بەخىتلىك ئاياللارنىڭ يەتتە چوڭ ئالاھىدىلىكى

bugaltir

	بەخىتلىك ئاياللارنىڭ يەتتە چوڭ ئالاھىدىلىكى نىكاھ - مەكتەپكە ئوخشايدۇ، خۇشاللىققا ئېرىشىش-ئېرىشەلمەسلىك خۇددى ئۆگەنگەننىڭ كۆپ ياكى ئاز بولغىنىغا ئوخشاش، ئادەمگە قاراپ ئوخشاش بولمايدۇ، بۇ مەكتەپتە، بەزىلەرنۇرغۇن نەرسىلەرنى ئۆگىنىۋالىدۇ، نۇرغۇن تەرەپلەرنى تۈزىتىۋالىدۇ، شۇنىڭ بىلەن خۇشاللىققا ئېرىشەلەيدۇ. لېكىن تۇرمۇشتا، بەزىلەرنىڭ ئېرىشكىنى كۆز يېشى ۋە قايغۇ بولىدۇ، بۇ زادى نىمە ئۈچۈن؟ زادى قانداق ئايال تويدىن كېيىن خۇشال تۇرمۇشقا ئېرىشەلەيدۇ ؟ ▲كۆپ جەھەتلەردە ئوخشايدىغان ئايرىم جەھەتلەردە پەرقلىنىدىغان ئاياللار. تويدىن كېيىن تۇرمۇش ئادىتى، خاراكتېرى، قىزىقىشى ئوخشاش بولمىغان ئىككى ئادەم بىرلىكتە تۇرمۇش كەچۈرىدۇ، ئەگەر ئايال ئېرىنى ئۆزىنىڭ ئۆلچىمى بويىچە ئۆزگەرتمەكچى بولسا، ناھايىتى ئېنىقكى، بۇ ئېرىنىڭ نارازىلىقى ۋە بىزار بولۇشىنى كەلتۈرۈپ چىقىرىدۇ. چوڭ ئىشلاردا بىرلىككە كىلىپ، كىچىك ئىشلاردا پەرىقنى ساقلاپ قالغاندىلا ئاندىن بۇ ئائىلە ئىناق بولىدۇ. ▲ ئىقتىسادىي جەھەتتە نىسپىي مۇستەقىل ئايال.ئەگەر پۇلدار ئەرگە ياتلىق بولدۇم دەپ قارىسىڭىز ئۇنداقتا ئىشلىمەي ئائىلىدە خېنىم بولسىڭىزمۇ بولىدۇ ياكى يولدىشىڭىزنى ئۆزىڭىزنىڭ ئۇزۇن مۇددەتلىك ھەقسىز تاماق بېلىتى دەپ قارىسىڭىزمۇ بولىدۇ. بىراق بۇنداق قاراش ناھايىتى خەتەرلىك. مۇبادا ئىقتىسادىي جەھەتتە پۈتۈنلەي يولدىشىڭىزغا تايىنىپ قالسىڭىز، نىكاھتا ئاسانلا باشقىچە ئەھۋال كۆرۈلىدۇ، بىر ئايال بەك كۆپ پۇل تاپمىسىمۇ بولىدۇ، لېكىن ھېچ بولمىغاندا ئۆزىنى باقالايدىغان بولۇشى كېرەك. ئەگەر پۈتۈنلەي ئائىلە ئايالى بولۇشنى ئويلىغان بولسىڭىزمۇ يەنىلا قايتا - قايتا ئويلىنىڭ. بىز ئائىلە ئايالىنىڭ تۆلەيدىغان بەدىلىنىڭ ناھايىتى كۆپ بولىدىغانلىقىنى بىلسەكمۇ، لېكىن ئىقتىسادىي كىرىمى بولمىغانلىقى سەۋەبىدىن تارتقان جاپالىرى كۆرۈنمەي قالىدىغان ئەھۋالمۇ يۈز بېرىدۇ. يولدىشىڭىز پۈتۈن كۈچ بىلەن قوللىغان ياكى ئائىلىڭىز دۆلەتمەن بولغان ۋە ياكى باشقا سەۋەبلەر تۈپەيلىدىن ئىشلەشكە پەقەتلا ئامال بولمىغان ئەھۋالدىن باشقا، يېنىكلىك بىلەن خىزمىتىڭىزدىن ئىستىپا بەرمەڭ، ئائىلە ئايالى بولىدىغان كۈنلەر ئۇزارغانسېرى، كىرىم بولمىغانلىقتىن، بەزىدە يېتىشەلمەيدىغان ئىشلاردىن ساقلىنىش تەس. يولدىشىڭىز سىزنى كەمسىتمىگەن تەقدىردىمۇ، سىز ئۆزىڭىز ئېھتىمال خاتىرجەم بولالمايدىغان بولۇپ قېلىشىڭىز مۇمكىن. ▲ ئۆزىگە بولغان ئىشەنچنى يوقاتمىغان ئايال.ئىشەنچ ئەسلىدىنلا بىر خىل سېھرىي كۈچ. ئەگەر سىز ئۆزىڭىزنى ئۆزىڭىز ئېتراپ قىلسىڭىز، ئۇنداقتا باشقىلارنىڭ ئېتىراپ قىلىشىغا ئېرىشەلەيسىز. ئۆزىگە ئىشىنىش تاشقى كۆرۈنۈشتىلا ئىپادىلىنىشتىن باشقا، يەنە ئۈزلۈكسىز ھالدا بىلىم ئاشۇرۇش، ساپانى يۇقىرى كۆتۈرۈش، پەزىلەتلىك بولۇش قاتارلىقلاردىمۇ ئكز ئىپادىسىنى تاپىدۇ. ▲ ئائىلىسىدىكىلەرنى سۆيۈش بىلەن ئۆزىنىمۇ سۆيەلەيدىغان ئايال.توي قىلغاندىن كېيىن، ئاياللارنىڭ ئىشى كۆپ بولىدۇ، بۇ ۋاقىتتا ئاياللار ئۆزىنى تېخىمۇ قەدىرلىشى كېرەك. ئاياللارنىڭ تويدىن كېيىن يولدىشىنى، بالىلىرىنى سۆيۈشى تەبىئىي ئىش، لېكىن بۇنىڭلىق بىلەن ئۆزىنى ئۇنتۇپ قېلىشقا بولمايدۇ. ئۆزىنى قەدىرلىگەنلىك ئەمەلىيەتتە ئائىلىنى قەدىرلىگەنلىك. ئايالنىڭ بىر ئائىلىدىكى مۇھىملىقنى سۆزلىمىسەكمۇ ھەممىمىزگە ئېنىق. شۇنىڭ ئۈچۈن ئۆزىنىڭ سالامەتلىكىنى ئاسرىشى، زىيادە چارچاپ كەتمەسلىكى كېرەك. ▲ چوڭ ئىشلارغا ئالدىراپ قالمايدىغان، كىچىك ئىشلاردا ھېسابلىشىپ كەتمەيدىغان ئايال.　تويدىن كېيىن، ئەر -خوتۇن ئىككىيلەننىڭ پىكرىنىڭ بىردەك بولماسلىقى دائىم بولۇپ تۇرىدىغان ئەھۋال، چوڭ ئىشلاردا پرىنسىپنى تەكىتلەش، ھودۇقۇپ كەتمەسلى ، كىچىك ئىشلاردا ئەك ياخشىسى بەك ھېسابلىشىپ كەتمەسلىك كېرەك. ئەگەر ھەمىشە كىچىككىنە ئىشلاردىمۇ جاڭجاڭلاشسا، ۋاقىت ئۆتكەنسېرى مۇناسىۋەتنىڭ جىددىيلىشىشىنى، ھېسىياتنىڭ سۇسلىىشىشىنى كەلتۈرۈپ چىقىرىدۇ. ئەگەر ئاغرىنىش ۋە كوتۇلداش ھەمىشە قۇلاق تۈۋىدە غوڭۇلداپ تۇرسا، قانداقمۇ خۇشال - خورام بولغىلى بولىدۇ؟ ▲بەلگىلىك دەرىجىدە ئائىلىنى باشقۇرۇش ئىقتىدارىغا ئىگە ئايال.ئائىلىنى ياخشى باشقۇرۇش ئۈچۈن، بەلگىلىك ئائىلە باشقۇرۇش ئىقتىدارىنىڭ بولۇشى زۆرۈر. ئاياللار بىر مۇنەۋۋەر «غوجىدار» بولۇشنى ئۆگىنىۋېلىشى كېرەك. ئائىلە مەيلى قانچىلىك ياخشى، خاتىرجەم تەرەققىي قىلىۋاتقان بولسىمۇ، ئاياللار يەنىلا مۇھىم رولىنى جارى قىلدۇرۇش كېرەك. ئەر-خوتۇننىڭ قوش شەمشەردەك ماسلىشىشى بولسا بىر مۇكەممەل ماسلىشىشتۇر، توي قىلغان ئاياللار ئائىلە باشقۇرۇشقا دائىر بىلىملەرنى كۆپرەك ئىگىلەپ، ئۆزىنى ئازادە، خۇشال، ئائىلە ئىشلىرىنى ماھىرلىق بىلەن بىر تەرەپ قىلىپ، غەم-قايغۇدا چارىسىز قېلىشتىن، كۈڭۈل پاراكەندىچىلىكىدىن ساقلىنىش كېرەك. ▲ ئۆزىنىڭ قىزىقىشى، ھەۋىسىنى ساقلاپ قالغان ئايال.ئاياللار توي قىلغاندىن كېيىنمۇ ئۆزىنىڭ مەلۇم جەھەتتىكى قىزىقىشىنى ساقلاپ قالغىنى ياخشى. بولمىسا، ئۇلاردا ئائىلىگە كەلگەن كىچىككىنە كۆڭۈلسىزلىك سەۋەبىدىن ناھايىتى ئاسانلا ئۈمىدسىزلىنىش، ئىچى سىقىلىش يۈز بېرىدۇ. تويدىن كېيىن ئاياللار ئۆزىنىڭ بىر- ئىككى خىل ھەۋىسىنى ساقلاپ قېلىپ، رېئال تۇرمۇشتا ئۆزىنىڭ نورمال دوستلۇق چەمبرىكىنى ھاسىل قىلىشى كېرەك. مەنبە     :   جۇڭگو  رادىيو  تورى شىنجاڭ تارماق تورى   . http://www.radioxj.com/show.aspx?id=15321&cid=27

koxmak602

	توغرا، ئاياللار تويدىن كېيىن چوقۇم كۆپ نەرسىلەرگە دىققەت قىلىشى كېرەك.

ramu

	ئىھتىمال توغرىدۇر.

870606

	ئەرنى ئەر قىلغانمۇ خۇتۇن.ئەرنى يەر قىلغانمۇ خۇتۇن دەپتىكە...بەزى ئاياللىرىمىز پەقەتلا ئۆزىدىن سەۋەنلىك ئىزدىمەيدۇ،كەشكىچە ئىرىدىن قاھشايدۇ.ئىرىمىز نى ئۆزىمىز گە باغلىماقچى بولساق چۇقۇم ئۇنىڭ ھالىغا يىتىشىمىز،تولا گەپ قىلىپ كۆزىگە كىرۋالماسلىقىمىز.ھەر ۋاقىت يەيدىغان تامىقىنى ھازىرلاپ تۇرىشىمىز كېرەك.بەزى ئاياللار سەندىن مەن قالامتىم دەپ ئېرىگە بەسكە سالىدۇ،لىكىن ئەر كىشى ئاجرىشىپ يەنە قانداق خۇتۇن ئالىمە دىسە ئالالايدۇ،لىكىن ئاياللار ئاجىز تىگىمە دەپلا تىگەلمەيدۇ .شۇڭا ئۆيىمىزنى ياخشى تۇتىمىز دەيدىكەنمىز چۇقۇم ئېرىمىزنىڭ كۆڭلىنى تۇتىۋېلىشقا ماھىر بۇلىشىمىز كېرەك.

adil2052103

	870606 يوللىغان ۋاقتى  2012-7-27 04:15 PM ئەرنى ئەر قىلغانمۇ خۇتۇن.ئەرنى يەر قىلغانمۇ خۇتۇن دەپت ... جانلىق ئىنكاس      ئاياللار نىڭ  كۆپقىسمىنى  دوزاق ئەھلى دىگەن  مۇھەممەت ئەلەيھىسالام

bayhenim

	نادىرلاشقا تىگىشلىك تىمىكەن ،بىراق مەن يەنىلام ئاياللارنىڭ ئۆيىدە ئولتۇرۇپ ئېرىنىڭ تېپىپ ئەكىلىپ بەرگىنگە شۈكۈر قىلىشىنى تەۋسىيە قىلىمەن ئايال كىشىنىڭ تاپقان پۇلىمۇ ياخشى ئەمەس بۇنى چۈشەندۈرشۈمنىڭ ھاجىتى يوق. ئەر كىشى ئۆيلەنگەن ۋاختىدا ئۇ ئايالىنى چوقۇم بېقىشنى ئويلاپ ئالىدۇ ئەگەر ئايال كىشىنىڭ پۇلىنى خەشلىسە ئۇ بۇۋاقىتتا قانداق ئورۇنغا چۈشۈپ قالار..............

dilnaz-ay

	870606 يوللىغان ۋاقتى  2012-7-27 04:15 PM ئەرنى ئەر قىلغانمۇ خۇتۇن.ئەرنى يەر قىلغانمۇ خۇتۇن دەپت ...     مەن بۇ پىكىرنى ئۇنچە قوللاپ كەتمەيمەن، چۈنكى ‹‹ ئەرنى ئەر قىلغانمۇ خوتۇن، يەر قىلغانمۇ خوتۇن›› دىگەن قاراشتا تىلغا ئېلىنغان ئايال، مەنچە بولغاندا بىرىنچى بولۇپ شۇ ئەرنڭ ئاپىسى، 20 نەچچە يىل ئانىسىنىڭ تەربىيىسىنى ئېلىپ ، تۇرمۇشلۇق بولغاندا ، بۇ ئەرنىڭ مىجەزى ۋە تەربىلىنىشى ئاساسەن ئانىسى تەرىپىدىن بەلگىلىنىپ بولغان بولىدۇ، توغرا نىكاھ تۇرمۇشتا ئايال ئەرگە نىسبەتەن ناھايىتى چوڭ تەسىر كۆرسىتىدۇ، ئەقىللىق ، ئۇز، پەزىلەتلىك ئايال بىلەن،  ئەركەكلەردەك خاراكتىرگە ئىگە تەدبىرلىك ئەر بىرلەشسە بۇ خۇددى ئالتۇن ئۈزۈككە ياقۇت كۆز ياراشقاندەك ئىش بولاتتى...

نۇربىيە

	بەلگىلىك دەرىجىدە تەربىيىۋى ئەھمىيىتى بار تىما يوللاپسىز

arkin.jan

	بەكياخشى تىمابوپتۇ

ilim-maripat

	نىكاھ - مەكتەپكە ئوخشايدۇ، خۇشاللىققا ئېرىشىش-ئېرىشەلمەسلىك خۇددى ئۆگەنگەننىڭ كۆپ ياكى ئاز بولغىنىغا ئوخشاش، ئادەمگە قاراپ ئوخشاش بولمايدۇ، بۇ مەكتەپتە، بەزىلەرنۇرغۇن نەرسىلەرنى ئۆگىنىۋالىدۇ، نۇرغۇن تەرەپلەرنى تۈزىتىۋالىدۇ، شۇنىڭ بىلەن خۇشاللىققا ئېرىشەلەيدۇ .