تاماكىنىڭ ئاقىۋىتى پەقەت مۇشۇنداق بولىدۇ..

Hislet

	بىر تال تاماكا تەركىبىدە 4000 خىلدىن ئارتۇق خىمىيىلىك ماددا بار، بۇنىڭ ئىچىدە 69 خىل ماددىنىڭ راك پەيدا قىلغۇچى ماددا ئىكەنلىكى ئېنىقلانغان تامچە ساپ نىكوتېن ئېغىرلىقى 180~200 كېلوگىرام كېلىدىغان ئاتتىن 3 نى زەھەرلەپ ئۆلتۈرەلەيدىكەن. 1 دانە پاپىرۇس ياكى ئۈچ تال سىگارت تەركىبىدىكى نىكوتىننى ئادەمنىڭ ساپ تۇمۇرىغا ئۇرسا 3~5 مىنۇتقىچە ئادەمنى ئۆلتۈرۈپ قۇيىدىكەن. ئادەتتە كىشلەر تاماكا چەككەندە، كۆپ قىسىم نىكوتىنلار كۈيۈپ، ھاۋاغا تارقىلىپ كېتىدۇ. يەنە بىر قىسمى ئىس-تۈتەكلەر تەركىبىدىكى يەنە بىر خىل زەھەرلىك ماددا فورمالىن تەرىپىدىن نېيتىراللىنىدۇ. ئادەم ئورگانىزىمىغا كىرىدىغانلىرى %20 نى ئىگەللەيدۇ. شۇڭا تاماكىدىن جىددى خاراكتېرلىك زەھەرلىنىش ئاز ئۇچرايدۇ. كۆپ قىسىم ئەھۋال ئاستىدا، ئاستا خاراكتىرىلىك زەھەرلىنىش يۈز بېرىدۇ. شۇنىڭ بىلەن بىر ۋاقىتتا تاماكا ئىسى ئاممىۋى سورۇنلاردا ھاۋادا تارقىلىدىغان بولغاچقا، نۇرغۇن تاماكا چەكمىگۈچىلەرمۇ ۋاستىلىك زەھەرلىنىدۇ. تۈرلۈك تەتقىقات ماتىرىياللىرىدا تاماكىنىڭ ئادەم ئورگانىزىمىدا يامان ئاقىۋەتلەرنى ئېلىپ كىلىدىغانلىقى خاتىرىلەنگەن. %90 تىن ئارتۇق جىگەر راكى تاماكا چېكىش سەۋەبىدىن كېلىپ چىقىدىكەن. پۈتۈن دۇنيادا تەخمىنەن ھەر 6 سېكونتتا 1 تاماكا چەككۈچى ئۇ دۇنياغا سەپەر قىلىدىكەن، ئۇنداقتا شۇنچىلىك زىيانلىق تاماكىنى تاشلىماسلىققا قانداق باھانىڭىز بار؟ تاماكا كىشىلەرنىڭ ئىقتىسادىغىمۇ بىھۇدە ئىسراپچىلىق ئېلىپ كىلىدۇ. مەسىلەن: بىر ئادەم كۈندە 5 يۈەنلىك تاماكا چەكسە، يىلىغا 1825 يۈەن پۇلنى ئىسراپ قىلىدۇ. كىشلەرنىڭ تاماكىنىڭ زىيىنىغا بولغان چۈشىنىشىنىڭ چوڭقۇرلۇشىشىغا ئەگىشىپ، تاماكا تاشلاشنى ئارزۇ قىلىدىغانلار بارغانسېرى كۆپىيىۋاتىسىمۇ، لىكىن ھەقىقىي تاشلايدىغانلار ئانچە كۆپ ئەمەس. ئەگەر سالامەتلىكىڭىزگە كۆڭۈل بۆلۈپ، كىشىلىك ھاياتنى سۆيسىڭىز بۈگۈندىن ئېتبارەن ئۆزىڭىزىنىڭ تاماكا تاشلىيالماسلىقىدىن سەۋەپ ئىزدىمەڭ. بۈگۈندىن ئېتبارەن تاماكا تاشلاپ، ساغلام، بەخىتلىك تۇرمۇشقا قەدەم تاشلاڭ بولمىسا ئاقىۋەت مۇشۇنداق بولىدۇ...بۇ تاماكىنىڭ پايدىسى.. مۇشۇنداق ئاقىۋەتتىمۇ سىز يەنە تاماكاچىكەمسىز؟؟؟؟

yar318

	يامان ئۇگۈنۈپ قاپتىكەنمەن ...ھەي ئاللا خالىسا چوقۇم تاشلايمەن جىما~

aptap104

	تاماكا بايان ---  رامىزان ئەڭ ياخشى پەيىت تاماكا تاشلاشقا ، ياخشى تىما بوپتۇ .

دىلسىرى

	ئادەم دىگەننىڭغۇ زادى قىلماڭ دىگەن ئىشنى بەك قىلىدىغان خۇي-پەيلى بار،مىنىڭ داداممۇ بىر يىل كۈرەش قىلىپ ئاران تاشلىغان ،شۇ چاغدا بىچارە دادام ،ئاپامدىن كۈندە تىل ئاڭلايتى  تاماكىنى تاشلاپ بۇلالماي.

kaLGundi

	ئىشنىڭ ئاقىۋىتىنى ئويلىغان قەھرىمان بولالماس . (پولات ئەلەمدار)

ئەرك510

	ئاللاھ ئىگەم قېرىنداشلىرىمنى ،دوسلىرىمنى بۇ ئۇلۇغ ئاي ،ئۇلۇغ كۈنلەرنىڭ خاسىيتى بىلەن بۇ نىجىستىن قول ئۈزۈشكە قابىل قىلغاي !!!

مەلىكە

	يۇقارقى رەسىمنى كۆرۈپ باقماپتىكەنمەن، كۆرۈپ ھەقىقەتەنمۇ تىنىم شۈركىنىپ كەتتى، كۆپىنچىمىز مۇشۇنداق ئىس-تۈتەك رايۇنىدا خىزمەت قىلىمىز،ياكى شۇ خىل مۇھىت بىلەن ئۇچرىشىمىز، بىر ماتىريالدىن كۆرۈشىمچە تاماكا چەككەن كىشىگە قارىغاندا ئەتراپتا تۇرغان كىشلەرنىڭ تاماكا بىلەن زەھەرلىنىشى بىر قەدەر ئىغىر بولىدىكەن. ئەتراپىمىزدىكى مۇھىتىمىزغا ھەممىمىز دىققەت قىلساق بولغۇدەك.

compass

	تاشلىماق بەكلا تەسكەن.بۇنۇڭغا پولاتتەك ئىرادە بولمىسا بولمايدىكەن.

rizwangul0995

	ياخشى تېما بۇلۇپتۇ، ئاۋۇ رەسىمنى كۆرىپ بىر قىسىم بۇپ قالدىم دىسە