ئۇيغۇر قىزلىرىغا نەسىھەت..

Hislet

	كەل ھەي سۈيۈملۈك ئۇيغۇر قىزى ،ساڭا بۇ نەسھەتلەرنى قىلاي،ئۇلارنى ياخشى ئۆگىنىپ ئەمەل قىلساڭ ،ئۆمۈر بۇيى راھەتتە ياشايسەن ئۆمۈر يولدىشىڭ بىلەن ھېچ قاچان ئاراڭلار بۇزۇلمايدۇ.بۇ دۇنيادا بەخىتلىك ياشىغانغا ئوخشاش ئاخىرەتتىمۇ خوشال ياشايسەن،مەڭگۈ بەخت -سائادەتكە ئېرىشىسەن.     1.قانائەتلىك بول يەنى ،ئۆمۈر يولدىشىڭ كەلتۈرگەن ئۇزۇق-تۈلۈك ،كىيىم -كېچەكنىڭ ھەممىسىنى مەنمۇنىيەت بىلەن قوبۇل قىلغىن.چۈنكى قانائەت قەلىبكە ھۇزۇر بېغىشلايدۇ.     2.ئېيتىلىۋاتقان گەپلەرنى دائىم قۇلاق سېلىپ ئاڭلا ۋە ھەمىشە ئىتائەتمەن بول.ئۆمۈر يولدىشىڭغا ئىتىراز بىلدۈرمە.ئۇنىڭ بىلەن ھەم پىكىر ۋە بىر نىيەتتە بولۇشقا ھەركەت قىل.بۇنداق ھەركەتلەر بىلەن جانابى ئاللاھۇ تائالانىڭ رازىلىقىغا ئېرىشىسەن.   3.يولدۇشىڭنىڭ كۆزى چۈشىشى مۇمكىن بولغان ھەممە جايغا ئىتىبار بەر،شۇنداق قىلغىنكى ،ئۇنىڭ كۆزى زىنھار قالايمىقان ھالەتلەرگە چۈشمىسۇن.   4.يامان ھىد چىقىش ئېھتىمالى بولغانلىكى نەرسە ۋە يەرلەرگە دىققەت قىل ،ئۇلارنى تېپىپ تازلا.ئۆيىڭدىن دائىم خۇشپۇراقلار ئۈزۈلمىسۇن.چۈنكى پاكىزلىق ئىماننىڭ يېرىمىدۇر.   5-شۇنى ياخشى بىل،تازلىق ۋە لاتاپەت سۇغا باغلىق .ھەرقانداق نەرسە سۇ بىلەن پاكىز بۇلىدۇ.ئۆيلەردە سۇنىڭ پاكىز بۇلۇشىغا دىققەت قىل.   6-.يولدۇشىڭنىڭ تاماقلىنىش سائىتى ۋە ئۇيغۇ ۋاقتىغا دىققەت قىل ،تاماقنى ھەمىشە ئۇنىڭ ئادىتى بۇيىچە تەييارلا. ۋاقتىدا ئۇخلاش ئۈچۈن ئىشىڭنى ۋاقتىدا تۈگەت.چۈنكى،ئاچلىق ۋە ئۇيغۇسىزلىق خاپىلققا سەۋەپ بۇلىدۇ. 7.ئۆيۈڭدىكى مال -مۈلۈك ۋە جازىلارغا ئېھتىيات قىل،ئۇلارنى پاكىز تۇت.ئۆيۈڭدىن چاڭ -تۇزاڭ نىرى كەتسۇن. 8-.يولدۇشىڭنىڭ يېقىنلىرىغا چىرايلىق مۇئامىلىدە بول،بۇ سىنىڭ ياخشىلىقىڭنى بىلدۈرىدۇ.بىراۋغا مۇئامىلە قىلغاندا ئۇچۇق-يۇرۇق دوستانە بول. 9-.يولدۇشىڭنىڭ سىرلىرىنى زىنھار باشقىلارغا تىنما.ئەگەر سىرلىرىنى ئەتراپقا يايساڭ ،سەندىن رەنجىيدۇ.بىۋاپالىق يولىغا كىرىپ قېلىشى مۇمكىن.   10-.يولدۇشىڭنى ھۆرمەت قىل.بۇيرۇقلىرىنى بېجىر.گەپ قايتۇرۇپ جاۋاپلاشما.ئەگەر ئۇنىڭغا قارشى چىقىپ جاۋاپلاشساڭ ،ئاچچىقى كىلىپ رەنجىشىگە ھەتتا دۈشمەن كەبى ھەركەت قىلىشىغا سەۋەپ بولىسەن..يولدۇشىڭنىڭ غەمكىن ۋەخاپا بولغاندا ئۆزۈڭنى خۇرسەن تۇتما.ئۇنىڭ غەم -ئەندىشىگە شىرىك بول ھەم سەن شۇنداق كەيىپىياتتا بول. قىسقىسى ،ئەي سۈيۈملۈك ئۇيغۇر قىزى ،سەن يولدىشىڭىنى قانچىلىك ھۆرمەت قىلساڭ شۇنچىلىك ھۆرمەتكە ،مۇھەببەتكە ئېرىشىسەن .ھەمىشە ئەخلاقلىق ،ئىپپەتلىك بول.«ئاياللارنىڭ ئەڭ گۈزىلى ھايا ۋە ئىپپەت پەردىسىگە ئورۇنغانلاردۇر» قىزلارنىڭ ئەڭ ئىسىل دۇنياسى نىمە ؟ چىريلىق بولسىلا گۈزەلغۇ ...دىمە. پاك ۋىجدان ،ساپ ئەقىل ،ئەخلاقى بولسا، دولقۇنلۇق دېڭىزدا ئۇ چۆكمەس كېمە.   ئاخىرىدا،مەن شۇنى دىگىم كېلىۋاتىدۇ.سۈيۈملۈك ئۇيغۇر قىزلىرى ئىنسان مۇسۇلمان مىللىتىدىن بولسىلا ،مۇسۇلمان ھېسابلانمايدۇ.ناماز -ئۇ كاپىر بىلەن مۇسۇلماننى ئايرىدىغان بىردىن -بىر ئۆلچەم .ناماز ئوقومىغان بولسىڭىز نامازنى باشلاپ ناماز ئوقوڭ.ئۈلۈم ئادەمگە تۇيۇقسىزلا كىلىدۇ.چوڭ-كىچىك دەپ ئايرىمايدۇ.قەبرىگە قۇرۇق قول كەتكىڭىز يوقتۇ.ناماز -ئۇ سىزنى يامان ئىشلاردىن توسقۇچى ،ناماز -ئۇ دىننىڭ تۈۋرىگى.سىزگە تەۋسىيە قىلاي نامازنى تاشلىماڭ،ناماز ئوقۇڭ. پەيغەمبەر ئەلەيھىسسالام ساھابىلىرىگە مۇنداق دىگەن: « ئېيتىپ بېقىڭلارچۇ! بىرەرسىڭلارنىڭ ئىشىكى ئالدىدا بىر ئۆستەڭ بولسا، ئۇ شۇ ئۆستەڭدە ھەركۈنى بەش قېتىم يۇيۇنسا، ئۇنىڭ بەدىنىدە كىر قالامدۇ؟ ئەنە شۇ بەش ۋاقىت نامازنىڭ مىسالىدۇر، ئاللاھ شۇ ناماز سەۋەپلىك گۇناھلارنى ئۆچۈرۇپ تۇرىدۇ» (بۇخارى 528، مۇسلىم 1520، ئىمام ئەھمەد 2 379). نامازنى تەئدىل- ئەركان بىلەن ئوقۇش كىچە- كۈندۇز تەرەپلەردە قىلىپ سالغان گۇناھلارنى ئۆچۈرىدۇ. مۇسۇلمان ئادەم نامازنى تەئدىل- ئەركان بىلەن ۋاقىتلىرىغا رىئايە قىلغان ئاساستا ئوقۇشى لازىم. (ئەزان ئېيتىلىپ يېرىم سائەت ئىچىدە ئوقۇش، ئاخىرقى ئۈچتىن بىرىگىچە كىچىكتۈرۇش ياخشى ئەمەس). پەيغەمبەر پەلەيھىسسالام يەنە بىر ھەدىسى ھەم نامازنىڭ كەبىرە(چوڭ) گۇناھلاردىن باشقا ھەممە گۇناھلارنى ئۆچۈرىدىغانلىقى بايان قىلىپ بېرىدۇ: « (كىشى) چوڭ گۇناھلاردىن ساقلانغانلا بولسا، بەش ۋاقت ناماز، جۈمە نامىزى يەنە بىر جۈمە نامىزىغىچە، رامىزان يەنە بىر رامىزانغىچە بولغان ئارلىقتىكى گۇناھلارغا كاپارەت بولىدۇ» (مۇسلىم 359. تىرمىزى 214. ئىمام ئەھمەد، 2 359) . ئۇلۇغ ئاللاھ ،ئۇيغۇر قىزلىرىمىزغا ئىنساپ ،تۆۋبە ئاتا قىلغىن ئۇلارغا ساپ ئەقىل ،پاك نىيەت ئاتا قىلغىن .ئۇلارنىڭ ماڭغان يۇلىنى نۇرانە قىلغىن،ئۇلارغا پاكلىق ئاتا قىلغىن،دىللىرىنى ئىمان نۇرى بىلەن نۇرلاندۇرغىن ئامىن ئاللاھۇ ئەكبەر!

axek13999649893

	قىزلارنىڭ ئەڭ ئىسىل دۇنياسى نىمە ؟ چىريلىق بولسىلا گۈزەلغۇ ...دىمە. پاك ۋىجدان ،ساپ ئەقىل ،ئەخلاقى بولسا، دولقۇنلۇق دېڭىزدا ئۇ چۆكمەس كېمە

قورقماس

	ئادەم ئىمانى بىلەن ئادەم ، تېمىڭىزغا رەھمەت .

MiNiGBiRKuNuM

	قىزلاردىگەنلىك مىللەتنىڭ كەلگۈسى دىگەنلىك ،قىزلاردىمەكلىك مىللەت دىمەك قىزلىرىمىزغا كۆڭۈل بۈلەيلى !!

ardamay

	بەرھەق!!!ھەقىقىي مۇسۇلمان قىزى،ئۇيغۇر قىزى چۇقۇم يۇقارقى ئەدەپنامىلەرنى بىلىشى،چۈشىنىشى ۋە ئۆز قەلبىدە ئۆز ئەمىليىتىدە جارى قىلدۇرۇشى كېرەك!! «ئەر رازى، خۇدا رازى» دېگەن گەپ بار ! گۈزەل خۇلق ۋە ياخشى ئادەت بىلەن ۋاپا ساداقەت بىلەن ياشىغان ،ئەرلىرىنى رازى قىلغان قىز -ئاياللارغا ئاللاھ ئىككى ئالەملىك سائادەت نېسىپ قىلغۇسدۇر!~~~

bugaltir

	ئەي قىز سەندە بولسۇن ئىسىل پەزىلەت  ، ھايا نۇمۇسنى ساقلاپ بولغىن پاك ئىپپەت  . سەن بىر گۈل جەننەت ، سەن بىر چىچەك ، يوقالمىسۇن سەندىكى گۈلدەك لاتاپەت  .

anka1314

	ياخشى تىمايوللاپ سىز  ... بىرقىسىم جەميەتتىكى   قىزلارغا  ............

nazira0998

	بۇ ھەقىقەتەن بىلىۋىلىشقا تىگىشلىك ئىشلاركەن. رەھمەت سىزگە....بولۇپمۇ توي قىلمىغان قىزلار بەكرەك كورۇپ ئۇگەنسە بولغۇدەك........................

ئالماس

	مۆمىنجانىڭ بۇ ناخشىسىدىمۇ قىزلارنى  تەرىپلەپ مەدىيھلىشى شۇنداق ياخشى دەپ قارايمەن.