ئادەم بەدىنىنىڭ 24 سائەتلىك خىزمەت جەريانى

چۇغلان

	ئادەم بەدىنىنىڭ 24 سائەتلىك خىزمەت جەريانى سائەت 1:00 دە ئادەم سەزگۈر ئۇيقۇ ھالىتى (ئۇيقۇنىڭ دەسلەپكى باسقۇچى) گە كىرىدۇ. بۇ ۋاقىتتا ئاغرىشقا بولغان سېزىمى ئەڭ كۈچلۈك بولىدۇ ھەمدە ئاسان ئويغىنىپ كېتىدۇ. سائەت 2:00 دە ئادەم بەدىنىدىكى زور كۆپ قىسىم ئەزالارنىڭ خىزمەت سۈرئىتى ئەڭ ئاستا ھالەتتە بولىدۇ، ئەمما جىگەرنىڭ خىزمىتى جىددىي ھالەتكە كىرىپ، زەھەر تازىلايدۇ. سائەت 3:00 تە پۈتكۈل بەدەن دەم ئېلىش ھالىتىگە كىرىدۇ، مۇسكۇللار تولۇق بوشىشىدۇ. سائەت 4:00 تە قان بېسىمى ئەڭ تۆۋەن ھالەتكە چۈشۈپ، مېڭىنىڭ قان بىلەن تەمىنلىنىش مىقدارى ئاز بولىدۇ. شۇڭا، بۇ ۋاقىتتا ياشانغانلاردا مېڭە، قان تومۇر كېسەللىرىنىڭ قوزغىلىش خەۋپى يۇقىرى بولىدۇ. سائەت 5:00 تە ئۇخلاش ئارقىلىق بەدەن قۇۋۋىتى ئەسلىگە كەلگەن بولىدۇ. بۇ چاغدا ئورنىدىن تۇرسا مۇۋاپىق بولۇپ، ئادەمنىڭ زېھنىي كۈچى ئۇرغۇپ تۇرىدۇ. سائەت 6:00 دە ئادەمنىڭ قان بېسىمى ئۆرلەشكە، يۈرەك رېتىمى تېزلىشىشكە باشلايدۇ. سائەت 7:00 دە ئادەمنىڭ تەن تېمپېراتۇرىسى ئۆرلەشكە باشلايدۇ، ئورگانىزملارنىڭ ئىممۇنىتېت كۈچى ئەڭ كۈچلۈك بولىدۇ. سائەت 8:00 دە تېرە زەھەرلىك ماددىلارنى ئاساسەن ئاجرىتىپ چىقىرىپ بولىدۇ. جىنسىي ھورمۇننىڭ سەۋىيىسى ئەڭ يۇقىرى ھالەتكە كېلىدۇ. سائەت 9:00 دا تېرىنىڭ ئاغرىشقا بولغان سېزىمى تۆۋەنلەيدۇ. شۇڭا، بۇ چاغدا ئوكۇل ئۇرۇپ داۋالىسا مۇۋاپىق بولىدۇ. سائەت 10:00دا ئادەمنىڭ زېھنىي كۈچى ئۇرغۇپ تۇرىدۇ، خىزمەت ئۈنۈمى ياخشى بولىدۇ. سائەت 11:00 دە ئادەمنىڭ زېھنىي كۈچى ئەڭ يۇقىرى پەللىگە يېتىدۇ، چارچاش ھېس قىلمايدۇ. سائەت 12:00 دە ئادەم يېرىم كۈن خىزمەت قىلغاندىن كېيىن بەلگىلىك ئارام ئېلىشى زۆرۈر بولىدۇ. سائەت 13:00تە ئاشقازان سۇيۇقلۇقىنىڭ ئاجرىلىپ چىقىش مىقدارى ئەڭ كۆپ بولىدۇ. ئاشقازان، ئۈچەينىڭ خىزمىتى جىددىي ھالەتكە كىرىدۇ . تاماق يېسە مۇۋاپىق بولىدۇ. بۇ چاغدا ئادەم سەل چارچاش ھېس قىلىدۇ، مۇۋاپىق ئارام ئېلىشى زۆرۈر. سائەت 14:00 تە ئادەمنىڭ غىدىقلىنىش ئىقتىدارى تۆۋەنلەپ، پۈتكۈل بەدەننىڭ ئىنكاسى ئاستىلايدۇ. سائەت 15:00 تە تەن تېمپېراتۇرىسى ئەڭ يۇقىرى نۇقتىغا يېتىدۇ. خىزمەت ئىقتىدارى ئەسلىگە كېلىشكە باشلايدۇ. سائەت 16:00 دە قان قەنتى ئۆرلەيدۇ. سائەت 17:00 دە ئۆپكىنىڭ نەپەسلىنىش ھەرىكىتى ئەڭ ياخشى ھالەتكە كىرىدۇ، خىزمەت ئۈنۈمى يۇقىرى بولىدۇ. سائەت 18:00 دە ئادەمنىڭ ئاغرىشقا بولغان سېزىمى تۆۋەنلەيدۇ. سائەت 19:00 دا قان بېسىمى سەل ئۆرلەيدۇ، كەيپىياتى ئاسانلا تۇراقسىزلىشىدۇ. سائەت 20:00 دە ئەستە تۇتۇش ئىقتىدارى ئەڭ كۈچلۈك، چوڭ مېڭىنىڭ ئىنكاسى ئەڭ تېز بولىدۇ. سائەت 21:00 دە نېرۋا سىستېمىسى ئەڭ جانلىق ھالەتكە كىرىدۇ، ئۆگىنىش ئۈنۈمى ياخشى بولىدۇ. سائەت 22:00 دە نەپەسلىنىش ئاستىلاشقا باشلايدۇ. تەن تېمپېراتۇرىسى تەدرىجىي تۆۋەنلەيدۇ. سائەت 23:00 تە ئورگانىزملار ئارام ئېلىش ھالىتىگە كىرىپ، بىر كۈندىكى چارچاش تۈگەشكە باشلايدۇ. سائەت 00:0 دە ئادەم ئۇيقۇ ھالىتىگە كىرىدۇ. تەن قۇۋۋىتى ئەسلىگە كېلىشكە باشلايدۇ. مەنبە : شىنجاڭ پەن تېخنىكا گېزىتى يۇللىغۇچى : چۇغلان

sazguri

	ئۈرۈمچى ۋاقتىمۇ بېيجىڭ ۋاقتىمۇ ؟ رەھمەت ھە سىزگە پايدىلىق تىما يوللاپسىز

azizgul

	بىلۋالدىم ، كۆپ  تەشەككۈر ! بىزنىڭ كۇندىلىك ئىش پائالىيەتلىرىمىز بەدىنىمىزنىڭ خىزمىتى بىلەن ماسلاشقان ئىكەن .

Qabiljan

	sazguri يوللىغان ۋاقتى  2012-7-20 08:20 PM ئۈرۈمچى ۋاختىمۇ بېيجىڭ ۋاختىمۇ ؟ ھەممەيەرگە ماس كېلىدۇ.

خۇش

	سائەت 25تە چۇ؟؟

rahatmakan

	بىر ئادەم بىر كۈندە مەيلى ئۇسىسۇن مەيلى ئۇسىمىسۇن 2لىتىردىن 3لىتىرغىچە سۇغا  ئىھتىياجلىق  بولۇپ  بۇ  سۇغا بولغان ئىھتىياج ۋاختىدا قاندۇرۇلمىسا  شۇ ۋاقىتتىن باشلاپ  بىرىنچى  بولۇپ  بۆرەكنىڭ ماددا ئالماشتۇرشى تەسىرگە ئۇچراشقا باشلايدۇ   بۇ ھەرگىزمۇ 2-3لىتىر  سۇنى  بىر قىتىمدىلا  ئىچسە توغرا بولدىغانلىقىنى كۆرسەتمەيدۇ    بەلكى   ھەر قىتىمدا 100مىللىگىرام  ئەتراپىدا 10-15  قىتىمغىچە  ئىچىشنى كۆرسىتىدۇ   بىز  ئادەم  بىلەن سۇ  ئوتتۇرسىدىكى  سۇ بىلەن  ھاياتلىق  ئوتتۇرسىدىكى باغلىنىشقا  ئىلمى  مۇئامىلە  قىلىپ  ھاياتلىقنى ساغلام  ھالەتتە  داۋاملاشتۇرايلى . ئاتا  بوۋىمىزدىن  بىزگە  قالغان ماقال تەمسىل بار بولۇپ  ساغلام تەندە  ساپ ئەقىل دەيدىغان  ساغلام بولساق  ئەۋلاتلىرىمىز   يىلىكى تولۇپ  ساغلام  چوڭ  بولسا  بىزنىڭ كۈتكەن ئۈمىدىمىزنى ئاقلىيالايدۇ    نى  نى  كەشپىياتلارنى  ۋۇجۇتقا  چىقىرالايدۇ    دۇنيا  ئالىملىرنىڭ  سۇ  بىلەن  ھاياتلىققا  مۇناسىۋەتلىك  ئىلمى نەتىجىلىرگە توغرا مۇ ئامىلە  قىلايلى  ئىلاج قىلىپ پاكىز  سۇ ئىچىشكە  ئەھمىيەت بىرەيلى

kaliptax

	سائەت 20:00 دە ئەستە تۇتۇش ئىقتىدارى ئەڭ كۈچلۈك، چوڭ مېڭىنىڭ ئىنكاسى ئەڭ تېز بولىدۇ. بۇشىنجاڭ ۋاقتىمۇ يا مەن مۇشۇ ۋاقىتقا  كققارىتا  سۇرە يادىلاي دىگەن مەن ئاقسۇدىن ئۇنداقتا سائەت قەنچىگە ماس كىلىدۇ ، ئىلىم-پەن دىگەن ئاجايىپ نەسە جۇمۇ ..........

sirlikmalika

	ئەجەپ غەلىتە ئىكەن جۇمۇ!!مۇشۇنداق تىمىلىرىڭىزنى مۇنبەردىن ئايىمىغايسىز!!!بىلىمىم موللىشىپ قالدى جۇما ماۋۇ تېمىنى كۆرۈپ!!

چۇغلان

	20:00 شىنجاڭ ۋاقىتى:6:00دە

چۇغلان

	20:00 شىنجاڭ ۋاقىتى:8:00دە