دېھقانلارنىڭ ئارزۇسىغا ھۆرمەت قىلىش كېرەك

توقماق

	دېھقانلارنىڭ ئارزۇسىغا ھۆرمەت قىلىش كېرەك مەنبەسى:شىنجاڭ گېزىتى يوللانغان ۋاقىت: 2012-07-24 زېمىن بايلىقى مىنىستىرلىقى زېمىن بايلىقىغا دائىر قانۇن - بەلگىلىمىلەرنى ۋە «مەملىكەت بويىچە يەرنى تەرتىپكە سېلىش پىلانى (2011-يىلىدىن 2015-يىلىغىچە)» نى كەڭ دائىرىدە تەشۋىق قىلىدۇ. «مەملىكەت بويىچە يەرنى تەرتىپكە سېلىش پىلانى (2011-يىلىدىن 2015-يىلىغىچە)» غا ئاساسەن، ئېلىمىزدە «12-بەش يىل» دا، 600 مىليارد يۈەن مەبلەغ سېلىنىپ، 400 مىليون مولۇق يۇقىرى ئۆلچەملىك ئاساسىي ئېتىز - ئېرىق قۇرۇلۇشى قىلىنىپ، 24 مىليون مو تېرىلغۇ يەر تولۇقلىنىدۇ. زېمىن بايلىقى مىنىستىرلىقى پىلان مەھكىمىسىنىڭ باشلىقى دۇڭ زۇجىنىڭ تونۇشتۇرۇشىچە، يەرنى تەرتىپكە سېلىش دۆلەت ئىستىراتېگىيەسىگە كىرگۈزۈلگەن، بۇنىڭدىن كېيىنكى ئۇزاق ۋاقىت ئىچىدە، يۇقىرى ھوسۇللۇق، مۇقىم مەھسۇلاتلىق ئاساسىي ئېتىز - ئېرىق قۇرۇلۇشىنى يولغا قويۇش يەرنى تەرتىپكە سېلىشتىكى مۇھىم ۋەزىپە قىلىنىدىكەن. زېمىن بايلىقى مىنىستىرلىقى يۇقىرى ئۆلچەملىك ئاساسىي ئېتىز - ئېرىق قۇرۇلۇشى ئۆلچىمى سىستېمىسىنى نۇقتىلىق تەتقىق قىلىپ، ئاساسىي ئېتىز - ئېرىق مىقدارى، سۈپىتىگە ھەقىقىي كاپالەتلىك قىلىدىكەن. دۇڭ زۇجى مۇنداق دېدى: يۇقىرى ئۆلچەملىك ئاساسىي ئېتىز - ئېرىق قۇرۇلۇشىدا، كەنت كوللېكتىپى ئىقتىسادىي تەشكىلاتى ۋە دېھقانلارنى ئاساسىي گەۋدە قىلىپ، دېھقانلارنىڭ ئارزۇسىغا تولۇق ھۆرمەت قىلىپ، دېھقانلارنىڭ ئەھۋالدىن خەۋەردار بولۇش ھوقۇقى، قاتنىشىش ھوقۇقى ۋە نەپ ئېلىش ھوقۇقىغا ھەقىقىي كاپالەتلىك قىلىش كېرەك. چۈشەندۈرۈلۈشىچە، زېمىن بايلىقى مىنىستىرلىقى قۇرۇلغان ئون نەچچە يىلدىن بۇيان، يەرنى تەرتىپكە سېلىش كەڭ كۆلەمدە يولغا قويۇلۇپ، يۇقىرى ھوسۇللۇق، مۇقىم مەھسۇلاتلىق ئاساسىي ئېتىز 200 مىليون مودىن كۆپرەككە يەتكۈزۈلۈپ، 45 مىليون مودىن كۆپرەك تېرىلغۇ يەر تولۇقلانغان، تېرىلغۇ يەرنىڭ تولۇقلىنىشى ۋە ئېشىشى ئىشقا ئاشۇرۇلغان؛ ئېتىز - ئېرىق قۇرۇلۇشى تەرتىپكە سېلىنىپ، تېرىلغۇ يەرنىڭ كۆپەيتىلىش نىسبىتى ％5 تىن ％8 كىچە بولۇپ، ئېتىزلارنىڭ مەھسۇلات نىسبىتى ％10 تىن ％20 كىچە ئۆستۈرۈلۈپ، يېزا ئىگىلىك ئىشلەپچىقىرىش شارائىتى كۆرۈنەرلىك ياخشىلانغان. http://www.uycnr.com/xwzx/lwzg/201207/t20120724_360904.html

توقماق

	«جۇڭخۇا خەلق جۇمھۇرىيىتىنىڭ كەنت ئاھالە كومىتېتلىرىنىڭ تەشكىلىي قانۇنى»قاتارلىق ئالاقىدار قانۇنلار ئېلان قىلىنغىنى شۇنچە يىللار بولدى.لىكىن بۇ قانۇنلار ھەقىقى ئىجرا بولمىدى.ئىجرا بولماسلىغىدىن ناتوغراقىلمىشلار بىلەن شۇغۇللىنىدىغانلار نەپ ئالدى.چىرىك ئۇنسۇرلار ئاۋامنىڭ قانۇن ئېڭنىڭ يۇقۇرى كۆتۆرۆلۆپ كىتىشىنى خالىمايدۇ.قانۇننى خالىغانچە دەپسەندە قىلىدۇ.ئۇلارنىڭ «قوينۇم ئوغرى-قونچۇم ئوغرى»قىلىشى ئۈچۈن ئاۋامنىڭ قانون قورالىدىن ئۈنۈملۈك پايدىلىنىشنى بىلمەسلىكى بىر پۇرسەت-شارائىت بولۇپ قالدى. يەرنىڭ پايدىلىنىش ھوقۇقىنى ئۈتكۈزۈپ بىرىشنىڭ قانۇندا بەلگىلەنگەن قاتتىق تەرتىپلىرى بار.ئاھالىلەر ۋەكىللىرى ياكى پۇتۇن كەنىت ئاھالىلىرى ئۇرتاق قارار چىقىرىپ ماقۇللىمىسا كەنىت كادىرلىرىنىڭ ئۆز ئالدىغا بىر تەرەپ قىلىش ھوقۇقى بولمايدۇ.لىكىن ئەمەليەتتىچۇ؟.ئەمەليەتتىكى بەزى ئىشلار ئاللىقاچان قانۇن رامكىسىدىن ھالقىپ كەتكەن.قانۇنى ھوقۇق قاتتىق دەپسەندە قىلىنغان.بۇنداق بولىۋەرسە «مۇقۇملۇق»تىن قانداقمۇ ئېغىز ئاچقىلى بولسۇن!.

!UYGHURJAN

	چۈشەندۈرۈلۈشىچە، زېمىن بايلىقى مىنىستىرلىقى قۇرۇلغان ئون نەچچە يىلدىن بۇيان، يەرنى تەرتىپكە سېلىش كەڭ كۆلەمدە يولغا قويۇلۇپ، يۇقىرى ھوسۇللۇق، مۇقىم مەھسۇلاتلىق ئاساسىي ئېتىز 200 مىليون مودىن كۆپرەككە يەتكۈزۈلۈپ، 45 مىليون مودىن كۆپرەك تېرىلغۇ يەر تولۇقلانغان، بۇغدايلارنى بۇزدۇرۇپ ، ئەگمە پارنىكلىك قۇغۇن تېرىتتى ، 1.2 مو يەرگە 700 يۈەنلىك سولياۋ يۇپۇق كىتىپتۇ . 1.2 مو يەردىن 1200 يۈەنلىك قۇغۇن ساتتۇق ، چىقىمى كۆپ ، كىرىم ئاز ، جاپا كۆپ ھالاۋەت ئاز .

.tuz.

	مەلۇم بىر يىزىدا 50مو يەرگە دىھقانلارنى مەجبۇرى قوغۇن تىرىتقان ، لېكىن قوغۇن پىشقاندا قوغۇن سودىگەرلىرى 50 يەنىڭ قوغۇنىنى 30 مىڭ يۈئەن باھا قويغان . قوغۇنغا كەتكەن چىقىم 70 مىڭ يۈئەندىن يۇقۇرى بولغاچقا ،دىھقانلار مەجبۇرلىغان مۇناسىۋەتلىك يىزا كادىرلىرنى ئىزدىگەن . يىزا كادىرلىرى «دانا» «تەدبىر» قوللۇنۇپ يىزىمىزدا 12مىڭ مو يەر بار ، ھەر بىر مو يەرگە 10 كويدىن كەلتۇرۇپ قوغۇنلارنى دېھقانلارغا تاڭايلى دەپ قارار قىلغان . ھەمدە شۇ بويىچە ئىجرا قىلغان . مانۇ بۇ ئۆز كۆزۈم بىلەن كۆرگەن رىياللىق .

qog

	بىيىپ كەتكىن دىھقانلىرىم راس كۈلگىن دىھقانلىرىم رەقىب،دۈشمەن ئالدىدا دەس تۇرۇپ كەت دىھقانلىرىم

توقماق

	يەرگە نىمە تېرىش(قانۇندا چەكلەنگەن نەرسىلەر بولمىسىلا)دىھقاننىڭ ئۆزىنىڭ ئىختىيارىدىكى ئىش دەپ قانۇن-بەلگىلىمىلەردە بەلگۈلەنگەن تۇرۇغلۇق،ئارىدىن نەپ ئۈندۈرۈش مەقسىتىدىدىكى ساپساپچىلار ئەنە شۇنداق تىكىپ-سۈكەر ئىشنى تولا قىلىدۇ.بۇنداق رەڭۋازلىق كەلتۈرۈپ چىقىرىۋاتقان پاجىئەلەر ئاز ئەمەس.يەر كىنىشكىسىدىكى قانۇن ماددىلىىرىغا قاراپ بېقىڭلار،نىمىلەر يېزىلغانكىن؟!.كىنىشكىسى يېنىدا بارلاركۈچۈرۈپ ،ئىنكاس قىلىپ يوللاپ قويساڭلارمۇ بولىدۇ.

Tughrul

	مەجبۇرىي ھەرىكەت بىلەن ئختىيارى ھەرىكەتنىڭ پەرىقى مانا مۇشمىدۇ ؟ ھۆكۈمەتنىڭ خەلقنى باي قىلىش سىياسەت قانۇنى توغرا لېكىن بۇنى ئىلمىي يولغا قويۇش ھەم ئىلمىي ھالدا پىلانلاپ باشقۇرۇش ، يىتەكلەش ئۇمۇ بىر ئىلىم ! شۇغىنىسى بىزنىڭ نۇرغۇن كادىرلىرىمزىدىن مۇشۇ ئىلىمنى چۈشىنىدىغانلار قانچىلىك ؟ دېھقانلار ئۈچۈن ئەڭ ئەڭ ياخشى سىياسەت يەنىلا تېرىغان نەرسىلىرىنى پۇل قىلىپ چىقىرالىشىدا ھەم ئازدۇر كۆپتۈر قىلغان ئەمگىكىنىڭ مېھنىتىنى كۆرۈشتۇر ! يەنى تېرىشتىن تارتىپ باشقۇرۇش ، پەرۋىش قىلىش ، تېخنىكىلىق مەسلىھەت بېرىش ، سېتىپ چىقىرىشتىن ئىبارەت مۇشۇ ھالقىنى چىڭ تۇتسا ئاندىن دېھقانلار ھەقىقى ھالدا كادىرلارغا ئەگىشىدۇ ھەم ئۇلار بىلەن زىچ ماسلىشىدۇ ھەم شۇندىلا ھۆكۈمەتتىن تولۇق رازى بولىدۇ . بولمىسا سىياسەت _ قانۇن توغرا ، مېڭىۋاتقان يول مۇشۇنداق ئەگرى تۇقاي بولۇپ قالىدۇ . ھۆكۈمەتنىڭ ئوبرازىغا داغ چۈشۈپ قالىدىغان ئىشلار كۆپۈيۈپ كىتىدۇ . «يىپ يېڭى ئاياغ بىلەن ئەسكى تۇپا يولدا مېڭىش» ئىشى كېلىپ چىقىدۇ .

توقماق

	دىھقانلارنىڭ ئارزۇسى بەك كۆپ بولىشى مۈمكىن،«دېھقانلارنىڭ ئارزۇسىغا ھۆرمەت قىلىش كېرەك» ـ بۇياخشى شۇئار ئىكەن.لىكىن ،دىھقانلارنىڭ قانۇندا بەلگۆلەنگەن ھالال ھەق-ھوقۇقلىرى ھۆرمەتلىنىپ،كاپالەتلەندۆرۆلسىلا بولاتتى.

ATaX0998

	دھقانلار دىگەن پادىشاھ  تۇرسا ئۇلارنى بوزەك قىلغان كادىرلانى چانىۋەتسەك بولىدۇ !چۈنكى دىھقان بولمىسا يەۋاتقان نان نەدىن كىلدۇ

┎→LonDoη

	شاش ھۇششار   سەگەك   بۇلمىساڭ  زىياننى تاتىدىغان   ئۇزۇڭ ...نەگە باشلىسا قۇيدەك كىتۋەمەي نىمىشقا بۇنداق قىلمىز  دىمەيسە ... قۇساق تۇيسىلا  ماقۇل دەپ باشنى چاتتاغا تىقىپ ياشاۋرەمسە،،