دەرىزىسىز دۇنيا

bambukjan

	دەرىزىسىز دۇنيا       مۇنداق بىرخىل ھالەتنى تەسەۋۇر قىلىشقا ھىلھەم ئۈلگۈرىمەن : شۇنداق كاتتا بىزەلگەن ئىمارەت ئىچىدە تۇرماقتىمەن .يەرگە ياتقۇزۇلگەن چاق-چۇق بۇيۇملار ۋە تورۇسغا ئۇيۇلغان نەققاشلارغا قارىغان كىشىنىڭ بۇ ئىمارەتنى تەۋللۇت قىلغۇچىغا ئاپىرىن ئوقۇماي قالمايتتى.ئادەم  بويى كېلىدىغان قوش قاناتلىق ھەيۋەت دەرۋازىدىن ئاللىقانداق مەغرۇر سەركەردە سانغۇنلارنىڭ قامەتلىك ئەلپازى ئەكىس ئەتكەن بولسا ،ئوڭ تەرەپ تام تۇۋىگە قويۇلغان  كىتاب ئىشكابىدىكى باھاسىز ئەگڭۇشتەرلەر سىماسىدىن، دىيانەتلىك ئىرپان ساھىبىلىرىنىڭ پۇرقى ياد ئىتىلەتتى .     ئەمما مەن يەنە بىرنەرسىگە سەل قارىدىم .دەرھەقىقەت بۇ كاتتا ئىمارەتتە بىرمۇ دېرىزە يوق ئىدى. شۇنچە نۇرغۇن پانۇسلار رەڭلىك چىراغلار بىكىتىلگەن بۇ ئىمارەتنىڭ بىرمۇ دېرىزىسى بولماسلىقى كىشىنى ئەجەپلەندۇرەتتى .توغرا ، دېرىزىسى بولمىغان  ئۆيدە شاۋقۇن سۈرەن بولمايدۇ .بىراق ھەقىقى يورۇقلۇق نەدىن كېلىدۇ ؟ بۈيۈكلىكنىڭ، ئادالەتنىڭ سىمئولى بولغان يورۇقلۇق نەدىن كېلىدۇ ؟      دېرىزىسىز ئۆيدە تۇرغان كىشىنىڭ ئاسماننىڭ رەڭگىنى ئۇنتۇپ قالمايدۇ دەپ كىم كىسىپ ئىيتالايدۇ ؟تەپەككۇر قىلماقتىمەن . تەبىئەتنىڭ يىقىملىق سايراشلىرى ، ئايدىڭ كىچىدىكى لەرزان شاماللار جۇملىدىن ئەتراپىمىزدىكى بارچە يىڭىلىقلارنى "دېرىزە"ئارقىلىق مەقبۇل ئىتىشقا مەجبۇرمىز ... بۇ ئىمارەتلەرنىڭ چوڭلىقىدىن كەڭلىكى ، كۆركەملىكىدىن نەفىسلىكىنى تىلغا ئېلىشتىن بۇرۇن ، دېرىزىسىنىڭ قانچىلىك ئىكەنلىكىنى چوڭ كىچىكلىكىنى تىلغا ئىلىش تولىمۇ زۆرۇر . تەپەككۇرىم داۋاملاشماقتا ...    ئۇشبۇ ئىمارەتنىڭ ئەتراپى باغۇ بوستانلىق بولۇپ ھەريىلى يازدا بۇ بوستانلىقلارنىڭ گۇزەللىكىنى تىل بىلەن تەسۋىرلەش قىيندۇر ، ئايدىڭ كېچىدىكى خىلمۇ-خىل گۈل - چېچەكلەرنىڭ خۇش ھىدلىرى دىماغقا ئۇرۇلماقتا ...   ئەپسۇس ، كاتتا ئىمارەت ئىچىدىكى كىشىلەر بۇ ھۇزۇردىن مۇستەسنا ، بۇ ھۇزۇر ئۇلارغا ناتۇنۇشتۇر ، قاچانكى ئۇلار قەلبىدىكى مەھكۇملۇقدىن قۇتۇلۇپ، كاتتا ئىمارەتكە دېرىزە ئاپىرىدە قىلسا ، ئۇلارمۇ بۇ ھۇزۇرنىڭ ئەبەدىي شاھىدى بولالايدۇ . دېرىزىسىز دۇنيا قاراڭغۇ زۇلمەتنىڭ بىشارىتىدۇر ، گەرچە رەڭگارەڭ سۇنىئي چىراغلار ئەتراپنى يورۇتقاندەك قىلغىنى بىلەن ، ھەقىقى يورۇقلۇق ئانا تەبىئەتتىن كىلىدۇ .بىلىڭلاركى ،دېرىزە بىزنى كائىنات بىلەن باغلاپ تۇرىدۇ ، دېرىزەڭلارنى يوغان ئىچىپ ئەتراپقا بىقىڭلار ، ئۇنىڭدىكى ھەقىقى يورۇقلۇق ھەقىقى گۇزەللىكنىڭ سىماسىدىن ھۇزۇر ئېلىڭلار...                             مەنبەسى :ئۆز ئىجادىيىتىم    ئەسكەرتىش : باشقا مۇنبەرلەرگە ئاپتۇرنىڭ رۇخسىتىسىز كۆچۈرۈپ ئەۋەتىشكە قەتئى بولمايدۇ!

qartekin

	ياخشى يېزىپسىز بامبۇكجان ! شۇنداق دىيىش ئارقىلىق بىر تۈركۈم بامبۇك دېرىزىللىرىڭىزنى سېتىپ چىقارماقچىمۇ يا!~

ئەلشاھ

	sazguri يوللىغان ۋاقتى  2012-7-24 09:45 PM ئەسىرىڭىز ياخشى چىقىپتۇ بامبۇكجان ... كۆپرەك ئىشلىتىلىدىغىنى دېرىزە. ئايرىم جايلاردا دەرىزە دەپمۇ ئىشلىتىدىكەن. لۇغەتكە دېرىزە دەپ ئېلىنىغانىكەن. ئورتاق تىلدىكىسى دېرىزە بولسا كېرەك.

izdanμγgμr

	بامبۇك ئەپەندىم تېخمۇ تىرشىڭ مىسرانىمغا بار كۈچىڭز بىلەن تېخمۇ كۆپ ئۆچمەس تۆھپىلەرنى قۇشۇشڭزغا تىلەكداشمەن!

qog

	دېرىزىسىز دۇنيا ئۇ بىر زۇلمەت قاراڭغۇ تۈرمە

nazigul8

	خېلى مەنىلىك نەسىر ئىكەن، تەپەككۇرلىرىڭىز نى تېىڭمۇ كەڭرى قويۇپ بەسىڭىز، تېخىمۇ ياخشى پەرۋاز قىلالايسىزكەن. ئادەملەرمۇ ئۆزىنىڭ ئەتراپىدىكى بارلىقنى ۋە يىراق سىرتقى دۇنيانى چۈشۈنۈش ئۈچۈن بۇ دېرىزىنى ئۇنتۇماي، داۋاملىق ئېچىپ تۇرغاچ نەزەر دائىرىسىنى كەڭەيتسە-ھە!

tewelgha

	ياخشى تېمىدىن بىرنى يوللاپسىز . مۇشۇ دېرىزىنىڭ يوقلىغىدىن 5مىڭ يىللىق تارىخمىز تەكلىماكانغا كۆمۈلۈپ كەتتى .

ardamay

	تەپەككۇرىڭىز كۈچلۈك ئىكەن!بۇ تېمىڭىزدا شۇنداق كۈچلۈك سىمۋۇللۇق مەنە چىقىپ تۇرىدۇ!!! ياشاش جەريانىدا بىلىپ بىلمەي روھىي غېرىپلىققا مەھكۇم بولۇپ قېلۋاتىمىزغۇ!!!! شۇنداق ياخشى چىقىپتۇ!! ئىجادىيىتىڭىزگە يەنىمۇ ئۇتۇق تىلەيمەن!!

turkistani

	قۇلىڭىزغا دەرىت كەلمىسۇن

nazigul8

	ئادەمنىڭ تەپەككۇر ئېڭىنى ئاچىدىغان مۇشۇنداق ياخشى تېمىلارغا ئىنكاسلارنىڭ ئاز چۈشۈشىمۇ،  دەرىزىسىز قېلىشنىڭ يەنە بىر ئالامىتى بولسا كېرەك.