بەخىت تۇيغۇمىز نەگە باشلاندى؟

warwar

	بەخىت تۇيغۇسى بىر مۇرەككەپ مەزمونغا ئىگە ھادىسە .ئەمەلىيەتتە مىكرو جەھەتتە ھەر بىر ئادەمنىڭ ئۆز ئالدىغا ئۆلچەم قىلغان بەخىت تۇيغۇسى بولىدۇ .ماكرو جەھەتتە مەلۇم توپقا ياكى مەلۇم مىللەتكە تەۋە ئادەملەرنىڭ بەخىت تۇيغۇسى ئۇ تەۋە بولغان مەدەنىيەتنىڭ بىردەكلىكى سەۋەپلىك ئاساسەن ئوخشاش بولىدۇ .مەسىلەن :جۇڭگودا ئازاتلىقتىن بۇيان كونىلىقنى سۈپىرىپ تاشلاپ،خۇراپىلىققا قارشى تۇرۇش سىياسىتى يۈرگۈزگەن بولغاچقا دۆلەت پۇخرالىرى مۇشۇ ئىدىيە ئاستىدا تەربىلەنگەن .شۇڭا دۆلەت پۇخرالىرىدا قوساق تويغۇزۇشتىن ،ئىسسىق ئۆي بولۇشتىن باشقا بەخىت تۇيغۇسى بەكلا ئاجىز .تورلاردىن بەخىت تۇيغۇسىغا مۇناسىۋەتلىك مەزمونلارنى ئىزدەپ باقسام ،زور كۆپچىلىك تورداشلار ئىسىل ماشىنام بولسا،قىينالماي ئالغان قەۋەتلىك ئۆيۈم بولسا ،قىينالماي ئالغان خوتۇنۇم بولسا مانا بۇ بەخىت دەپتۇ .تەبىئىيكى بۇ سۆزلەرنىڭ ئارسىدىن بىرمۇ مەنىۋى ئوزۇققا بولغان ئىھتىياجنى كۈچلۈك تەلەپ قىلىشنى تاپالمايسىز .شۇنداق نوپوس كۆپ دۆلەتتە بۇ ھادىسىنىڭ چىقىشى تەبىئىي .لېكىن بۇنىڭلىق بىلەن پۇخرالارنىڭ بەخىت تۇيغۇسىنى توغرا دەپ كەتكىلى بولمايدۇ .نوپوس جەھەتتە جۇڭگو بىلەن پۇت تىپىشەلەيدىغان سەۋىيەگە يىتەي دىگەن ھىندىستانلىقلارنىڭ بەخىت تۇيغۇسىدا مەنىۋى ئوزۇققا بولغا تەلەپ تەڭ يېرىمنى ئىگەللەيدۇ .ئەخلاق ،ئەنئەنىۋىلىك ئۇلارنىڭ بەخىت تۇيغۇسىدا يۈكسەك ئورۇندا .لېكىن چوڭ قۇرۇقلۇقلارنىڭ بەخىت تۇيغۇسى پۇلدىن باشقا نىمە بولمىغاچقا ،ئىتىقات ۋە ئەنئەنىۋى مەدەنىيەت ئەزەلدىن چەكلىنىپ ،بوغۇلۇپ كېلىۋاتقان جۇڭگودا پۇلغا بولغان چوقۇنۇش بەك يوقىرى .زور كۆپچىلىك پۇخرالار پۇلدارلارغا ھەۋەس قىلىدۇ .پۇلدارلارنىڭ چىرىك تۇرمۇشلىرىغا ،ئەخلاقسىز قىلمىشلىرىغا،ھوقوق جەھەتتىكى ئالاھىدە بولىۋېلىشلىرىغا ھەۋەس قىلىدۇ .جۇڭگو پۇخرالىرىنىڭ پۇلدارلارنىڭ روھىي جەھەتتىن گۇمراھلىقىدىن يىرگىنىش تۇيغۇسى باشقا مەملىكەت پۇخرالىرىغا قارىغاندا بىر ئاز تۆۋەن .بەخىت تۇيغۇسىغا بولغان بۇ ئۆلچەم نۆۋىتى كەلگەندە بەكمو قورقۇنۇشلۇق ھادىسىلەرنى كەلتۈرۈپ چىقىرىدۇ .بىر ئائىلىنىڭ ھېلىقىدەك بەخىت تۇيغۇسىغا يىتىش ئۈچۈن نۇرغۇن ئىقتىسات كىرەك .بۇنىڭ ئۈچۈن ئائىلە باشلىقلىرى تىنىم تاپماسلىقى كىرەك .شۇڭا نۇرغۇن ئائىلىلەر پۇل ئۈچۈن جاندىن كېچىشكە تەييار تۇرۇدۇ .ئاتا -ئانىسىغا قاراش،قېرىنداشلارغا مۇھەببەت بىرىش ،تەڭرىگە چوقۇنۇش قاتارلىق مەنىۋى پائالىيەتلەر سۇسلىشىپ كېتىۋاتىدۇ .خەلىق ئىچىدە ھىسياتسىزلىق ،رەھىمسىزلىك ۋە روھى گادايلىق بارغانسېرى كۈچۈيۈپ بېرىۋاتىدۇ .ئەلبەتتە بۇ خىل بەخىت تۇيغۇسى ھادىسىنى خەلىق ياراتمىغان ،ھېچبولمىغاندا بۇ پۇچەكلىككە خەلق پۈتۈنلەي مەسئول ئەمەس بەلكى شۇ خەلىقنى يىتەكلاۋاتقان نەزەرىيە ،سىياسى مۇھىت مەسئول بولشى كىرەك .پارتىيە ،ھۆكۈمەت يېقىنقى يىللاردا بۇ ھادىسىنى <بايقاپ> مەنىۋى بەخىت تۇيغۇسى يارىتىش ئۈچۈن كۈچەۋاتىدۇ .لېكىن خىزمەتلەر تەرەقىياتنىڭ ئارقىسىدا بەكمۇ كېيىن قالدى .چۈنكى بۇ خىزمەتلەر تايىنىدىغان مەنىۋى توۋرۇك سۇنئىي يارىتىلغان،مايسىنى تارتىپ ئۆستەرگەندەك  تەبىئىي تەرەققىي قىلمىغان بولغاچقا ،خەلىق خۇددى ئوخشىمىغان تاماق يەۋالغاندەك ياكى چىۋىن چۈشۈپ قالغان تاماقنى يىگۈسى كەلمەيۋاتقاندەك ھادىسىگە مۇپتىلا بولماقتا .دۆلەت مەنىۋى بوشلۇقنى تولدۇرۇش ئۈچۈن سۈنئىي يارىتىلغان كومىنىستىك مەدەنىيەتلا كارغا كەلمەيدىغانلىقىنى تونۇپ يىتىپ ،ئەزەلدىن چەكلەپ كەلگەن بەزى ئەنئەنىلەرنى ئەسلىگە كەلتۈردى.مەسىلەن :كۇڭزى ئىبادەتخانىلىرىنى كۆپەيىتتى ،قەبرىلەرنى يوقلاش ،كۈجە كۆيدۈرۈش ،ئەنئەنىۋى بايراملارنى ئۆتكۈزۈشكە رىغبەتلەندۇردى .لېكىن بۇلار بۇنىڭدىن نەچچە ئون يىل ئىلگىرىلا خۇراپىلىق ،مەدەنىيەتسىزلىك دەپ قارىلاتتى .دۆلەت كادىرلىرىنىڭ بۇنداق پالىيەتلەرگە قاتناشماسلىقنى تەكىتلەيىتتى .لېكىن نىمىشقىكىن ئومومىي مەنىۋى مۇھىتتا چوڭ ئۆزگىرىش ئانچە بولمىدى .خەلىقنىڭ بەخىت تۇيغۇسى يەنىلا غەيرى ئايلانما ئىچىدە پۇل ،بايلىقتىن نېرىسىغا ئۆتەلمىدى . پۇخرالار بەخىت تۇيغۇسى جەھەتتە جۇڭگو كىچىك دۆلەت بولغان بوتاننىڭ كەينىدە قالدى .بوتان بىر لاما دىنىغا ئىتىقات قىلىدىغان يەر مەيدانى كىچىك ،تاغلىق دۆلەت .لېكىن بۇ دۆلەت پادىشاسى ئوتتۇز يىل ئىلگىرىلا پۇخرالارنىڭ بەخىت تۇيغۇسى ئۆلچىمى ئاتالغۇسىنى ئوتتۇرغا قويۇپ ،ماددى بەخىت تۇيغۇسى بىلەن مەنىۋى بەخىت تۇيغۇسىنى بىر بىرىگە چەمبەرچەس باغلاپ كەلگەن .تەبىئەتنى قوغداش ،ئانا تەبىئەتكە مېھرىبانلىق كۆرىستىش،ئائىلە ئىچىدە ئىناق بولۇش يىتەكلەش خارەكتىردىكى سىياسەتلەردە ئاساسىي ئېقىمنى ئىگەللىگەن .شۇڭا يېقىنقى يىللاردا يەرشارىدىكى ھەقىقى<جەننەت> نى قۇرغان بۇ كىچىك نامرات دۆلەتكە پۈتۈن دۇنيا كۆز تىكمەكتە .ھەتتا دۆلىتىمىز ئىچىدىكى مۇتەخەسىسلەر بۇتان رامكىسىنى جۇڭگوغا تەدبىقلاشقا بولامدۇ يوق دىگەن تېمىدا نۇرغۇن ماقالىلارنى يازدى ۋە مەركەزدىكى سىياسەت بەلگۈلىگۈچىلەرگە تەكلىپلەرنى بەردى .دىمەك تەبىئى تەرەققىي قىلغان روھىي بايلىقنى قوغداش بىر مىللەتنىڭ بەخىت تۇيغۇسىنى قوغداش بىلەن باراۋەر .روھىي بەخىتلىك ئەلدە ئەمىنلىك ئەبەدىي داۋاملىشىدۇ ئەلۋەتتە . ئاز سانلىق مىللەتلەر ئەزەلدىن قوساق تويسىلا باشقا تۇرمۇشلىرىنى ئاساسەن مەنىۋى پالىيەتلەرگە ئاتاپ كەلگەن .شۇڭا ئاز سانلىق مىللەتلەر رايونىدا مەدەنىيەت ھادىسىلىرى بەكمو قويۇق .ئەخلاق ،ئىش ھەركەتلىرىنى مەلۇم بىر ئىتىقات بىلەن چەكلەپ كەلگەن .شۇڭا بىزنىڭ بەخىت تۇيغۇمىزدا مەنىۋىلىك يۈكسەك ئورۇندا دەپ ئېيتىشقا بولىدۇ .ئەگەر ئۇيغۇرلار توپى خەنزۇ خەلىقىنىڭ بەخىت قارىشى ئىچىدە ياشىسا ،ئۇ ھالدا بۇ ئۇيغۇر توپى ئۆز خاسلىقىنى ئاستا -ئاستا يوقىتىدۇ .ئەگەر ئەكسىنچە ئۇيغۇرنىڭ بەخىت تۇيغۇسىنى رودمىتلاشتۇرۇپ ،باشقا مىللەتنىڭ بەخىت تۇيغۇسىنى زورلاپ تاڭسا ،ئۇ ھالدا بەخىتسىزلىك ،نارازىلىق ھۆكۈم سۈرسە ،بۇ نارازىلىق ئاز -ئازدىن توپلىنىپ مەلۇم ۋاقىتتىن كېيىن پارتىلاپ چىقىشى مۇمكىن .يېقىنقى يىللاردىن بۇيان مۇقىملىق ۋە ئەبەدىي ئەمىنلىك شۇئارى ئاستىدا ،يەرلىك مەدەنىيەتنى ئىسلاھات قىلىدىغان ،ئاز سانلىق مىللەت مەدەنىيىتى قويۇق  رايونلارنى ئىقتىسادىي ئېشىش كۆرسەتكۈچىگە يىتىش ئۈچۈن ،ھە دەپ شەھەر قۇرلۇشى قىلىپ  <زامانىۋىلاشتۇرىدىغان>،دىنى مۇھىتنى ئىلمى باشقۇرماي ،تەرەقىيات قانونىيىتىگە مۇخالىپ كەلمەيدىغان ئۇسوللارنى قوللىنىدىغان قىسمەن ھادىسىلەر سادىر بولماقتا .ئامما بۇ ھادىسىلەرگە ئوچۇق ئاشكارە نارازىلىق بىلدۈرمىگەن بىلەن بۇ نارازىلىقلار ئامما ئىچىدە يىغىلىپ قانچىلىك دەرىجىگە يەتتى بۇنى بىلمەك ۋە مۆلچەرلىمەك ھەقىقەتەن تەس .بۇ كەلگۈسىدىكى ئەبەدىي مۇقىملىققا تاقىشىدىغان ھادىسە .شۇڭا مىللى رايونلاردىكى ئاز سانلىق مىللەت ئاممىسىنىڭ  بەخىت تۇيغۇسىنى ئۆزگەرتىدىغان قىلمىشلارنى توسۇش كىرەك ،ئەكسىنچە ئالدىن تەدبىر قوللىنىپ ،سىياسەتتە ئازادە كەيپىيات يارىتىش ،ئاممىنى بەك قىززىتىۋەتمەسلىك شەرتى ئاستىدا ،بىپايان يايلاققا قويىۋېتىش سىياسىتىنى قوللىنىش كىرەك .ئىشىنىمەنكى مەنىۋى تۇرمۇشقا ،ئىتىقاتقا ئالاھىدە قاراپ كۆنۈپ قالغان ئۇيغۇر خەلقى دۆلەتنىڭ بۇ شاپائىتىگە تىگىشلىك جاۋاپ قايتۇرۇپ،چىگرا رايوننىڭ ياتلارنىڭ تاجاۋۇزىغا ئۇچىرىغاندا ئىلگىركىدەك خەنزۇ خەلقى بىلەن مۈرىنى مۈرىگە تىرەپ ۋەتەننى قوغدايدىغان بۈيۈك ئىتىپاقلىققا يىتىدۇ دەپ  ئۈمۈتلۈكمەن . مەنبە :مەن ئىھتىياج تۈپەيلى قوشۇلغان بەزى تۈكلەرنى تېرىۋېتىپ ئىستىمال قىلىڭ .

subhinur

	‹.شۇڭا مىللى رايونلاردىكى ئاز سانلىق مىللەت ئاممىسىنىڭ  بەخىت تۇيغۇسىنى ئۆزگەرتىدىغان قىلمىشلارنى توسۇش كىرەك ،ئەكسىنچە ئالدىن تەدبىر قوللىنىپ ،سىياسەتتە ئازادە كەيپىيات يارىتىش ،ئاممىنى بەك قىززىتىۋەتمەسلىك شەرتى ئاستىدا ،بىپايان يايلاققا قويىۋېتىش سىياسىتىنى قوللىنىش › ماۋۇ قۇرلار بەك ياقتى ماڭا . ناۋاتتەك گەپ قىپسىز !

turkistani

	‹.شۇڭا مىللى رايونلاردىكى ئاز سانلىق مىللەت ئاممىسىنىڭ  بەخىت تۇيغۇسىنى ئۆزگەرتىدىغان قىلمىشلارنى توسۇش كىرەك ،ئەكسىنچە ئالدىن تەدبىر قوللىنىپ ،سىياسەتتە ئازادە كەيپىيات يارىتىش ،ئاممىنى بەك قىززىتىۋەتمەسلىك شەرتى ئاستىدا ،بىپايان يايلاققا قويىۋېتىش سىياسىتىنى قوللىنىش › ناۋاتتەك گەپ قىپسىز جۇما بۇرادەر

ئەخمەد

	چوڭ قۇرۇقلۇقلارنىڭ بەخىت تۇيغۇسى پۇلدىن باشقا نىمە بولمىغاچقا ،ئىتىقات ۋە ئەنئەنىۋى مەدەنىيەت ئەزەلدىن چەكلىنىپ ،بوغۇلۇپ كېلىۋاتقان جۇڭگودا پۇلغا بولغان چوقۇنۇش بەك يوقىرى .زور كۆپچىلىك پۇخرالار پۇلدارلارغا ھەۋەس قىلىدۇ. ئېتقاتلىقلار بىلەن ئېتقاتسىزلارنىڭ تۈپكى پەرقى بۇ! روھىي بايلىقنى قوغداش بىر مىللەتنىڭ بەخىت تۇيغۇسىنى قوغداش بىلەن باراۋەر .روھىي بەخىتلىك ئەلدە ئەمىنلىك ئەبەدىي داۋاملىشىدۇ ئەلۋەتتە . مانا بۇ ھازىرقى شىنجاڭ ۋەزىيتىگە ماس كىلىدىغان ئىبارىلەر! ئاخىردا دەيدىغىنىم:بۇ ‹بەخىت › ئىزدەۋاتقانلارنىڭ نىداسى. بۇ روھىيىتىنى قوغداش ئىستىكىدە بولىۋاتقانلارنىڭ ئوچۇق خېتى. بۇ پۇتۇن شىنجاڭ خەلقىنىڭ يۈرەك سۆزى. بارىكاللا،شۇنداق ياخشى چىققان‹ يۈرەك ئىزاھارى› بوپتۇ. مېنەڭچە بىزلەر كەمچىللىكلەردىن خالىي بولالمىساقمۇ بىراق تىمىڭىزدا  تېرىۋەتكۈدە ‹تۈك› يوق. مۇشۇنىڭغا ئوخشاش ‹يۈرەك ئىزھارلىرى› بىز بىلەن داۋاملىق يۈز كۆرۈشۈپ تۇرغىسى!

awyamatka

	بۈگۈن ئەجەپ بىر ئېسل ئەسەر كۆردۈم دىسە،گەپ سۆزلىرى شۇنداق جايىدا ئىشلىتىلگەن.يۆشۈرۈن قابىليىتىڭىز باركەن،بەكرەك تىرىشسىڭىز گۆلەن ئەپەندىگە ئوخشاش ياخشى بىر تور يازغۇچىسى بولىشىڭىزدا گەپ يوق.پىكىرىڭىزنى قوللايمىز. ماددىۋى بايلىق مەڭگۈلۈك بەخىت ئېلىپ كېلەلمەيدۇ،

qog

	anatil8 يوللىغان ۋاقتى  2012-7-25 10:42 PM ھەقىقەتەن ياخشى تىمىكەن. مىنىڭچە پۈتۈن دىيارىمىزدىكى قىرىنداشلارنىڭ ئورتاق ئارزۇسىمۇ شۇ بولىشى مۇمكىن ئاغىنە

batuhan

	بەزى گەپلەر خۇددى چايغا ناۋات سالغاندەكلا تاتلىق،،،

compass

	مىنىڭچە خاتىرجەملىك_________ئەڭ چوڭ بەخت ھىساپلانسا كىرەك.