ئويۇن پروگراممىسى لايىھەسى

boraoghli

	ئەسسەلامۇ ئەلەيكۇم مۆھتىرەم قېرىنداشلار! بەرىكەتلىك رامىزان ئېيىڭلارغا مۇبارەك بولسۇن. شەپقىتى چەكسىز ئاللاھقا تۈگىمەس ھەمدۇ-سانالار بولسۇنكى بىزگە كۆپ مەرھەمەتلەرنى قىلىپ بۇ كۈنگە ئۇلاشتۇردى، بەك كۆپ نېئمەتلەرنى بەردى. ئىگىمىزدىن قەلبىمىزنى ئىلىملەر بىلەن تولدۇرىشىنى داۋاملىق ھەق يولىدا قىلىشىنى تىلەيمەن. خېلىدىن بېرى مۇنداق بىر خيالىم بار ئىدى: ھازىر تولا بالىلار تېلفوندا ياكى كومپيوتېردا ئويۇن ئويناشقا ئامراق. بىكار ۋاقتىنى شۇ ئويۇنلار بىلەن ئۆتكۈزۈشنى خالايدۇ. لېكىن قاراپ باقساق ئۇلار ئويناۋاتقان ئويۇنلارنىڭ بەزىلىرى ياخشى بولسىمۇ بەزىلىرى بالىلارنى زەھەرلاپ قويىۋاتىدۇ. مەقسىتىم، كومپيوتېر تىلىنى ياخشى بىلىدىغان بالىلار ئارىمىزدا ئاز ئەمەس، ۋاقىت يار بەرسە مۇنداق بىر ئويۇن پروگراممىسى ئىشلەپ باقسا: يەنى ئۇ ئويۇن ئادەتتىكىدەك ئۆتكەلدىن ئۆتۈپ ئوينايدىغان ئويۇن بولۇپ ئادەتتىكى ئويۇنلاردىن پەرىقى شۇكى ئۇنىڭدىكى توسالغۇلار، مۇكاپاتلار نومۇر بىلەن ئەمەس "ساۋاپ"، "گۇناھ"لار بىلەن ئۆلچەنسە، ئاخىردا يېتىدىغان مەنزىل مۇكاپات بالدىقىغا چىقىش چىقالماسلىق ئەمەس "جەننەت" ياكى "دوزاخ" دەپ ئاتالغان يەرگە ئېرىشىش ئېرىشەلمەسلىك بولسا، ياكى ئالغان نەتىجىسىگە قاراپ بەختلىك بەختسىز دەپ ئايرىلسا، ئويۇننىڭ قىيىنلىقى نىسبەتەن يۇقىرى بولسا، بالىلار جەننەتكە ئېرىشىش ياكى بەخىتلىك بولۇش ئۇچۈن ئويۇننى كۆپ تەتقىق قىلىپ نۇرغۇن قېتىم ئوينىغان بولاتتى. مەسىلەن، بىز بۇرۇن تولا ئوينايدىغان ئويۇنلاردىن مارىيو نىڭ ئويۇنىنى ئەسلەپ باقساق بولىدۇ. قەھرمان مارىيو ئويۇن باشلىنىش بىلەن پەللىگە قاراپ ماڭىدۇ، يولدا نۇرغۇن توسالغۇلار بولىدۇ، خۇددى شۇنىڭغا ئوخشاش بىز تۈزىدىغان ئويۇندا ھاكاۋۇرلۇق، مەنمەنچىلىك، يالغانچىلىق، ئاچكۆزلۈك...دېگەندەك ناملار بىلەن ئاتالغان توسۇقلار بولسا؛ مارىيو يەنە نۇرغۇن نومۇر ئالىدىغان، ئۆزىنى كۈچەيتىغان موگو، گۈل دېگەندەك نەرسىلەر بىلەن ئوچرىشىدۇ، بىز ئۇ نەرسىلەرنىڭ ئورنىغا بىرەر ياخشىلىق قىلغان مەنزىرىنى كىرگۈزسەك: مەسىلەن يولدا بىر ئوتۇن ياكى ئەينەك پارچىسى بار، ئوينىغۇچى ئۇنى بىر چەتكە ئېلىپ قويسا نومۇر بېرىلىدۇ ياكى دەرىجىسى ئۆستۈرىلىدۇ دېگەندەك. ئۈستىدە نومۇر ھېسابلايدىغان يېرى بار، "ئالغان نومۇرى" دېگەننىڭ ئورنىغا "ساۋاپ" دەپ يازساق، "خاتالىقى" دېگەننىڭ ئورنىغا "يامان قىلغىنى" ياكى "گۇناھ" دەپ يازساق ئاخىردا جەملىنىپ ساۋاپ كۆپ بولسا ئۆتكەلدىن ئۆتۈپ جەننەتكە ئېرىشسە، ئىككىنچى ئۆتكەلدىن ئۆتەلىسە تېخىمۇ دەرىجسى يۇقىرى جەننەتكە ئېرىشسە، ئۆتەلمىسە "ھەي بالا، گۇناھىڭىز كۆپ ئىكەن، دوزاختىن ساقلىنىڭ" دېگەندەك ئۇچۇرلار چىقسا... مانا بۇلار مېنىڭ ساددا شېرىن خىيالىم... مۇشۇنداق بىر ئويۇن پروگراممىسى تۈزۈپ چىقالىساق ئۇ يالغۇز بىر ئويۇن بولۇپ قالماستىن بىر كىتاپ، بىر مەكتەپكە ئايلىنالىغان بولاتتى. ئەلۋەتتە بۇ مېنىڭ ئىپتىدائىي ھالەتتە تەسەۋۋۇر قىلىپ لايىھەلەپ چىققان ئويۇن پروگراممام. لېكىن تەپەككۇرى مەندىنمۇ كۈچكۈك نۇرغۇن دوستلار بار، ئويۇننى مۇشۇ پىرىنسىپ بويىچە تۈزەلىسەك ئويۇن قائىدىسىنى ئەسكەرتىدىغان يەرلەرگە، يولدا ئۇچرايدىغان توسالغۇ، مۇكاپاتنى ئەسكەرتىدىغان يەرلەرگە پەيغەمبىرىمىزنىڭ مۇناسىپ ھەدىسلىرى ئارقىلىق ئېنىقلىما بېرىپ بالىلارنىڭ ئىشنىڭ ماھىيىتىگە يېتىشىگە ياردەم بەرسەك دېگەن ئۈمۈدۈم بار.  نىيەت قىلساقلا ئەمەلگە ئاشۇرغىلى بولىدۇ.ئويۇننىڭ ئىسمىنى ئويلىشىپ ئۈلگۈردۈم: باتۇر قۇتلۇقجان، بەختلىك بالا... دېگەندەك ئىسىملار بوپ قالىدۇ. ئەمدى قالغان گەپلەر قولىدىن ئىش كېلىدىغان بالىلارنىڭ ئىرادىسىدىلا قالدى، رامىزان كۈنلىرىمىزنى ئەھمىيەتلىك ئۆتكۈزەيلى، تەسەۋۋۇر قوشالايدىغانلار تەسەۋۋۇر قوشساق(ياخشى بولغان)، ئىش قوشالايدىغانلار ئىش قوشساق چوقۇم قىلىپ كېتەلەيمىز. شۇنداق بىر پروگرامما ۋۇجۇتقا كەلسە دادا ياكى ئاكا بولغۇچى پەرزەتلەرنى ھەم خۇش قىلىش ھەم تەربىيلەش مەقسىتىگە ئېرىشەلەيتتى. "كىلە، بالام، ماۋۇ ئويۇننى تەڭ ئوينايلى!" دەپ بىرلىكتە ئوينىغاچ نېمىنىڭ ياخشى ئىش، نېمىنىڭ يامان ئىش ئىكەنلىكىنى سەبىيلىرىمىزگە كىچىكىدىن تارتىپ ئويۇن ئوينىغاچ ئۆگەتسەك دەپ ئويلىدىم. خىياللىرىم پىشىپ يېتىلگەندەك ھېس قىلىپ تولىمۇ ئالدىراقسانلىق بىلەن بۇ ئورگىنال يازمامنى مىسرانىمدىلا يېزىپ پۈتتۈردۈم. ئەگەر توغرا كۆرسەڭلار كەڭ كۆلەمدە تەشۋىق قىلىشپ شۇنداق پروگرامما ياساپ بالىلارنى رازى قىلايلى. بۇ تەسەۋۋۇر پەقەت مېنىڭ ئالدىراڭغۇ كاللامدىلا چىقتى، بۇنىڭدىنمۇ ياخشى تەسەۋۋۇرلار بولسا تېخىمۇ ياخشى. لېكىن مەقسەت بىرلا بولۇش كېرەك. جىمىي ھەمدۇسانا ئالەملەرنىڭ پەرۋەردىگارى ئاللاھقا خاستۇر. بارىلىق ياخشى ئىشلار ئۈچۈن ئىزدىنىۋاتقانلارغا ئاللاھنىڭ سالامى بولسۇن!

katran

	بولسا شۇ ئىجتىھاتلىق ياشلىرىمىزنىڭ ئاۋاز قوشۇشىنى ئۈمىد قىلىمەن......... ياخشى پىكىر بوپتۇ بۇ.

كۆلەڭگە

	ناھايىتمۇ ياخشى تېما بوپتۇ..ئەگەر يەنە ئازراق ئويلانسلا قىزىقتۇرۇشى كۈچلۇك ئۇيۇن بۇلۇپ چىققۇدەك

yoksu

	ساپلا ئاقماس شېرىن پىلانكەنغۇ بۇ! ئالدى بىلەن سىز كومپىيوتېردا بىر تال مۇكەممەل بولغان ھېسابلاش ماشىنىسىدىن بىرنى تۈزۈپ بېقىپ ئاندىن بۇ پىلانىڭىزنى دەڭ! بۇ ئويۇننى تۈزدى دېگەن تەقدىردىمۇ نۇرغۇن ئىقتىساد كېتىدۇ. تۈزگەن تەقدىردىمۇ خەق كومپىيوتېرىغا قاچىلاپ ئوينىغۇدەك لايىھەلىنىشى كېرەك ئەلۋەتتە!  بىر مۇنچە ئىقتىساد، زېھىن سەرىپ قىلىپ، تۈززۈك مىۋىسى يوق ئىشتىن بىرنى قىلغاننىڭ نىمە پايدىسى؟! ئەشۇ ئويۇننى ياساپ 1000 كويغا ساتسا سىز ئالامسىز؟

boraoghli

	yoksu يوللىغان ۋاقتى  2012-7-25 10:32 PM ساپلا ئاقماس شېرىن پىلانكەنغۇ بۇ! ئالدى بىلەن سىز كومپ ... 1000كويغا ساتسا خۇشال بولۇپ ئالىمەن. بۇ خىل ئويۇن ياسىغانغا جىق پۇل كەتمەيدۇ، كەتكەن تەغدىردىمۇ قېرىنداشلىرىم بىلەن بىرلىشىم شۇ پۇلنى چىقىرىشقا رازىمەن، بۇ خيالىم يارىمىغان بولسا، ئۆزىڭىزنىڭ شېرىن خىيالىنى سۈرىۋىرىڭ. جاھاندا يول دېگەن جىق. مەن ھېسابلىغۇچ تۈزۈپ باققان، سىزنىڭ ئىنكاسىڭىزدىن ئۆزۈم توغرىسىدا ئويلاشقۇدەك بىرەر ئىبارە ئۇچراتمىدىم، ئامان بولۇڭ.

boraoghli

	sazguri يوللىغان ۋاقتى  2012-7-25 10:31 PM مىنىڭچە بۇنى كەسپى تور بەتلەرگە تەشۋىق قىلسىڭىز ئۈنىم ... شۇنداق قىلىمەن، ئىنشائاللا رەھمەت.

ئۆل

	sazguri يوللىغان ۋاقتى  2012-7-25 10:34 PM سىنىڭ شۇنچىلىك پىلانىڭ بارمۇ ؟   سەن  نىمە قىلالىدىڭ ش ... بۇ قانداق پۇزۇتسيە ؟ مۇنبەردە ھەركىمىنىڭ ھەرقانداق بىر تېمغا شەخشى كۆز قارشىنى دىيش ھوقۇقى بۇلىدۇ ..شۇنداقلا ئەزالارىنىڭ گەپ قىلغاندا سىلىق بولۇش مەجبۇرىتى بۇلشى كېرەك ...بۇ تورداشىنىڭ پىكرىمۇ خاتا ئەمەس ..ئۇيلاپ باقماسىز ؟ يازسلا ھېسابما ؟

ئۆل

	kaLGundi يوللىغان ۋاقتى  2012-7-25 10:49 PM ۋاي قاراڭ ھەدە يېڭىدىن يىتىشىپ چىقۋاتقان ئىجادكارلار ... سۆزى خاتا ئەمەس ،پوزۇتسىيەسى خاتا ...ئۇ تورداشمۇ شۇ ئويلغىنى دەپتۇ ..ھەمملا ئىنكاسىنى تەنە قىلدى دەپ چۈشەنسەك بولماس ،ئىنكاسىنى ئۇلار يازغان بولسا چۈشىنش بىزدىن ..شۇڭا تېما ئىگسى چۈشەنچە بېرىپتۇ ،قىلالايمەن دەپ ...مانا شۇنداق چۈشەندۈرسىمۇ بولدىكەنغۇ ؟ ئەلۋەتتە قوللۇغۇلىق ...ئەگەر ھوجۇتقا چىقدىغانلا خىيال بولسا ،بىر تەنە تەنە گەپكە تۇنجۇقۇپ قالمايدۇ ؟  بۇنداق گەپىنى كىچىك .گۆدەك باللارغا دەيمىز ..قانداقلا خىيال قىلسۇن كاشلا بولمايلى دەپ قۇۋەتلەيمىز ..بىراق ئەقىل توقتاتقان ياشلرغا نىسبەتەن بۇنىڭ زىيىنمۇ دەپ قويۇش كېرەك ..بۇ بەلكىم تۇنجۇقتۇرۇش ئەمەس ئالغا ئىلگىرلتىش رولىنى بېرشمۇ مۇمكىنغۇ ؟