزەلدىن مەرد،سېخىي،ھالال،لەۋزىدە تۇرىدىغان،پەسلىك،نامەرتلىك ،ھىلە-نەيرەڭدىن خالى ئاق -يىلىك،ئاق ئۇستىخان كىلىدۇ.مۇنداقلارنىڭ ناخشىسىمۇ،كۈلكىسىمۇ، يىغىسىمۇ ئوخشاشلا <<گۈلگە-گۈل>> قويغاندەك شۇنداق چىرايلىق كۆرىنىدۇ. ئالدىنقى ئەسىرنىڭ ئاخىرقى چارىكىدە ئىلىنىڭ چاقچاقچىلىق سەنئىتىگە تۇداخۇن روزى ئىسىملىك يېڭى بىر چولپان كىرىپ كەلدى.چاقچاقچىمىزنىڭ بويى بىر گەز ،ئويى مىڭ گەز كىلەتتى.كىشىلەر باشتا ئۇنىڭ يۇمۇرستتىك خۇسۇسىيىتىگە ئانچە دىققەت قىلمىدى.ئۆز ۋاقتىدا سۈرەتكە ئېلىنغان تېلېۋىزىيە بەدىئىي فىلىمى <<ئىلى مەشرىپى>> ۋە ئاپتۇنۇم رايۇنلۇق ئەدەبىيات -سەنئەت كىچىلىكىدە ئوينالغان<< ھەممە ئادەم باراۋەر>>،<<بالىسىنى يوقلاش>> قا ئوخشاش ئىتوت -كۈلدۈرگىلەرنى ئويناپ چىققاندا تاماشىبىنلار يەڭگىل تەسىراتلاردا بولدى. كىيىنچە ئۇ ئۆزىنىڭ بۇ جەھەتتىكى قابىلىيىتى كىشىلەرگە تېز يۇمۇرۇستىك ئىنكاسى بىلەن نامايەن قىلىپ ئۈلگۈردى. ئۇنىڭ بويى 90 سانتېمىتىر ،ئېغىرلىقى تەخمىنەن 45 كىلوگىرام كىلىدۇ. تۇداخۇن ئايالى بىلەن بىللە تۇداخۇن ئايالى ،پەرزەنتى، دوستلىرى بىلەن بىللە تۇداخۇننىڭ ئوتتۇرا مەكتەپنى پۈتتۈرگەن ۋاقتى مەنبەسى: ئۇيغار تورى http://bbs.uyghar.com/forum.php?mod=viewthread&tid=425&page=1&extra=#pid660

ئەخمەد

	قانداق گەپ بۇ،  بىردەم يۈرەك كىسلى بىلەن قازا قىلغان دېسە بىردەم ھادىسىگە ئۇچىرغان دېسە قايسىسى راست ئەمدى، يۈرەك كىسلى ھادىسىسىگە ئۇچراپ دېگەننى ئىككىگە بۆلۈپ يوللىمىغانسىلەر؟ ھۆرمەتلىك باشقۇرغۇچىلارنىڭ تېمىنى بولۇپمۇ بۇخىل ئاخبارات تۈرىگە كىرىدىغان خەۋەرلىك تېمىلارنى تەستىقلىغاندا ئېنىقلىۋىتىپ ئاندىن تەستىقلىشىنى سورايمەن. بولمىسا  قەشقەرلىكنى گەپ تاپقان دەپ ئەيىپلەپ كەتمىسۇن!!؟؟

ئېمپىراتور

	شۇمى دەيمەن  مەنمۇ گاڭگىراپ قالدىم جۇمو!

bayhenim

	قانداق خەۋەر بۇ قايسى راس زادى

ablat816

	مۇتۇدىدن يىقىلپ چۇشۇپ تۇگەپ قاپتۇ ،رەھمەتلىك . ياتقان يىرى چەننەتتە بۇلسۇن .ئامىن

ئەنسار

	ئۆلگىنى راسىت ئوخشايدۇ

kapsizkiz

	جاھاندا ئۆلمگەن كىم بار ھەمممىزنىڭ بېشىدا بار بۇ كۈن ،پەقەت ئىلگىرى كىينلىك تەرتىپى ئوخشىمايدۇ خالاس مەرھۇمنىڭ ياتقان يېرى جەننەت بولغاي

bayhenim

	kapsizkiz يوللىغان ۋاقتى  2012-7-28 09:50 PM جاھاندا ئۆلمگەن كىم بار ھەمممىزنىڭ بېشىدا بار بۇ كۈن ، ... ھەقىيقەتەن توغرا گەپ

@يۇرتۇم@

	مەنمۇ گاڭگىراپ قالدىم دىسە

qog

	تۇداخۇن ئاكا بىز سەندىن ئايرىلىپ قالدۇق