تەرمەچ فىليەتۇنلار(تەرجىمە)

yawaat0998

	ئىلغار تەجرىبە مەلۇم ناھىيە ئۈچ تۈرلۈك ھۆكۈمەت خىراجىتىنى ئاشكارىلىدى، چارۋىچىلىق ئىدارىسى ئاز چىقىم قىلغانلىقى ئۈچۈ ئىلغار بولوپ باھالاندى، مۇناسىۋەتلىك ئىدارىلەر ۋە قوشنا ناھىيەلەرنىڭ چارۋىچىلىق ئىدارىلىرىمۇ ھەيران قالدى، ھەمدە ئۇ ئىدارىغا بېرىپ تەلىم ئالماقچى بولۇشتى. چارۋىچىلىق ئىدارىسىنىڭ باشلىقى زىياپەت ئورۇنلاشتۇرۇپ، ئۇلارنى مىھمان قىلدى. بىرپەس ھاراق ئىشىشكەندىن كىيىن، ئىدارە باشلىقى راس گەپنى قىلىپ تاشلىدى: بىرىنچىسى، يەپ ئىشىچ قاتارلىق كۈتىۋىلىش خىراجىتىنى يەمخەشەك سېتىۋىلىش خىراجىتى تۈرىگە قېتىۋەتتۇق؛ ئىككىنچىسى، ماشىنا، پاراخوت، بىنزىن قاتارلىق چىقىملارنى ئەلا سورتلۇق چوشقىلارنى كىرگۈزۈش خىراجىتىگە قېتىۋەتتۇق؛ ئۈچىنچىسى، ساڭنا، يۇيۇنۇش مەركىزى قاتارلىق جايلاردا قىلىنغان چىقىملارنى چوشقا كۈچۈكلىرىنى تازىلاش، يۇيۇش خىراجىتىگە قېتىۋەتتۇق؛ تانسىخانا، ياتاق ئېچىش قاتارلىق كۆڭۈل ئېچىش پائالىيەتلىرىنىڭ چىقىملىرىنى نەسىللەندۈرۈش خىراجىتىگە قېتىۋەتتۇق....... باشقا ئىدارىنىڭ باشلىقلىرى ئۇيقىدىن ئويغانغاندەك بولۇشتى دە، ئۆزلىرىنىڭ مالىيە بىلىملىرىنى ئازراق بولسىمۇ ئۈگىنىشمىگەنلىكىگە پۇشايمان قىلىپ قېلىشتى.                                                 كىمگە ئاتىسەن؟ ئىككىنچى تاغام يۇۋاش، ئىزچىل يېزىدا يەر تېرىپ جان باقاتتى. بىر كۈنى، بىرەيلەن ئۇنىڭغا چاقچاق قىلىپ سوراپتۇ: ئەگەر ناھىيەنىڭ ھاكىمى ۋە يېزا باشلىقى بىرلا ۋاقىتتا دەرياغا چۈشۈپ كەتسە، سېنىڭ قولۇڭدا بىر تاللا تاش بار بولسا، سەن قايسىسىغا ئاتاتتىڭ؟ تاغام: ھەي، نەدىمۇ مۇنداق بەلەن ئىش بولسۇن؟ ھېلىقى ئادەم: مەسىلەن دەيمەنغۇ ئەمدى. تاغام: ئاناڭنى، كىم شۇ ئىككىسىنى قۇتقۇزسا شۇنىڭ بېشىغا ئاتىمەن.                                     تاكسى شوپۇرىنىڭ دانا پىكىرى بىر شوپۇرنىڭ مۇنداق دىگىنىنى ئاڭلاپ قالدىم: ئەگەر  20 ياشلىق، ئۆلۈمگە ھۆكۈم قىلىنغان،  10 نەپەر ياشقا 4 يىل پۇتبول مەشىق قىلدۇرۇپ، ئاندىن ئۇلارنى دۇنيا پۇتبول مۇسابىقىسىگە قاتناشتۇرسا، ئەگەر نەتىجە قازانسا تۈرمىدىن ئازاد قىلسا، ئەگەر يېڭىلىپ قايتىپ كەلسە، ئېلىپ چىقىپ مىلتىق بىلەن ئېتىپلىۋەتسە، جوڭگۇ ئاندىن پۇتبولدا يېڭەلەيدۇ. مەن ئۇنىڭ ئەقلىگە ھەيران قېلىپ، سورىدىم: ئۇنداقتا، ھازىرقى ئاجرىشىش نىسبىتىنىڭ بارغانسېرى يۇقىرىلاپ كېتىش مەسىلىسىنى قانداق ھەل قىلىش كېرەك؟ شوپۇر تاماكىسىنىڭ چىڭ بىر شورىۋالغاندىن كىيىن جاۋاب بەردى:ئاجرىشىشنى ھەقىقەتەن توسۇيالايدىغان نىكاھ قانۇنى شۇكى، ئاجراشقاندىن كىيىن، ئۆينى دۆلەت مۇسادىرە قىلىش.                                         بوۋىسى، دادىسى ۋە نەۋرىسى بوۋىسىنىڭ كىچىك ۋاقتىدىكى ئارزۇسى شۇكى: قورساق تويغىدەك تاماق يىيەلىسەم، خاتىرجەم كۈن كەچۈرسەم. دادىسىنىڭ كىچىك ۋاقتىدىكى ئارزۇسى شۇكى: ئالىم، دوختۇر، ئوقۇتقۇچى بولسام. نەۋرىسىنىڭ ئارزۇسى بولسا: ئەمەلدار بولسام، داڭلىق چولپان بولسام. يەنە 20 يىلدىن كىيىن، بالىلارنىڭ غايىسى نىمە بولار؟ .................... فىليەتۇنلار ئايلىق ژۇرنىلى 2012- يىللىق 8- ئايلىق سانىدىن تاللاپ ئېلىندى. ئەلىجان تۇرسۇن تەرجىمىسى.

kamran

	ئاۋۇ تاكسى شوپۇرى ھەقىقەتەنمۇ داناكەن ، بۇ ئەقىل بۇرۇنراق نىمىشقا كاللىمىزغا كەلمىدى ھە!

ئالماس

	كىمگە ئاتىسەن؟ بەك يۇمۇر ئىكەن

mastana888

	تاكسى شوپۇرى قىزقارلىقكەن

Erk~OghLi

	فىليەتونلار ژورنىلىغا مۇشتەرى بوپ يېزىلغىلى بولامدا باللا

nazila998

	بەكلا قىززىققۇ ، خۇددى يۇمۇردەك ، بۇنى فېلياتۇن دىگەندىن كۆرە يۇمۇر دىسە بولامدۇ نىمە ، ئۇخلاشتىن بۇرۇن تازا كۈلۈپتىمەن ، يۈزۈمگە قورۇق چۈشۈپ كىتەمۇ ئەمدى .

ANSWER

yawaat0998

	Erk~OghLi يوللىغان ۋاقتى  2012-7-24 12:25 AM فىليەتونلار ژورنىلىغا مۇشتەرى بوپ يېزىلغىلى بولامدا ب ... مۇشتەرى بولغىلى بولىدۇ. سىز تۇرىۋاتقان جايدىكى 三味书店دىگەندەك كىتاب خانىلاردىن ئۆزىڭىز سېتىۋالسىڭىزمۇ بولىدۇ. ئۇ كىتابخانىلارغا تىزىملىتىپ قويسىڭىز، ھەر قېتىم سىز بۇيرىغان كىتاب كەلگەندە سىزگە خەۋەر قىلىدۇ.

yawaat0998

	ئەگەر ژورناللار بۇ تەرجىمەمنى ئىشلەتمەكچى بولسا، ئەسلى ئورگىنالى بىلەن تەمىنلەپ بېرىمەن. دوستلاردىن يەنە بىر ياردەم سورايمەن: بىر ناخشا بار ئىدى، ئىككى مىسراسىلا يادىمدا قاپتۇ: ئانا كېتىدۇ، كەلمەيدۇ، دادا كېتىدۇ كەلمەيدۇ...... بۇ ناخشىنى كىم ئېيتقان؟ بۇ ناخشىنىڭ ئىسمى نېمە؟ دوستلار ياردەم قىلغان بولساڭلار.