كۆڭۈل ئېچىش شىركىتى

tasawwur138

	"سىز كەسىپتە ئوڭۇشسىزلىققا ئۇچرىدىڭىزمۇ؟  مۇھەببەتتە زەربە يېدىڭىزمۇ؟  كۆڭلىڭىز يېرىم بولدىمۇ؟ ئەنسىرىمەڭ، شىركىتىمىز بارلىق ئاماللار بىلەن سىزنى خۇشال قىلىپ كۆڭلىڭىزنى ئاچىمىز،  ۋەدىمىز شۇكى ئەگەر سىزنى خۇشال قىلالمىساق قەتئىي پۇل ئالمايمىز، شىركىتىمىزگە قەدەم تەشرىپ قىلغايسىز!  xx شەھەرلىك كۆڭۈل ئېچىش شىركىتى"   بىر ھىيلىگەر يىگىت گىزىتتىن بۇ ئېلاننى كۆرۈپ كۆڭلىدە:"بېرىپ كۆڭلۈمنى ئېچىپ كېلەي، خۇشال بولمىدىم دەپ تۇرۇۋېلىپ پۇل بەرمەي تۇرۇۋالاي" دەپ ئويلاپ گىزىتتىكى ئادىرىس بويىچە كۆڭۈل ئېچىش شىركىتىگە كەپتۇ.   ئۇنى بىر گۈزەل قىز قىزغىن كۈتۈۋېلىپ كۆڭۈل ئېچىش ئۆيىگە باشلاپ كىرىپتۇ.   يىگىت:"يېقىندىن بۇيان ئىشلىرىم ئوڭغا تارتمايۋاتىدۇ، كەيپىياتىم ياخشى ئەمەس، شۇڭا كۆڭلۈمنى ئېچىپ كېلەي دېۋىدىم" دەپتۇ. قىز كۈلۈپ تۇرۇپ:"ئوبدان كەپسىز، بىز سىز ئۈچۈن ئەلا مۇلازىمەت قىلىمىز، ئەگەر سىزنى خۇشال قىلالمىسام پۇل ئالمايمىز" دەپتۇ.   ئاندىن يىگىتكە يۇمۇر سۆزلەپ بېرىپتۇ، بۇ يۇمۇرلار يىگىت بۇرۇن ئاڭلاپ باقمىغان، ئاجايىپ قىزىقارلىق يۇمۇرلار بولۇپ، يىگىتنىڭ ناھايىتى كۈلگۈسى كەپتۇ، بىراق پۇل بەرمەسلىك ئۈچۈن كۈلكىسىنى زورىغا بېسىپ قەستەن قاپىقىنى تۈرۈپ ئولتۇرۇۋاپتۇ. قىز يىگىتتىن "خۇشال بولدىڭىزمۇ، يۇمۇرلار قىزىقمىكەن؟" دەپ سوراپتۇ. يىگىت:"نىمانچە تايىنى يوق يۇمۇرلار بۇ، ئازراقمۇ خۇشال بولمىدىم" دەپتۇ.   ئارقىدىن قىز:"ئەمسە بىز بىرلىكتە ئويۇن ئوينايلى، ئەگەر ئۇتۇۋالسىڭىز مېنى سۆيۈۋالسىڭىز رۇخسەت، ئۇتتۇرۇپ قويسىڭىز مەن سىزنى سۆيۈپ قوياي" دەپتۇ، يىگىت كۆڭلىدە "ئوھوي، ماۋۇ ئىشنى كۆرۈڭ، ھەجەپ ياخشى بولدى، بىراق خۇشال بولغىنىمنى ھەرگىز چاندۇرۇپ قويماي" دەپ ئويلاپتۇ، ئۇلار ئويۇننى باشلاپتۇ، كىچىك بالىلار ئوينايدىغان قارىغۇ چاشقان، مۆكۈ مۆكۈلەڭدىن تارتىپ قارت شاھماتقىچە ھەممە ئويۇننى دېگۈدەك بىر باشتىن ئويناپ چىقىپتۇ، قىز شوخلۇق قىلىپ، ئۇنىڭ بىلەن راسا ئويۇن ئويناپتۇ، گاھ قىز ئۇتۇپتۇ، گاھ يىگىت ئۇتۇپتۇ، يىگىت ھاياجانلىنىپ، ئاجايىپ خۇشال بولۇپ، كۆڭلى خېلىلا ئېچىلىپ قاپتۇ. بىراق يەنىلا چاندۇرماي قاپىقىنى تۈرۈۋېلىپ، خۇشال بولمىدىم، تايىنى يوقكەن دەپ تۇرۇۋاپتۇ. ئۇ قىزنى ساق يېرىم كۈن ئاۋارە قىپتۇ. چۈشلۈك تاماق ۋاقتى بولۇپ قاپتۇ، يىگىت سائىتىگە قاراپ :"چۈش بولۇپ قاپتۇ، شىركىتىڭلار مېنى خۇشال قىلالمىدى، شۇڭا مەن بىر تىيىنمۇ بەرمەيمەن" دەپ ئىشىككە قاراپ مېڭىپتۇ. "توختاپ تۇرۇڭ ئەپەندى" دەپتۇ قىز، "سىزنى خۇشال قىلالمىدىم، شىركىتىمىز مۇكاپاتلىق چەك تارتىش پائالىيىتى ئېلىپ بېرىۋاتقان ئىدى، سىزدىن كەچۈرۈم سوراش ئۈچۈن سىزگە بىر قېتىملىق ھەقسىز چەك تارتىش پۇرسىتى بېرەيلى، تەلىيىڭىزنى سىناپ كۆرمەمسىز؟"، يىگىت تۇرۇپ قاپتۇ، "ھە؟ راستىنلا ھەقسىزما؟" "شۇنداق" دەپتۇ قىز، "پۈتۈنلەي ھەقسىز" "بوپتۇ ئەمسە" دەپتۇ يىگىت ۋە چەك تارتىپتۇ، "پاھ، سىز بەكمۇ تەلەيلىك ئىكەنسىز يىگىت، سىزگە 5000 يۈەن مۇكاپات چىقىپتۇ" "ئوھوي، ماۋۇ تەلەينى كۆرۈڭ ئەمدى، بۇ يەرگە بىكار كەلمەپتىمەن" "خۇشال بولدىڭىزما؟ " دەپ سوراپتۇ قىز، "ھەئە، خۇشال بولدۇم، راستىنلا خۇشال بولدۇم" دەپتۇ يىگىت بېشىنى لىڭشىتىپ، "ئۇنداقتا 200 يۈەن مۇلازىمەت ھەققىنى تاپشۇرۇۋېتىپ مۇكاپاتىڭىزنى ئېلىپ كېتىڭ ئەپەندى" دەپتۇ قىز. "چاتاق يوق، مانا پۇل" دەپ پۇلنى بېرىپتۇ يىگىت، "تېز بولۇڭ، مۇكاپاتىمنى بېرىڭ، مەن ئالدىرايمەن". "سىزگە بېرىدىغان مۇكاپات مەۋجۇت ئەمەس، ئەپەندى، بۇنداق قىلىشتىن مەقسىتىمىز سىزنى خۇشال قىلىپ كۆڭلىڭىزنى ئېچىشتىن ئىبارەت، سىز خۇشال بولدىڭىز، بىز مۇلازىمەت ھەققىنى ئالدۇق، يەنە قەدەم تەشرىپ قىلىشىڭىزنى قارشى ئالىمىز" دەپتۇ  قىز كۈلۈپ تۇرۇپ. "ھۇ ئالدامچىلار، نائەھلى كاززاپلار، پۇلۇمنى قايتۇرۇپ بېرىش!" دەپ قىزغا ئېتىلىپتۇ يىگىت ئەلەم بىلەن. شۇ ئەسنادا ئىككى قاۋۇل ئامانلىق ساقلىغۇچى كىرىپ يىگىتنى شىللىسىدىن تۇتۇپ ئىتتىرىپ شىركەتتىن ھەيدەپ چىقىرىپتۇ. مەنبەسى: خەنزۇچە يۇمۇر ۋە لەتىپىلەر ژورنىلى 2009-يىلى 3-سانى <مەمەتئېلى ئابدۇشۈكۈر>

uyghur05

	ھەجەپ كۈلكىلىككەن

ئەجەل

	بىكارغا گارمون تاتىشىدىغان ئىش نەدە بار....

qog

	مەن بولسام چەك تارتقىلى باشقا كۈنى كىلەي دىگەن بولاتتىم

mullam

	راس   ئىشمۇ  ياكى   يۇمۇرمۇ

tatinqak

	بايا تېخى بىر يەردىن پۇلى بار ئەرلە تېگشنى ئۈگۈتىدىغان مەكتەپ كۆرەگەن ئىدىم

bilimlar.com

	ياخشى گەپكەنغۇ بۇ

سۈكۈت1

	نىيتى ياماننىڭ قازىنى تۆشۈك. دىگەن شۇ دە

natik

	ئەرزان مۇلازمەتكەن 200يۇۋەن بولسا.

yidayat164

	tatinqak يوللىغان ۋاقتى  2012-7-23 11:28 PM بايا تېخى بىر يەردىن پۇلى بار ئەرلە تېگشنى ئۈگۈتىدىغان ... شۇنداقمۇ ئىش بار مىكەن