ئۆزىنى ئالىيجاناپ چاغلايدىغانلار باشقىلارنى ئوڭاي ھاقارەتلەيدۇ

sabinur

	ھىندىستاننىڭ قانۇنىدا مۇنداق دىيىلگەن ؛قىشنىڭ سوغۇق، يازنىڭ ئىسسىق بولىدىغانلىقى شۇبھىسىزدۇر.ئوخشاشلا يامان ئادەمنىڭ يامان ياشايدىغانلىقى .ياخشى ئادەمنىڭ ياخشى ياشايدىغانلىقى شۇبھىسىزدۇر. ئادەم ئۇۋاللىققا ئۇچىرسىمۇ جەڭگى- جېدەل ۋە بوزەك قىلىش ئادەمنىڭ ھەقىقىي بەختىنى زايە قىلىۋېتىدۇ. غەزەپلىنىشنىڭ ھەقىقىي بەختنى زايە قىلىش ئىكەنلىكىنى بىلگەن بولسام باشقىلار بىلەن ئۆچەكەشمىگەن ھەم بۇرۇنقىدەك ئۆزۈمنىڭ غەزىپىدىن خۇشاللانمىغان ،پەخىرلەنمىگەن غەزىپىمنى تېخىمۇ ئۇلغايىتمىغان ،ئۇنى ئاقلىمىغان ،ئۆزۈمنى ئالىيجاناپ ۋە ئەقىللىق چاغلاپ باشقىلارنى ئەرزىمەس-چۈشكۈن ،ئەقىلدىن ئازغان ئادەم دەپ قارىمىغان بولاتتىم ؛غەزىپىم ئالدىدا تىز پۈككەنلىكىمنى ئويلاپ يەتكەندە ،خاتا قىلغان كىشىنىڭ ئۆزۈم ئىكەنلىكىنى ئېتراپ قىلغان ،ئۆچەكەشكەن ئادەم بىلەن يارىشىپ قالغان بولاتتىم. ئەمما بۇنىڭ ئۆزىلا كۇپايە ئەمەس .ناۋادا مەن غەزىپىمنىڭ روھىمدىكى ئىللەت ئىكەنلىكىنى بىلسەم ،مېنى يامانلىققا باشلىغان نەرسىنىڭ نىمە ئىكەنلىكىنى ئايدىڭلاشتۇراتتىم .مەن مېنى يامانلىققا باشلىغان نەرسىنىڭ ئۆز ۋۇجۇدۇمدا ،شۇنداقلا باشقىلارنىڭ ۋۇجۇدىدا مەۋجۇت ئىكەنلىكىنى ئۇنتۇپ قالدىم . ھازىر كۆردۈمكى ،مېنىڭ باشقىلاردىن ئايرىلىپ قېلىشىم ۋە باشقىلاردىن ئۆزۈمنى ئۈستۈن چاغلىشىم باشقىلار بىلەن دۈشمەنلىشىشىمدىكى ئاساسلىق سەۋەپلەرنىڭ بىرى ئىكەن. كەچمىشلەرنى ئەسلەپ شۇنى كۆرۈپ يەتتىمكى  ،ئۆزۈمدىن تۆۋەن كۆرگەن كىشىلەرنىڭ ئەڭ ئەرزىمەس ھەركەتلىرىمۇ مىنىڭ ئۇلارغا غەزەپلىنىشىم ۋە ئۇلارنى ھاقارەتلىشىمگە سەۋەپ بوپتۇ،شۇڭا ئۆزۈمنى ئۇلاردىن ئالىيجاناب چاغلاپتىمەن ،ھە دېسىلا ئۇلارنى يەڭگىللىك بىلەن ھاقارەت قىپتىمەن؛ھەتتا بەزىلەرنىڭ ئورنىنى پەس دەپ ئويلىغان چاغلىرىمدا ،مۇشۇ ئوينىڭ ئۆزىلا ئۇلارنى ھاقارەتلىشىمگە سەۋەپ بوپتۇ.                                                نەيرەڭ ئىشلىتىڭ ئەمما قالايمىقان ئشلىتىۋەرمەڭ ئادەم نەيرىڭى تۈپەيلىدىن خۇش بولماسلىقى ،ماختانماسلىقى كېرەك .ئومۇمەن بارلىق زېرەكلىك ،بولۇپمۇ نەيرەڭ يوشۇرۇن بولۇشى كېرەك .چۈنكى ، نەيرەڭ ھەممە ئادەم نەپرەتلىنىدىغان نەرسە. ئادەملەر دائىم بىر-بىرىنى ئالدايدۇ .بىز بۇنىڭدىن ھوشيار بولىشىمىز كېرەك. بىراق،مۇنداق پەخەسلىكىمىزنى چاندۇرۇپ قويماسلىقىمىز كېرەك ،چۈنكى ئۇ ئوڭايلا ئىشەنمەسلىك،ئاۋارىچىلىك ،ئۆچمەنلىك ،ھەتتا ئۆزىڭىز ئويلىغاندىنمۇ چوڭ بەخىتسىزلىك كەلتۈرۈپ چىقىرىدۇ.خىزمەت ۋاقتىدا پەخەس بولۇشنىڭ پايدىسى كۆپ شۇنداقلا بۇ سىزدە ئەقىل-پاراسەت بارلىقىنىڭ ئەڭ چوڭ دەلىلى. ھەرقانداق ئىشتىكى ئەڭ زور ماھارەت ئىشنى تاماملىغاندا ئىپادىلەنگەن تولۇق رازىمەنلىك. مەنبە؛ئەقىل -پاراسەت جەۋھىرى

كارۋان

	نىمە دەپ ئىنكاس يېزىشىمنى بىلمەيلا قالدىميا؟گەپنىڭ راستىنى دىسەم ھىندىستانغا بارغۇم كەلدى.

nazigul8

	ھەقىقى ئالىجاپ كىشىلەر، باشقىلارنى ھاقارەتلىمەيدۇ. ھەقىقى دىندار ئۆلىمالار، باشقىلارنىڭ كۆڭلىگە قەتئى، قىلچىلىك ئازار بەرمەيدۇ. ھەقىقى بىلىملىك كىشىلەر، بىلىمىنى كوز-كوز قىلمايدۇ، بەلكى تىرىشىپ  نەتىجە قازىنىشقا  ئاتلىنىدۇ.

subhinur

	يېرىم چىلەك سۇ بەك شالاقشىيدۇ دىگەندەك نەدەبىر بىلىمسىز كىشلەرنىڭ بەك گىپى چوڭ تېخى،  توۋا

nazigul8

	subhinur يوللىغان ۋاقتى  2012-7-22 02:30 PM يېرىم چىلەك سۇ بەك شالاقشىيدۇ دىگەندەك نەدەبىر بىلىمس ... سىز تېمىغا قارىتا يازدىڭىزمۇ؟ ئىنكاسقىمۇ؟ ئەگەر ئىنكاسقا قارىتا بولسا، شۇ يېرىم چىلەك سۇ شالاقشىتىۋاتقان سىزچە كىمدەك قىلىدۇ؟  »ئۆزىنى ئالىجاناپ چاغلايدىغانلار باشقىلارنى ئوڭاي ھاقارەتلەيدۇ«، دەپ يوغان تېمىنىڭ يېزىقلىق تۇرغىنى بولمىسا. ئەگەر خاتا چۈشىنىۋالغان بولسام، ئالدىن ئۆزرە قويىمەن. بەزىلەر تۇلۇمدىن توقماق چىققاندەكلا گەپ قىلىۋەتسە ئاجايىپ تۇرۇدىكەن.

subhinur

	nazigul8 يوللىغان ۋاقتى  2012-7-22 03:57 PM سىز تېمىغا قارىتا يازدىڭىزمۇ؟ ئىنكاسقىمۇ؟ ئەگەر ئىنك ... سىز خاتا چۈشنۋالدىڭىزمۇ قانداق ؟  مىنىڭ يازغان ئىنكاسىم سىزگە نىمانچىۋالا تەسىر كۆرسىتىپ كەتتى. مىنىڭ باشقىچە نىيتىم يوق،خاتا چۈشەنمەڭ

subhinur

	مىنىڭ يېرىم چىلەك سۇ دىگىنىم ھىچقانداق نەرسىنى بىلمەي تۇرۇپ باشقلارغا ئىش ئۈگتىدىغان كىشلەرگە مىسال قىلىنغان،ئەگەر خاتا سۆزلەپ كۆپچىلىكنى نارازى قىلىپ قويغان بولسام ئەپۇ سورايمەن.

nazigul8

	subhinur يوللىغان ۋاقتى  2012-7-22 04:28 PM سىز خاتا چۈشنۋالدىڭىزمۇ قانداق ؟  مىنىڭ يازغان ئىنكاس ... خاتا چۈشىنىۋالغان بولسام، مەن ناماقۇل، لېكىن سىزنىڭ  ئىنكاسىڭىز مېنىڭ كەينىمدىن چۈشۈپتۇ، ھەم مەندىن باشقا ئىنكاس يازغان ئادەم يوق ئىكەن، شۇڭا مەنمۇ سىزدىن سورىدىمغۇ، تېمىغا قارىتا يازدىڭىزمۇ، ئىنكاسقىمۇ دەپ؟ ئىنكاسىڭىزنى ئېنىقراق يازسىڭىز، خاتا چۈشۈنۈش بولمايدىغۇ، ئەمىسە سىز شۇ ئىنكاسىڭىزنى نىمىگە قارىتا يازدىڭىز ؟ بۇنىڭغا رەنجىمەي چۈشەنچە بېرەلەمسىز؟

subhinur

	مەن بۇ ئىنكاسنى مۇقەررەر ھالدا تېمىغا ياكى سىزگە ۋە ياكى باشقا دوستلارغا قارىتا يازمىدىم . پەقەت ئۆزەمىنڭ كۆز قارشىمنىلا ئوتتۇرغا قويغان ئىدىم . بەلكىم سىزمۇ بىلسىڭىز كىرەك ئەتراپىمىزدا يا دىندىن يا پەندىن ساۋاتى يوق تۇرۇپ باشقلارغا دەرس سۆزلەپ ،كىشىن بىئارام قىلىدىغان كىشلەر ئاز ئەمەس. مەن پەقەت شۇ خىل كىشلەرگە قارىتا ئۆز قارىشىمنى يازغان ئىدىم،قىلچىلىك باشقا نىيەت يوق.

nazigul8

	بۇ تېمىنىڭ مەزمۇنىنى مۇنداق چۈشەنسەك بولىدۇ: ھەرقانداق ئادەم مۇكەممەل بولمايدۇ، باشقىلارنىڭ سەۋەنلىكى ئۈچۈن ئاچچىقلانماسلىقىمىز كېرەك. باشقىلارنىڭ يېتەرسىزلىكلىرى تۈپەيلى، ئۇلارنى تۆۋەن كۆرۈپ ھاقارەتلىمەسلىكىمىز كېرەك. باشقىلارنىڭ يېتەرسىزلىكلىرى بولسىلا ئۆزىمىزنى ئۇلاردىن ئۈستۈن كۆرۈپ ئۆزمىزنى-ئۆزىمىز ئالىجاناپ سانىماسلىقىمىز كېرەك.(بولمىسا بۇ بىر ئاخمىقانىلىق) بۇ يەردىكى نەيرەڭ ئىشلىتىشنى، توغرا چۈشەنسەك، ئەقىل-پاراسەت ئىشلىتىشنى كۆرسۈتىدۇ. بولۇپمۇ ھازىرقى دەۋىرگە نىسبەتەن ، بەزى ئىشلاردا ئەقىل-پاراسەت ئىشلىتىشنى، نەيرەڭ ئىشلىتىش بىلەن ئوخشاش مەنىدە ئىپادىلىگەن بولۇشى مۈمكىن. شۇڭا شاكىلىنى ئېلىۋېتىپ، مېغىزىنى قوبۇل قىلىش دىگەندەك، ئۇ گەپلەرنى تۈپ-تۈزلا چۈشۈنىۋالماي، توغرا مەنىسى بىلەن چۈشۈنەيلى. تېما ئىگىسى تېخى كىچىك (ئەمدى 16 ياشقا كىرگەن) بولسىمۇ ، لېكىن سىز بىز چۈشەنمەيدىغان ئىشلارنى توغرا چۈشۈنۈش ئىقتىدارى بار، شۇڭا تېما يوللىغۇچىغا مەدەت بېرەيلى.