قەشقەردە داڭلىق يازغۇچىلارنىڭ ئىمزا قويۇپ كىتاپ سېتىش پائالىيىتى

Qabiljan

	قەشقەردە داڭلىق يازغۇچىلارنىڭ ئىمزا قويۇپ كىتاپ سېتىش پائالىيىتى ئېلىپ بېرىلدى. 7-ئاينىڭ 25-كۈنى ئەتىگەن سائەت توققۇزدىن ئوتتۇز مىنۇت ئۆتكەندە قەشقەر ۋىلايەتلىك شىنخۇا كىتاپخانىسىدا 7-نۆۋەتلىك شىنجاڭ ‹‹تەڭرىتاغ كىتاپ ئوقۇش بايرىمى››مۇناسىۋىتى بىلەن تولىمۇ ئەھمىيەتلىك  بولغان بىر پائالىيەت ئۆتكۈزۈلدى. بۇ پائلىيەتنىڭ نامى‹‹7-نۆۋەتلىك شىنجاڭ ‹تەڭرىتاغ كىتاپ ئوقۇش بايرىمى› ۋە ئاز سانلىق مىللەت داڭلىق يازغۇچىلىرىنىڭ نەق مەيداندا ئىمزا قويۇپ كىتاپ سېتىش پائالىيىتى›› دەپ ئاتالدى. بۇ پائالىيەت شىنجاڭ ئۇيغۇر  ئاپتونوم رايونلۇق پارتكوم تەشۋىقات بۆلىمى، ئاپتۇنۇم رايۇنلۇق مەدەنىيەت نازارىتى،شىنجاڭ يازغۇچىلار جەمىيىتى، ئاپتونوم رايونلۇق ئاخبارات-نەشرىيات ئىدارىسى، ئەدەبىيات- سەنئەتچىلەر بىرلەشمىسى، ئاپتونوم رايونلۇق شىنخۇا كىتاپخانىسى، قەشقەر ۋىلايەتلىك پارتكوم خەلق ھۆكۈمىتى، قەشقەر ۋىلايەتلىك شىنخۇا كىتاپخانىسى قاتارلىق ئورۇنلارنىڭ بىر تۇتاش پىلانلىشى ۋە بىرلىكتە  كۆڭۈل قويۇپ ئورۇنلاشتۇرۇشى بىلەن ئېلىپ بېرىلغان. بۇ قېتىمقى ‹‹ئاز سانلىق مىللەت داڭلىق يازغۇچىلىرىنىڭ نەق مەيداندا ئىمزا قويۇپ كىتاپ سېتىش پائالىيىتى››گە ئاپتۇنۇم رايونىمىزنىڭ ئەدەبىيات -سەنئەت ساھەسىدىكى رەھبەرلەر ۋە يازغۇچىلاردىن پەرھات ئىلياس، ئەنۋەر ئابدۇرېھىم،مۇھەممەت بارات تەشنائى،مۇختار تۇردى،  ئەخمەت ئىمىن،قادىر راخمان،غوجائەخمەت يۇنۇس، مەمتىمىن شىپە ،ئابدۇناسىر يۇنۇس ياۋايى،تاھىر تالىپ قاتارلىق ئون نەپەر ھۆرمەت ئىگىسى مۇنبەردىن ئورۇن ئېلىپ ئولتۇرۇپ ئۆز ئوقۇرمەنلىرى سېتىۋېلىش ئۈچۈن   ئېلىپ كەلگەن كىتاپلارغا ئۆز قولى بىلەن مۇبارەك ئىمزالىرىنى قويۇپ بېرىپ ۋە بىرگە خاتىرە سۈرەتكە چۈشۈپ كىتاپ سېتىۋېلىش ۋە بۇ پائالىيەتكە قاتنىشىش ئۈچۈن كەلگەن ئاممىنى ئىنتايىن خۇشال قىلىۋەتتى. بۈگۈنكى بۇ پائالىيەتنىڭ يەنە بىر مۇھىم مەزمۇنى : ياش تالانتلىق يازغۇچى ئابدۇناسىر يۇنۇس ياۋايىنىڭ <<شىنجاڭ يازغۇچىلىرىنىڭ ئىجادى ئەسەرلىرى ئاز سانلىق مىللەت، خەنزۇ يېزىقىدىكى ئەسەرلەرنى ئۆز -ئارا تەرجىمە-نەشر  قىلىش قۇرۇلۇشى>>غا تاللانغان  ئىككى قىسىملىق يېڭى تارىخى رومانى‹‹ئابىھايات››نىڭ نەشىردىن چىقىپ تارقىتىلىش مۇراسىمى بولغىنى ئۈچۈن ئابدۇناسر يۇنۇس بۇ قېتىمقى پائالىيەتنىڭ قىزىق نوقتىسى ۋە بۇ پائالىيەتتىكى ئەڭ ئالدىراش ئادەم بولۇپ قالدى. بۇ قېتىمقى پائالىيەتكە قاتنىشىش ۋە كىتاپ سېتىۋېلىش ئۈچۈن ئالاھىدە 145كىلومېتىر يىراقلىقتىن سەھەردىلا كەلگەن 76 ياشلىق مويسىپىت،يوپۇرغا ناھىيە بايئاۋات يېزا ‹‹ماشئېڭىز›› مەھەللىسىنىڭ ئىمامى ئىمىن مۆمىن-‹‹ئابىھايات›› رومانىدىكى ئاساسلىق پېرسۇناژلاردىن بىرى  ئىسمايىل بەگنىڭ نەۋرىسى بولۇپ   ئۇمۇ بۇ قېتىمقى پائالىيەت ئىشتىراكچىلىرىنىڭ دىققەت نەزىرىدىكى شەخس بولۇپ قالدى.بىر قىسىم پىشقەدەم داڭلىق يازغۇچىلار پائالىيەت جەرياندا ئۇنىڭ بىلەن قىزغىن پاراڭلىشىپ ھال سورىدى.‹‹ئابىھايات›› رومانىنى سېتىۋالغان بىر قىسىم خېرىدارلار بۇ بوۋاينىمۇ ئورىۋېلىپ ئۆز كىتاپلىرىغا ئىمزا قويدۇردى ۋە بىرلىكتە سۈرەتكە چۈشتى. تۆۋەندە بۇ پائالىيەتكە قاتنىشالمىغان مۇنبەر ئەھلىنىڭ ھوزۇرى ئۈچۈن بۇ قېتىمقى پائالىيەت جەرياندا تارتىلغان بىر قىسىم سۈرەتلەريوللاندى.

Bilge

	مېنىڭچە مۇشۇ ئۇيغۇرچە كىتابلارنىڭ باھاسى سەل يۇقىرى،ئوخشاش توملۇقتىكى خەنچە كىتابلار ئون،يىگىرمە سوم بولسا ئۇيغۇرچە كىتابلار كام دېگەندە ئوتتۇز قىرىق سوم ،نۇرغۇن كىشىلەر ئاشۇ قىممەت كىتابلار سېتىۋېلىشقا قۇربى يەتمىگەنلىكى ياكى پۇل خەجلىگۈسى كەلمىگەنلىكى ئۈچۈن بەزى كىتابلارنى كىتابخانىدا ئۆرە تۇرۇپلا ئوقىۋېىتدىكەن.

subhinur

	كىتابخۇمار ،ئىلمخۇمار خەلىق جۇمۇ بىز . مىللىتىمنى سۈيىمەن ،قەشقەرىمنى سۈيىمەن.

BAHADER1

	مەن ھازېر لام ماڭدىم ئەمسە كىتاپخانغا

ramalla

	بۇ تولىمۇ ياخشى بىر ئىش بوپتۇ ،ئادەتتە كۆپرەك ئۆتكۇزۇپ تۇرسا بۇ يازغۇچىلارغىمۇ پۇقرالارغىمۇ پايدىسى تىگىدىغان بىر ئىش ھىساپلىناتتى.

taxna5005

	مەنمۇ قەشقەردە بولغان بولسام بىرنەچچە ئىمزالىق كىتاپ سېتىۋالاركەنمەن.

bugdai

	ھەي ئىسىت  بالدۇراق بىلگەن بولسامچۇ !   ئەدىبلىرىمىز بىلەن كۆرشۇش پۇرسىتى بولاركەن .   ئەتە يەنە بىركۈن بولسىچۇ بۇپائالىيەت بەك ياخشى بولاتتى.

salafy

	ھەي مېنى چاقىرماپتىغۇ؟

yawaat0998

	شەنبە، يەكشەنبىنى بىژكىم بەمىگەندىمۇ ماخەققە؟ يا بالدۇرراق دەپ قويماپتۇ، ماندا ئىشىمىز باتى دەپ. بېرىپ، ئاشۇ يازغۇچىلاربىلەن كۆرۈشۈپ، ئىمزاسىنى قويغان كىتابىدىن ئالمامتۇق دەيمە؟ ئۇيۇشتۇرغان ئورۇننىڭ مەسئۇلى تازا قىزغانچۇقمۇ نىمە؟ جىق ئەدەم چىرىپ كۆرىشىۋالمىسۇن دىگەن چېغىۋا. بۇدا ئاشۇنداق ئۇچۇر بولاپ قاسا ھايت دىۋىتىڭلا، قاسىڭلا بوساڭلا.

abaytarim

	ئابدۇناسىر يۇنۇس ياۋايىنىڭ ‹ ئابىھايات› ناملىق رومانىنى تېخى نەچچە كۈن ئالدىدا ئالغانىدىم.  ئالدىدا ئوقۇشقا پىلانلاپ قويغان كىتابلىرىم بولغاچقا ئوقۇغىدەك بولمىدىم . بۇ پائالىيەت ناھايىتى ياخشى بوپتۇ. يازغۇچىلىرىمىزمۇ مۇشۇنداق خەلققە ئارىلىشىپ ئۆتسە تېخىمۇ ياخشى .