كىچەلمەيمەن سېنىڭدىن ۋەتەن!!!

ArknuR

	نەچچە ۋاقىتتىن بېرى تورلاردىن چەتئەللەردە ئوقىۋاتقان، خىزمەت قىلىۋاتقان قېرىنداشلىرىمىزنىڭ يازمىلىرى، تەسىراتلىرى، تاتقان جاپا-مۇشەققەتلىرى، بولۇپمۇ مۇساپىرچىلىقتىكى ھېس-تۇيغۇلىرىنى ئوقۇپ، ۋەتەن ھەققىدە خېلى كۆپ ئوي-خىياللارنى قىلدىم. بۈگۈن تۇيۇقسىزلار رادىئودىن ئابدۇللا ئابدۇرېھىمنىڭ ‹كىچەلمەيمەن سېنىڭدىن ۋەتەن› ناملىق ، مەن ئەڭ ياخشى كۆرىدىغان ناخشىسىنى ياڭراپ قالدى. راھەت كۆرمەي قالاي جاپادا، مەيلى سەرسان بولاي تالادا، مەيلى دۇچار بولاي بالاغا، كېچەلمەيمەن سېنىڭدىن ۋەتەن! توختار سەندە ئاخىرقى نەپەس، ئۆزگە يۇرتقا قىلمايمان ھەۋەس! ئۆز ئىلىدىن كەچكەن ئەر ئەمەس، كېچەلمەيمەن سېنىڭدىن ۋەتەن. ناخشىغا جور بولۇپ، ئوي-خىياللىرىم قانات قېقىپ پەرۋاز قىلىشقا باشلىدى. ۋەتەن دىگەن زادى نىمە؟ ۋەتەننى زادى قانداق سۆيۈش كىرەك؟ ۋەتەن خۇددى ئانىغا ئوخشايدۇ، شۇڭا ئانا ۋەتەن دەپ سۈپەتلەيمىز. قومۇل ئۇيغۇرلىرى ئۆي، يۇرتنى  ‹گۆتەن› دەپ ئاتايدۇ. مەسىلەن: ‹يىراق گۆتەن ئۇ(يىراق يۇرت ئۇ)، گۆتىنىڭنى تېپىۋال(ئۆيۈڭنى تېپىۋال) قاتارلىق.قومۇلدا ۋ ھەرىپى دائىم گ ھەرىپىگە ئۆزگۈرىدۇ. مەسىلەن:مىۋە.مۆگە،ھايۋا،ھايگان قاتارلىق. ئەگەر موشۇ بويىچە بولغاندا گۆتەن ۋەتەن دىگەن گەپ بولۇپ، ئۆي،ئائىلە يۇرت دىگەن مەنىلەرنى بىلدۇرىدۇ. ۋەتەن سۆيگۈسىنىڭ قانداق بولىدىغانلىقى، ۋەتەن مېھرىنىڭ قانچىلىك بولىدىغانلىقىنى، مەن ئالدى بىلەن يازغۇچى ئەختەم ئۆمەرنىڭ ‹يىراق قىرلادىن ئانا يۇرتقا سالام› دىگەن ئەسىرىنى ئوقۇپ ھېس قىلغان. كىيىن داڭلىق تارىخچى نەبىجان تۇرسۇننىڭ ‹موسكۇۋا خىياللىرى› دىگەن ئەسىرىدىن، ھازىر بولسا تەتقىقاتچى ۋە مائارىپچى ئابدۇۋەلى ئايۇپ گۈلەننىڭ ‹ ئامىرىكىدىكى مۇساپىر تۇيغۇلار› قاتارلىق ئەسەرلىرىدىن تېخىمۇ چوڭقۇرلاشتى.مەن گەرچە چەتئەللەردە مۇساپىرچىلىقتا ياشاۋاتقان قېرىنداشلاردەك ۋەتەنسىزلىك، مۇساپىرچىلىقنىڭ دەردىنى تاتىپ باقمىغان ، لېكىن نۇرغۇن قېتىم ئىچكىرى ئۆلكىلەرگە بېرىپ سۇلۇق، باغ-بوستانلىق، گۈزەل تاغ-دەريالاردا يۈرۈپمۇ، موشۇ قۇرغاق قۇملۇق، قاتتىق ئىسسىق،قاتتىق سوغۇق بولىدىغان يۇرتۇمنى بەك سېغىنغان. ئۇ جايلار چۆچەكلەردىكىدەك گۈزەل، ھەممە نىمەت بار بولغان بولسىمۇ، ئاخىرى كىلىپ يۇرتۇمدىكى بىر قۇم بارخىنىدەك مېنى ئۆزىگە جەلىپ قىلالمىغان.بۇمۇ ۋەتەن، يۇرت سۆيگۈسىنىڭ بىر قىسمى بولسا كىرەك.شۇڭا قەدىمقى ئەجداتلار ‹ كىشىنىڭ يۇرتىدا سۇلتان بولغۇچە، ئۆز يۇرتۇڭدا ئۇلتاڭ(ئاياق چەمى) بول› دەپ بىكار ئېيتمىغان. ھەركىم ئۆز ۋەتىنىدىن كىچەلمەيدۇ. ۋەتەن ئانىدەك مېھىرلىك بولغان ئىكەن ، ۋەتەننى قانداق سۆيۇش كىرەك؟ ۋەتەن سۆيگۈسىنى ئىپادىلەشنىڭ ئۇسوللىرى خېلى كۆپ، ھەركىم ئۆز كۈچىگە يارىشا ئىش كۆرۈش كىرەك. ئاددىسى مۇھىت تازلىقىغا ئەھمىيەت بىرىپ، يۇرتىمىزنى پاك تۇتۇشتىن، ، مۇھىت بۇلغۇلنىش، تەبىئەتنىڭ بۇزۇلىشنىڭ ئالدىنى ئېلىپ ۋەتىنىمىزنى تېخىمۇ گۈزەل قىلىشىمىز كىرەك.ئەڭ مۇھىمى مەرھوم  سوپاخۇن سوۋۇروپ گىنىرال ئېيتقاندەك تېخنىكا، بىلىم ئىگەللىشىمىز كىرەك. ۋەتەننى سۆيۈپلا قالماي مەسئول بولىشىمىز، قوغدىشىمىز ، ۋاقتى كەلگەندە ھەتتا ئېزىز جېنىمىزنى ئاتا قىلىشىمىز كىرەك. چۈنكى  ۋەتەننى قۇدرەت تاپقۇزۇش ئۈچۈن ھەركىم ئالدى بىلەن ئۆزىمىزنى قۇدرەت تاپقۇزۇشىمىز كىرەك. مەنبە:ئەركنۇر بلوگى

hekmat110

	دىيارىمىنى سۆيىمەن!

alanwar

	ۋەتەن مىنىڭ جېنىم!!!

subhinur

	كەچكىلى بۇلامدىغان ۋەتەن دىگەندىن .

赛乃木江

	ۋەتىنىنى ،خەلقىنى سۆيمىگەن ھەر قانداق كىشى مەڭگۈ سۆيۈش ۋە سۆيۈلۈشكە ئىرىشەلمەيدۇ.

Bilge

	ۋەتىنىمنى سۆيىمەن.

!UYGHURJAN

	ۋەتەن جەننەت ، ئارمىيە قورغان ، قورغانسىز جەننەتتە ياشايمەن دېمە . پادىشاھ كېمە ، پوقرالار دېڭىز ، دېڭىزسىز كىمىدە يۈرمەن دېمە .

asrari

	ئۇيغۇر خەلقىنىڭ ناخشا -ئۇسۇلغا ھېرىسمەن ئىكەنلىكىنى، جۈملىدىن ناخشا -مۇزىكىنىڭ ھازىر ھەربىر شەخسنىڭ تۇرمۇش كارتىنىسىدىن ئايرىلالمايدىغان بىر يىلىم چاقىسىدەك بىر چاپلاشقاق ئىكەنلىكىنى ھەممىمىز ئېتىراپ قىلماي تۇرالمايمىز. ھېچ بولمىغاندا ‹‹ يۈز ئارسىف›› فىلىمىنىڭ مۇزىكىسىنى بولسىمۇ تېلىفۇنىڭىزدىن چىقمايدۇ دەپ ئېيتالمايسىز.تورغا كىرگەن ھازىرقى مىنۇتلاردىمۇ چىقا-چىقمايلا ناخشا چىقىپ قالىدۇ. ھېچ بولمىغاندا ھەركۈنى يانفۇنىڭىزدىن نوكىيانىڭ ياكى سەنشىڭنىڭ بولسىمۇ مۇزىكىسى چىقىدۇ، بۇنىڭدىن مۇستەسنامەن دەپ تىلىفۇنىڭىزنى تىترەيدىغان قىلىپ قويسىڭىز، تىلىفۇن ئۇرغاندا بولسىمۇ قارشى تەرەپتىن بولسىمۇ مەجبۇرىي مۇزىكىلارنى ئاڭلاپ قالىسىز. قىسقىسى ،بىز ناخشىدىن قاچىمىز دەپمۇ قاچالمايمىز. ئىشقىلىپ كوچا -كويلاردا بولىسمۇ ئاڭلاپ قالىمىز. بەزىدە تېتىقسىز،لاۋزا ناخشىلارنى ئاڭلىغىنىمىزدا،ناخشىچىنى ئەمەس ،كوچىدا بارىچە ئاۋازىنى قۇيۇۋېتىپ ناخشا چىقىرىپ قويغانلارنى ھاياسىز دەپ تىللاپ ئۆتىمىز. ئۇنداقتا بۇ لاۋزا ناخشىلارغا بولغان ئىنكاسىمىز نەدىن كەلگەن. ( بۇنى ھەممە ئادەمنى لاۋزاكەن دەپ چۈشىنىشى ناتايىن). مەن بۇرۇنلاردا ناخشىنى بەك كۆپ ئاڭلايتتىم. ئەمما ئانچە دىققەت قىلمايتتىم. بىر چاغلاردا‹‹ ئابدۇللا ئابدۇرېھىم›› نىڭ‹‹ كىچەلمەيمەن سىنىڭدىن ۋەتەن›› دىگەن ناخشىسىنى ئاڭلاپ سەل چۆچىدىم. نىمىشقا دەڭ؟ بۇنى كىيىن قايتا ئېيتىلغان كىچەلمەيمەن سىنىڭدىن ۋەتەن دىگەن ناخشىسىنى ئاڭلىغاندىن كىيىن تېخىمۇ چۈشەندىم. بۇ ناخشىدا : ‹‹بىرسى ماڭا بەرسىمۇ جەننەت›› دىگەن مىسراسىدىن بەك قورقتۇم. ھازىرغۇ تۈزىتىلىپ:‹‹ بىرسى ماڭا بەرسىمۇ راھەت›› دەپ ئېيتىلدى. كىيىن  يەنە : مۇھەممەتجان راشىدىننىڭ تىكىستى قىلىنغان ،خالمۇرات ئۆمەر ئېيتقان ‹‹ ئىلتىجا ›› دىگەن ناخشىنىمۇ شۇنداق قورقۇپ ئاڭلىدىم.‹‹ جەننەتكىمۇ سەنسىز رايىم يوق ›› دىگەن مىسرا مىنى بەك چۆچىتتى.( ئى ئاللاھ !! ساڭا سېغىنىپ پاناھ تىلەيمەن.) كىيىن توردا ئابدۇللا ئابدۇرېھىمنىڭ ‹‹ چۈمبىلىڭنى قايرىۋەت ›› دىگەن ناخشىسى ئۆزگەرتىلىپ ‹‹ چۈمبىلىڭنى يۆگىۋال ›› دەپمۇ ئېيتىلدى. قىسقىسى ، ھەربىر شەخسنىڭ ئېڭىدا ناخشا ئاڭلاش،ئۇنىي قۇبۇل قىلىش،ئىنكاس بىلدۈرۈش بۇلۇپ تۇردى. مەنمۇ ھېلىقى بىرناخشىنىڭ ئاۋازىغا غىڭشىپ بىر ناخشىنى ئاڭلاپ قالدىم. بۇنىڭ قايسى ناخشا ئىكەنلىكنى ھەقىقىي دەپ بىرەلمىسەممۇ لېكىن ماڭا بەك ياقتى . ئالدى بىلەن بۇنى سىلەرگە دەپ بىرەي: مۇسۇلمان بۇلۇپ ياشىساق ئامان، غەلبە مىۋىسى يار بىزگە ھامان. بۇلاي مەن ئادەم بار ۋە ياكى يوق جايدا، ئاللاھىم بىرلا قورقىمەن ھامان. مۆئمىن بۇلالماي يۈرسەك تۆۋبىسىز، ھالىمىز خاراپ،يامان بەك يامان. بۇلاي مەن ئادەم بار ۋە ياكى يوق جايدا، ئاللاھىم بىرلا قورقىمەن ھامان.   بۇنىڭ قايسى ناخشا ئىكەنلىكنى ئەزىز تورداشلار بىلىپ بولدىغۇ دەيمەن. يېقىندىلا مەن يەنە ‹‹ ئاللاھ بەرمىگەن يارنى ،ئالما بەردى دەرمەنمۇ ›› دەپ بىر خەلق ناخشىسى ئاڭلاپ قالدىم، نىمىلا دىگەن بىلەن بۇنىڭغىمۇ دىققەت قىلىپ ئاڭلىسا مەلۇم بىر دەرىجىدىكى ئېتىقاد يۇشۇرۇنغان. گەپنىڭ پوسكاللىسى سىز ناخشىنى قانداق ئاڭلايسىز ؟ قانداق ناخشىلارنى ئاڭلايسىز ؟ بۇنىڭغا دىققەت قىلدىڭىزمۇ؟ دىققەت قىلالىدىڭىزمۇ؟ شۇنىڭغا دىققەت قىلىڭكى: ئاللاھ ناخشا ئاڭلىغانلىقىمىزنى ئەپۇ قىلسىمۇ لېكىن شىرىككە رازى بۇلاپ تۇرىدىغان ،ھەرقانداق گەپ-سۆز،ئىش ھەركەتكە رازى بولمايدۇ.

sazguri

	asrari يوللىغان ۋاقتى  2012-7-26 06:02 PM ئۇيغۇر خەلقىنىڭ ناخشا -ئۇسۇلغا ھېرىسمەن ئىكەنلىكىنى،  ... مۇشۇ  شۇكەن يەنە شۇنداق چىقىۋاتىدىغۇ

ardamay

	ۋىسال دەردىنى ئاشىق گادادىن سورا، ۋەتەن دەردىنى ئۆز ئېلىدىن جۇدادىن سورا!!! ئۆز ئېلىنى، ئۆز تۇپرىقىنى،ئۆز يۇرتىنى سۆيمىگەن ئادەمدە ھېچقانداق مېھىر مۇھەببەت بولمايدۇ!!!