رەنجىمەيلى ئۆزگىدىن(ئايچىن)

ئايچىن

	رەنجىمەيلى ئۆزگىدىن.. ئايچىن بۇ ھايات سەھنىسى ئاجايىپ سىرلىق، ھەرخىل رولدا پۇتۇن ھەممىمىز ، نام چىقارسا بىرەرسى ، ياغدى تىلدىن غەيۋەت يامغۇرى، تۈزىمەي تۇرۇپ بۇ ئىللەت رەنجىمەيلى ئۆزگىدىن... ئۇ ئۇنداقچى ، مۇنداقچى ھەم ئويونچى موللاقچى، گەپ ئېيتىشتا بەزىلەر شۇنداق< ئېسىل سەنئەتچى> ئېغىز پۈرۈپ دىيىشتۇق سازەندىمۇ مۇشۇمۇ ؟ چالماي تۇرۇپ بىرەر ساز رەنجىمەيلى ئۆزگىدىن.... گۈزەل سالقىن باغلاردا ھوزورلىنىپ يايرىدۇق، لېكىن ئەشۇ باغۋەننى بەلكىم ئەستىن چىقاردۇق، ئاچچىقكەن دەپ ۋايسىدۇق تەييار مىۋە يەپ تۇرۇپ، تىكمەي تۇرۇپ بىر كۆچەت رەنجىمەيلى ئۆزگىدىن... ئۇيغۇرۇمنىڭ مەنىسى ئەسلى ئىدى ئۇيۇشۇش، ئەشۇ ئەجدات روھىنى يۈتتۈردى ئەۋلات قەيەرگە؟ بىر-بىرىمىزنى بۇغۇشۇپ يۇرەرمىز قاچانغىچە؟ قول تۇتۇشماي تۇرۇپ بىز رەنجىمەيلى ئۆزگىدىن.. مەنبە: ئايچىن يازمىلىرى. ئىللەت تۈزەلمىگىچە مىللەت تۈزەلمەيدۇ دىگەن گەپ بار ، بولسا كۆپچىلىك مۇشۇ خىل ئىللەتلىرىمىز توغرىسىدا ئۇلاپ مۇشائىرە قىلاپ باقسا دىگەن ئۇمۇتتىمەن... ئۆزىمىزنى ئۆزىمىز تونىۋىلىشىمىزغا بولسىمۇ ئازراق پايدىسى تىگەر دەپ ئويلىدىم .

QALIB

	ئەي ئىنسان ئۆزۈڭنى چۈشەن!!! دەپتىكەن كونىلار،ئۆزىمىزنى چۈشەنمەي تۇرۇپ ئۆزگىلەردىن رەنجىپ يۈرسەك بولماس،ئىسىل تىمىڭىزغا تەشەككۈر```

katran

	ئۆزىنى چۈشەنگەن ئۆزىنى سورايدۇ، پەقەت كەم ئەقىللەرلا ئۆزىنى چۈشەنمەستىن، ئۆزىگە سۇئال قويماستىنلا ئۆزگىلەردىن رەنجىپ يۈرۈيدۇ......... رەنجىمەيلى ئۆزگىدىن، قىلالمىغاچ ئۆزىمىز، بىردەك بولماي كەلگەچكە دىلىمىز ھەم تىلىمىز. سىز مۇنداقچى مەن مۇنداق، ئۇمۇ ھەم شۇنداق، دىيىش نومۇس ئەمەسمۇ، بىلمىسەك بىز ئۆزىمىز.

ئايچىن

	katran يوللىغان ۋاقتى  2012-7-20 01:07 AM ئۆزىنى چۈشەنگەن ئۆزىنى سورايدۇ، پەقەت كەم ئەقىللەرلا  ... دىيىش نومۇس ئەمەسمۇ، بىلمىسەك بىز ئۆزىمىز. شۇنداق غەپلەت ئىلكىدە قاچانغىچە يۈرىمىز.. نىم قىلغىنىڭ ماۋۇ دەپ ئۆزگى نۇقۇسا پىشانىمىزگە، بەك سەت بولىدۇ ھەم بۇنى بەكمۇ ئوبدان بىلىمىز..

katran

	ئايچىن يوللىغان ۋاقتى  2012-7-20 01:11 AM دىيىش نومۇس ئەمەسمۇ، بىلمىسەك بىز ئۆزىمىز. شۇنداق غەپ ... بەك سەت بولىدۇ ھەم بۇنى بەكمۇ ئوبدان بىلىمىز، شۇنداق تۇرۇپ ئۆز ئارا چوقۇشۇپلا يۈرىيمىز. ئۇيۇشۇش يوق نە دىلدا، ئۆتتى شۇنداق كۈنىمىز، بىراۋ ئۈچۈن چوڭ يولنى مانا شۇنداق ئاچقان بىز.

Aytugh

	يېزىقىمىز يوقىلار يازماي يۈرسەك ئۆزىمىز، تىلىمىزمۇ يوقىلار ئەبجەش بولغاچ سۆزىمىز. ئۆزىمىزنى تۈزەتمەي، داتلاپ يۈرسەك ئۆزگىدىن، ئالدىمىزدا بار تېخى كۆرىدىغان كۈنىمىز!

ئايچىن

	katran يوللىغان ۋاقتى  2012-7-20 01:15 AM بەك سەت بولىدۇ ھەم بۇنى بەكمۇ ئوبدان بىلىمىز، شۇنداق  ... بىراۋ ئۈچۈن چوڭ يولنى مانا شۇنداق ئاچقان بىز، تۇزەلمەسمۇ تىرىشساق بارچە يامان ئىللىتىمىز... چىن مىھىردىن بارچىمىز قول بېرىشسەك ئۆز ئارا .. ئۆرنەك بولوپ ئەۋلاتقا شۇنداق ياشاپ ئۆتسەك بىز..

ataman26

	ئالدىمىزدا بار تېخى كۆرىدىغان كۈنىمىز، ۋايسىمايلى پىشكەلگە بولسىمۇ تار يولىمىز. جاھان ئەھلى تاڭ قالغان ھارماس كارۋان ئەۋلادى، توختىمايدۇ بۇ كارۋان جاراڭلايدۇ ئۈنىمىز.

katran

	ئايچىن يوللىغان ۋاقتى  2012-7-20 01:23 AM بىراۋ ئۈچۈن چوڭ يولنى مانا شۇنداق ئاچقان بىز، تۇزەلمە ... ئۆرنەك بولۇپ ئەۋلاتقا شۇنداق ياشاپ ئۆتسەك بىز، قالماسمىدى ئۇلارغا بىزنىڭ ماڭغان ئىزىمىز. ئەپسۇس دىللار قارىداپ بوپ قالغاچقا ئىنساپسىز، بولۇش تەسكەن ئۇيۇلتاش، ھەم يۇلتۇزدەك ساناقسىز. ----------------------------------------- قالغىنىغا ئەتە كېلەي جانىم، ھازىر بەك كەچ بوپ كەتتى، ئەمدى ئارام ئالاي، ئاللاھقا ئامانەت.