«مەسىلەھەت چېيى» دراممىسى توغرىسىدا

باغإةن

	«مەسىلەھەت چېيى» دراممىسى توغرىسىدا (بۇ دراممىنى قەشقەر ۋىلايەتلىك درامما ئۆمىگى 1980-يىللىرى ئورۇنلىغان.) ئاپتۇرى-مەمەتئېلى زۇنۇن رىژىسۇر-ئېزىز ئايۇپ، يولۋاسخان ئىمىن. ئاساسلىق روللاردا: ئاينۇرى-تاجىگۈل. ئېزىزجان-ئابلىكىم روزى. ئايخان-ئىمىگۈلسۇم. شاراپەتخان-مەريەم يۈسۈپ. ئىبرايىم ئۇستا-مەمەت مامۇت.بۇرەۋىخان-ھۆرىگۈل تۇردى. نۇربىيەم-رەشىدەم قاتارلىقلار       دراممىنىڭ قىسقىچە مەزمۇنى: مەدىنىيەت زور ئىنقىلاۋىي مەزگىلىدە ئاينۇرنىڭ دادىسى- قادىر ئۇستام قارىلىنىپ، تۈرمىگە كىرىپ قالىدۇ. ئۆينىڭ بارى-يوق ھەممە ئىشى ئايخان ئانىغا قاراشلىق بولۇپ قالغاچقا،ئىشچان، ئاقكۆڭۈل قىز ئاينۇر ئۆينىڭ قېيىنچىلىقىنى ھەل قىلىش ئۈچۈن، دوپپا تىكىپ، بازارغا دوپپا ساتقىلى كىرىدۇ. ئۇ بازاردا دوپپىنى ئەمدى بىر يىگىتكە سېتىشىغا جۇسادۈي قاراقچىللىرى ئاينۇردىن دوپپىنى تارتىۋالىدۇ. ئاينۇر قارشىلىق قىلماقچى بولغاندا كۆپچىلىك ئۇنى توسۇپ قېلىپ، خەتەردىن قۇتقۇزۇپ قالىدۇ. بىراق ھېلىقى يىگىتنى تۇتۇپ تۈرمىگە سولاپ قويىدۇ. ئارىدىن يەتتە يىل ئۆتكەندىن كىيىن ھېلىقى يىگىت-ئېزىزجان ئاھالىلار كومىتىتىغا قاراشلىق كىيىم تىكىش كارخانىسىغا كىيىم تىكتۈرگىلى كىرىدۇ. بۇ چاغدا ئېزىزجان ئاينۇر بىلەن قايتا ئۇچرىشىدۇ. شۇنىڭ بىلەن بۇ ئىككى ياشنىڭ قەلبىگە مۇھەببەت ئوتى تۇتىشىدۇ. ئېزىزجان ئائىلسىگە قايىتقاندىن كىيىن، ئاتا-ئانىسىغا ئەھۋالنى ئېيتىپ، ئاينۇرنىڭ ئۆيىگە ئەلچى ئىبەرتىدۇ. بىراق ئەلچىلەر مەسىلەھەت چېيى توغرىسىدا بىرلىككە كىلىشەلمەي، بىر تالاي زىددىيەتنى كەلتۈرۈپ چىقىرىدۇ. ئاخىرى كومىتىت ئاياللار مۇدىرى-بۇرەۋىخاننىڭ تىرىشچانلىقى ۋە ئېزىزجاننىڭ دادىسى-ئىبرايىم ئۇستامنىڭ ئەقىل-پاراسىتىنىڭ تۈرۈتكىسىدە مەسىلەھەت چېيىغا ئوخشاش كونا قائىدە تۈزۈملەر بىكار قىلىنىپ، توينى ئاددى-ساددى ئۆتكۈزۈپ، كاۋاپمۇ كۆيمەيدىغان، زىخمۇ كۆيمەيدىغان ياخشى تۈزۈم قوللۇنۇلۇپ، ياشلارنىڭ توي قىلىشتىكى تويلۇق قائىدە -تۈزۈم ئېغىر بولۇشتەك ئەھۋاللارغا خاتىمە بېرىلىدۇ. بۇ دراممىدىكى ۋەقەلىكلەر جىددى، پىرسۇناژلارنىڭ رول ئېلىش ماھارىتى ئۆزگىچە، ناخشا-مۇزىكىلار يارقىن بولۇپ، تاماشىبىنلارنىڭ ياقتۇرۇپ كۆرىشىگە ئەرزىيدۇ. يازغۇچى-ئابدۇمىجىت مۇھەممەتئېلى 2012-يىلى 7-ئاينىڭ 12-كۈنى يېزىلدى.قەشقەر

باغإةن

	دراممىنىڭ فىلىمىنى كۆرىدىغانلار بولسا، مەن توردىن يوللاپ بېرەي. تېلفۇن قىلىڭ. 13779894333

654321

	ھومەتلىك باغۋەن .مەن بۇ دىراممىنى ،بۇرۇن كورگەن .مۇمكىن بولسا بىر كورسەك بوپتىكەن

Ru1n

	باغۋەن ئاكىمىزنىڭ كىنو درامما توغرىسىدا يوللىغان تىمىللىرنى ئۈزۈلدۈرمەي مۇنبەر يۇزىدىن كۆرە ۋاتىمەن ، مۇمكىن بولسا فىلىمنىڭ ئۆزىنى يوللاشقا تىرىشقان بولسىڭىز ! بىزمۇ ھۇزۇرلىنىپ بىر كۆرىۋالساق! دىگەن ئۈمۈدتە !~~!

!UYGHURJAN

	باغإةن يوللىغان ۋاقتى  2012-7-23 11:22 PM دراممىنىڭ فىلىمىنى كۆرىدىغانلار بولسا، مەن توردىن يول ... تىلفۇن قىلمىساقمۇ مۇنبەرگە يوللاۋەرسىلە بوپتىكەن .

barquk8

	ئىزدىنىش بىلەن بېسىۋاتقان قەدەملىرىڭىزدىن گۈللەر ئۈنگەي !!! داۋاملىق يوللاپ تۇرغايسىز ! بۇ قېتىم قايسىنى يوللايسىز ؟ مەن بىر تەكلىپ بىرەيمۇ ، كۈمۈلمەس ئىزلار دراممىسىنى يوللامسىز يا ؟

نازىخان

	barquk8 نىڭ تەلىىپ بۇيىچە              كۈمۈلمەس ئىزلار دراممىسىنى يوللامسىز يا!جاپا تارتىلا باغۋەن ئاكا ،

باغإةن

	كۆمۈلمەس ئىزلار دراممىسىنى مەن 7-ئاينىڭ 7-كۈنى يوللاپ بەرگەن ئىدىم. سىز قايسى دراممىنى ياقتۇرىسىز؟ تېلفۇن قىلىڭ! مەن توردا كۆپ ئولتۇرمايمەن. چۈنكى ئىشلار كۆپ. فىلىم يوللاش ئىشىغا كەلسەك. مەن تېخى تورغا كىرگىنى بىر ئايچە بولدى. مەن چوقۇم يوللاپ بېرىش ئۈچۈن تىرشىمەن. تورداشلارنىڭ كۆڭلىگە ۋە قىزىقىشىغا رەخمەت.

باغإةن

	مەسىلەھەت چېيى دېگەن بۇ  درامما گەرچە 1980-يىللاردا ئوينالغان بولسىمۇ ئۇنىڭ مەزمۇنى ھازىرقى دەۋىرگىمۇ بەكمۇ ماس كىلىدۇ. چۈنكى ھەشەمەتچىلىك ھازىر توي-تۆكۈنلەردە خېلىلا ئېغىر.مەزمۇنىنى ئەمىليەتتە ئىجرا قىلالىغان بولساق، نىمە دېگەن ياخشى بولاتتى-ھە؟1

harun1

	بۇ دىراممنى مەن تېلېۋىزوردا 1992- يىلى كۆرگەنچە كۆرۈپ باقمىدىم،  ئارىدىن 20 يىل ئۆتكەن بولسىمۇ  ۋەقەلىكى تۆنۈگۈن كۆرگەندەكلا ئىسىمدە ئۇيغۇر تىلىدا ئوينالغان ‹مەسلىھەت چېيى›  ‹كۈتۈلمىگەن توي› ‹ قېرى يىگىتنىڭ تويى› قاتارلىق دىراممىلار خەلقىمىزنىڭ قىزغىن ياقتۇرۇپ كۆرۈشىىگە ئېرىشكەن ۋە  شۇ ۋاقىتتكى جەمئىيەتكە ئىجابى تەسىر كۆرسىتىپ، توي تۆكۈندىكى ئورۇنسىز چىقىملار، بىھۇدە مۇراسىملار ، خېلى ئازايغان ئىدى سۈرەتلەرنى كۆرۈپ 20 يىل بۇرۇنقى بالىلىق ئەسلىمىلىرىمنى ئەسلەپ قالدىم، ئابدۇمىجىت مۇئەللىمنىڭ قىممەتلىك ئۇچۇرلار بىلەن تەمىنلىگىنىگە كۆپ رەھمەت